Ólína Þorvarðardóttir

Ummæli (95)

•   Jón H // 8.3 2011 kl. 10:52

  Loksins sammála, ef ekki þá er ríkistjórnin í slæmum málum.

•   Kristján Elís // 8.3 2011 kl. 11:15

  Hvernig væri að setja lög um að í hverju fyrirtæki megi ekki vera meiri launamunur en eitthvert hlutfall, eigum við að segja tífaldur launamunur til þess að vera hógvær?? hvað væri skúringakonan hjá Arion banka þá með í laun?

•   Sigurður Gunnarsson // 8.3 2011 kl. 11:22

  Eru skattar orðin leið til að refsa fólki?

  Það er fullt af fólki í þessu landi sem vinnur fyrir laununum sínum og hefur kostað miklu til við að mennta sig til. Það sýnir bara hvatvísi og ístöðuleysi ykkar stjórnmálamanna þegar þið stökkvið svona upp á nef ykkar yfir 3-4 bankastjórum en áttið ykkur ekki á að með því flæmið þið allt okkar dýra menntafólk úr landi.

  Þú áttar þig vonandi á því að þessir menn borga nú þegar miklu meira í skatta en fólk með lægri tekjur. Er ekki bara fínt að þeir noti peningana í laun því hæstu skattarnir eru þar.

  Getið þið stjórnmálamenn gert meira tilkall í laun fólks en þið gerið nú þegar? Þið hafið ekki sýnt af ykkur að þið farið vel með það fé sem fer í ríkissjóð. Stjórnlagaþingsklúður, ESB umsókn, steypuklump við höfnina sem verður baggi á baki skattgreiðenda um ókomna tíð meðan þið skerið svo niður heilbriðisþjónustu, menntun og vegið að atvinnugreinum landsins.

•   Björn Kristinsson // 8.3 2011 kl. 11:42

  Nokkrar setningar úr færslu þinni Ólína:

  „En siðleysinginn lærir aldrei neitt – það sannast núna. Hann byrjar alltaf aftur – eins og enginn sé gærdagurinn.“

  „Nei – það viljum við ekki. Fólk í fílabeinsturnum verður einfaldlega að komast þaðan út, og hafi það ekki vit á því sjálft, þá verður einhver að sýna því leiðina.“

  „Sú endurreisn á ekki aðeins að vera efnahagsleg, hún þarf líka að vera siðferðileg. Það þarf að stöðva þessa ósvinnu. “

  „Ég treysti því að ríkisstjórnin – að öðrum kosti stjórnarflokkarnir – leggi strax fram frumvarp um 70-80% skatt á laun sem fara yfir 1200 þús kr. á mánuði. “

  Skil vel gremju ykkar með bankastjórana tvo en er ekki full langt gengið Ólína að alhæfa svo mikið sem gert er hér ?

  Eru allir sem hafa laun yfir 1200 þús á mánuði siðleysingjar ? Það eru örugglega töluverður hluti vinnandi fólks (framkvæmdastjórar, skipstjórar, sjómenn, læknar, verkfræðingar,…) sem hafa ekkert gert af sér annað en að vinna sína vinnu og borga sína skatta, meira en nokkru sinni áður.

  Er þessi hópur siðleysingjar ? Er þessi hópur ekki að taka fullan þátt í endurreisninni með því að borga þegar hærri skatta ?

  Siðferðið hefst ekki í skattkerfinu. Það hefst innan frá hjá hverjum einstaklingi. Við siðum ekki fólk með sköttum það gerum við í uppeldinu og í menntakerfinu !

•   Andri Sigurðsson // 8.3 2011 kl. 11:44

  Já Dagga er ekki einmitt verið að skera niður bókstaflega allsstaðar í kringum okkur þar vegna þess hvenrig þessir bankamenn settu hérna allt í rúst?

•   Sævar Helgason // 8.3 2011 kl. 11:49

  Launamál bankastjóra hjá Arion banka (Kaupþingi) eru sem blaut tuska framan í skattgreiðendur. Þessir bankar fóru allir á hausinn 2008. Ríkið tryggði allar innistæður í topp . Peningamarkaðssjóðir voru gjaldþrota en ríkið mokaði hundruð milljörðum inn í þá til að tryggja hluthöfum allar innistæður . Nú erum við skattgreiðendur að greiða þetta. Laun og kjör alþýðuheimila eru flest við fátækramörk. Margir búa við sultarmörk og eru ýmist búnir eða eru að miss heimili sín. Þá þetta :bankastjóri þrotabanka skal hækka í launum -í 5 milljónir /mán. auk bílafríðinda og annars lúxus. Þjóðin þolir ekki þetta siðleysi. Ríkisstjórnin taki í taumana á þessu siðblinda liði þrotabankanna.
  Takk fyrir skeleggann pistil , Ólína Þ.

•   Ólína Þorvarðardóttir // 8.3 2011 kl. 11:51

  Sigurður – skattar eru jöfnunartæki með meiru. Skattlagning ofurtekna er ekki „refsing“ heldur réttlát tekjuöflun fyrir ríkissjóð.

  Björn – ég er ekki í þessari færslu að draga „siðleysi“ mörkin við 1200 þúsund, enda er orðið „siðleysingi“ notað í öðru samhengi í færslu minni. Vinsamlegast ekki snúa út úr.

  Það er yfirlýst markmið stjórnvalda að á meðan við erum að rétta úr kútnum eftir hrun skuli stefnt að launajöfnuði í samfélaginu – laun í opinberri stjórnsýslu skuli ekki vera hærri en laun forsætisráðherra, til dæmis. Um leið er til þess ætlast að atvinnulífið allt – og fjármálalífið – taki svipað viðmið. Þess vegna tala ég um 1200 þús á mánuði, það viðmið gæti verið eitthvað hærra (1,5 mkr) eða aðeins lægra (1 mkr), nákvæm tala er ekki aðalatriði, heldur að menn fallist á grundvallarsjónarmiðið.

•   Erlingur // 8.3 2011 kl. 11:59

  En eigum við ekki frekar bara að hætta borga af lánunum til að sýna þessum bankastjórnendum hvaðan peningarnir koma? Það er nefnilega svo að þrátt fyrir greiðsluvilja almennings er greiðslugeta hans að verða engin.

  Ólína, af hverju leggur þú ekki strax fram þingsályktunartillögu um þennan 70-80% skatt á ofurlaun í stað þess að bíða eftir frumvarpi stjórnarflokkanna sem aldrei kemur? Sýndu í verki að þú meinir það sem þú skrifar og komdu þessu á dagskrá Alþingis.

•   Drýsill // 8.3 2011 kl. 12:03

  Hver er rót vandans? Ef bankarnir væru með flekklausa sögu, störfuðu á samkeppnisgrunni og væru að sýna hagnað, væri ekki óeðlilegt að laun þar væru há, enda ákvörðuð af eigendum og dragast því væntanlega frá hagnaði. Hinsvegar er núna hagnaðurinn á kostnað ríkisins/þjóðarinnar og því getur ekki verið eðlilegt að umbuna fyrir hann. Samt er það gert og í fyrsta lagi fróðlegt hvernig þessi ákvörðu er tekinn og hvort að eigendur komi að henni beint. En er ekki samt eðlilegra að skattleggja bankakerfið beint sbr hugmyndir um bankaskatt eða að ríkið beini viðskiptum sínum frá bönkum sem ekki koma fram siðlega, þó ekki væri nema tímabundið?

•   Garðar Garðarsson // 8.3 2011 kl. 12:11

  Dagga // 8.3 2011 kl. 11:25
  Hverjir voru það sem komu okkur í þá klípu sem við stöndum nú í?
  Voru það ekki stjórnmálamennirnir sem gáfu klíkubræðrum bankana og lækkuðu skatta á ofurlaun og bónusa? Og voru það ekki einmitt þeir sjálftökumenn sem skömtuðu sér laun og bónusa og rændu banka innan frá?

  Sjálftökumenn hótuðu að fara með góssið sitt til útlanda ef það átti að snerta gullið þeirra fyrir hrun og nú hefja sumir sama sönginn þegar sagan endurtekur sig.

  Ekki kenna þeim um sem standa fastir í skítnum og komast varla áfram í tiltektinni fyrir fyrir sjálftökumönnunum og velgjörðarmönnum þeirra.

  Til hvaða skattaparadísar á að flýja til? Í flestum nágrannalöndum okkar eru skattar hærri en hér.

•   Gunnar Jóhannsson // 8.3 2011 kl. 12:44

  Ólína, svona tillögur eru bara til þess fallnar að drepa niður allan dugnað í fólki og draga allt samfélagið niður í meðalmennskuna. Kannski er það kjarninn í stefnu jafnaðarmanna og ef svo er þá hentar sú stefna illa dugmiklum íslendingum. Þú verður að átta þig á því að það er fjöldinn allur af fólki sem hefur góðar tekjur og vinnur virkilega fyrir þeim með mikilli vinnu og tilheyrandi fórnum. Að ætla að banna fólki að afla sér meiri tekna en t.d. 1 milljón á mánuði er náttúrulega bara ofstæki, því auðvitað er 80% skattur á tekjur ekkert annað en bann við tekjum.

  Ég treysti því að þessi pistill þinn hafi verið skrifaður í stundarbrjálæði og að þú áttir þig á því að tillögur um 80% skatt eru ofstækisfullar og fullkomlega óraunhæfar.

  Ef þú ert svona pirruð útí bankana geturðu huggað þig við það að bankastjórnalaunin koma þó inní hagkerfið okkar í gegnum neyslu þeirra í stað þess að renna til útlendinga í formi aukins arðs.

•   Grettir // 8.3 2011 kl. 12:53

  Vil taka undir orð Sigurðar Gunnarssonar hér að ofan.

  Það er fullt af fólki í þessu landi, bæði vel menntuðu og minna menntuðu sem leggur dag og nótt við vinnu til þess eignast skjól yfir höfuðið eða til þess að hafa í sig og á, eða bara jafnvel til að greiða niður skuldir. Að setja inn eitt skattþrepið enn mun verða til þess að drepa endanlega niður þnn dugnað, framtak og vinnugleði sem enn kann þrátt fyrir allt að vera til staðar í þessu landi.

  Þarf ég virkilega að trúa því að eina lausnin sem stjórnmálamenn hafa á ósiðlegum ofurlaunum bankastjóra sé að skattpína enn frekar hinn vinnandi mann. Verði þetta að veruleika er ekki minnsti vafi á því að landflótti mun aukast til muna, ekki síst meðal menntafólks með langskólanám að baki en jafnvel meðal annarra sem trúa því enn að heiðvirð vinna og dugnaður séu leið til þess að eignast eitthvað hér á landi.

•   Drýsill // 8.3 2011 kl. 13:10

  Já, það væri gaman ef að þeir sem að gagnrýna kommunismann í stefnu Ólínu, sem má alveg, kæmu með lausnir eða segja þá bara beint út að þeim þyki þetta ekki óeðlilega há laun hjá fyrirtækjum sem að þjóðin er nýbúinn að bjarga og hverjar tekjur eru fyrst og fremst skuldir almennings. Koma með lausnir, takk!

•   Jenný Stefanía // 8.3 2011 kl. 13:12

  Þessi ofurskattaumræða skelfir meira en orð fá lýst, er þér alvara Ólína?

•   Jón B G Jónsson // 8.3 2011 kl. 13:13

  Þingmenn verða að hugsa áður en er talað. Þessar skattahugmyndir eru ofstæki. Á endanlega að drepa hér á landi allt í dróma? Einkafyrirtækið Arion banki ræður væntanlega hvað hann borgar í laun. Sé fólk óánægt með það þá flytur það sín viðskipti annað. Sú tilraun að skattleggja allt til andskotans hefur verið reynd. Gekk ekki. Svíar voru t.d með 80-90 % skatt um 1980. Það gekk auðvitað ekki upp. Nú dettur sósialistum það í huga að prófa það á okkur. Þvílikt rugl. Þú ert allt of skynsöm Ólína til að láta svona vitleysu út úr þér.

•   Garðar Garðarsson // 8.3 2011 kl. 13:46

  Það er eins og það séu margir sem hafa laun yfir 1,2 til 1,5 milljónir króna miðað við vælið yfir því að þessi hópur borgi meira til samfélagsins en þeir gera í dag. Hvaða hópar eru það sem hafa svona há laun sem eru tvö- til þreföld meðallaun? Það eru allaveganna ekki verkfræðingar sem eru með svo há laun almennt eins og nefnt hefur verið hér.

•   Sigga // 8.3 2011 kl. 14:10

  Þetta sýnir siðleysi Ólínu í hnotskurn – laun hennar og annarra þingmanna eru rétt innan við 1200 þúsund á mánuði. Sérgæska hennar og vina hennar ræður för.

  Ég spái því að hún muni síðan eyða þessari athugasemd fljótt út, enda þolir hún ekki gagnrýni.

•   Björn Kristinsson // 8.3 2011 kl. 14:12

  Ólína, fyrri færslan mín var ekki meint sem útúrsnúningur. Að sumu leiti er ég sammála þeim kornum sem koma fyrir í upphafsinnleggi þínu en það vantar aðeins upp á dýptina.

  Staðan í bönkunum er þessi á mjög einföldu máli:

  1) Hagnaður bankanna í dag stafar af megninu til vegna niðurfærslu lána úr gömlu bönkunum yfir í þá nýju. Þetta er aðgerð sem aðeins er unnt að framkvæma einu sinni – GERFIHAGNAÐUR

  2) Vaxtamunur í bönkunum hefur hækkað mjög mikið. Innlánsvextir eru mjög lágir á meðan útlánsvextir allt of háir.

  3) Bankarnir eru á fullu í rekstri fyrirtækja sem eru í beinni samkeppni á almennum markaði. Mörg dæmi hér.

  4) Bankakerfið er enn allt of stórt – enginn aðlögun – sama keyrslan

  Þetta sýnir að borgun „ofurlauna“ byggt á þessu er vafasamt. Það er ekkert í spilunum sem hefur sýnt hvaða frábæru hlutir hafa komið fram hjá bönkunum.

  Siðleysið sem þú talar um pistilinum þínum er vegna þess að launin sem minnst er á koma einkum frá þeim sem eiga sparnað í bönkunum. Það er vafasamur gjörningur sérstaklega vegna þess að vaxtamunurinn er orðinn það hár ásamt mikilli hækkun þjónustugjalda.

•   Skítlegt eðli // 8.3 2011 kl. 14:37

  Sinn átti Ólína þátt í því
  að þagga niðrí Móra
  en nú hefur fjandinn fært sig í
  flesta bankastjóra

•   Skítlegt eðli // 8.3 2011 kl. 14:39

  eða<.

  …..nú hefur helvítið hlaupið í
  H. bankastjóra

•   Alfreð // 8.3 2011 kl. 14:40

  Vinsamlegast svaraðu mér

•   Rafn // 8.3 2011 kl. 14:47

  Ég veit ekki hvort ég á að hlægja eða gráta. Þetta er eitt það alvitlausasta sem ég hef heyrt. Allavega síðan að ég heyrði af hugmyndinni um matvöruverslun ríkisins hérna á Eyjunni í gær.

  Það er líklega mjög lítil hugsun á bak við þetta. Verð á launum myndast eins og verð á öllu öðru. Það myndast ákveðið markaðsverð. Ef svona aðgerðum yrði hrundið í framkvæmd myndi það aðeins gera það að verkum að það fólk sem getur aflað sér svona tekna myndi annaðhvort flytja af landi brott eða greiða sér þær með öðrum hætti. Tekjur ríkisins myndu þ.a.l. minnka.

  Hættið nú þessu bulli!

•   Skítlegt eðli // 8.3 2011 kl. 14:56

  Sigurður Gunnarsson: …“flæmið þið allt okkar dýra menntafólk úr landi.“
  Kennarar með 5 ára háskólanám eru árið að vinna fyrir mánaðarlaunum bankastjórans.

  Samt eru til útsmognir græðgisfullir menntamenn eins og sá í Hafnarfirði sem kominn var með 40 milljónir á mánuði út úr heilbrigðiskerfinu fyrir Hrun og allt ætlaði vitlaust að verða þegar taka átti á því – sami söngurinn og hjá – kjósendum græðgisFLokksins hér að ofan.

•   Dagga // 8.3 2011 kl. 14:57

  Ég legg til að með frumvarpinu fylgi tillaga um að taka í leiðinni vegabréfið af öllum innan fimm tuga með langskólamenntun. Það verður nauðsynlegt.

•   Garðar Garðarsson // 8.3 2011 kl. 15:14

  Sigga // 8.3 2011 kl. 14:10, þingmenn eru rétt yfir meðallaunum og eru varla hálfdrættingar þessara launa sem eru yfir 1200 þúsund krónum. Hefurðu ekki fylgst með? Jóhanna Sig. er með um milljón á mánuði og er því talsvert lægri en þessi laun sem er verið að tala um.

•   Dagga // 8.3 2011 kl. 15:17

  Garðar.
  Það væri líka einkennilegt ef þeir væru með hærri laun. Sérstaklega ef launin eru árangurstengd.

•   Anna Grétarsdóttir // 8.3 2011 kl. 15:20

  @Dagga kl. 15:17, góður punktur

•   Garðar Garðarsson // 8.3 2011 kl. 15:35

  Dagga // 8.3 2011 kl. 15:17. Hver var árangur og ábyrgð ofurlaunuðu bankamannanna fyrir hrun? Og hver er ábyrgð Sjálfstæðisflokks og Framsóknar á því græðgissamfélagi sem hér hefur skapast?

•   Dagga // 8.3 2011 kl. 15:43

  Garðar.
  Þú mátt ekki halda að ég sé hér að verja bankastjóra eða stjórnvöld fyrir hrun. Raunar var það Samfylkingin sem sat við veisluborðið með sjöllunum síðustu tvö árin fyrir hrun, ekki framsókn. En hvað um það. Ég hef hvoruga nokkru sinni kosið og skrifa því ekki hér af pólitískri vandlætingu. Er einfaldlega að benda á afleiðingar ofurskattlagningar fyrir samfélög. Það hefur aldrei gefið góða raun.

•   Anna Grétarsdóttir // 8.3 2011 kl. 15:54

  ég bjó 14 ár í Dk. og þekki það vel að vegna skattpíningar þar er litið á svarta vinnu sem þjóðaríþrótt……og ekki einu sinni verið að fara í launkofa með það!

•   Garðar Garðarsson // 8.3 2011 kl. 16:03

  Þrátt fyrir og jafnvel vegna hárra skatta á Norðurlöndum þá eru lífsgæði þar best.

  Ég vil benda á að það var Framsókn sem var lengst af með Sjöllum við völd fyrir hrun og saman gáfu þessir flokkar bankana vildarvinum og ræningjum.

  Samfylkingin stóð sig illa í aðdraganda hrunsins og bætti ekki úr, en hrunið var samt óflýanlegt þegar Samfylking fór í samstarf við Sjálfstæðisflokk.

•   Lúðvík Júlíusson // 8.3 2011 kl. 16:09

  Ég fór fram á sömu réttindi og auðmenn fá í gjaldeyrishöftunum, þe. að þurfa ekki að skila gjaldeyristekjum til landsins.

  Svar Seðlabankans, og síðar Efnahags- og viðskiptaráðuneytisins, var að það mætti mismuna og veita auðmönnum rýmri heimild til að komast hjá skilaskyldu! Því til rökstuðnings bentu þau á að skattar leggðust misjafnt á fólk, vegna skattleysismarka og þrepaskipts tekjuskatts!

  Það markmið að nota tekjuskatta sem jöfnunartæki er notað sem réttlæting Seðlabankans og Efnahags- og viðskiptaráðuneytisins til að auka ójöfnuð!

  Ætlarðu eitthvað að gera í því?

•   Teitur // 8.3 2011 kl. 16:13

  Ég held, Ólína, að þú ættir að anda nokkrum sinnum áður en þú ákveður hvað séu „ofurlaun“. Ég held að það sé allt í lagi að ræða hvað sé eðlilegur launastrúktur en tel rétt að hrapa ekki að einhverri vitleysu. Ef öll laun yfir 1200 þúsund verða skilgreind sem ofurlaun held ég að það verði hratt læknislaust á Íslandi. Til hvers á fólk að mennta sig fram til hálffertugs til að verða úthrópaðir sem siðleysingjar ef þeir vilja bæta sér upp tekjurnar á þegar sérfræðingsnámið er að baki. Þið eruð að setja markið alltof lágt. Fólk getur greitt atkvæði með fótunm (og gera það í auknum mæli um þessar mundir). Því betur sem fólk er menntað því auðveldara fyrir það að færa sig yfir í skaplegra umhverfi.

•   Mervin // 8.3 2011 kl. 16:15

  Maður skilur vel reiði og örvæntingu fólksins, sem skuldar stökkbreytt lán í bönkunum og er að kikna eða kiknað undan byrðinni að því blöskri launatölur eins og þær sem þarna er rætt um. En það eru margar hliðar á öllum eða flestum málum. Mér dettur nú í hug af því að loðnuvertíð stendur yfir, að meðan hún varir, eru áhafnir loðnubátanna oft – ekki alltaf en oft – með ansi háar tekjur. Það hefur hingað til verið hægt að manna þessi skip, þjóðarbúinu til mikilla hagsbóta. Ef farið er að ítrustu tillögum í hátekjusköttum, gæti það leitt til þess að það yrði mun erfiðara eða ómögulegt að fá fólk til að leggja á sig það erfiði, vosbúð og lífshættu, sem þessu fylgir. Sérðu leið út úr þeim vanda, Ólína?

•   Teitur // 8.3 2011 kl. 16:23

  Ólína spyr hvers konar þjóðfélagi við viljum búa í?

  Það er ljóst að ég vil ekki búa í þjóðfélagi sem gerir laun umfram 1200 þús upptæk í gremukasti. Ég vil gjarnan að forsætisráðherra hafi 2,5 milljónir í mánaðarlaun. Þá held ég að komið sé viðmið fyrir atvinnulífið sem hægt er að hlusta á.

  Launastrúkturinn mundi t.d almennt liggja frá 300.000 – 1.500.000 í fyritækjum og æðstistrumpur væri með 1,5-2,5 milljónir eftir umfangi.

  Það kæmi sér vel fyrir SA að gefa út siðareglur fyrir stjórnendur fyrirtækja sem tækju til launstefnu, með hvaða hætti bónusar eru greiddir, svo og endalok óhóflegra starfslokasamninga. SA ætti að taka forystu í þessum málum.

•   Siggi T // 8.3 2011 kl. 16:24

  Væri þá ekki líka rétt að færa eftirlaun ráðherra og þingmanna, og annara embætismanna niður, úr ca. 800-900 þúsundum, niður í max 300-350 þúsund.

•   Gunnlaugur Ingvarsson // 8.3 2011 kl. 16:27

  Ég held að það verði að binda þetta skattaákvæði eingöngu við stjóra og æðstu starfsmenn fjármálafyrirtækjanna. Þá er ég sammála að taka upp 80% skatt á allt þar fyrir ofan.
  En þetta á ekki að bitna á duglegum sjómönnum sem vinna erfið störf eða dugmiklum forstjórum verkfræðingum eða læknum, sem vinna gríðarlega yfirvinnu og undir gríðarlegu álagi.

  Það á bara að binda þetta við fjármálafurstana og einnig banna framvirka kaupréttarsamninga, hlutabréfakaup eða önnur slík ofurhlunnindi eins og starfslokasamninga umfram það sem almennt gerist 6 mánaða laun á fullum launum eða slíkt og enga eingreiðslusamninga við upphaf starfstíma. Allt slíkt ætti að vera ofurskattað.
  Við skulum ekki missa þetta græðgislið aftur útí vitleysuna sem keyrði þjóðina fram af hengifluginu.

•   Guðrún Jónsdóttir // 8.3 2011 kl. 16:28

  Ólína, þú ert sem sagt að segja að á Íslandi eigi að gilda þak á laun sem stjórnmálamenn ákveða? Einstaklingum á vinnumarkaði er óheimilt að hafa hærri laun sem þau sem þú telur vera „siðleg“?

  Ég verð að segja að ég hef aldrei á ævi minni heyrt aðra eins vitleysu. Þú þykist nú vera þess umkomin öllu jöfnu að segja okkur hinum hvernig landi við viljum búa í, þó yfirleitt hafir þú rangt fyrir þér.

  Ef ég rek fyrirtæki þá vil ég borga fólki þau laun sem ég tel það eiga skilin, milljón, hundraðþúsund eða tíu milljónir. Hvað ég borga í laun kemur þér nákvæmlega ekkert við, nema þú borgir launin sjálf.

  Hvað ætlarðu að segja við sjómenn sem hafa meira en milljón á mánuði? Hvað segirðu við unga fólkið, t.d. læknana, sem vinna myrkranna á milli og hafa góðar tekjur?

  Ég get vel skilið að þingmennska sé þægileg innivinna, enda eruð þið hálft árið í fríi og á fullum launum, en við hin viljum geta aukið tekjur okkar eftir atvikum með því að vinna mikið.

  Ég get sagt þér, að lokum, að ég vil ekki búa í samfélagi þar sem ofuröfundsýki ríkir í garð þeirra sem gengur vel í samfélaginu og hafa góðar tekjur. Hvernig þú rærð á mið lýðskrumarans er með ólíkindum og ég í raun vorkenni þér að hafa svona brenglaða öfundsýkissýn á samfélagið.

•   Jónas // 8.3 2011 kl. 16:33

  Hvatinn til nýsköpunar er drifinn áfram í hagnaðarvon. Ert þú á móti nýsköpun?

  Mæli með að þú hugsir aðeins áður en þú lætur svona vitleysu í orð, getur t.d. byrjað á því að kynna þér pappír eftir Bénabou (1996), Aghion, Caroli og García-Peñalosa (1999)) ásamt Hopkins and Kornienko (2006).

•   Ingólfur // 8.3 2011 kl. 16:57

  Ég er alveg sammála þér,Þó prsónulega finnist mér 1200.000 helst til of lágt, en það er matsatriði.

  Nú er að hætta að tala og byrja að framkvæma

  gangi þér vel….

•   Gunni gamli // 8.3 2011 kl. 16:57

  Sæl Ólína.
  Oft er ég sammála þér en nú finnst mér flumbrugangurinn sem einkennir þig á stundum fara úr böndunum. Hafa verður í huga að Íslandsbanki er 95% og Arion Banki er 87% í erlendri eigu. Þetta eru semsagt erlendir bankar á Íslenskir kennitölu. Þess hærri laun sem þeir greiða þess meira kemur í skattgreiðslur til Íslensks samfélags. Stór hluti þessara ofurlauna er skattlagður um 46,21% sem er nú bærileg skattheimta. Það sem þið stjórnmálamennirnir ættuð að gera er að draga úr innistæðutryggingum ríkissjóðs hjá bönkum sem geta greitt svona rausnarleg laun. Það væri eðlilegt að draga innistæðutrygginguna niður um einhver 8-10% á mánuði þar til hún er horfin af bökum okkar skattgreiðenda.

•   Gestur Tr // 8.3 2011 kl. 16:59

  Alltaf merkilegt að heyra þingmann – hvað þá í meirihluta – bauna á kjararáð.

  Í ráðinu eru 5 aðilar. Þar af 3 kosin af Alþingi og einn af ráðherra. Ef þessir 4 ná ekki að endurspegla vilja Alþingis eða stjórnarinnar þá hafa þeir sem veittu þeim umboðið fullt vald til að taka það af þeim.

  Kjararáð starfar samkvæmt lögum og þeir sem sitja í ráðinu segjast bundinn af þessum lögum. Hver setur lög? Er það ekki Alþingi?

  Ólína – ef þú ætlar að koma með frumvarp sem eykur skatta launamanna (og ég er reyndar alveg opin fyrir hátekjuþrepi) þá væri gott að þú byrjaðir á þeim sem eru nánast með sjálftöku á launahækkunum.

•   Anna María Sverrisdóttir // 8.3 2011 kl. 17:03

  Ég á alltaf dálítið bágt með röksemdafærsluna um að hátekjuskattur verði til að koma í veg fyrir að fólk vilji vinna vel eða leggja metnað í störf sín. Græðgi í peninga er bara alls ekki eini drifkraftur fólks. Ég vil meina að ég hafi t.d. lagt lagt metnað í mín störf, reynt að efla mig og í starfi og þróa með framhaldsnámi og á að baki 6 ára háskólanám. Þetta skilar mér þó ekki nema um 330 000 krónum í heildarlaun fyrir 100% vinnu og af þessum krónum þarf ég auðvitað að borga kostnaðinn við námið á sínum tíma og ég ber mikla ábyrgð í starfi.
  Er það sumsé klárt í þínum huga að þeir sem settu landið á hausinn og eru núna að borga sér milljónir í laun hafi lagt svona miklu meiri metnað í störf sín, hafi svo miklu meiri menntun eða axli svo mikla ábyrgð að þeir eigi skilið að fá svo svakalega miklu hærri laun en næsti maður?

•   Oddur Brynjólfsson // 8.3 2011 kl. 17:05

  Ólína Þorvarðardóttir,
  Leyfist mér að spyrja, hvernig dettur þér í hug að láta svona vitleysu útúr þér

  setjum þetta svona upp, maður sem er með 1.2 milljonir á manuði er nu þegar buinn að borga mjög mikið í skatt og hátekjuskatt. hann hefur harkað af sér og staðið sig vel í lifinu annaðhvort með námi eða vinnu og er kominn á þennan launastandard. Á að fara refsa þessum einstakling sem vill vera með 2 milljonir á manuði með því að láta hann borga 640 þús krónur í skatt af þessum viðbótar 800 þús krónum? s.s það gera 160 þús kr, þá á hann eftir að borga af því í orlof, lífeyrissparnað og stéttarfélag.. S.s hann fær bókstaflega ekkert útborgað aukalega?

  Er þetta grín? komst einhver inn á svæðið þitt og skrifaði þetta?

•   Baldur F. // 8.3 2011 kl. 17:08

  Ríkissjóður er vita fallít en fer náttúrlega ekki opinberlega á hausinn vegna þess að skattar verða hækkaðir til að forða eða amk. fresta því.

  Það er ekki skynsamlegt að stökkva strax í 80% þrep upp úr því kerfi sem fyrir er. Betra er að framkvæma þetta í þrepum og áföngum, svona eins og með froskinn sem verður varla var við að hann sé soðinn lifandi ef hitað er hægt og rólega undir honum.

  Núna byrjar hæsta tekjuskattsþrepið í 680 þús. og er 47% ef ég man rétt. Fyrsta skref í hækkunum gæti verið að setja 55% á yfir 900 þús. og 65% á yfir 1200 þús. og hækka þessi viðmið svo í rólegheitunum á næstu árum. Jafnframt þarf að hækka verulega mat skattsins á hlunnindum svo sem bifreiðum sem fyrirtæki leggja starfsmönnum til og hækka viðmiðunartölur vegna reiknaðs endurgjalds.

•   Sævar Helgason // 8.3 2011 kl. 17:10

  „Hvatinn til nýsköpunar er drifinn áfram í hagnaðarvon. Ert þú á móti nýsköpun?“

  Og hver er þá hagnaðarvonin. Peningar ? Virðing annara ? Að sjá draumsýn sína rætast ? Að afreka eitthvað sem skiptir mannkyn miklu ? Svona má halda áfram. Peningalegur hagnaður er bara einn þáttur. Hinsvegar hafa launaupphæðir verið taldar til virðingar-að hafa hærri laun en aðrir-sama hver þau eru … Karlar vilja hafa hærri laun en konur. Ef kona nær karli í launum – þá segist karlinn kominn á kerlingarlaun. Hann hafi lækkað í launum -og virðingu. Allt er þetta vel þekkt. Hégómi.

•   Eyjólfur Garðar Svavarsson // 8.3 2011 kl. 17:11

  Mikið er ég sammála þér núna, Ólina Þorvarðardóttir.

•   Gísli Kristjánsson // 8.3 2011 kl. 17:16

  Ég er frumkvöðull, ég tek áhættu til þess að skapa hluti sem ég hef ástríðu fyrir og legg ýmislegt á mig til þess að koma mínum hugarfóstrum á framfæri.
  Ég er ekki hátekjumaður og meira að segja með tekjur undir framfærslu, þetta legg ég á mig vegna þess að einn daginn vona ég að ég geti greitt mér há laun sem umbun fyrir þau ár sem ég hef lagt í að byggja upp rekstur sem gagnast síðan öðrum, samfélaginu, launafólki sem hefur atvinnu af því sem ég geri og síðan greiði ég tekjuskatt af þeim launum sem ég fæ.
  Þið eruð með þessum tillögum að þurka út vilja fólks til að þiggja svona há laun, reka þá tekjuhæðstu úr landi og minnka skattstofninn..
  Ég skil bara ekki hvað vakir fyrir ykkur með þessu en vitleysan virðist ekki eiga sér takmörk, og heldur ekki skilningsleysi ykkar á niðurstöðum slíkra aðgerða.
  Í það minnsta hugleiði ég nú alvarlega brottflutning og það er í fyrsta sinn frá hruni þótt ótrúlegt megi virðast..

•   Jón Benediktsson // 8.3 2011 kl. 17:25

  Skattþrep af þessu tagi yrði enn einn naglinn í líkkistu heilsugæslunnar og kannski líka spítalaþjónustu hér. Þú getur alveg gleymt því Ólínma að einhver læknir verði á vakt á Ísafirði á kvöldin og um helgar og kannski ekki heldur á daginn með þessari breytingu.Eins og staðan er í dag þá er nokkurn veginn hægt að afla fastra mánaðarlauna heilsugæslulækna á Íslandi með því að vinna á sænskri heilsugæslustöð frá kl. 8-17 í 5-6 virka daga. Með 2ja vikna dagvinnu fæst svipað í vasann eftir skatt ( og líka tekið tillit til flugfargjalda ) eins og fyrir 1 mánaðar dagvinnu + ca. 5 slítandi kvöld – og helgarvaktir á mínum vinnustað á heilsugæslunni í Keflavík. Jafnframt í það heila mun meiri frítími og færri svefnlitlar nætur en með fullri dagvinnu + vöktum hér heima.Vissulega finnur maður til með skjólstæðingum heilsugæslunnar hér vegna versnandi þjónustu en læknar líka að hugsa um eigin afkomu og heilsu. Í þeirri stemningu sem ríkir í þjóðfélaginu yrði maður væntanlega úthrópaður sem hálfgerður krimmi af fólki sem ekki veit hvaða vinna liggur til grundvallar ef maður viðurkennir að maður sé með heildarlaun yfir 1 milljón. Hvort er þá betri kostur að hætta þessu puði hér á ríkistaxtanum þegjandi og hljóðalaust ef skatturinn fer í 70 % eða leggja á sig að takast á við svona rugl sjónarmið Ólínu Þ . og Lilju Mósesdóttur. Ég er búinn að starfa í heilsugæslunni á Íslandi í 20 ár og fyrri part þess tímabils á smánarlaunum og löngu búinn að borga upp vísitölutryggða námslánið mitt. Það þýðir því ekkert Ólína að svara ábendingum af þessu tagi með því að höfða til þess að ég og aðrir í sömu stöðu skuldum ættjörðinni það að vinna á íslenskum ríkistaxta á 70 % skatti. Við erum flestir búnirmað afplána þá þegnskyldu og gott betur.

•   Dísa // 8.3 2011 kl. 17:26

  Hvernig væri að þið myndið sjálf taka ábyrgð á því að hafa klúðrað fráganginum á bönkunum í kringum hrunið. Bankarnir skila ofurhagnaði sem var alveg hægt að sjá fyrir. En ef þið hefðuð HLUSTAÐ á sínum tíma þá hefðu þið varið heimilin og farið fram á almenna leiðréttingu lána, yfir línuna. En þið klúðruðuð þessu!

  Áður en þið íhugið ofurskatt þá hvet ég ykkur um að afnema OFUR EFTIRLAUN YKKAR!!! Byrjið í eigin bakgarði og vælið ekki yfir klúðrinu sem þið eigið sjálf.

  Eins og einhver sagði hér fyrir ofan þá eru þegar ofurskattar til staðar og bankarnir eru í erlendri eigu. Við erum þegar að fá nóg í ríkiskassann frá þessum stofnunum. Og til hvers viljið þið annars ofurskatt, ekki mun hann renna til þegna landsins heldur OFUR skuldir ríkisins á erlendri grundu sem ÞIÐ viljið ólm samþykkja!

•   Baldur F. // 8.3 2011 kl. 17:28

  Það er lítið mál að fá sérfræðinga í kippum fyrir slikk víða um lönd þannig að landflótti þessa yfirborgaða fræðingaliðs hérna er algjört míkróvandamál. Læknar frá Kúbu og Rússlandi, viðskiptafræðingar af atvinnuleysisskrám í BNA og Evrópu osfrv. Hámenntaðir fræðingar á öllum sviðum frá Póllandi.

  Þetta er gullið tækifæri til að losna við amk. hluta þessa yfirborgaða menntaaðals og keyra niður laun og þar með kostnað ríkis og fyrirtækja.

•   Anna María Sverrisdóttir // 8.3 2011 kl. 17:28

  Hvað afsakar þessi laun sem bankastjórarnir eru að skammta sjálfum sér?

•   jon // 8.3 2011 kl. 17:28

  samála

•   Baldur F. // 8.3 2011 kl. 17:39

  Það þarf að vinna þetta strategískt. Leggja fram frumvarp um ný skattþrep og tilkynna til hliðar að menn séu í viðræðum við yfirvöld á Kúbu um að fá hingað lækna. Líka væri sniðugt að vera með auglýsingar í Economist og NYT og víðar um að verið væri að leita eftir sérfræðingum á ýmsum sviðum. Svona frumrannsóknir. Þessi yfirborgaði fræðingaaðall hérna er upp til hópa skuldugur upp fyrir haus og á nippinu og með alls enga samningsstöðu whatever, þannig að það þarf ekki mikið til að hræða hann til hlýðni.

•   ERL // 8.3 2011 kl. 17:44

  Það er ekkert réttlátt við laun bankastjóra, það sem er óréttlæti er að nauðga þjóðinni, með linnulausum skattahækkunum og niðurskurði hjá þeim sem hafa vart ofan í sig eða á. Þeir sem tilheyra kór bankamanna hér inni, gætuð þið lifað af mánuðinn, eftir að reikningar eru greiddir og eftir standa innan við 20.000 kr,á mánuði, þetta á að duga fyrir mat, stærtókorti eða bensíni, matarkorti fyrir barn í skóla og svona mætti endalaust telja. Laun forstjóra eru of há í landinu og ef þið sjáið það ekki, þá er siðferðiskenndin ykkar á samastigi og útrása víkingana. Ég verð að segja eins og er það syrgir mig óendanlega

•   Eggert Herbertsson // 8.3 2011 kl. 17:45

  Ekki tel ég þig á réttri leið í þessu Ólína mín.

  En ef þetta er hugsað sem vilt hugmynd til að skapa umræðu um há laun í samfélaginu, þá skil ég þetta, en annað ekki.

•   Agnar Kr. Þorsteinsson // 8.3 2011 kl. 17:46

  Hvað eru margir með laun yfir 1,2 milljónir á mánuði?

  Eru það ekki örfáir aðilar úr sjálftökustétt landsins sem velflest er fólk sem kom okkur í þessa stöðu: Thorsarar, Engeyingar, Baugsterar, lögmenn, endurskoðendur og slíkir? Efast um að þú finnir marga lækna eða sjómenn þar á meðal.

  Ef það fólk vill ekki hjálpa til við að endurreisa samfélagið með því að greiða samfélaginu Hrunskaðabætur fyrir glæpi sína, þá á það einfaldlega ekki skilið að fá að vera í íslensku samfélagi, hvað þá mennsku samfélagi yfirleitt. Nógan skaða hefur það ollið okkur hingað til og mun halda áfram að valda okkur ef því verður ekki sýnt í fulla heimanna með öllum tiltækum ráðum.

  Og hugsið þetta svo aðeins betur: 70% skattur á tekjur yfir 1.200 milljónir þýðir einfaldlega að sá sem er með 1.500 þúsund í laun á mánuði borgar af 210 þúsun af 300 þúsundum í skatt, ekki 70% af 1.500 þúsund.

•   jon // 8.3 2011 kl. 17:48

  hvað er að það síðast sem vantar eru fleiri skatta það er ekki lausin það hefur
  sýnt sig

•   Hildigunnur Hilmars // 8.3 2011 kl. 17:49

  Það að keyra launin niður kemur ekki lífi í hagkerfið. Vinnandi fólk er skattstofn sem þarf að viðhalda. Langflestar aðgerðir ríkisstjórnarinnar hafa miðað að því að minnka þennan skattstofn og ofurskattur yrði enn einn naglinn í kistuna. Með þessu skattabrjálæði minnkar skattstofninn og þar með tekjur ríkissjóðs. Skattahækkanir í kreppu eru alveg jafn heimskulegar og skattalækkanir í góðæri. Það mun enginn græða á ofursköttunum og allra síst ríkið.
  Og segðu mér Ólína. Heldur þú að þessir peningar, sem þú ætlar nú að reyna að skattleggja, liggi bara ónotaðir inni í einhverum koddaverum út um borg og bí? Nei, hið rétta er að þessir peningar eru á flakki úti í hagkerfinu í formi lána og fjárfestinga. Þeir eru að margfaldast í hvert skipti sem þeir eru hreifðir inn og út af bankabókunum og sjá til þess að líf haldist í hagkerfinu.
  Það er svo seðlabankans að sjá til þess að peningamagnið verði ekki of mikið í umferð.
  Þú og þín vinstrisinnaða kommúnistastjórn talið stanslaust um að peningar gagnist engum nema þeim sem eiga þá.
  Ef ég legg 10 milljónir inn á bankabók er þessar sömu 10 milljónir lánaðar einhverjum öðrum t.d. til að stofna fyrirtæki. Það fyrirtæki skapar atvinnu og stækkar skattstofninn sem ríkið getur herjað á og þannig hafa þessar 10 milljónir MÍNAR orðið til þess að auka tekjur ríkissin ÁN ÞESS að þið hafið þurft að hirða þær af mér í formi skatta.
  Væri ekki gáfulegra stækka skattstofninn með því að láta hann í fríði, í staðinn fyrir að útrýma honum eins og þið virðist leggja upp með? Ég hefði haldið það!

•   Þór Gunnarsson // 8.3 2011 kl. 17:58

  Flott mál Ólína, styð þig heilshugar í þessu.

•   Baldur F. // 8.3 2011 kl. 18:05

  Hildigunnur, ríkissjóður er í raun gjaldþrota með botnlausan hallarekstur og vaxandi skuldafjöll á bakinu. Sveitarfélögin eru síðan líka fallít upp til hópa. Það er því nauðsynlegt að hækka tekjur og lækka gjöld. Það er engin leið framhjá þessu.

  Það er erfitt að hækka skatta á hinum breiða fjölda, miðlungsmanninum, hann er þegar mjólkaður til hins ítrasta. Þess vegna liggur beint við að hækka skatta á hátekjur og eins og ég hef bent á þá liggur í þeirri lausn gullið tækifæri til að keyra niður þessi hálaun og lækka þannig kostnað ríkis og fyrirtækja – með því að flytja inn fólk sem væri hæstánægt með að hafa 1/3 til helmings þess sem þessi ofdekraði og yfirborgaði fræðingaaðall hérna hefur. Eða hóta því ef þessi aðall heldur sig ekki á mottunni.

•   Björn Kristinsson // 8.3 2011 kl. 18:27

  Baldur F. // 8.3 2011 kl. 18:05

  Svo ég orði hugmynd þína á mjög einfaldan hátt þá ertu að leggja til að Ísland verði láglaunaland. Ákveðin hugmdyndafræði út af fyrir sig en hún leiðir til:

  *lítil nýsköpun á Íslandi
  *menntunarstig þjóðarinnar hrakar
  *Ísland festist í að vera frumframleiðsluland
  *grunnstoðir landsins dragast saman

  o.s.frv.

  Niðurstaðan verður að tekjur og afkomuhorfur ríkisins munu dragast saman. Það er góð hugmyndafræði að hafa jöfnuð. Það er hins vegar slæm hugmyndafræði að framkvæma einhverja aðgerð í skjóli þess að menn vilja ekki segja almenningi hversu slæm staða ríkissjóðs sé þ.e. að hann sé nánast gjaldþrota. Allt annað en það er lýðskrum og skilar engu.

  Ég er ekki að réttlæta ofurlaun en við verðum að horfa á hlutina í réttu ljósi.

•   Alfreð // 8.3 2011 kl. 18:28

  Það væri gaman að sjá hvort hún hafi svör við þessu !

•   Birgitta Rós // 8.3 2011 kl. 18:31

  Þessi skattahækkun getur ekki átt við Sjómenn líka, Það verður einfaldlega til þess að þeir hætta að leggja á sig þessa hættu, erfiðisvinnu og fjarlægð frá fjölskyldu og vinum, bankamenn finst mér annað mál.

•   Jón Benediktsson // 8.3 2011 kl. 18:32

  Baldur F :
  Þér verður alveg örugglega að ósk þinni að losna við íslensku læknana og annan slíkan “ aðal“ úr landi með þessu nýja skattþrepi. Það er reyndar hægt að lifa góðu lífi á Íslandi í dag með því að vera í hlutastarfi sem læknir í Skandinavíu og koma heim milli vinnutarna . Ég er heldur ekki viss um að sjómenn á aflaskipum eða færir og duglegir iðnaðarmenn myndu halda áfram að leggja á sig þá miklu vinnu sem þeir gera í dag. Staðreyndin er sú að eftir hrun íslensku krónunnar og tilkomu 46 % þrepsins hefur fjöldi lækna sem eru búsettir á Íslandi unnið fyrir sér með því að vinna að hluta til hér á landi og að hluta í Svíþjóð og Noregi. Þetta er í leiðinni gjaldeyrisöflun í þjóðarbúið þegar lækna flytja heim norskar og sænskar krónur svo bent sé á þann flöt málsins. Það er augljóst hvað myndi leiða af 70-80 % skattþrepi í anda Ólínu Þ. og Lilju Mós. Hvort sem mönnum líkar betur eða verr.
  Gangi þér vel með kúbversku læknana Baldur F. Pólsku læknarnir kæmu örugglega ekki hingað , þeir færu frekar til Svíþjóðar og Noregs þar sem margir þeirra starfa nú þegar.

•   Lúðvík Júlíusson // 8.3 2011 kl. 18:40

  Ólína, þú ert nýbúinn að samþykkja frumvarp sem sleppir auðmönnum við að skila erlendum fjármagnstekjum sínum til landsins!

  Þannig kemur minni gjaldeyrir til landsins auk þess sem þessar tekjur eru ekki skattlagðar.

  Hvernig væri að afnema þessa undanþágu og auka þar með skatttekjur ríkissjóðs?

  Hvers vegna telur þú, Ólína, nauðsynlegt að hygla auðmönnum með þessum hætti?

  Þú ert í mótsögn við sjálfa þig!

•   Gagarýnir // 8.3 2011 kl. 18:54

  Mér finnst núverandi ríkisstjórn og meirihluti vera að halda sjó. Gaman þegar Guðlaugur Þór rífur hár og skegg af vandlætingu. Kannski fáum við fleiri heilaga flagellata úr þeim búðum. AGS hefur verið hér og þar á bæ eru bankar heilagar kýr. Launamál bankastjóra eru mál eigenda bankanna.
  Menn halda enn að við höfum ríkisbanka.
  Við eigum reynda einn dálítið dularfullan.

•   Guðrún G. // 8.3 2011 kl. 19:05

  Ólína mín, það er augljóst að lesendur þínir eru ekki láglaunafólkið á Íslandi, ef marka má þau öfgafullu viðbrögð sem þú færð við þessari bloggfærslu.

  Ég er alveg sammála þér, að það á að setja ofurskatt á ofurlaun. HVort mörkin eru við 1200 þúsund eð 2-3 milljónir er aukaatriði (eins og þú bendir sjálf á). Sjálfri finnst mér allt í lagi að miða við 1,5 mkr. Það lifa allir vel af slíkum launum.

•   Baldur F. // 8.3 2011 kl. 19:07

  Björn og Jón B., hvernig viljið þið þá bregðast þeirri stöðu sem ríkissjóður og sveitarfélög eru í og ég vil kalla gjaldþrota hrylling? Það hlýtur að mínu mati að kalla á að hækka tekjur og lækka launakostnað. Það er hægt að ná því fram óbeint í gegnum gengisfellingu og verðbólgu (gamla ráðið hérna) en líka beint með því að notfæra sér þá staðreynd að heimurinn er gjörsamlega að drukkna í tækniframförum, offramleiðslugetu og ódýru og hámenntuðu vinnuafli. Efnahagsaðgerðir sem beinast að því að losna við segjum 30-40 þúsund af yfirborguðu vinnuafli úr landi og fá í staðinn hámenntað og mótiverað vinnuafl fyrir slikk frá þessum offramleiðsluheimi liggja beint við að mínu mati.

•   Hildigunnur Hilmars // 8.3 2011 kl. 19:20

  Þetta er eitthvað sem Ólína og félagar hefðu gott af því að lesa.

  http://www.pressan.is/pressupennar/LesaVigni/vid-thurfum-a-rika-folkinu-ad-halda

  Tek smá útdrátt úr þessum pistli eftir hann Vigni Má Lýðsson.

  „Í landi búa tíu manns þar sem skatthlutfallið er 40% og grunnþjónusta hins opinbera kostar 760 þúsund fyrir allt landið. Níu af þessum tíu eru með 100 þúsund í laun en einn íbúi er með 1 milljón í laun.

  Tekjur þessa ríkis af skattheimtu eru þar með 9×40 þúsund + 1×400 þúsund = 760 þúsund.

  Nú ákveður ríkið að hækka skattinn í 50%. Þeir sem eru með 100 þúsund í laun eiga ekki efni á að flytja til útlanda en þessi eini sem er með 1 milljón lætur verða að því að flýja land.

  Hvaða tekjur fær ríkið nú?

  Jú, nú eru bara níu láglaunamenn eftir í landinu sem hver og einn borgar 50 þúsund í skatt svo heildarskatttekjur eru 9×50 þúsund = 450 þúsund. Ríkið þarf hins vegar 760 þúsund til að standa straum af grunnþjónustu.

  Þar sem þessi ríki, já og „vondi“ eins og ríkir menn eru álitnir vera í dag, er farinn þá þarf að hækka skatta enn meira á þessa níu láglaunamenn sem eftir eru til að stoppa í fjárlagagatið sem er alls 310 þúsund krónur.

  Hvernig fer ríkið að því? Jú, hér vantar 310 þúsund sem deila þarf milli 9 íbúa, þ.a. skattur á þessar hræður er hækkaður í 84,4% .“

  Verði þér ofurskatturinn þinn að góðu Ólína!

•   Karl Lúðvíksson // 8.3 2011 kl. 19:31

  Baldur F:

  Hugsunarháttur þinn jaðrar við að vera Stalínískur og ég þakka Guði fyrir að þú skulir ekki stjórna þessu landi.

  Orðrétt eftir þér haft: „Efnahagsaðgerðir sem beinast að því að losna við segjum 30-40 þúsund af yfirborguðu vinnuafli úr landi og fá í staðinn hámenntað og mótiverað vinnuafl fyrir slikk frá þessum offramleiðsluheimi liggja beint við að mínu mati“

  Ertu sem sagt að leggja til að það sé bara í lagi að „losna við“ 30-40.000 samborgara þinna því það er vel menntað fólk sem þarf að greiða af námslánum og vill lifa sómasamlegu lífi?

  Önnur spurning sem ég vill gjarnan velta yfir á ykkur sem finnst þetta vera góð hugmynd.

  Ef ég á fyrirtæki sem er vel rekið, hvað kemur Ríkinu það við hvað ég borga sjálfum mér og mínu fólki í laun?

  Það er ekki ykkar að ákveða hvað aðrir þurfa. Ef ég vill ferðast oft á ári, búa í stóru húsi, eiga nýja bíla eða leyfa mér einhvern munað, er það ekki ykkar að ákveða að ég eigi þetta ekki skilið. Ef ég legg á mig mikla vinnu, mennta mig vel, tekst að stofna og reka fjárhagslega arðbært fyrirtæki er það algerlega mitt mál hvaða tekjur ég hef. Þessi framkvæmdagleði sem einkennir marga Íslendinga er það sem býr til hagsæld og er atvinnuskapandi. Menn og konur með dugnað og þor til að standa upp úr fjöldanum og gera meira og gera betur! Ég er ekki að lofsyngja bankana, fékk ógeð eins og flestir við að horfa á ruglið sem var í gangi fyrir hrun og er ennþá með ógeð á ruglinu sem fylgir eftir hrun. En það þýðir ekki að setja alla frumkvöðla og athafnamenn landsins undir sama hattinn.

  Lifið heil

•   Björn Kristinsson // 8.3 2011 kl. 19:33

  Guðrún G. // 8.3 2011 kl. 19:05

  Maður þarf ekki að vera með ofurlaun til að hafa skoðun á skattastefnu. Staðreyndin er einfaldlega sú að ríkið hefur ekki tekið til í stjórnsýslunni að ráði. Það er enn keyrt á fullum dampi. Það sýna bæði ráðningar og útgjöld.

  Á meðan blæða hins vegar lykilþættir eins og skólar, og spítalar.

  Ég er einfaldlega ekki sammála því að þessi aðgerð skili einhverju. Fyrir mér er hún einfaldlega merki um lýðskrum, já ég segi það. Það er verið að keyra upp öfund og neikvæðni hjá almenningi. Alþingi (allir flokkar) er enn að vinna í sömu neikvæðu orkunni í stað orku uppbyggingar. Horfum einfaldlega á staðreyndirnar þær tala sínu máli.

  Ég endurtek enn og aftur að ég er mjög fylgjandi jöfnuði en ofangreindar tillögur eru einfaldlega brennimerktar annari hugsun og orku sem við eigum ekki að vera að lifa í. Hún færir okkur aðeins aftur á bak.

  Baldur F. // 8.3 2011 kl. 19:07

  Þetta virkar ekki. Öll lönd í kringum okkur borga betur og bjóða betri möguleika í tæknimálum. Eina leiðin út úr vanda okkar er:

  *Byggja upp atvinnulífið – blanda af uppbyggingu í orkufrekum iðnaði og annarri nýsköpun. Verðum þó að forðast stóra fjárfestingar í hefðundinni stóriðju

  *Laga skuldastöðu ríkisins – um 100 milljarðar IKR fara á hverju ári í afborganir af lánum ríkisins. Þetta er um 20% af tekjum þess ! Ríkið þarf að nálgast lánveitendur sínar og ná samkomulagi um skuldaaðlögun. Helstu lánveitendur ríkisins eru:

  Lífeyrissjóðir
  Erlendir fjárfestingabankar

  Þessi aðgerð er sú langmikilvægasta af öllum.

  *Einfalda stjórnsýsluna – við höfum allt of flókna og dýra stjórnsýslu fyrir ekki nema 300.000 manna þjóð.

  *Stöðugleika í stjórnmálum – þetta atriði skiptir meira máli í rekstri fyrirtækja en margir halda. Þegar sífellt er verið að breyta reglum bæði framvirkt sem og afturvirkt þá vill enginn starfa hér; óvissan of mikil en ógóðinn takmarkaður.

•   Baldur F. // 8.3 2011 kl. 19:54

  Karl L, Ég hef lýst mínum hugmyndum að um hvernig beri að leysa úr gjaldþroti hins opinbera. Við þurfum að hafa í huga að fyrir aðeins nokkrum misserum sögðu auðtrúa geðsjúklingar við stjórn ríkisins okkur í 200sta skipti að hér væri eilíft góðæri og þegar slíkur heilaþvottur hefur verið lengi byggður upp þá er því ekki snúið við á punktinum frekar en risaolíuskipi. Við getum kallað það skriðþunga ruglandans. Ruglandinn virkar sem sagt enn og og því miður það sem drífur ruglandann til að byrja með það er nýjar skuldir til að redda hinum. Þetta er keðjubréfakerfi sem er dæmt til að hrynja og ég vil ekki sjá afleiðingar þess og því reyni ég að benda á skárri kosti.

•   Baldur F. // 8.3 2011 kl. 20:18

  Björn K., ég efa stórlega að sé veruleg ufframeftirspurn eftir tækninýjungum í heimi sem er gjörsamlega að drukkna í tækniframförum – nema kannski hjá ríkisstjórnum sem fela atvinnuleysi á bak við slíka auglýsingafrasa. Hagtölur eru jú alltaf pólitískar.

  Það sem þú segir ber vott um langtímahugsun að mínu mati og ekki nema gott um það að segja, nema að núna þurfum við að bregðast strax við nútíma krísu. Við lögum ekkert núverandi gjaldþrot með því að taka enn frekari lán. Síðan tökum við lán fyrir afborgununum osfrv. Fólk sem hefur sína hugsun úr micro yfirfærir hana síðan í macro eftir að það kemst til valda. Þetta er sjálfseyðandi kerfi, því miður.

•   Björn Kristinsson // 8.3 2011 kl. 20:28

  Baldur F. // 8.3 2011 kl. 20:18

  Í fyrri pósti mínum sagði ég að skuldaðlögun hins opinbera væri langmikilvægasta aðgerðin til skamms tíma.

  Þetta verður að gera strax annars fer ríkissjóður beint í gjaldþrot.

  Endurtek aftur að helstu lánveitendur ríkisins eru:

  Lífeyrissjóðirnir
  Erlendir fjárfestingabankar og fagaðilar

  Þetta er erfið aðgerð en hún skilur á milli feigs og ófeigs. Við erum sammála um það.

  Baldur, ég er einfaldlega ekki þeirrar trúar að láglaunastefna og háir skattar muni koma okkur úr þessum vanda sem við erum í.

  Rétt hjá þér með lánin. Við getum ekki tekið stór lán. Það er hin napra staðreynd og þess vegna neyðumst við til að hugsa einfaldlega á annan hátt eins og svara fyrir okkur sjálfum mjög erfiðum spurningum.

  Staðreyndin er þessi:

  Skuldir íslenska ríkisins eru um 1300-1500 milljarðar í dag.

  Þetta eru vaxtaberandi skuldir sem þarf að greiða af um +100 milljarða á ári.

  Tekjur íslenska ríkisins eru um 500 milljarðar á ári.

  Erlend skuldastaða þjóðarinnar fyrir utan banka og Actavís er 2600-3000 milljarðar IKR (2X landsframleiðsla). Hún breytist ekkert þótt við skiptum um mynt.

  Baldur, ég veit um okkar sorglegu stöðu og hún svíður. Málið er að ofur skattlagnin og lág laun duga ekki til að koma okkur áfram.

•   Baldur F. // 8.3 2011 kl. 20:31

  Annars vantar hinn ágæta málshefjanda í þessa umræðu, af einhverjum ástæðum, og vona ég að það standi til batnaðar. Ef þú vilt halda fram skoðunum þarftu að vera fullbúin til að halda þeim fram.

•   Guðmundur // 8.3 2011 kl. 21:05

  Það er klárt að ég fer ekki út á sjó í skítaveðrum , sveittur , blautur , illa lyktandi, hræddur um líf mitt, frá fjölskyldu og strákunum mínum!
  Fer frekar á atvinnuleysisbætur, sæki einhver hannyrðarnámskeið og stofna handverkshús byggt á styrkjum frá Ríkinu!
  Sel vonandi nokkrar lopahosur og peysur hálfvitunum sem halda áfram á ´sjónum!
  Hvernig er það , fær húsvörðurinn á alþingi svona eftirlaunasamning? Hann gerir allavega ekki minna gagn en hitt gengið!

•   Siggi T // 8.3 2011 kl. 21:16

  Bankasýslan brást gjörsamlega, og þar þarf að skipta út, því það er ríkisábyrð á öllum innlánum, og fulltrúi bankasýslunnar hefur þar af leiðandi mikil völd ef hann vill beita sér, á meðan ríkisábyrð er, er ekki hægt að réttlæta önnur laun, en bankastjóri Landsbankans hefur.

  Ef bankaráð Aríon og Íslandsbanka eru ekki tilbúin að leiðrétta þessa vitleysu, og færa laun bankastjóranna að launum bankastjóra Landsbankans, á að segja ríkisábyrgðinni upp umsvifalaust.

•   Baldur F. // 8.3 2011 kl. 21:46

  Við kjósum nokkra sýndartoppa í gervikosningum í boði fyrirtækjaveldisins. Restin af því sem við kjósum er grús, uppfyllingarefni. Toppurinn er yfirleitt meira og minna veiklaður spítalamatur og því auðveld handbendi fyrirtækjaveldisins sem hefur látið þennan spítalamat afhenda sér eigur ríkisins til að spila með þær með afleiðingum þar sem langt er í að öll kurl komi til grafar. Til þess að ljúga þessa óvissu áfram og geta með tímanum hirt auðævi Íslands á endanum fyrir ekki neitt hefur þessi hættulega fjármálamafía núna múmíu sem forsætisráðherra og löngu útrunna risaeðlu sem hefur verið að hjakka á Álþingi í 30 ár, án sjáanlegs árangurs, sem fjármálaráðherra. Það er nú allt lýðræðið.

  Meinsemdin hefur verið langvarandi og hefðbundið erlent eignarhald á íslenskum stjórnmálamönnum og þar af leiðandi skortur á innlendri hugmyndafræði í þágu innlendra hagsmuna. Þessi leppamórall hefur einkennt toppinn hérna alveg frá Hannesi Hafstein og Hriflu Jónasi til þessarra múmía sem eru við völd í dag. Sumt af þessu lá lengi undir Bretum og Kananum og sem stendur liggur það undir Ráðstjórnarveldi.Evrópubandalagsins. Þetta var lengi vel auðvelt líf, annað hvort að vera á bakinu eða á fjórum fótum en ekki mjög uppbyggilegt til lengdar eins og sífellt betur blasir við. Pimpinn hirðir allt á endanum og eftir situr hóran og trekkir ekki lengur neitt.

•   Dagga // 8.3 2011 kl. 22:01

  Baldur F.
  Ólínu gæti sárnað niðurlagið hjá þér!

•   Jón Jón Jónsson // 8.3 2011 kl. 22:09

  Ég virði vilja Ólínu mikils, en nú bíðum við efndanna.

•   Baldur F. // 8.3 2011 kl. 22:12

  Dagga, ég er nú ekkert sérstaklega að kvenkenna þessa ógeðfelldu atvinnugrein í þessarri samlíkingu, enda varla við hæfi á sjálfum Kvennadeginum (og afmælisdeginum mínum). Þetta snýst mest um mentalítet og er ókynbundið sem slíkt.

•   Lilja // 8.3 2011 kl. 22:30

  Hættið að hækka skatta hjá hálauna fólki – Lækkið þá hjá lálaunafólki… já, og segjið svo af ykkur…

•   Eyjólfur // 8.3 2011 kl. 22:31

  Dapurt að vera Samfylkingarmaður í dag, ef svona málflutningur er settur fram af einhverri sannfæringu. Auðvitað ber að fagna því að bankarnir geta greitt slík laun, því þá ætti að vera borð fyrir báru hjá þeim, að lækka enn frekar skuldir hjá skuldugum einstaklingum og fyrirtækjum. Þú hefðir gott af Ólína að fara í læri í hagstjórn hjá mönnum eins og Jóni Baldvin, sem manna best getur útskýrt á mannamáli hvernig jafnaðarmenn eiga að byggja upp velferðarkerfi. Ef eitthvað þessu líku á að vera kjarninn í ykkar málflutning tel ég að stórum hópi samfylkingarfólks finnist komið nóg. Þið stefnduð að norrænni velferðarstjórn, en sú vegferð sem þið eruð á stefnir í þveröfuga átt. Þið náið aldrei árangri ef þið ætlið að vera í gíslingu afdankaðra stjórnmálamanna sem hluti VG eru óneitanlega. Þeirra pólitík hefur hvergi í heiminum skapað vegsæld.

•   Skafti Harðarson // 8.3 2011 kl. 22:39

  Af hverju ekki bara að banna laun yfir 1.200 þús á mánuði og þá auðvitað líka heilartekjur fjölskyldna yfir 1.200 þús á mánuði? 80% skattur gegnir svipuðu hlutverki. Eða bara að gera alla landreka sem hafa hæfileika, getu eða nennu umfram Jóhönnu. Skulum ekki bara miða við hana í launum, heldur færa alla niðrá hennar stig á öllum sviðum.

  Þessi hugmynd þín var aflögð í hinum vestræna heimi fyrir um 40 árum þegar ljóst var að skattlagning af þessari gerð lagði allt í dróma. En þú og línir líkar fylgið einlæglega stefnunni „sæl er sameiginleg eymd“. Hjá ykkur gildir það að betra er að afhausa þá sem hærri eru, heldur en að lána hinum minni stól til að standa á.

•   sigthor jonsson // 8.3 2011 kl. 23:00

  Maður hlýtur nú að velta því fyrir sér hvernig stendur á því að Samfylkingin og VG séu ekki löngu búin að koma með ráðstafanir fyrir svona launum og bónusum, þetta hefur verið í umræðunni út um allan heim en ekkert hefur heyrst í Íslenskum pólitíkusum, og svo kemur annað, skrá þeir sig ekki bara á lág laun og stofna einkahlutafélag og selja tímann sinn og greiða sér svo út arð….

  Það er ennþá hægt þar sem Samfylkingin og VG hafa ekki gert nokkurn skapaðan hlut til þess að koma í veg fyrir kennitöluflakk …

  Er ekki hægt að skrifa þessi ofurlaun á ykkur þar sem þið hafið einfaldlega ekki staðið ykkur í því starfi sem þið voruð kosin til að gegna

•   sigthor jonsson // 8.3 2011 kl. 23:01

  Skafti í Danmörku getur hátekjuskattur farið upp í 65%, hátekjuskattur miðar nú við um 700þ krónur Íslenskar á mánuði, og stighækkar svo eftir því sem launinn hækka…

  Seinast þegar ég tjékkaði var Danmörk vestrænt land

•   Baldur F. // 8.3 2011 kl. 23:32

  Svíar hafa ekkert orðið varir við kreppuna. Þar er allt í blóma með háa skatta og sterkt félagslegt kerfi. Þeir hafa lengi rekið félagslega ábyrgan kapítalisma með mjög góðum árangri.

•   Baldur F. // 8.3 2011 kl. 23:54

  Trúgjarnir vitleysingar sem tóku mark á þessum skattalækkanaáróðri frá Wall Street eru núna með allt niður um sig, gjaldþrota ríkissjóði og í örvæntingu að hækka skatta. Þrotabúið sem við sitjum uppi með hérna núna er eftir það al al al þynnsta og trúgjarnasta á vesturlöndum og er þá mikið sagt.

•   Steina // 9.3 2011 kl. 01:34

  Sumir sem vinna erfiðisvinnu munu ekki geta hugsað sér að slíta sér út áfram ef „bónusinn“ að hafa eitthvað extra er tekinn af þeim. Þá er bara betra að finna sér einhverja þægilega 8-5 vinnu eða kannski bara fara á bætur.

  Af hverju 1.200 þúsund. Hvaðan kemur það viðmið?

•   Guðfinnur // 9.3 2011 kl. 08:10

  Ólína, með þessum skatt myndirðu reka síðustu læknana úr landi, þeir þurfa í dag að vinna 200 yfirvinnutíma til að manna lausar stöður, ef þú ætlar að taka einig launin af þeim með þessum skatti þá fara þeir það er 100%, nú þurfum við að hugsa rökrétt ekki bara segja eitthvað sem hljómar kosningavænt.

•   Kolbrún Kristín Ólafsdóttir // 9.3 2011 kl. 20:16

  Ég hlustaði á hluta úr viðtali við Ólínu á Bylgjunni í dag..
  Er sanngjarnt að læknir hafi tíu sinnum hærri laun en aðrir starfsmenn á spítalanum??vitnar hún í !! Ég segi já þar sem að læknar sérstaklega sérfræðingar eru búin að leggja á sig ómælda vinnu og mikið nám sem ekki allir hafa getu til, en þau gátu það og gerðu það vegna áhuga …á faginu og líka til að komast á góð laun og þetta fólk er oft lengi að komast upp launastigan þarf að sanna sig og fá mikla reynslu á skítalaunum áður en þau fá sómasamleg laun og meðalaldur þessa fólks er ábyggilega um 37 ára þegar það lýkur námi . Að sjálfsögðu á þetta fólk að fá tíu sinnum hærri laun en gangastúlkan eða sjúkraliðinn og fl. sem vinna á sjúkrahúsinu . Svona umræða hvetur til enn meiri fólksflótta bull og þvaður Ólína og sóun á tíma !!!!!

•   Sóley // 9.3 2011 kl. 22:01

  Ég sé ekki að neinn eigi skilið meira en tíföld laun einhvers annars í fullri vinnu. Ef forstöðumaður sjúkrahússins er t.d. með tvær milljónir, þá mætti ræstitæknirinn fá 200.000. Það er alveg nógu mikill munur þar á til að menn nenni að mennta sig. Þeir sem hafa tvær millur á mánuði hafa það jú nokkuð gott, og þeir sem eru með 200.000 á mánuði, ja, þeir geta ekki leyft sér alveg það sama.
  Svo ef forstöðumaðurinn vill hækka launin sín um 200.000 (öll laun ræstitæknisins) þá mætti ræstitæknirinn alveg njóta 20.000 kr. hækkunnar. Þetta kerfi myndi koma á einhvers konar lágmárksjöfnuði en þó umbuna vel þeim sem mennta sig, bera mikla ábyrgð og ná langt.
  Svo er líka annað mál: vonum við ekki að einhverjir af þessum læknum sem alltaf eru í umræðunni hafi farið að læra læknisfræði af einhverjum öðrum ástæðum en fégræðgi? Það eru margir langskólagengnir sem ekki eiga von á læknislaunum að námi loknu.

•   Baldur F. // 9.3 2011 kl. 22:41

  Kolbrún Kristín Ólafsdóttir, það er auðvelt að fá úrvalslækna í kippum frá Kúbu, Rússlandi og víðar. Við þurfum að rífa okkur upp úr þessum okuorga hlægilegarheilaþvotti sem ríður húsum hérna. Því að vera að borga hlægilega yfirprísa fyrir það sem er í offramboði um allan heim?

•   Baldur F. // 9.3 2011 kl. 23:34

  Til þess að geta haldið uppi okri þarf að skapa okurhugsunarhátt og það verður sífellt erfiðara í heimi sem er að drukkna í tækniframförum, offramleiðslugetu og sívaxandi fjallgörðum af vel menntuðu og hræódýru vinnuafli. Þá er ég ekki að meina úr þessum hlægilegu og ofurdýru gerviháskólum herna heima, þeir standast enga samkeppni.

  Á síðustu öld fann eitthvað pólitískt drasl upp á því að takmarka fjölda lækna til að halda uppi okurmöguleikum þeirra og þessar múmíur sem núna eru við völd halda sig enn við þessa vonlausu stefnu. Þetta er ekki boðlegt á 21stu öldinni. Það þýðir ekkert að vera með eitthvað löngu útrunnið lið með löngu úreltan okurhugsunarhátt við stjórn.

Rita ummæli