Lára Hanna EinarsdóttirHenrý Þór Baldursson hefur verið skorinn niður á Pressunni um helgar en ætlar að birta skrípóið sitt á Facebook í staðinn. Ekki er enn vitað hvort við fáum skrípó þar bæði laugardaga og sunnudaga. Hann kom með fyrstu myndina um nýliðna helgi og sýnir þar mannvalið í forystusveit Sjálfstæðisflokksins.
Sjálfstæðismenn í lagi? - Henrý Þór - 6. febrúar 2010
Ummæli (22)
Góður !!!!
Hins vegar finnst mér teiknari Moggans ALDREI teikna neitt sem hugsanlega mögulega gæti styggt ritstjórann þar.
Hvar er Illugi níundi og Árni Johnsen?
Gott, um að gera að halda þessu öllu til haga, fólk er svo fljótt að gleyma hverjir gerðu hvað í öllum kjaftavaðlinum.
Ef 32% kjósenda finnst Sjálfstæðisflokkurinn vera í lagi þá hlýtur eitthvað mikið að vera að kjósendum sjálfum. Stokkhólms-syndrómið eða bara dæmigerð þrælslund?
@Sigurður#1
Það komust ekki fleiri fyrir á myndinni.
Sigurður Hr.
Restin kaus yfir sig getulausa stjórn – heitir það ekki að skíta í nyt sína?
svakalega eru nú íslendingar heppnir að alþingi skuli vera í dreifðri eignaraðild…….
Þessi mynd er alveg frábær !!
Mikið einvala lið sem FLokkurinn stillir upp !!!
þarf að þinglýsa kosningaloforðum/stefnuskrá flokkana ? þau hafa ekket aðhald þessar verur
Lára Hanna.
Þér fannst ég eitthvað leggjast lágt um daginn þegar ég skaut föstum skotum á þig. Það er auðvelt að saka aðra um slíkt en sjá ekki eigin breyskleika. Lygi verður ekki að sannleika, sama hversu oft hún er endurtekin af Láru Hönnu og DV. Í athugasemdum mínum í gær við færslu þína, http://blog.eyjan.is/larahanna/2010/02/06/spilling-og-sidleysi-blomstra-enn/, skoraði ég á þig að upplýsa lesendur þína um hvaða lög Tryggvi Þór hafi brotið. Það hefurðu ekki ennþá gert en kýs heldur að stilla honum upp sem ótíndum glæpamanni.
Og hvernig stendur á því að þú fjallar aldrei um hugsanlega vafasama hegðun annarra þingmanna, s.s. sölu Össurs Skarphéðinssonar á hlut sínum í SPRON? Sjá frétt á http://frettir.ruv.is/node/107391.
Á ensku er talað um svona málflutning sem „smear campaign“ og þykja þeir ekki merkilegir pappírar, sem slíkt stunda. En ekki á Íslandi, þar er slíkum aðilum hampað sem hetjum.
Jens: Ég biðst forláts, en ertu ólæs? Þessi mynd er eftir mig, ekki Láru Hönnu.
Nú er ég ekki lögfróður, en Tryggvi Þór hefur væntanlega brotið sömu lög og lögin sem voru til grundvallar ákæru ríkissaksóknara á hendur Jóni Ásgeiri Jóhannessyni í Baugsmálinu s.k. Þar segir að hluthafa sé óheimilt að taka lán hjá hlutafélagi nema þau teljist til hefðbundinna viðskiptalána sem séu hluti af umsvifum félagsins. Ekkert hefur komið fram í fréttum að félag Tryggva Þórs, Varnagli, hafi staðið í því að lána almenningi peninga til kaupa á kjallarahæðum. Því situr Tryggvi Þór enn með svarta pétur í þessu máli.
ÍSAT Atvinnugreinaflokkun fyrir félagið Varnagla ehf er:
95 nr.: 74.15.0 Rekstur eignarhaldsfélaga
2008 nr.: 64.99.0 Önnur ótalin fjármálaþjónusta, þó ekki vátryggingafélög og lífeyrissjóði
Um fyrri greinina segir:
Til þessarar greinar telst:
Fyrirtæki þar sem aðalstarfsemin felst í að eiga hlutafé í öðrum fyrirtækjum án þess að þau sjálf framleiði eða bjóði þjónustu að nokkru marki
Um seinni greinina segir:
Til þessarar greinar telst:
Önnur fjármálaþjónusta sem tengist fyrst og fremst miðlun fjármagns með öðrum hætti en lánveitingum: “ starfsemi á sviði kröfuviðskipta “ gerð skiptasamninga, valréttarsamninga og annarra áhættuvarnasamninga “ starfsemi félaga sem annast uppgjör vegna líftrygginga dauðvona fólks. Fjárfestingar fyrir eigin reikning, s.s. áhættufjárfestingarfélög og fjárfestingarhópar
Yfirlýstur tilgangur félagsins er því ekki lánastarfsemi. Það er beinlínis tekið fram að félaginu sé ekki ætlað að stunda lánastarfsemi. Sem þýðir þá væntanlega að lánveiting Tryggva Þórs hefur ekki farið gegnum eðlilegt fjármálaeftirlit.
Sjá: http://www.rsk.is/fyrirtaekjaskra/thjonusta/leit?name=Varnagli+ehf&kt=&addr=
Sæll Henrý.
Já, ég er læs, takk fyrir kurteysilega fyrirspurn um það! Það breytir ekki hver hrærir drulluna ef aðrir taka þátt í að sletta henni.
Og fyrst við erum að ýja að slakri lestrarkunnáttu manna; það er ekki það sama hlutafélag og einkahlutafélag! Um hlutafélög, eins og Baugur, gilda önnur lög en um einkahlutafélög og réttilega er hlutafélögum bannað að lána eigendum sínum. En annað gildir bara um einkahlutafélög, þar er ekkert ólöglegt við slíka gerninga. Og atvinnugreinaflokkun RSK er ekki tæmandi, þar kemur einungis fram meginhlutverk viðkomandi félags.
Og vinsamleg tilmæli til annarra sem ætla að gera athugasemdir við mín skrif: Gerið það málefnalega, ekki koma með sandkassaspurningu eins og „ertu ekki læs?“.
Ekki það að það komi mér á óvart að fá slíkt frá „virðulegum“ skopmyndateiknurum.
Jens Ólafsson,
Þú lagðist jú lágt en föst voru skotin ekki frekar en nú . Ég var ekki búin að sjá athugasemd þína frá í gær og því ekki búin að svara henni.
Það er í sjálfu sér aðdáunarvert hvernig þú reynir að verja siðleysi og spillingu í flokknum þínum – en að sama skapi dapurlegt. Það hlýtur að vera afskaplega erfitt að verða vitni að því að fólkið sem þú hefur bláeygur kosið og hélst að væri a.m.k. réttu megin við línuna vegur í besta falli salt á henni. En það er fínt að þú áttir þig á að lygi verður ekki að sannleika, hversu oft sem hún er endurtekin. Þínir menn í Sjálfstæðisflokknum hafa verið manna duglegastir við að bera lygar á borð fyrir þjóðina og hamra á þeim eins og járnsmiðir á deigu járni.
Tryggvi Þór er grunaður um að hafa brotið 79. grein laga um einkahlutafélög. Þú getur lesið nánar um það hér: http://blog.eyjan.is/larahanna/myndaalbum/?album=1&photo=1773. Og þú getur líka sparað þér stóru orðin um að DV sé að ljúga öllu sem blaðið fjallar um. Sú fullyrðing kæmi strax í bakið á þér og aftur seinna – þegar og ef öll þessi mál sem blaðið hefur fjallað um verða rannsökuð til hlítar.
Tryggvi Þór tók lán hjá félagi sínu til að kaupa kjallaraíbúð í húsinu sem hann bjó í. Hver heilvita maður sem ekki er sleginn blárri flokksblindu sér að það er ekki „venjulegt viðskiptalán“. En mörgum er mikið í mun að verja hvers konar lögleysu, siðleysi og spillingu – og væntanlega eru ástæður fyrir því ýmiss konar.
Stundum held ég að þið sjálfstæðismenn lesið bara þá bloggpistla mína þar sem deilt er á Flokkinn – og hafið því ekki hugmynd um að ég fjalla um fleira. Ég hef margoft gagnrýnt aðra flokka og fólkið í þeim. Spilling fer ekki „flokksgreinaálit“ og finnst alls staðar. Mitt vandamál er að í sólarhringnum eru aðeins 24 tímar og ég hef ekki við að kynna mér mál, fletta upp ýmsum hliðum og skrifa um þau. Ég hef ekki kynnt mér mál Össurar og Árna Þórs eða SPRON mál yfirhöfuð – en mig grunar að fleira eigi eftir að koma upp á yfirborðið í þeim málum öllum og betri upplýsingar. Fjölmiðlar og aðrir bloggarar hafa gert þeim málum skil, a.m.k. upp að einhverju marki. Ef þú ert óþolinmóður legg ég til að þú fjallir sjálfur um þau mál sem þér finnst vanta hjá öðrum – á þinni eigin bloggsíðu.
Í lokaorðum þínum í athugasemdinni kristallast hugsunarháttur sem ég hef vonað að væri útdauður – eða að verða það. Að líta á umfjöllun um lögbrot, spillingu, siðleysi og misnotkun valds sem „smear campaign“ eða rógsherferð er sorglegra en tárum taki. Þótt ansi margir virðist hafa tekið þátt í spillingunni og siðleysinu sem viðgengist hefur hér á landi árum og áratugum saman, og enginn fjórflokkanna sé alveg saklaus, vill svo óheppilega til – fyrir þig – að flokksmenn þínir hafa verið einna öflugastir á þeim vettvangi. Það er því ofureðlilegt að mest sé fjallað um þeirra orð og gerðir.
Ég ætla annars ekki að skattyrðast við þig á þessum vettvangi eða öðrum. Ég skil sárindi hins almenna sjálfstæðismanns og finn til með honum. En mér finnst að þið ættuð frekar að beina spjótum ykkar að flokksforystunni sem sveik ykkur – ekki að boðberunum sem upplýsa um mál forystumanna flokksins og fjalla um þau.
Hugtakið “háskólavændi” er ekki vel skilgreint en oft notað yfir athæfi þeirra
“vísindamanna” sem eru tilbúnir til þess að skrifa skýrslur um ákveðin málefni
þar sem niðurstaðan er fyrirfram ákveðin og pöntuð af þeim sem borga
fyrir skýrsluna.
Prófessor Tryggvi Þór Herbertsson hagfræðingur hefur komið að skýrslugerð.
Einu sinni skrifaði hann skýrslu fyrir olífélögin þar sem hann komst að þeirri niðurstöðu að þau hefðu ekki hagnast á samráði sínu !! Hann hefur aldrei viljað gefa upp hversu mikið hann fékk greitt fyrir þá skýrslugerð. Þessi skýrsla var gefin út af Hagfræðistofnun Háskóla Íslands. Mikil skömm fyrir þá stofnun.
Prófessor Tryggvi Þór Herbertsson skrifaði líka alræmda skýrslu fyrir Viðskiptaráð 2006 ásamt skotveiðifélaga sínum Fredric Mishkin. Eins og alþekkt er var niðurstaða skýrslunnar tóm della. Skýrslan var gefin út af Hagfræðistofnun Háskóla Íslands. Fyrir greiðan borgaði Viðskiptaráð Mishkin 135.000 dollara og Tryggva allt að 2.000.000 íslenskra króna. Mikil skömm fyrir skólann.
Þessi tvö dæmi sýna mér og sjálfsagt mörgum öðrum að það er ekkert mark takandi á fullyrðingum Tryggva Þórs Herbertssonar.
Lára Hanna.
Hvar og hvenær hef ég verið að verja „siðleysi og spillingu“ í Sjálfstæðisflokknum? Af því að ég tek því ekki sem stórasannleik að menn séu lögbrjótar af því að þeir „liggi undir grun“ hjá DV. Já, Tryggvi Þór „liggur undir grun“ eingöngu hjá DV og þér finns það nóg til að slá því fram að hann sé lögbrjótur.
Við skulum hafa eitt á hreinu; ef Tryggvi Þór verður ákærður og dæmdur fyrir að hafa tekið ólöglegt lán skal ég vera fyrstur manna til að krefjast afsagnar hans. En á meðan mál hans er ekki einu sinni til rannsóknar þykir mér framsetning þín einfaldlega til skammar. Hann, eins og aðrir óháð því hvar í flokki þeir standa, eiga rétt að teljast saklausir þar til sekt þeirra sannast fyrir dómstólum „þegar og ef“ ástæða þykir til.
Sem er einnig ástæða þess að ég hef ekki fjallað um meint lögbrot Össurar og Árna Þórs, ég hef einfaldlega engar forsendur til þess.
Gott og vel, þú hefur þá bara ekki tíma til að fjalla um annað en spillingu og siðleysi innan Sjálfstæðisflokksins. Verð að viðurkenna að mér þykir þetta frekar slöpp afsökun en tek hana samt til greina.
Það kann vel að vera að þér finnist lánið hans vera mark um spillingu, það er þá bara þitt mat en þú hefur ekkert rökstutt að hvaða leyti það sé spilling. Hvað er svona rosalega siðspillt við það að taka lán hjá fyrirtæki þar sem peningar eru til staðar? Þú hefur einfaldlega engar forsendur, utan þíns persónulegs mats, til að dæma hvort eitthvað óeðlilegt eða spillt sé á ferðinni. Þó svo að hver „heilvitamaður“ sé sömu skoðunar og þú að eigin sögn.
Umfjöllun um lögbrot, spillingu, siðleysi og misnotkun valds er fyllilega eðlileg þegar um slíkt er að ræða. En umfjöllunin má ekki litast af persónulegum skoðunum viðkomandi stutt vafasamri blaðamennsku. Stundum er hætt við, að í ákafa sínum til að reyna að skapa betri heim, sé farið offari. Gott er að hafa í huga fyrrnefnd orð um sakleysi uns sekt er sönnuð og jafnvel orð tileinkuð Sigmund Freud; „sometimes a cigar is just a cigar“.
Ég er ekkert að „skattyrðast“ út í þig, ég er að gagnrýna málefnalega framsetningu þína. Ég get verið sammála þér í mörgum málum, tek t.d. heilshugar undir gagnrýni þína á arfavitlausa hugmynd um byggingu olíuhreinsunarstöðvar á Vestfjörðum. Í öðrum málum hefur mér fundist þú fara offari í skrifum þínum og áskil ég mér fullan rétt til að gagnrýna slíkan málflutning þinn, ólíkt flestum þeim sem vanalega skrifa athugasemdir á þessu bloggi.
Jens: Mér þykir miður að hafa móðgað þig, velti aðeins fyrir mér hvort þú hefðir ekki haft fyrir því að lesa færsluna.
Mér sýnist þú falla í þá gryfju frjálshyggjumanna að álíta að allt sem fari fram innan „einkahlutafélaga“ sé einkamál hluteigenda. Þannig er það bara ekki, og um þetta fjalla lög. Lög um einkahlutafélög og hlutafélög eru að þessu leiti eins. Meint brot Tryggva varðar við 79. grein laga um einkahlutafélög, eins og Lára Hanna bendir á, en brot Jóns Ásgeirs varðaði við 104. grein hlutafélagalaga. Þessar tvær lagagreinar eru að öðru leiti eins. Menn hafa svo togað og teygt hugtakið „viðskiptalán“ út og suður, en það er nokkuð ljóst að Tryggvi getur ekki bent á önnur lán í þessu samhengi. Þetta er einnig með öllu siðlaust, því einkahlutafélög eins og Varnagli ehf. njóta fyrirgreiðslu í bönkum út á yfirlýst viðskipti félagsins, en síðan eru eigendur að skammta sér af því fé, og gera það væntanlega því þeir fá ekki sjálfir fyrirgreiðslur í bönkum á sömu kjörum og á sömu skilmálum og þeir fá hjá sjálfum sér.
104. grein hlutafélagalaga: Hlutafélagi er hvorki heimilt að veita hluthöfum, stjórnarmönnum eða framkvæmdastjórum félagsins eða móðurfélags þess lán né setja tryggingu fyrir þá. Félagi er einnig óheimilt að veita þeim lán eða setja fyrir þann tryggingu sem giftur er eða í óvígðri sambúð með aðila skv. 1. málsl. eða er skyldur honum að feðgatali eða niðja ellegar stendur hlutaðeigandi að öðru leyti sérstaklega nærri. Ákvæði þessarar málsgreinar taka þó ekki til venjulegra viðskiptalána.
79. grein einkahlutafélagalaga: Einkahlutafélagi er hvorki heimilt að veita hluthöfum, stjórnarmönnum eða framkvæmdastjórum félagsins eða móðurfélags þess lán né setja tryggingu fyrir þá. Félagi er einnig óheimilt að veita þeim lán eða setja fyrir þann tryggingu sem giftur er eða í óvígðri sambúð með aðila skv. 1. málsl. eða er skyldur honum að feðgatali eða niðja ellegar stendur hlutaðeigandi að öðru leyti sérstaklega nærri. Ákvæði þessarar málsgreinar taka þó ekki til venjulegra viðskiptalána.
Að endingu bendi ég á að í myndinni stilli ég engum upp sem „ótíndum glæpamanni“ (sic), heldur er myndin af sakbendingu, þar sem grunuðum er stillt upp til auðkenningar vitna.
Jens,
Þér er fullkomlega frjálst að telja alla saklausa þar til sekt hefur sannast. Jafnvel þótt við blasi að menn hafi haft rangt við. Við vitum að þökk sé Sjálfstæðis- og Framsóknarflokkum eru lög og regluverk í kringum fébrot og alls konar brask í molum, og að alls kyns siðspilling, svik og prettir sem lenda á skattborgurum er lögleg. Við vitum líka öll að ekki fer nema brot af „hrunmálunum“ fyrir dóm. Dómskerfið annar þessu einfaldlega ekki og líklega verður aðeins dæmt í stærstu brotunum. Þýðir það að allir hinir séu saklausir? Nei. Þýðir það að enginn grunur falli á þá sem verða svo heppnir að verða ekki kærðir? Nei. Megum við og eigum við að fjalla um þau mál í fjölmiðlum og á bloggi? Já. Eigum við að fjalla um mál sem eru kannski ekki lögbrot en siðleysi? Já.
Ég heyri að þér þykir lítið til DV koma og segir blaðamennskuna vafasama. Það er þitt mál. Þitt mat, en blaðið er engu að síður með skjöl og gögn á bak við þau mál sem það fjallar um. Það er óhrætt við að afhjúpa og upplýsa um mál sem annars kæmust kannski aldrei upp. Hér hefur ríkt ógnarþöggun allt of lengi og það er tími til kominn að rjúfa hana.
Tímaskortur minn var engin afsökun sem þú þarft að taka til greina. Ég nefndi þetta sem skýringu á því að ég gæti ekki fjallað um nema brotabrot af öllum spillingarmálunum sem koma upp – og ég sagði líka að ég fjallaði um fleira en siðleysi og spillingu innan Sjálfstæðisflokksins. Hvað gengur þér til að snúa þessu svona á haus?
Þú spyrð í upphafi athugasemdar: „Hvar og hvenær hef ég verið að verja „siðleysi og spillingu“ í Sjálfstæðisflokknum?“ Svo svararðu sjálfum þér aðeins neðar þar sem þú segir: „Hvað er svona rosalega siðspillt við það að taka lán hjá fyrirtæki þar sem peningar eru til staðar?“ Jafnvel þótt það sé bannað með lögum, Jens? Hvað gerðu ekki allir útrásardólgarnir og bankamennirnir? Var allt í lagi að þeir tækju sín lán af því peningarnir voru til staðar?
Þú segir að ég hafi engar forsendur utan míns persónulega mats til að dæma hvort eitthvað óeðlilegt eða spillt sé á ferðinni. Seinna segirðu að umfjöllun megi ekki litast af persónulegum skoðunum. Jens… þetta er mín persónulega bloggsíða. Hvaða mat og hverra skoðanir ættu að koma hér fram ef ekki mínar? Skoðanir annarra koma fram í athugasemdum, en í pistlum skrifa ég frá eigin brjósti, samkvæmt mínu siðferði og mínum persónulegu hugmyndum um lífið og tilveruna. Stundum vitna ég í aðra, oft tengi ég í aðrar bloggsíður eða netmiðla – að öðru leyti tjái ég mínar eigin persónulegu skoðanir. Ég hef lagt mig fram við að styðja mál mitt gögnum ýmiss konar – tengt við netsíður, birt greinar og fjölmiðlaumfjöllun. Ef það nægir þér ekki verður svo að vera.
Ég hef ekki tíma til að skrifast á við þig við aðra hverja færslu. Legg til að þú haldir uppi vörnum fyrir þína menn á þinni eigin bloggsíðu. Takk.
Lára Hanna og Henrý.
Deila okkar snýst um túlkun á eftirfarandi setningu á lögum um einkahlutafélög: „Ákvæði þessarar málsgreinar taka þó ekki til venjulegra viðskiptalána.“ Þ.e. hvor um slíkt hafi verið að ræða í tilfelli Tryggva Þórs. Ég tel mig ekki hafa forsendur til að fullyrða að lánið til hans hafi ekki verið „venjulegt viðskiptalán“ en þið teljið ykkur þess umkomin að fullyrða að svo sé ekki og hann hafi brotið lög, nú ef þetta sé ekki lögbrot þá sé þetta örugglega dæmi um spillingu. Ég er einfaldlega þeirrar skoðunar að það sé dómstóla að skera úr um hvort einhver hafi brotið þessi lög, líkt og önnur lög.
Og bara svo það sé alveg á hreinu, ég er bara að tala um tilvik Tryggva Þórs og það hvarflar ekki að mér að fara að halda uppi vörnum fyrir vitleysisgangi hinna s.k. „útrásarvíkinga“ enda ekki saman að jafna. Liggur eitthvað fyrir um að einhverjir hafi tapað á lánveitingunni til Tryggva?
Henrý: Þú móðgaðir mig ekkert, ég var bara að benda þér á að gagnrýna mig málefnalega í stað þess að vera með skæting um slakan lestrarskilning.
Lára Hanna: Auðvitað er þetta þín persónulega bloggsíða og þú hefur frjálsar hendur hvernig þú skrifar. En ég er að reyna að benda þér á að halda ekki að þú sért óskeikul. Og kannski spara stundum stóru orðin, þó þú sért svekkt yfir ástandinu. Og þú verður líka að búast við því að einhver hreyfi andmælum við skrif þín þó svo að „hafir ekki tíma til að skrifast á við“ viðkomandi. Ég held svo sem að það geri ekkert til þó þú hafir ekki tíma til að svara mér, mér sýnist þú hafa nóg af jábræðrum og systrum sem eru tilbúin til að svara mér fyrir þína hönd.
Og mín skoðun er sú að það, að ásaka fólk opinberlega um lögbrot, spillingu, siðblindu og birta teikningar af því þar sem því er still upp sem „grunuðum við sakbendingu“ (svo ég noti orð teiknarans) til þess að gera lítið úr því, sé hrein og klár rógsherferð eða „smear campaign“. Sérstaklega þegar „heimildirnar“ á bak við eru vafasamar. Þó svo að það sé gert í góðri trú eins og ég tel að sé í þínu tilfelli.
Í ljósi skoðunar þinnar á upplýstri umræðu í samfélaginu vona ég að þú samþykkir þessa færslu, en skolli þótti mér það merkilegt að þú værir farin að ritskoða athugasemdirnar frá mér.
Hvernig dettur þér í hug að ég ritskoði athugasemdir, Jens? Það hef ég aldrei gert, hvorki hér né á Moggablogginu. Enginn athugasemdaskrifari hér hefur sýnt af sér þá framkomu að hann verðskuldi ritskoðun eða lokun þótt sumir reyni stundum á þolrifin.
Ein athugasemd virtist týnast fyrir rúmri viku eins og sjá má hér: http://blog.eyjan.is/larahanna/2010/01/29/gylfi-lati-gott-a-vita/. Ég vakta ekki athugasemdir og hef ekki hugmynd um hvort þær birtast strax, eins og þær eiga að gera, eða hvort stundum tefjist birtingin – en slíkt gerðist mjög oft á Moggablogginu. Mínar eigin birtast strax svo ég hef gengið út frá því að svo sé um aðrar.
Fyrr í kvöld kom reyndar upp einhver 505 kerfisvilla sem ég kann engin skil á og veit ekki hvað þýðir, en það lagaðist fljótlega.
Þegar ég lauk störfum sem eftirlitsmaður á ferskum fiski og meðhöndlun hans í fiskvinnsluhúsum hafði þessu eftirliti verið að miklu leyti til vinnsluhúsanna sjálfra og þar með gerðar kröfur um svonefnt „innra eftirlit.“ Þetta innra eftirlit er orðið vel þekkt í hinum ýmsu fyrirtækjum hérlendis af mörgum ólíkum toga.
Mér hefur stundum verið í seinni tíð mjög til efs að innra eftirliti í Sjálfstæðisflokknum sé fylgt eftir sem skyldi.
En jafnframt tek ég fram að umræddur flokkur er ekki að mínum dómi eina fyrirbærið af pólitískum toga sem þannig er ástatt. En öll hegðan Sjálfstæðisflokksins og hans fólks í umgengni við fjármuni og fésýslustofnanir er auðvitað mörgum ofviða til skilnings.
P.s. Skítt með 900 milljónir, en mikið andsk. myndast hún alltaf vel hún Þorgerður Katrín!
Það eru spennandi og skemmtilegir tímar framundan hjá okkur Sjálfstæðismönnum!
hver er njólinn lengst til vinstri?
Brjánn… það er Ásbjörn Óttarsson, þingmaður Sjálfstæðisflokksins. Lestu um mál hans hér:
http://blog.eyjan.is/larahanna/2010/01/27/tekinn/
Rita ummæli