Það er varla tilviljun að mjög neikvæð frétt birtist um mig í DV í dag, þegar prófkjör Samfylkingarinnar stendur sem hæst.
DV birtir frétt um að ég fái 170.000 krónur fyrir hvern fund sem ég sæki í vinnu minni sem varaborgarfulltrúi í Reykjavík.
Þetta er fráleitt.
Heildarmánaðarlaun mín hjá Reykjavíkurborg eru 212.449 krónur fyrir skatta. Ég fæ 25% skerðingu á full laun varaborgarfulltrúa vegna þess að ég sit bara í einu fagráði, Umhverfis- og samgönguráði. Ég á líka sæti í hverfisráði Grafarholts- og Úlfarsárdals og í borgarmálahóp Samfylkingar, sem hittist oft. Auk þess hef ég sótt borgarstjórnarfundi en mæting mín þar er aldrei skráð af því ég á ekki seturétt þar.
Ég er ekki með internet-tengingu á kostnað borgarinnar eins og fullyrt var í fréttinni.
P.S. Blaðamenn DV geta fengið þessa staðreynd varðandi heildarlaun mín staðfesta hjá skrifstofustjóra borgarstjórnar – og hefðu kannski betur gert það áður en þeir birtu fréttina.
Margrét Sverrisdóttir
Ummæli (7)
Rósa // 27.1 2010 kl. 20:49
Situr „bara“ í einu fagráði. Hvað þýðir þetta?
Páll Sig // 27.1 2010 kl. 20:52
Þú færð aukalega greitt fyrir hvern fund sem þú situr í hverfaráði, sem leggjast ofan á laun varaborgarfulltrúa.
Varla áttu að fá greitt fyrir að vera í borgarmálahóp Samfylkingarinnar, hversu oft sem þessi hópur hittist.
Skil heldur ekki af hverju þú ert sérstaklega að taka fram að þú fáir ekki greitt fyrir að mæta á fundi sem þú átt ekki seturétt á. Ekki frekar en ég ætti að fá greitt fyrir að mæta á pallana.
Ásgeir Gunnarsson // 27.1 2010 kl. 20:59
Þarf væntanlega að þinglýsa kosningaloforðum ?
Kristján // 27.1 2010 kl. 22:10
Reynsla mín af blaðamönnum DV er að þeir kjósa frekar að staðfesta fréttir eftir á – röng frétt (sem hægt er að leiðrétta með litlum textakubb á innsíðu) er nefnilega betri/söluvænni en engin frétt.
M // 27.1 2010 kl. 22:28
Myndi ekki hafa áhyggjur, það vita allir að það er ekkert að marka flestar fréttir sem DV birtir.
Bergljot Aðalsteinsd // 27.1 2010 kl. 23:45
Það er sorglegt þegar verið er að reyna að draga heiðarlegt fólk með ósannindum niður í svaðið. Ég dáðist að Margréti þegar hún stóð með sinni samfæringu þegar Kjartan og Villi lóðaskortur reyndu að lokka hana með gylliboðum til að fylgja Ólafi. Ég óska Margréi góðs brautargengis í komandi prófkjöri.
Ómar Þ. Ragnarsson // 27.1 2010 kl. 23:59
Ari fróði lagði línuna: Hafa skal það er sannara reynist. Það er einfalt siðalögmál sem fjölmiðlar eiga að fara eftir að fari þeir rangt með staðreyndir eigi þeir að birta hið sanna á jafnáberandi hátt.
Þess ber að krefjast í þessu máli sem öllum öðrum.
Rita ummæli