Athugasemdir við „Páll Ásgeir Ásgeirsson“

Athugasemd við „Blefken á Landrover“ skrifar María

María — Thu, 18 Mar 2010 00:27:17 +0000

Sundurlaus og þáttur þar sem maðurinn var ýmist út eða suður. Afspyrnu lélegt.

Athugasemd við „Ísfirðingar teknir í bólinu“ skrifar Guðjón Jónsson

Guðjón Jónsson — Wed, 17 Mar 2010 21:22:03 +0000

Hér fara menn stórum með stórum orðum og fjalla um klúður í stjórnsýslu og að verið sé að fara illa með almanna fé. Í þessu tilfelli er rétt að menn hafa í huga að þeir eru að ræða um einkaland fólks utan friðlands, sem það hefur fullan umráðarétt yfir. Það að færa skipilagsvaldið til sveitarfélaganna gefur ekki sveitarfélögunum rétt til þess að breyta skipulagi lands að þörfum þröngra hagsmunahópa sem virðast vilja ráðskast með einkaeigur í nafni umhverfisverndar og friðlýsa helst öll svæði.

Athugasemd við „Blefken á Landrover“ skrifar Dolphin

Dolphin — Wed, 17 Mar 2010 20:34:22 +0000

Að þessi þáttarnefna skuli hafa verið keypt til íslenska sjónvarpsins á sama tíma og þar er miskunnarlaust skrúfað fyrir allt, sem heitir innlent dagskrárefni vegna sparnaðar, er eiginlega fyrir utan allar venjulegar orðabækur. Tek undir með þeim, sem fordæma utanvegaakstur mannfýlunnar. Það er hinsvegar umhugsunarvert, að engir íslenskir eftirlits- né löggæslumenn hafa vilja eða stuðning til þess að stöðva utanvegaakstur erlendra ferðamanna. Ef einhver slysast til að gera það, er sá hinn sami þegar gerður ómerkur gjörða sinna. Við þessi úrhrök, sem kallast íslendingar, verðum að horfa upp á að Norröna kemur fulllestuð af alls kyns trukkum og torfærutröllum með bensín, vistir og allan pakkann ferð eftir ferð á þeim tíma, sem hálendið á að vera með öllu lokað fyrir umferð ökutækja. Enginn lyftir hendi til að stöðva þetta. Svo eru íslenskir jeppakallar skammaðir fyrir landsskemmdirnar. Nei, það má ekki styggja ferðamennina því þá verða tilteknir aðilar, sem selja ferðirnar, reiðir. Það þarf að fara rækilega ofan í sölustarfsemi þessa fyrirtækis, sem selur ferðirnar með Norröna. Það væri þarft verk fyrir Pál Ásgeir, sem hefur gagnrýnt með réttu utanvegaakstur hér á landi, að skoða hvernig þessar ferðir eru kynntar á erlendri grund. Kæmi kannski sitthvað í ljós.

Athugasemd við „Ísfirðingar teknir í bólinu“ skrifar Páll Ásgeir

Páll Ásgeir — Wed, 17 Mar 2010 18:58:20 +0000

„..afstaða Ísafjarðarbæjar lá skýrt fyrir og var kynnt ráðuneytinu. Allt tal um klúður í stjórnsýslu er rangt..“

Humm.

Ég gríp hér niður í bréf ráðuneytis landbúnaðarmála til bæjarstjóra frá 26. jan. 2009.
„…bréfið frá 28. apríl s.l. hafði ekki að geyma umsögn sveitarstjórnar eins og áskilið er í lagagreininni heldur einungis tilkynningu starfsmanns bæjarins um þessa takmörkuðu bókun umhverfisnefndar. ..
Í bréfi ráðuneytisins til Ísafjarðarbæjar dags. 13. maí s.l. var óskað eftir umsögn um stofnun lögbýla, athygli vakin á ákvæðum jarðalaga um lögbýli…
Ráðuneytinu barst ekki svar við bréfi þessu og varð því að ítreka beiðni um umsögn með bréfi dags. 5. júní s.l. Til samræmis við góða stjórnsýsluhætti var í bréfinu vakin athygli á skyldu stjórnvaldshafa til að taka ákvörðun þótt umsagnar lögboðins umsagnaraðila yrði ekki aflað. Við þessu bréfi barst ekki heldur svar.“

Ég held að þetta sé á mannamáli kölluð slök stjórnsýsla.

Athugasemd við „Blefken á Landrover“ skrifar Balzac

Balzac — Wed, 17 Mar 2010 18:34:28 +0000

Nei, Guðmundur. Þú vonar ekki að hann er

Þú vonar að hann sé

Athugasemd við „Ísfirðingar teknir í bólinu“ skrifar Halldór Halldórsson

Halldór Halldórsson — Wed, 17 Mar 2010 17:38:19 +0000

Það kemur fram hér fyrr í athugasemdum að afstaða Ísafjarðarbæjar lá skýrt fyrir og var kynnt ráðuneytinu. Allt tal um klúður í stjórnsýslu er rangt. Ákvörðun var tekin í ráðuneytinu.

Að tala svo um að þetta geti verið dæmi um að skipulagsvald eigi ekki að vera hjá sveitarfélögum er ótrúlegt. Sveitarfélög hafa staðið vel að skipulagsmálum, þau eru risavaxinn málaflokkur og vitund fólks um hann er að aukast.

Það var niðurstaða þeirra sem túlka lögin að í aðalskipulagi Ísafjarðarbæjar væri ekki hægt að líta framhjá þeirri staðreynd að landsbúnaðarsvæði væri í Leirufirði. Bæjarstjórn tók því ákvörðun um að staðfesta aðalskipulagið með þeim hætti þó vilji bæjarstjórnar hafi í upphafi vinnu við aðalskipulagið verið sá að skoða stækkun friðlandsins á þessu svæði. Slík hugmyndafræði fór ekki í gegn hjá landeigendum. Þeir vilja ekki stækka friðlandið og vilja ekki stofna þjóðgarð þarna. Aðalskipulagið var unnið í miklu samstarfi allra aðila og þess vegna er allt tal um klúður í stjórnsýslu ómarktækt.

Halldór Halldórsson
bæjarstjóri Ísafjarðarbæjar.

Athugasemd við „Blefken á Landrover“ skrifar Örn

Örn — Wed, 17 Mar 2010 16:20:06 +0000

Mér fannst þetta hinn skemmtilegasti þáttur og virkilega gaman að sjá Danann takast á við beljandi stórfljót í byggð! Danskurinn hefur oftast “ húmor “ í lagi og við verðum nú að hafa hann líka.
Blefken er ekki hægt að bera saman við þennan ágæta mann. En akstur utan vega á hins vegar að banna og beita viðeigandi refsingum. Ég held hins vegar að það sé orðið mun alvarlegra vandamál hér á Islandi en það er fjöldi ferðamaanna – sjáið bara sárin sem þeir skilja eftir sig t.d. við Lakagíga/Laugaveginum….

Athugasemd við „Blefken á Landrover“ skrifar Guðmundur 2. Gunnarsson

Guðmundur 2. Gunnarsson — Wed, 17 Mar 2010 15:44:22 +0000

Ef einhver íslenskur kvikmyndagerðarmaður myndi mæta með þvílíka þáttagerð á fund dagskrárstjóra Rúv til að reyna að selja honum afurðina, þá yrði honum hent öfugur út úr stofnuninni, og rukkaður fyrir kaffið.

Vona Danans vegna að sem ljósmyndari er hann á hærra plani en kvikmyndagerðarmaður.

Athugasemd við „Blefken á Landrover“ skrifar Thrainn Kristinsson

Thrainn Kristinsson — Wed, 17 Mar 2010 15:36:00 +0000

Þetta var sýnt í danska sjónvarpinu í fyrra og greinilega var hér á ferð klókur loddari sem skáldar upp dramatíska ferðasögur með litlum tilkostnaði og selur saklausum innkaupastjórum á ríkisreknum sjónvarpsstöðvum.

Athugasemd við „Blefken á Landrover“ skrifar Ari

Ari — Wed, 17 Mar 2010 15:17:38 +0000

Mér fannst þetta nokkuð skondið hvernig hann dramatíseraði allt saman þessi Flatlendingur , annað sjónarhorn. Íslendingurinn hefði ekki kippt sér upp við neitt sem hann dramatíseraði um. Það var hreinlega eins og maðurinn væri Frodo á leið til Mordor.
Var annars heldur ekki hrifinn af því að honum fannst vera í lagi að fara eitthvert að leita að einhverri slóð

„Hann fjallaði um Goðafoss sem endapunkt ferðalagsins sem gaf einnig til kynna að hann hefði ekið Sprengisand.
Ljóst er af myndum að Tandrup fór aldrei upp á hálendið“

Þarna er þversögn. Hann virðist víst hafa farið Sprengisand enda var hann orðinn lúinn eftir langa keyrslu. Þ.a.l. bendir allt til að hann hafi farið Sprengisand og því uppá hálendið.

Annars sá ég þáttinn í fyrra á DR.