1.11 2009 | 22:10
Lóan í Lóunni og Lóan á ensku
Ég dreif mig í fínpússa Lóuuppskriftina á ensku. Pabbinn fór líka með Lóurnar í stúdíó í dag og tók fínar myndir. Endilega dreifið til vina nær og fjær. Hér er hlekkurinn. Næst á dagskrá er að prjóna Lóuna í fullorðinsstærð. Margir hafa nefnilega spurt mig um fullorðinsútgáfu af peysunni. Ef ég mundi loka miðlungssnjallan prjónara inni í búri og ekki fóðra fyrr en Lóa í fullorðinsstærð yrði tilbúin mundi sá hinn sami svosem ekki svelta í hel. Ég ætla þó að útfæra hana á næstunni… hún verður líka ókeypis og fáanleg hér og á Ravelry. Svo þarf ég að fara að skella í litun á Nammi – já Nammigarnið lita ég sjálf – svoldið sull og vesen en agalega skemmtilegt. Ég er líka komin með aðgang að þessari fínu aðstöðu hjá Textílfélagi Íslands á Korpúlfsstöðum.
Ragnheiður Eiriksdóttir
5 Ummæli
2.11 2009 kl. 10:28
Æðisleg mynd !
2.11 2009 kl. 14:18
Mikið ertu rausnarlega, bestu þakkir.
11.11 2009 kl. 16:41
Yndisleg peysa, bíð spennt eftir fullorðinsstærðum og takk fyrir að setja þetta á síðuna!
12.12 2009 kl. 23:47
Er einmitt að fara prjóna þessa peysu á einn 3ja ára. Held að hún sé algjört æði
) Bíð spennt eftir að fá fullorðins“version“. Kveðja
8.1 2010 kl. 0:17
Takk fyrir mig .
Kveðja Sibba
Rita ummæli