Í asa málþófsins bora þeir og bora næturlangt í rótopna tönn saklausrar þjóðarinnar sem engist varnarlaus í stólnum.
Is it safe? æpa þeir rauðir og sveittir.
Yes it is Icesave- segjum við syndandi í kvölunum.
Eins og þessi sena úr Maraþonmanninum finnst mér að fréttir haustsins hafi verið. Ég hef verið ráfandi í fortíðinni áhugalaus um samtímann. Ég hef fengið að lesa bunka af gömlum sendibréfum, flett kámugum dagbókum úr jöklaferðum og í huganum samið ódauðlegar þakkardrápur til dýrðar www.timarit.is.
Ef ekki væri fyrir þann eðla vef hefði ég löngu flutt lögheimili mitt í Þjóðarbókhlöðuna og verið borinn þaðan út æpandi á aðventunni.
Nú seinast las ég í einni skorpu fundargerðarbækur Ferðafélags Íslands frá 1952 til 1978 og molar úr þeim lestri troða sér inn í vitund mína líkt og drukkin, eðlunarfús ferðastúlka í Þórsmörk í leit að Sigurði Þórarinssyni forðum. Sumt er ekki eins og það sýnist vera en annað er nákvæmlega það og ekkert annað.
Af hverju er ég að segja þér þetta kæri lesandi?
Æ ég veit það ekki. Kannski til þess að rjúfa þögnina sem hefur ríkt á þessari síðu um hríð. Erindi mitt er í sjálfu sér ekki merkilegt en mig langaði til að óska öllum sem þetta lesa gleðilegra jóla og farsæls komandi árs.
Páll Ásgeir Ásgeirsson
Ummæli (11)
Jenný Anna Baldursdóttir // 22.12 2009 kl. 14:55
Gleðileg jól sjálfur og hafðu þakkir fyrir þessa bloggsíðu.
Páll Vilhjálmsson // 22.12 2009 kl. 15:06
Eðlunarfús ferðastúlka í Þórsmörk – er setning sem veður minnisstæð. Gleðileg jól.
Kristín // 22.12 2009 kl. 15:11
Sömuleiðis og takk fyrir fína pisla vonandi eykst þér ásmeigin á nýju ári.
Wisserbesser // 22.12 2009 kl. 16:53
Vonandi VEX þér ásMEGIN, Páll.
Rétt skal vera rétt, Kristín.
Spurningamerki // 22.12 2009 kl. 17:12
Hvað finnst þér um Katrínu Júlíusdóttur, Gagnaverið og Björgólf Thor Björgólfsson?
Páll Ásgeir // 22.12 2009 kl. 17:35
Mér finnst að þeir sem ekki koma fram undir nafni eigi lítið erindi í opinbera umræðu.
'Arni H Kristjánsson // 23.12 2009 kl. 01:18
Það er þess virði kíkja inn .
Takk fyrir mig .Árni Hó
Sigríður O // 23.12 2009 kl. 09:26
Góðar jóla og áramótakveðjur til þín og þinna og kærar þakkir fyrir góða leiðsögn í göngu sl sumar.
Spurning // 23.12 2009 kl. 09:35
http://larahanna.blog.is/blog/larahanna/entry/994589/
Kristín // 23.12 2009 kl. 16:56
VEX en af hverju er það réttara en ekki eykst. Rök óskast.
Kristín // 23.12 2009 kl. 16:57
Þetta ekki átti ekki að vera með.
Rita ummæli