Ákvörðun Hæstaréttar er áfall fyrir þjóðina í margvíslegum skilningi. Hún er áfall fyrir landskjörstjórn, áfall fyrir ríkisstjórnina og áfall fyrir forsætisráðherra og áfall fyrir orðspor Íslands. Hún er vandlega undirbúinn lítill sigur í stærra stríði milli þeirra sem vilja breytingar og hinna sem vilja óbreytt ástand.
Þrátt fyrir yfirlýsingar ríkisstjórnar um að stjórnlagaþingið megi ekki taka af þjóðinni sé ég ekki í fljótu bragði hvernig á að færa þjóðinni stjórnlagaþing svo trúverðugt megi teljast. Verði boðað til nýrra kosninga í skugga þessa álits mun frambjóðendum fækka verulega og kjörsókn líklega verða enn minni en áður. Auk þess má vænta þess að „lyfseðlar“ verði notaðir í mun ríkari mæli en áður þar sem mönnum er betur ljóst en áður hve vægi fyrsta sætis á hverjum seðli er mikið.
Sumum finnst freistandi spara fé og tíma með því að stytta sér leið framhjá áliti Hæstaréttar með því að láta þingið skipa nefnd sem hinir áður kjörnu fulltrúar sætu í. Um slíka ráðstöfun verður aldrei neinn friður og kallar einungis fram réttmætan vafa varðandi umboð fulltrúanna og leggur óvinahernum vopn í hendur.
Hefðu menn raunverulegan áhuga á því að leyfa lýðræðinu að marka för þá stæði núverandi ríkisstjórn upp úr stólum sínum og boðað yrði til nýrra kosninga. Jafnframt því segði landskjörstjórn af sér og sýndu þannig allir aðilar í verki einhvern vilja til þess að binda endi á fúsk og framtaksleysi sem liggur eins og mara yfir þjóðfélaginu.
Með þessari ákvörðun Hæstaréttar brast enn ein stoðin sem hélt upp tiltrú og trausti þjóðarinnar á stjórn og stjórnkerfi. Enn eitt ljós slokknaði og myrkrið varð svartara.
En það eina sem sameinar þingmenn allra flokka er óttinn við álit fólksins í landinu, óttinn við þá nauðsynlegu hreinsun sem kosningar gætu kallað fram. Þeir óttast okkur.
Í skjóli óttans
27.1 2011 | 13:46 | 28 ummæli
Flokkar: Óflokkað
Ummæli (28)
Arri // 27.1 2011 kl. 14:13
Athugaðu!! Sjálfstæðisflokkurinn hefur skorið upp herör gegn þjóðinni með því að skapa glundroða.
Skoðaðu í samhengi:
1. Viðtalið við davíð.
2. Kærurnar vegna Stjórnlagaþings.
3. Dóm Sjálfstæðisvina og vandamannadómstólsins (það hefði verið hægt að fara mildari leið í dómnum)
4. Gíslingu SA á kjarasamningum launafólks.
Það á að gera úrslita aðför að stjórnvöldum og þjóðinni til að halda tökum á auðlindunum.
Rósa // 27.1 2011 kl. 14:15
Mjög rétt.
Beint í mark.
Ragnhildur Kolka // 27.1 2011 kl. 14:40
Það er leitt að sjá hvernig þessi frábærlega vel skrifaði pistill er dreginn ofan í svaðið af þessum Arra. Við erum örugglega ekki í sama liði, Páll, en þetta er skörp greining hjá þér á stöðunni eins og hún er í dag.
asi // 27.1 2011 kl. 14:45
„Hefðu menn raunverulegan áhuga á því að leyfa lýðræðinu að marka för þá stæði núverandi ríkisstjórn upp úr stólum sínum og boðað yrði til nýrra kosninga. “
Með öðrum orðum: Sérhagsmunasamtök Íslands og þessir litlu snatar flokkseigendafélags Sjálfstæðisflokksins fengu sínu fram á einu litlu tæknivíti.
Argg!
Hilmar // 27.1 2011 kl. 14:45
Arri: Ég ætla að leyfa mér að fullyrða að Ísland eigi nú ALLT undir því að fólk hætti að hugsa eins og þú – pikkfastur upp að öxlum í þinni pólitísku skotgröf; sérð lífið í gegnum gleraugu lituð af áróðri þinna pólitísku herra.
Það er fólk sem hugsar eins og þú (fólk BEGGJA vegna víglínunnar) sem á drjúgan þátt í því hvernig allt hefur farið á verri veg eftir hrun, í stað þess að byggjast upp og endurnýjast.
Páli pistlahöfundi er ég hinsvegar sammála.
Rósa // 27.1 2011 kl. 15:21
Vel mælt HILMAR
Rétt.
Ítreka þakkir fyrir þennan pistil.
Ómar Kristjánsson // 27.1 2011 kl. 15:24
Afhverju ættu stjórnvöld að segja af sér.
Voru síðustu alþingiskosningar dæmdar ,,ógildar“.
Verður þá ekki alþingi að segja af sér.
jo // 27.1 2011 kl. 15:55
Höfundur kastar fram þeirri fullyrðingu að best sé fyrir lýðræðið að ríkisstjórnin segi af sér og að boðað verði til kosninga.
Ég vísa bara í ummæli Skafta Harðarssonar um kosningar til stjórnlagaþings: Það kostar allt of mikið.
Eyjólfur // 27.1 2011 kl. 15:56
Tek undir með höfundi og Hilmari.
GSS // 27.1 2011 kl. 16:10
Pistill Páls Ásgeirs er athyglisverður. Hann er yfirlýstur stjórnarsinni en uppgjafartónninn er nístandi. Hann minnir á ábyrgan föður sem hefur reynt ítrekað að leiða barn sitt inn á réttar brautir en ekki haft erindi sem erfiði. Úrræði sér hann aðeins eitt. Að ríkisstjórnin standi upp úr stólunum og efnt verði til þingkosninga. Einn hængur er þó á að hans mati. Þingmenn allra flokka þora ekki í kosningar. Þeir eru hræddir við fólkið.
Fyrst Páll Ásgeir opnar sitt blæðandi hjarta með þessum hætti og viðurkennir umbúðalaust, að draumaríkisstjórnin hans hafi brugðist þjóðinni með flumbruhætti í gæluverkefnum og aðgerðarleysi í málum sem raunverulega hafa þýðingu, þá ætti það ekki að vefjast fyrir gömlum framsóknarmanni að skrifta og játa umbúðalaust, að Framsóknarflokkurinn er varla í stakk búinn til þess að leggja sitt í dóm kjósenda. Þingmenn framsóknarflokksins hafa tvö undanfarin ár vissulega átt góða spretti í þinginu og stendur Icesave málið þar uppúr en þess utan hefur málatilbúnaðurinn byggst á viðbrögðum við aðgerðum eða aðgerðarleysi stjórnarmeirihlutans; oft óyfirvegað og vanhugsað og í upphrópunarstíl sem eðli másins samkvæmt hefur enga þýðingu og í raun spillir möguleikum flokksins til fylgisaukningar. Allt tal um endurnýjun í þingliði hefur takmarkaða þýðingu ef ekki er gáð að málatilbúnaði og því hvernig þingmennirnir haga málflutningi sínum í þinginu; bæði með virðingu þingsins í huga og hvernig megi skapa tiltrú kjósenda á flokknum. Þetta hefur þingmönnum Framsóknarflokksins ekki tekist. En verst er stefnuleysið. Á meðan svo er má ljóst vera að flokkurinn er ekki tilbúinn í kosningar. Eða hver er stefna flokksins í þeim veigamiklu málum sem nú er við að glíma í þjóðfélaginu? Það er auðvitað nauðsynlegt lýðræðinu, að stjórnarandstaða haldi uppi öflugri andstöðu í þinginu en það er styrkleikamerki að geta samtímis bent á aðrar leiðir, skynsamlegar lausnir á aðsteðjandi vanda. Til þess þarf flokkurinn að eiga bakland í staðfastri stefnumörkun. Þar til það liggur fyrir hefur Framsóknarflokkurinn ekkert að gera í kosningar. Páll Ásgeir hefur rétt fyrir sér um ótta flokkanna við kosningar að minnsta kosti hvað varðar Framsóknarflokkinn.
Með depurð í hjarta gengst gamall framsóknarmaður við veikleikunum í flokknum sínum. Endurnýjun í mannafla hefur engu skilað flokknum og raunar þvert á móti. Nýliðarnir sumir hverjir kjaftforir undirmálsmenn og enn aðrir sem talsverðar vonir voru bundnar við eru týndir og tröllum gefnir og heyrist frá þeim hvorki hósti né stuna í þinginu. En verst af öllu er stefnuleysið sem byggir á því fornkveðna, að úr jái og neii megi bræða saman eitthvað sem kalla megi, að stefnt skuli að.
Elín Sigurðardóttir // 27.1 2011 kl. 16:42
Sammála Eyjólfi.
Guðjón // 27.1 2011 kl. 17:13
Ekki gleyma því að í hæstrétti sitja menn sem aldrei nokkurtíma hefðu komist þangað nema vegna þess að til þess er notuð aðferð sem er íslendingum til skammar. Þessir sömu menn grípa nú til varna til tryggja ein vel og kostur er að spillingin megi áfram viðhaldast og menn af þeirra sauðahúsi megi áfram skipa hæstrétt.
Þessi pistill Páls verður eflaust til þess að skemmta skrattanum og ekki verður fögnuður minni hjá öðrurum unnendum spillingar og óréttlætis.
Sú lausn Páls að boð til kosninga er allt of áhættusömu- það gæti leitt til þess að spillingöflin sem steyptu þjóðinni í glötun kæmust aftur til valda.
Þvert á móti verðu nú að gerta allt sem hægt er til þess að tryggja þjóðinni nothæfa stjónarskrá.
Barlómur // 27.1 2011 kl. 17:17
Ekki er hægt að endurnýja umboð þeirra sem kosnir voru ólöglega.
Ekki er hægt að kjósa aftur þvi enginn nennir á kjörstað.
Ekki er hægt sleppa stjórnlagaþinginu því það eru svik
Ekki er hægt að halda í ríkisstjórnina þvi hún klúðar öllu
Ekki er hægt að halda í hæstarétt því hann er pólitískur
Ekki er hægt að nefna neitt ógrátandi því allt er misheppnað.
Ekki er hægt að kjósa Íhaldið þvi það er spillt
- og ekki Framsókn því hún byrjði á þessari stjórnlagavitleysu.
Er þetta hægt?
Arri // 27.1 2011 kl. 17:22
Hilmar:
Hefði kanski átt að taka það fram að ég er algjörlega sammála pistlahöfundi og reyndar þinni aðfinnslu í minn garð. Það sem ég er að reyna að koma fram er að það er og verður erfitt að að eiga við og reyna að stunda lýðræðisleg vinnubrögð þegar valdaflokkur til margra ára er og ætlar augljóslega að nota ólýðræðisleg brögð til að koma valdhöfunum frá.
Þórhildur Þorleifsdóttir // 27.1 2011 kl. 17:28
Athyglisverður pistill hjá Páli. Ég er þó ekki alveg viss um að ef aftur yrði kosið yrði kjörsókn minni en síðast og almennt minni áhugi. Ég held þvert á móti að „allt verði sett í gang“, því gríðarlegir hagsmunir eru í húfi. Eignarhald á yfir auðlindum og þ.a.l. yfirráin yfir Íslandi. Menn hafa nú skroppið af bæ fyrir minni hagsmuni! Ég held að gríðarleg átök myndu leysast úr læðingi ef efnt yrði til nýrra kosninga með tilheyrandi peningaaustri, áróðri og auglýsingum. Stjórnmálaflokkar og hagsmunahópar munu blanda sér með afgerandi hætti í slaginn því af niðurstöðu þeirra kosninga ráðast valdahlutföll um langa framtíð.
Garðar Garðarsson // 27.1 2011 kl. 17:58
Var frumvarpið til stjórnlagaþings lögbrot?
Það var verið að dæma framkvæmdina vegna formgalla sem hafði ekki áhrif á niðurstöðu kosningar til stjórnlagaþings, þannig að óþarfi var að ógilda kosninguna. Ríkisstjórnin ber ekki ábyrgð á framkvæmd kosninga.
Best er að Alþingi endurkjósi þá er valdir voru í kosningu á stjórnlagaþing til að klára dæmið, þar sem ekki er hægt að sjá að formgallar kosninganna hafi haft áhrif á niðurstöðuna.
Síðan er hægt að gefa þjóðinni færi á að samþykkja endurkosningu þessara 25 í sér kosningu sem myndi einfalda málið gagnvart hæstarétti og styrkja niðurstöðu Alþingis.
Bjarni // 27.1 2011 kl. 20:56
Þakka þér góðan pistil Páll. Það er súrt að horfa upp áeyðileggingu stjórnlagaþingsins, en þetta ætti æð vekja fólk til alvarlegrar umhugsunar. Þankagangur hægri manna hefur ekkert breyst, það er allt leyfilegt í stríðinu um auðlindirnar.
Tryggvi // 27.1 2011 kl. 21:15
yfirkjörstjórn hafði flækjustigið á kjörgögnunum hátt velja 25 frambjóðendur en 99.99% öruggt að bara 1. frambjóðandinn fær atkvæðið. ef kosið verður aftur munu fleiri kjósa og bara einn hver
Alli // 27.1 2011 kl. 21:46
Þarna gleymdirðu hinu mikilvægasta, mesta áfallið er þetta fyrir hæstarétt, alger áfellisdómur yfir flokksgæðingunum sem þar plotta með sínum hagsmunum en á móti hins almenna borgara!
Hilmar // 27.1 2011 kl. 22:20
Það er alveg með ólíkindum hversu margir halda því fram að „hægrimenn hafi EYÐILAGT stjórnlagaþingið!“, þegar sannleikurinn er auðvitað sá að það voru sitjandi stjórnvöld og framkvæmdaaðilar þeirra sem eyðilögðu það með óvönduðum og hroðvirknislegum vinnubrögðum.
Reyndar virðist þessi hópur sem heldur þessu fram frekar vera hávær minnihlutahópur heldur en fjöldhreyfing (flestir setja nú sökina þar sem hún á réttilega heima, eins og Páll í pisti sínum) en þetta veldur mér samt heilabrotum.
Ég trúi því varla að heiftin fari svo illa með fólk að það trúi í fúlustu alvöru þessari söguskýringu. Hvað er þetta þá? Er þetta áfall og afneitun frammi fyrir þessu risavaxna klúðri? Er þetta etv. vel skipulagt „bragð“ eða „mótleikur“, uppruninn hjá spunameisturum Samfylkingarinnar?
Þetta er alveg hreint furðuleg afstaða.
Í stað þess að viðurkenna hve hörmulega var að verki staðið; láta rétta aðila sæta ábyrgð og bretta svo upp ermar og reyna að gera þetta aftur – og rétt – þá ætla einhverjir í blindri reiði að boða til nýrrar trúarbragðastyrjaldar milli „okkar“ og „þeirra“; einvörðungu til þess að þurfa ekki að viðurkenna handvömmina sem átti sér stað?
Haldið þið virkilega að þjóðin standi sáttari á eftir og betur að vígi?
Reynir Sigurðsson // 27.1 2011 kl. 23:09
Enga helvítis uppgjöf .
Held að Þórhildur hafi hitt naglann!
Alli // 27.1 2011 kl. 23:29
Hilmar, hægrimenn EYÐILÖGÐU stjórnlagaþingið en vinstrimenn LÍKA með því að láta hanka sig á einhverjum tittlingaskít á framkvæmdinni sem var hægt að nota gegn kosningunni. Semsagt það eru allir jafnvonlausir hérna. ARG!
Margrét Ro // 28.1 2011 kl. 00:56
Góður pistill.
Þessi niðurstaða Hæstaréttar er stórkostleg því hún beinir kastljósinu að skipan í Hæstarétt. Bróðir kvótadrottningarinnar úr Eyjum er nýjasti meðlimurinn Viðar Már Matthíasson. Skildi hann vera óvilhallur í áliti sínu? Eða var hann vanhæfur? Fleiri Íslendingar gera sér nú ljósa spillinguna.
Það tekur tíma að fá nýtt Ísland. Nokkrar kosningar þurfum við að þrauka. Tökum gnarrinn á þetta. Eða túnis.
Guðmundur Pétursson // 28.1 2011 kl. 01:20
Ég hef miklar efasemdir um niðurstöður Hæstaréttar en hvers vegna gerir það mann óhæfan sem hæstaréttardómara að eiga systur sem á í útgerðarfyrirtæki?
Margrét Ro // 28.1 2011 kl. 06:30
„Vanhæfni“ Guðmundur er faglegt hugtak sem íslensk stjórnsýsla skilur ekki. „Óhæfur“ er notað af Sjálfstæðismönnum til að skjóta niður spurningu um fagleg vinnubrögð og finnst skyldleiki ekki skipta máli því í fámenninu sé svo erfitt að finna hæft fólk! Algeng viðbrögð Sjálfstæðismanna á bloggum eftir hrun var að: „vissulega er þetta fólkinu í embættunum(eftirlitin, FME o.fl.) að kenna en hvernig er hægt að skipta því út, hér er svo mikið fámenni?“
Þeir meintu náttúrulega: „Flokkurinn á ekki endalaust af fólki til að setja í embættin.“
En svo eftir að spillingin afhjúpaðist meir, þá þögnuðu rökkarnir því jafnvel hörðustu Sjálfstæðisflokksmönnum blöskraði vænhæfnin og spillingin.
Margrét Ro // 28.1 2011 kl. 06:32
„rokkarnir“ á þetta að vera í næst-síðustu línu. (Rokkarnir eru þagnaðir og allt er orðið hljótt.) you wish
Soffía // 28.1 2011 kl. 09:39
Algjörlega sammála Hilmari. Fáránlegt að tala um að hægri menn hafi eyðilagt fyrir þeim sem vilja Stjórnlagaþing. Var það út af því að Sjálfstæðismenn vildu ekki samþykkja stjórnlagaþingslögin á þingi? Það hefði kannski verið betra að fleiri þingmenn hefðu sett spurningarmerki við framkvæmdina – farið aðeins hægar í sakirnar. Veit ekki betur en margir hægrimenn hafi boðið sig fram og mætt á kjörstað.
Þessi skotgrafarpólítik er gamaldags og úrelt. Það eru allir búnir að fá hundleið á þessum væringum á milli hægri og vinstri. Væri nú til of mikils mælst að stjórnmálamenn og flokksgæðingar, hvar í flokki þeir standa, hætti að hugsa út frá naflanum á sjálfum sér, eða út frá því að koma höggi á hina og færi að hugsa um hag lands og þjóðar?
Jakob Bjarnar // 1.2 2011 kl. 19:33
„Um slíka ráðstöfun verður aldrei neinn friður og kallar einungis fram réttmætan vafa varðandi umboð fulltrúanna og leggur óvinahernum vopn í hendur.“
Þvílíkt rugl. Það er enginn „réttmætur vafi“ um umboð því enginn hefur efast um niðurstöðuna þó áhöld séu um framkvæmdina – að ekki voru trékassar í stað pappakassa. En það er aukaatriði. Kjarni málsins, stjórnarskráin, gleymist í þessu fári álitsgjafa og lykilspurningar fæst enginn til að bera upp: Umboð til hvers? Þetta stjórnlagaþing hefur ekki umboð til að koma fram með neitt sem er bindandi. Þetta er málfundur hóps einstaklinga um tillögur Njarðar P. og co. Og hugsanlega leggja einhverjar hugmyndir í púkkið.
Til háborinnar skammar hinnar rögu Jóku að höggva ekki á hnútinn strax, segja; Ók, þetta er klúður, kjörnefnd er rekin, fundur strax og þingið samþykkir reglugerð um að þessir 25 (margir hverjir náttúrlega að gæta einhverra sérhagsmuna sem ekkert erindi eiga í stjórnarskrá en gott og vel) sitji þetta þing og fari yfir stjórnarskrá. Næsta mál þakk.
Hvenær ætla stjórnarliðar að troða því í haus sér að þeir eru í stjórn. Betri fyrirsögn pistils þíns hefði verið Á valdi óttans því hér eru menn að skíta í buxurnar af ótta og við hvað? Jú, Skafta og co. Afsakið meðan ég æli.
Rita ummæli