Andstreymis

Ummæli (23)

•   Hugi // 9.2 2010 kl. 09:16

  Ég held að við þurfum þess, núverandi kerfi er ekki fært um að endurnýja sig sjálfkrafa.

  Ég er reyndar æ meir að komast á þá skoðun að Ísland gangi ekki upp sem fullvalda lýðræðisríki, samtrygging og spilling virðist vera svo rótgróin í okkur að við getum varla losnað við þennan ósóma.

•   Heiða B Heiðars // 9.2 2010 kl. 09:27

  Ég held að það sé hrokasafi í krönunum inni á alþingi.

  En btw… þá lifir Borgarahreyfingin ágætis lífi án þingmanna. Við höfum til dæmis tekið á leigu risastórt hús í Höfðatúni þar sem allir þeir sem hafa áhuga á að vinna Íslandi lið geta haft aðstöðu endurgjaldslaust.

•   Erla Halldórs // 9.2 2010 kl. 10:32

  Auðvitað eru þingmenn Hreyfingarinnar amatörar. Þau tilheyra ekki fjórflokknum, hafa ekkert batterí á bak við sig. Þau suða samt og láta heyra í sér um ýmislegt sem á sér stað innandyra.
  Á Íslandi ríkir flokksræði, sem þýðir að minnihluti á Alþingi hefur ekkert að gera. Þeir sem eru ekki ráðherrar, og tilheyra meirihlutanum, hafa heldur ekkert að gera. Þeir dóla bara.

•   Fjörulallinn // 9.2 2010 kl. 10:43

  Ég er hissa á þessari bloggfærslu og þeim samanburði sem settur er fram.
  Vissulega virðist sem stofnun Borgarahreyfingarinnar hafi verið vindhögg, en séu þingmennirnir þrír amatörar, þá höfum við Íslendingar sennilega aldrei geta mannað Alþingi okkar öðruvísi en með amatörum.

  Svo skulum við heldur ekki gera lítið úr amatörum en horfa til uppruna orðsins. Eru það ekki einmitt ástríðufullir amatörar sem við þurfum á þing; fólk með ást og áhuga á verkefnunum.

  Bendi einnig á, að Þór Saari er einn af frambærilegri mönnum á þingi og bæði málefnalegur og rökfimur. Þingkonurnar tvær hafa einnig komið á óvart. Um Þráinn fjölyrði ég hins vegar ekki.

•   Arinbjörn Kúld // 9.2 2010 kl. 12:29

  Já, og helst einhvern sem kemur úr BH og er óspilltur af viðkomu innan hinna flokkanna. Maður getur látið sig dreyma
  Kveðja að norðan.

•   Þórður Björn Sigurðsson // 9.2 2010 kl. 13:28

  Amatörar eru ágætir til ýmissa verka:

  Heimilin
  1. Afhjúpun laga um aðgerðir í þágu einstaklinga, heimila og fyrirtækja vegna banka- og gjaldeyrishrunsins.
  2. Stjórnarmaður í Hagsmunasamtökum heimilanna skipaður í starfshóp á vegum félagsmálaráðuneytisins sem skal m.a. meta árangurinn af framkvæmd ofangreindra laga.
  3. Þingmenn Hreyfingarinnar eru meðflutningsmenn á frumvarpi Lilju Mósesdóttur um breytingu um lögum um samningsveði (lyklafrumvarpið).
  4. Talsmaður Hreyfingarinnar barðist fyrir því að frumvarp Eyglóar Harðardóttur um 4% þak á verðbótum fái eðlilega þinglega meðferð þegar formenn flokka og talsmaður Hreyfingarinnar sömdu um hvenær þing færi í frí fyrir jól. Það var skrifað upp á það í samningnum að málið fengi í þinglega meðferð þrátt fyrir að um það ríkti ekki þverpólitísk samstaða. Það ku vera algerlega einstakt. Málið verður tekið út úr nefnd 10. febrúar 2010.

  Lýðræðisumbætur
  5. Við komum inn ákvæði um Lýðræðisstofu og framkvæmd þjóðaratkvæðagreiðslu í þingsályktunartillögu um umsókn Íslands að Evrópusambandinu sumarið 2009.
  6. Stimpluðum rækilega inn hugmyndir okkar um þjóðaratkvæðagreiðslur, persónukjör og stjórnlagaþing þegar málin voru í fyrstu umræðu á þinginu haustið 2009.
  7. Hreyfingin hefur lagt fram frumvarp til laga um þjóðaratkvæðagreiðslur og frumvarp til laga um breytingar á sveitarstjórnarlögum.

  Icesave
  8. Við eigum 8. greinina í fyrri Icesave lögunum sem kveðjur á um að nota alla tiltæka möguleika til að endurheimta fé frá eigendum og stjórnendum Landsbankans.
  9. Lögðum fram formlega beiðni um að þingmenn fái að sjá eignasafn Landsbankans sem liggur að veði fyrir Icesave. Þetta höfum við gert ítrekað. Enginn nema skilanefndin hefur séð eignasafnið, ekki einu sinni fjármálaráðherra.
  10. Formleg beiðni lögð fram um að skipuð verði þverpólitísk þingmannanefnd sem færi utan og fundaði með kollegum sínum til að kynna málstað og stöðu Íslendinga varðandi Icesave sem og heildarstöðu Íslands. Beiðnin hefur verið margítrekuð en málið virðist hafa verið svæft í nefnd. Hreyfingin vinnur þó enn að því.
  11. Formleg beiðni lögð fram um að allri leynd verði létt af þeim gögnum Icesave nálsins sem eru þingmönnum til aflestrar í svokallaðri leynimöppu. Beiðninni var formlega hafnað af fjármálaráðherra. Þingmenn Hreyfingarinnar hafa bæði úr ræðustól Alþingis og í persónulegum samtölum við aðra þingmenn brýnt fyrir þeim mikilvægi þess að þeir kynni sér rækileg tiltekin gögn málsins.
  12. Fyrir tilstuðlan okkar var Franek Roswadowski, landstjóri AGS á Íslandi, fenginn á fund utanríkismálanefndar til að fá á hreint hvort að AGS hafi séð eignasafn Landsbankans og hann spurður út í bréfasamskipti hans og Indriða H. Þorlákssonar sem er að finna í leynimöppunni og var lekið á Wikileaks. Landstjórinn mátti reyndar ekki vita af því að verið væri að vitna í bréf hans en það var ljóst að hann var ekki allskostar heiðarlegur í sínum tilsvörum.
  13. Hlutlaus miðlun upplýsinga í aðdraganda þjóðaratkvæðagreiðslu um Icesave samþykkt fyrir okkar tilstilli.

  AGS og efnahagsmál
  14. Þingsályktunartillaga lögð fram um mótun efnahagsáætlunar sem tryggir velferð og stöðugleika án aðstoðar Alþjóðagjaldeyrissjóðsins.
  15. Settum rækilega mark okkar á bæði tekju- og útgjaldahlið fjárlagafrumvarpsins með ítarlegum tillögum um breyttar áherslur í skattheimtu með tillögum um skattlagningu á notkun auðlinda í stað almennra skattahækkana og með róttækum tillögum um niðurskurð útgjalda á ýmsum sviðum.

  Ný stjórnmál; efling þingræðis og þverpólitískir starfshættir
  16. Þingmenn Hreyfingarinar hafa opnað gluggann inn á þing með því að skrifa og ræða opinberlega um hvernig þingstörf gagna fyrir sig í raun og veru og með sanni má segja að almenningur hafi aldrei haft jafn gott tækifæri á að fylgjast með hvað er að gerast bak við tjöldin.
  17. Við höfum skipað í nefndir á faglegum forsendum óháð því hvort þau sem við skipum séu stuðningsmenn Hreyfingarinnar eða ekki.
  18. Það vorum við sem komum á fyrsta þverpólitíska fundinum varðandi Icesave fyrirvarana í sumar en á fundinn mættu jafnframt fulltrúar Indefence.
  19. Sú nýbreytni að láta þingflokksformann jafnframt mæta á flokksformannafundi hefur verið gagnleg til að tryggja að stöðu þingsins, en með því móti er hægt að miðla milliliðalaust á þingflokksformannafundi hvað fór fram á formannafundi. Þannig er hægt að styrkja þingræðið, t.d. með því að mótmæla því að um eitthvað óraunhæft hafi verið samið á formannafundum því öllum ráðum er beitt til að framkvæmdavaldið stjórni þinginu. Því er mikilvægt þingsins vegna að þetta fyrirkomulag festi sit í sessi.
  20. Talsmaður Hreyfingarinnar hefur neitað að mæta á fundi með formönnum stjórnarflokkanna nema að formenn stjórnarandstöðunnar mæti saman. Það er fyrir tilstuðlan okkar að fyrirsvarsmenn stjórnarandstöðunnar hafa sammælst um að mæta ávalt saman á fundi er varða Icesave og skipulag þingstarfa.
  21. Vegna okkar hefur tungutakið breyst. Nú er orðræðan sú að talað er um formenn og talsmenn á foringja- og þingflokksformannafundum. Svona smáatriði skipta máli því þau breyta því hvernig við hugsum.
  22. Við ákváðum í upphafi vinnu okkar á þinginu að brjóta upp þá hefð í matsalnum að þingmenn skipuðu sér til sætis eftir því í hvaða „liði“ þeir væru, saman í flokki eða saman í stjórn eða stjórnarandstöðu. Þetta framtak okkar hefur gjörbreytt því hvernig fólk hagar sér í matsalnum því valdajafnvægið hefur raskast. Það sama höfum við gert á nefndarfundum með góðum árangri.
  23. Fyrir okkar tilstuðlan fékkst það í gegn að 3 þingmenn voru sendir á umverfisráðstefnuna í Kaupmannahöfn. Til stóð að senda eingöngu embættismenn úr ráðuneytunum sem er enn eitt dæmið um styrk framkvæmdavaldsins á kostnað Alþingis.

  Uppgjör við hrunið
  24. Við höfum veitt gríðarlega mikilvægt aðhald í sambandi við skipun þingmannanefndar sem er ætlað að móta tillögur að viðbrögðum Alþingis í framhaldi af niðurstöðum skýrslu rannsóknarnefndar Alþingis. Á endanum náðum við fram mikilvægum efnislegum breytingum sem snúast um að setja þak á fyrningu ráðherraábyrgðar í þessu máli og tímamörk á störf nefndarinnar. Við eigum mann í nefndinni og munum halda áfram að miðla upplýsingum til almennings um málið.
  25. Þingmenn Hreyfingarinnar vöktu athygli á því hversu öfugsnúið það er að veita félagi, sem er að stórum hluta í eigu fyrrverandi eiganda Landsbankans, fyrirgreiðslu af hálfu ríkissins á borð við skattaívilnanir og orku á verði sem er svo lágt að það þolir enga skoðun þrátt fyrir yfirlýsta stefnu stjórnvalda um gagnsæi í orkusölusamningum.

  Annað
  26. Vöktum athygli á hugmyndinni um aðskilnað ríkis og kirkju með því að mæta ekki í þingmessu í tvígang.
  27. Við aðhyllumst flatan strúkúr og höfum afþakkað formannslaun.
  28. Aflað upplýsinga fyrir grasrótarhópa með því að leggja fram fyrirspurnir. Til dæmis varðandi kostnað opinberra aðila vegna hugbúnaðar og í málefnum sjúkraliða vegna vinnuálags.

•   Unnur Guðmundsdóttir // 9.2 2010 kl. 13:54

  Ég hugsa til þess með skelfingu að það munaði
  bara hársbreidd að ég kysi þessa hreyfingu.
  Hugsaði sem svo að maður ætti að gefa venju-
  legum Íslendingum tækifæri.

•   Valur // 9.2 2010 kl. 14:42

  Unnur finnst þér það sem á undan er talið svona skelfilegt?? I þessari upptalningu sem þarna kemur fram eru atriði sem ég held að meginþorri þjóðarinnar geti sammælst um að séu einmitt það sem barist var og er fyrir. Við skulum bíða með að tala um vindhögg og leyfa tímanum að vinna með nýjum og brteyttum áherslum. Væri þá ekki nær að saka fjórflokkinn um meiriháttar vindhögg eftir að hafa komið að stjórnun landsins í áratugi og ekki komist einu skrefi nær í að færa völdin til fólksins? Hefur fjórflokkurinn svo ekki er um villst starfað að því að færa fjármagn til vina og vandamanna sinna sem og sjálfra sín? Þessi umræða er hlægileg. Íslendingar þurfa ýmislegt að læra til að þokast fram á við í baráttunni fyrir alvöru lýðræði. Góð byrjun væri að skoða staðreyndir og meta þær hlutlaust og með gagnrýninni hugsun. Það segir sig sjálft að 3 þingmenn sem berjast innan stðanaðs kerfis sem hefur það markmið eitt að standa vörð um sjálft sig hafa ekki mikinn slagkraft í byrjun en hafa þó gefið tóninn fyrir réttum áherslum með baráttu sinni. Það sorglega í þessu öllu er svo það að fólkið sem krefst mestu breytinganna stendur ekki á bak við það afl sem þó er að gera sitt besta og tala máli fólksins.

•   Valur // 9.2 2010 kl. 14:46

  Unnur finnst þér það sem á undan er talið svona skelfilegt?? Í þessari upptalningu sem þarna kemur fram eru atriði sem ég held að meginþorri þjóðarinnar geti sammælst um að séu einmitt það sem barist var og er fyrir. Við skulum bíða með að tala um vindhögg og leyfa tímanum að vinna með nýjum og breyttum áherslum. Væri þá ekki nær að saka fjórflokkinn um meiriháttar vindhögg eftir að hafa komið að stjórnun landsins í áratugi og ekki komist einu skrefi nær í að færa völdin til fólksins? Hefur fjórflokkurinn svo ekki er um villst starfað að því að færa fjármagn til vina og vandamanna sinna sem og sjálfra sín?
  Þessi umræða er hlægileg og sýnir svart á hvítu hversu vanhæf við erum að lesa rétt úr upplýsingum og skyra fyrir okkur heildarmyndina sem við blasir. Íslendingar þurfa ýmislegt að læra til að þokast fram á við í baráttunni fyrir alvöru lýðræði. Góð byrjun væri að skoða staðreyndir og meta þær hlutlaust og með gagnrýninni hugsun.
  Það segir sig sjálft að 3 þingmenn sem berjast innan staðnaðs kerfis sem hefur það markmið eitt að standa vörð um sjálft sig hafa ekki mikinn slagkraft í byrjun en hafa þó gefið tóninn fyrir réttum áherslum með baráttu sinni. Það sorglega í þessu öllu er svo það að fólkið sem krefst mestu breytinganna stendur ekki á bak við það afl sem þó er að gera sitt besta og tala máli fólksins.

•   Högni Sigurjónsson // 9.2 2010 kl. 16:09

  Þetta er réttmæt spurning hjá þér Stefán, en það er rangt hjá þér að Borgarahreyfingin sé heitin því að eins og Heiða B. bendir þér á þá er BH sprellifandi og eins er með Hreyfinguna og þinghópinn sem hefur gengið mjög vel inn á þingi án BH eins og Þórður Björn telur upp hér að ofan fyrir Unni.

•   Högni Sigurjónsson // 9.2 2010 kl. 16:11

  Ég vildi líka benda ykkur Unni á að það eru nú ekki nema um 120 þingdagar rúmlega síðan þinghópurinn fór á þing og þau eru í minnihluta.
  Enn hvað hafið þið Unur og Stefán gert til að breyta.

•   Kaldi // 9.2 2010 kl. 18:10

  Skrifaðu fyrir okkur pistil um Framfaraflokkinn og sókn hægrisins í Noregi.

•   Jóhanna // 9.2 2010 kl. 19:17

  Þremenningarnir á alþingi eru búnir að opna augun á mörgum sem ekki hafa verið politískir fram að þessu. Ég verð að viðurkenna að mér finnst þau hafa staðið sig frábærlega vel. Þráin tel ég ekki með. Enda eru þeir nánir vinir Össur og hann, það segir hvernig mann hann hefur að geyma.

•   Stefán Snævarr // 9.2 2010 kl. 21:55

  össur von Spron er gamall skólabróðir minn en ekki náinn vinur. Ég kann prýðilega við hann.

•   Baldvin Björgvinsson // 9.2 2010 kl. 22:33

  Það er alveg ljóst að sögusagnir af ótímabærum dauða Borgarahreyfingarinnar eru stórlega ofmetnar.
  Það sama er að segja um Hreyfinguna.
  Eins og sjá má í upptalningu Þórðar B. hér að ofan er frekar um það að ræða að fréttaflutningi af störfum Hreyfingarinnar á þingi er frekar um að kenna að sumir vita ekki hvað ötulir þingmenn Hreyfingarinnar eru að afreka frá degi til dags.
  Þingmennirnir sem kosnir voru á þing á vegum BH, ég tjái mig svo sem ekkert um Þráin, hafa svo sannarlega verið annað og meira en innantóm slagorð… enginn poujadismi þar.

•   Jóhann // 9.2 2010 kl. 23:06

  Aðgerðalistinn hjá Hreyfingunni er greinilega langur og miðað við það sem þau hafa afrekað hafa þau staðið sig prýðilega vel inni á þingi, líka á mótmælum og á meðal almúgans.

  Hvað Þráinn er að gera veit held ég enginn, en Borgarahreyfinguna vill hann greinilega lítið með hafa.

  Kannski að hann drekki of mikið af hrokasafanum í krönunum á Alþingi eða að egóið hans komist ekki fyrir í Stóra húsinu?

•   Kristín // 9.2 2010 kl. 23:09

  Mér sýnist aðgerðalistinn hjá Hreyfingunni vera býsna langur og ekki á nokkurn hátt hægt að bera hann saman við „aðgerðalista“ Borgarahreyfingarinnar, þ.e.s að hafa leigt hús á kostnað almenning?

•   Jóhann // 9.2 2010 kl. 23:47

  Ég held að fáir þingmenn hafi staðið sig jafn vel og þessir þremenningar og þau eiga bestu þakkir fyrir það sem þau hafa lagt á sig fyrir okkur hin.

  það þarf ekkert að útskýra það orðið fyrir venjulegu fólki hvað þau eru að gera á þingi, það er augljóst að þau passa ekki þar inn enda eru þau ekki spillt. Fjórflokkurinn þolir ekki nýgræðlinga sem beita fyrir þá brögðum og hunsa samtrygginguna. Viðbragðsflýtni þeirra og skarpsýni koma við þeirra ystu taugar.

•   Sveinbjörn // 10.2 2010 kl. 02:59

  Sæll Stefán, datt í hug að þú hefðir gaman af eftirfarandi:

  http://sveinbjorn.org/news/2010-02-10-02-48-47/Um-Islendinga.html

•   Gretar Eir // 10.2 2010 kl. 08:25

  Hreyfingarþingmenn hafa staðið sig mun betur en 3 af 63 segir til um EN það er allavegna eitt á hreinu ! fólk vill breytt stjórnkerfi fólk vill meira réttlæti ! en fólk er hrætt þegar breytinar byrjam, sem er skiljanlegt þegar þjóðinn hefur verið alinn upp við hamslausan áróður um td að sjálfstæði glatist kjósi maður ekki sjálfstæðisflokkinn, eða öðrum orðum almenningur vill breytt kerfi, en áróður fjórflokks um sitt eiginn ágæti og allt fari til fjandans ef breytt verður, síast inn og gerir fólk hrætt við breytingar !
  og muna kæra fólk MÓTTMÆLIÐ litla emailið YKKAR getur verið mailið sem SKIFTIR MÁLI ! ekki bara röfla á bloggi sendið röfl ykkar til þeirra ráðamanna sem málinn varðar ! OG SVO ALLIR AÐ GERA SITT fjórflokkinn VERÐUR að uppræta ef smá von á að vera um réttlæti fyrir ALLA !

•   Unnur Guðmundsdóttir // 10.2 2010 kl. 11:46

  Mér þykir leitt ð vera svona barnaleg ,en ég er
  undrandi á framgöngu þeirra ,finnst hún ekki
  lofa góðu.

•   Högni Sigurjónsson // 10.2 2010 kl. 17:44

  Unnur, hvað ertu að meina?

•   Valur // 11.2 2010 kl. 14:44

  Unnur þetta eru undarleg ummæli og eiga ekki við nein rök að styðjast. Ef listinn sem hér hefur verið birtur fyrir ofan yfir verk þeirra á þingi lofar ekki góðu hvað gerir það þá? Rökstyddu undrun þína og þá fáum við kannski innsýn í hvað það er sem þú raunverulega ert að reyna að segja.
  Mér sýnist líka svona í fljótu bragði mikill munur á verkum Borgarahreyfingarinnar og svo Hreyfingarinnar en talsmenn Borgarahreyfingarinnar hafa ötullega reynt að gera þingmennina þrjá tortryggilega svo maður spyr sig hvað vill Borgarahreyfingin eiginlega? Greinilegt að það var þjóðþrifaverk að skilja þarna á milli á sínum tíma.

Rita ummæli