Samkvæmt frétt RÚV er svo metið, út frá Þjóðarpúlsar-niðurstöðum Gallup, að Sjálfstæðisflokkurinn sé staddur í 38% fylgi, um 22% styðji Samfylkinguna, tæp 15% Framsóknarflokkinn, 13,5% VG, 2% Hreyfinguna en 10% „önnur framboð“.
Tekið er fram að 15% myndu skila auðu (væntanlega meðtaldir þar þeir sem segjast ekki ætla að kjósa), en uppá vantar í fréttinni að 15% voru óákveðnir svarendur. Spurningin um flokkafylgið byggir því á afstöðu 70% svarenda. Spurt var: Ef kosið yrði til Alþingis í dag, hvaða flokk myndir þú kjósa? Svarendur sem ekki vildu eða átu nefnt „flokk“ voru síðan spurðir: En hvaða flokkur yrði líklegast fyrir valinu? Og svarendur sem enn vildu eða gátu ekki nefnt „flokk“ voru þá enn spurðir: Hvort er líklegra að þú kysir Sjálfstæðisflokkinn eða einhvern hinna flokkanna?
Þessi runa, sem endar á Sjálfstæðisflokknum, er runnin undan því viðtekna mati að sá flokkur ætti minna fylgi meðal óákveðinna, því meira væri um að miðju- og vinstrafólk væri óvisst um 3 valkosti þeim megin en að hægra fólk væri að velkjast í vafa um hægri-kosti. Ef ég man rétt byrjaði Félagsvísindastofnun hér á sambærilegri spurninga-hrynu og hún hefur ótvírætt fræðilega tilvísun. Mér finnst alltént líklegt að búið sé að mæla grunnfylgi Sjálfstæðisflokksins allvel með þessari aðferð.
Það er vitaskuld viðtekin, viðurkennd og oftast lítt umdeilanleg aðferðafræði að miða skiptingu óákveðinna á endandum við skiptingu hinna og tala um fylgið „meðal þeirra sem tóku afstöðu“. Segjum þegar stjórnmálaástandið er temmilega „normalt“. En ástandið er ekki normalt, eins og tölur Capacent sína, þegar við bætum óákveðnum, óánægðum og tölum út frá 100% en ekki 70%. Þá er staðan svona:
26,5% Sjálfstæðisflokkur
15,4% Samfylking
15,0% Skila auðu/ætla ekki að kjósa
15,0% Taka ekki afstöðu
10,4% Framsókn
9,5% VG
8,5% Aðrir/Hreyfingin
Nær 40% vilja ekki tilgreina neinn af fjórflokkunum svokölluðu.
Friðrik Þór Guðmundsson
Ummæli (7)
joi // 2.12 2011 kl. 21:47
Skoðanakannanir síðustu mánaða hafa nú ekki verið mjög áreiðanlegar. Voru ekki flestar kannanir sem voru framkvæmdar fyrir Icesave þjóðaratkvæðagreiðsluna á þann veg að samkomulagið yrði samþykkt ca. 60-40, en reyndist síðan fellt með sama mun, þar skeikaði miklu. Sama átti síðan við þegar kosið var til formanns Sjálfstæðisflokksins nú um daginn. Þá hömuðust vinstri miðlarnir á því að koma með hverja könnunina á fætur annarri sem sýndi afburða fylgi Hönnu Birnu gegn Bjarna Ben. , allt upp í 70-30. Það vita allir hvernig það fór.
Þessi tala óákveðinna á eftir að falla nokkuð jafnt á flokkana þegar kosningabarráttan hefst. Þessar tölu voru nefninlega svipaðar fyrir síðustu kosningar, en þá fór ekki mjög stórt hlutfall á ný framboð. Þetta skiptist mest á gömlu framboðin.
Telemakkos // 2.12 2011 kl. 22:43
Frá hinu sjónarhorninu séð eru það þó heil 60% sem styðja fjórflokkana.
Versta útreið Fjórflokksins hingað til var að hann fór´niður í 80% 1987, þegar bæði Kvennalistinn og Borgarflokkurinn unnu góða sigra. Kvennalistinn mældist hæst fyrir þær kosningar með 30% fylgi og Borgaraflokkurinn fór yfir 20%. Báðir flokkarnir enduðu í um 10% fylgi hvor um sig.
Svo fremi sem ekki birtist „stjærneskud“ eins og Besti flokkurinn í borgarstjórnarkosningunum í Reykjavík 2010, þá held ég að Fjórflokkurinn verði áfram með 75-80% fylgi í næstu alþingiskosningum. Sem þýðir, að ný framboð gætu verið að landa 15-18 þingsætum og ná .ar með oddaaðstöðu á þingi.
JR // 2.12 2011 kl. 22:50
Ekki veit ég um ykkar hug, en vil bara ítreka það sem ég hef sagt áður.
Ég skil ekki hvernig fólk getur lifað á því að spyrja fólk út svona spurningum ?
Er ekki verið að skera niður í heilbrigðismálum ?
Hvað er að fólki ?
Látið sjúklingana bara lifa á spurningum !!!!!
Friðjón // 3.12 2011 kl. 00:15
Friðrik
Þú verður að taka með í reikninginn að það eru alltaf 12-17% sem hafna kosningum eða geta ekki kosið.
Þátttaka í þingkosningunum 2003 var 87.7%, 2007 83.6% og 2009 85.1%
Það er því engin frétt að 15% segist ekki ætla að kjósa eða skila auðu.
Þessi 15% nýtast tildæmis aldrei til að úthluta þingsæti.
Ef þú tekur þessi 15% út þá „hafna“ 27.5% „fjórflokknum. Ef allt það fólk væri sammála í pólitík og fyndi farveg með einu framboði þá myndi slíkt framboð vera næst stærsti þingflokkurinn. En þar sem það er mjög ólíklegt að svo sundurleitur anti-allt hópur geti náð saman er allra líklegast að þú sitjir uppi með béskrittans fjórflokkinn umókomna tíð…
Góðar stundir
Friðrik Þór // 3.12 2011 kl. 11:55
Friðjón; liggja fyrir einhver rök/fræði sem sýna að 15% í könnunum sem ekki gefa afstöðu og 15% í kosningum sem kjósa ekki séu sami hópurinn? Ég leyfi mér ekki að segja að svo sé og efast rayunar um það.
Friðrik Þór Guðmundsson // 3.12 2011 kl. 13:51
Hugleiðum málið öllu ofangreindu til viðbótar ýmsar aðrar vísbendingar. Í könnun MMR (http://mmr.is/frettir/birtar-nieurstoeeur/228-triejungur-segir-framboe-guemundar-koma-til-greina) nýlega kom fram að um þriðjungur aðspurðra taldi að það kæmi til reina að kjósa framboð Guðmundar Steingrímssonar. Í annarri könnun MMR (í september, http://mmr.is/frettir/birtar-nieurstoeeur/222-rum-20-segja-besta-flokkinn-koma-til-greina) töldu 21% aðspurðra að til greina kæmi að kjósa framboð Besta flokksins.
Þetta segir mér ýmislegt um að óáreiðanlegt sé að yfirfæra afstöðu hinna ákveðnu yfir á hina óákveðnu. Sem kannski er réttmætt að gera þegar stjórnmálaástandið er „normalt“.
Það er áreiðanlega hægt að finna frekari vísbendingar í kosningarannsóknum Ólafs Þ. Harðarsonar og félaga og kannski að maður kíki á þær, fyrst búið er að opna þann gagnmerka gagnagrunn (http://www.fel.hi.is/islenska_kosningarannsoknin).
joi // 3.12 2011 kl. 22:21
Eitt er fylgni, annað er áreiðanleiki kannanna. Það getur vel verið að fólk segist aðspurt vera tilbúið að kjósa nýtt framboð Guðmundar Steingrímssonar. Það er alltaf ákveðin fylgni á milli þess að taka eitt atriði út, spyrja um slíkt og að tiltekið atriði skori hátt. Áreiðanleikinn þarf hins vegar ekki að vera mikill. Hvað ef t.d. sama úrtak hefði fengið lista af nokkrum einstaklingum, segjum Guðmundi, Davíð Oddssyni, Rannveigu Rist eða einhverjum fleirum, burtséð hvort viðkomandi væri búin/n að ákveða hvort framboð væri klárt. Ætli Guðmundur Steingrímsson myndi ekki lenda ofan í rassvasa Davíðs, og fjarri þess fylgis sem kannski Rannveig Rist fengi.
Svona kannanir eru vonlausar, það vita allir sem eitthvað hafa kynnt sér þessi mál. Í besta falli eru þessar kannanir gerðar til þess eins að trekkja upp fylgi við einhverja sem vilja komast áfram. Þetta gerðist t.d. þegar einhverjir meintir stuðningsmenn HönnuBirnu Kristjánsdóttur létu framkvæma fyrir sig könnun á fylgi hennar v.s. Bjarna Ben. Skv. þeirri könnun var Hanna Birna með 70% fylgi, Bjarni Ben. með 30% fylgi. Allir vita hversu áreiðanleg þessi könnun var. Þeir sem athuguðu þetta vita líka hvað var rangt við þessa könnun.
Vinstri menn reyna eins og þeir geta að moka yfir ömurlegt fylgi ríkisstjórnarflokkanna þessa dagana. Eina leiðin er að trekkja upp ný væntanleg eða hugsanleg framboð kandidatan sem allir vita að eiga ekki séns. Síðan eru málgögn vinstri flokkanna látinn hæpa þetta upp og mikið gert úr málinu. Svona kannanir gagnast engum, þær eru viðkomandi fjölmiðli eða þeim aðila sem leggur eitthvað út af slíkum könnunum sér í hag ekki til framdráttar.
sá sem setur þessa bloggfærslu fram, og telur að 15% auðir seðlar, 15% taki ekki afstöðu og 8,5% skjósi framboðið sem er alltaf að skipta um nafn/mannskap er ekki á réttri leið í sinni greiningu. 15% kjörbærra manna kjósa aldrei hvort sem er. Þá er fyrsti hópurinn afgreiddur. næstu 15%, þeir sem taka ekki afstöðu, þeir munu gera það fyrir kosningar, það er segin saga. Síðasti hópurinn, þessi 8% sem kannski eru á lausu fyrir ný framboð geta farið hvert sem er. Hins vegar mun flokkur með 8% fylgi aldrei geta fylgtVG né Samfylkingu í ríkisstjórn, líklega mun þingstyrkur þessa nýja flokks ekki einu sinni duga vinstri flokkunum í þriggja flokka meirihlutastjórn.
Því miður fyrir stuðningsmenn tæru vinstri stjórnarinnar, þá situr sú stjórn ekki lengur í umboði íslensku þjóðarinnar, með eða án Guðmundar Steingrímssonar. Þessi stjórn þarf að skila inn umboði sínu og fá það endurnýjað í kosningum á næstu mánuðum.
Rita ummæli