Lára Hanna

Áróðursherferð LÍÚ og kvótagreifanna í fjölmiðlum sem snýst um að íbúar landsbyggðarinnar og þjóðin öll muni þurfa að lepja dauðann úr skel ef kvótakerfinu verði breytt (les.: þeir sjálfir verði mögulega kannski að breyta lífsstílnum) er að springa framan í þá. Kannski er ekki eins auðvelt að sannfæra almenning eins og áður því nú vitum við miklu meira. Við vitum um lúxuslífið, við vitum um þyrlurnar, við vitum um skattaskjólin, við vitum um rányrkjuna undan ströndum Afríku og við vitum hvernig greifarnir hafa lifað á kostnað þjóðarinnar um áratuga skeið – þjóðarinnar sem að nafninu til a.m.k. á auðlindina sem þeir græða á.

Ég bendi sérstaklega á tvær bloggfærslur um málið – eftir Illuga Jökulsson og Björgvin Val Guðmundsson. Í þessu myndaalbúmi er rifjuð upp síðasta áróðursherferð LÍÚ frá 2010.

Mér virðist að auglýsing sem birtist í Fréttablaðinu í gær hafi gert útslagið. Og þegar fregnir bárust um að myndin af fjölskyldunni hefði verið notuð í heimildarleysi varð fjandinn laus. Gerðar hafa verið margar útgáfur af auglýsingunni – stórar og smáar. Hér eru nokkrar þeirra sem hafa flogið með leifturhraða um Facebook og víðar – frumútgáfan efst, ritskoðuð.

Fréttablaðið 12. maí 2012 - ritskoðuð

Þetta er mín eigin útgáfa.

Aðför að auðmönnum - Lára Hanna

Þessa útgáfu fékk Kristinn Hrafnsson senda. Ég veit ekki hver gerði hana.

Vestur Afríka

Þessa sá ég á Facebook síðu Péturs, vinars míns. Henni fylgdi þessi texti: „Nýlega kom í ljós að mynd sem notuð var í áróðurstilgangi af leppum LÍÚ var birt í leyfisleysi. Þegar myndin var fjarlægð kom eftirfarandi í ljós:“

Morgunbladid, Sjálfstæðisflokkurinn og LÍÚ - Pétur

Svo er það vesalings fátæklingurinn hann Magnús Kristinsson í Vestmannaeyjum. Þessi er af Fb-síðu Eyjólfs Eyjólfssonar.

Magnús Kristinsson og þyrlan - Eyjólfur

Að lokum tvær eftir Hjálmtý Heiðdal. Sú fyrri eftir að forsetinn tapar kosningunum:

Forseti eftir tap - Hjálmtýr

Dýraverndunarsinnar ganga á lagið:

Dýraverndunarsinnar - Hjálmtýr

Ef þið eruð með fleiri útgáfur af þessari ósvífnu auglýsingu væri gaman að safna þeim hér saman. Sendið mér þær í tölvupósti á larahanna@simnet.is og getið höfunda – eða ekki… Og þetta verður að fylgja með!

Þessa fékk ég senda frá Sigurði Atlasyni.

Sokkar - Sigurður Atlason

Fjölmargir muna eftir þessari frétt – Ellert Grétarsson gerir sér mat úr henni:

Ætlaði að kaupa tannbursta... - Ellert

Þetta er það eina – eftir því sem ég best veit – sem komið hefur fram í fréttum um þennan svívirðilega áróður. Hvað segja útsvarsgreiðendur í Fjarðarbyggð um að skattinum þeirra sé varið í svona rugl á meðan skorið er niður hjá t.d. skólunum og við umönnun aldraðra og sjúkra? En í öllum hinum sveitarfélögunum?:

Fréttir Stöðvar 2 – 12. maí 2012

Rifjum upp nokkrar fréttir og annað efni um kvótann, kvótakerfið, svindlið, „eigendurna“, skuldirnar, veðsetningarnar og afskriftirnar.

Svindlið í kvótakerfinu – Kompás 6. maí 2007

Ingólfur Arnarson um kvótakerfið og skuldsetningu í sjávarútvegi – Silfur Egils 18. janúar 2009

Landsfundur Sjálfstæðisflokksins í mars 2009

Brim braskar með skip og kvóta – Kastljós 9. desember 2009

Finnbogi Vikar í Silfri Egils 21. febrúar 2010

Hverjir „eiga“ kvótann? – Fréttir Stöðvar 2 – 24. mars 2010

Afskriftir kvótakónga – Tilbrigði við Kastljós 30. september 2010

Finnbogi Vikar í Silfri Egils 3. október 2010

Jakob Valgeir í Stím fær lán þrátt fyrir afskriftir – Kastljós 23. nóvember 2010

Kristinn Pétursson um veðsetningu á kvóta – Silfur Egils 30. janúar 2011

Enn meiri afskriftir Jakobs Valgeirs – Kastljós 19. apríl 2011

Kvóti, skip og afskriftir – Fréttir RÚV 5. október 2011 og Spaugstofan 1. október 2011

Braut Samherji lög? – Kastljós 27. mars 2012

Þorsteinn Már um meint svik Samherja – 29. mars 2012

Hefndaraðgerðir Samherja og Seðlabankinn í rétti – Fréttir RÚV 3. apríl 2012

Samherji, Þorsteinn Már og skálkaskjólin – samanklippt efni

Finnbogi Vikar um kvótafrumvarpið og fleira – Silfur Egils 13. maí 2012

Íslendingar eru ginnkeyptir fyrir ýmiss konar gullæði og virðast ekkert hafa lært af hruninu. Sumir sjá ekki sólina fyrir dollaramerkinu (veljið mynt) í augunum og eru tilbúnir til að selja framtíð barnanna sinna fyrir skammtímagróða. Hvað sem er, hvenær sem er, hvað sem það kostar ef ÞEIR geta grætt á því. Núna.

Og nú ætla menn að verða olíufurstar og græða feitt á mögulegri olíuvinnslu sem kannski verður einhvern tíma á Drekasvæðinu. Mögulega.

Landinn var með innslag um Svartagullið 11. mars 2012

En mig langaði að benda á svolitla tengingu sem ég tel afar mikilvæga því hún tengir gullæðið og olíudraumana við norðurslóðasiglingarnar í von um hlýnun jarðar og áhuga Kínverja á norðausturhorni Íslands. Lítum á nokkrar fréttir frá í mars og júní 2011:

Fréttir Stöðvar 2 – 10. og 16. mars og 1. júní 2011

Stórir draumar á Langanesi og gjörsamlega óraunhæfir myndu sumir segja. En umrædd aðalskipulagstillaga Langanesbyggðar er hengd við pistilinn neðst ef einhver hefur áhuga á að skoða hana.

Maður er nefndur Halldór Jóhannsson, búsettur á Akureyri. Hann var m.a. kærður fyrir miðaklúður vegna HM árið 1995, og var hluthafi í frægri lakkrísverksmiðju sem sett var á fót í Kína 1992 (hvernig endaði það ævintýri?). Halldór rak síðast ráðgjafaþjónustuna Teikn á lofti sem – viti menn! – gerði einmitt  aðalskipulagið fyrir Langanesbyggð sem um var fjallað í fréttunum hér að ofan með stórskipahöfn, alþjóðaflugvelli og margföldun íbúafjölda. Teikn á lofti varð gjaldþrota í ágúst sl.

Halldór Jóhannsson kemur víðar við. Hann er skráður fyrir léninu www.drekiarea.is þar sem norðausturhornið kynnir sig og mögulega þjónustu sína. Allir sjá í hvað nafnið vísar – Drekasvæðið. Þarna er meira að segja 16 síðna bæklingur sem gerir ráð fyrir að aðalskipulagið verði samþykkt með stórskipahöfn, flugvelli og öllum pakkanum. Þótt gefin séu upp nöfn tveggja sveitarstjóra á síðunni er á baksíðu bæklingsins tilgreint hvern á að hafa samband við ef áhugi er fyrir hendi – engan annan en Halldór Jóhannsson.

En Halldór er stórtækari en þetta. Hann er einnig skráður fyrir lénunum www.arcticportal.org og www.arcticportal.is.  Íslenskt heiti fyrirbærisins er Norðurslóðagáttin ehf. og þar kemur Halldór Jóhannsson vitanlega við sögu. Eins og sjá má hér er hann einn stjórnarmanna ásamt m.a. Ragnari Baldurssyni, starfsmanni sendiráðs Íslands í Kína. Ragnar er þarna titlaður „Arctic Explorer“ – líklega eftir ferðina á Norðurpólinn með… já, „Íslandsvininum“ Huang Nubo. Takið eftir hönnuði síðunnar neðst –  Teikn Design. Halldór aftur? Ýmsir aðilar kosta síðuna, m.a. Utanríkisráðuneytið og Iðnaðarráðuneytið, svo þetta ævintýri Halldórs er alltént kostað af almenningi í þetta sinn. Fróðlegt væri að vita hve háar upphæðir af skattfé okkar hafa farið í þetta verkefni Halldórs Jóhannssonar. Utanríkisráðherra er svo hrifinn af framtaki Halldórs að fyrir utan fjárstuðninginn gaf hann  sér tíma til að skrifa Fréttablaðsgrein í mars 2011 til að mæra vefsíðuna. Fróðlegt væri að vita meira um tengsl Össurar og Halldórs.

Þegar hér er komið sögu ættu lesendur að vera farnir að átta sig á hver þessi Halldór Jóhannsson er – einmitt, aðstoðarmaður og talsmaður Huangs Nubo á Íslandi. Rifjum upp nokkrar fréttir um Grímsstaðamálið þegar það kom fyrst upp í ágúst í fyrra.

Fréttir Stöðvar 2 og RÚV 25. til 29. ágúst 2011

Fréttir Stöðvar 2 og RÚV 30. og 31. ágúst og 2. og 3. september

Ögmundur Jónasson í Kastljósi 31. ágúst 2011

Svo var það hrunhagfræðingurinn og æðarfuglinn á RÚV 9. nóvember 2011

Miðað við málflutning ráðherranna og framgöngu þeirra við að finna ráð til að láta Huang Nubo fá Grímsstaði og ívilnanir að auki er engin furða þótt fólk velti því fyrir sér hvort tengsl séu milli Samfylkingarinnar, svartagullsdrauma, Norðurslóðaáforma og Huangs Nubo. Eða eru þetta bara einhverjir einstaklingar sem vilja gera sig og vini sína ríka – NÚNA? Sama hvað það kostar?

Að lokum set ég hér inn skjáskot af vefsíðu Langanesbyggðar þar sem boðið var til þorrablóts á Þórshöfn í vetur. Hvort sem þetta er meint sem grín eða fúlasta alvara þá virðast a.m.k. sveitarstjórnarmenn farnir að læra kínversku og bjóða fólk velkomið á því flókna tungumáli – með dreka og tilheyrandi.

Þorrablót í Langansebyggð 2012 - Kínverska

Aðalskipulagstillögur Langanesbyggðar – Teikn á lofti – Halldór Jóhannsson:

Greinargerð aðalskipulags og umhverfisskýrsla
Dreifbýlisuppdráttur
Þéttbýlisuppdráttur Þórshöfn
Þéttbýlisuppdráttur Bakkafjörður

Viðbót:

Aukafundur sveitarstjórnar Langanesbyggðar 2. maí 2012 

Og haldið þið ekki að Halldór Jóhannsson, ráðgjafi, hafi setið fundinn! Giskum svo á fyrir hverja skipulagið er hugsað.

Nú keppast menn við að deila um hvort dómur Landsdóms yfir Geir H. Haarde hafi verið sigur eða tap,  uppreisn eða niðurlæging. Hér eru helstu fréttir dagsins úr sjónvarpi. Mögulega bætist efni við næstu daga. Ég minni á að fólk getur rifjað upp forsöguna í pistlunum Landsdómur – hvað sögðu þau þá? og Einu sinni var Skýrsla.

Dómsuppkvaðning og fjölmiðlafundur Geirs – RÚV 23. apríl 2012

Fréttir Stöðvar 2 – 23. apríl 2012

Fréttir RÚV – 23. apríl 2012

Ísland í dag – Geir H. Haarde – 23. apríl 2012

Kastljós – Geir H. Haarde – 23. apríl 2012

Kastljós – Steingrímur J. Sigfússon – 23. apríl 2012

Fréttir RÚV og Stöðvar 2 – 24. apríl 2012

Kastljós – Björn Valur og Ragnheiður Elín – 24. apríl 2012

Mér fannst málflutningur Geirs með eindæmum hrokafullur og minna mjög á Hinn Mikla og Ástsæla Leiðtoga. Hann svarar ekki spurningum, hreytir ónotum í spyrjendur, segir hluti ekki koma málinu við, snýr út úr, sakfellir sjálfur mann og annan, en að sjálfsögðu ber hann sjálfur enga ábyrgð á einu eða neinu. Þrátt fyrir að hafa setið í hrunstjórninni sem ráðherra frá 1998, eða í tæp 12 ár! Í því tilefni rifja ég upp myndband sem ég gerði eftir fréttamannafund Geirs og Þorgerðar Katrínar í nóvember 2008.

Sjálfstæðisflokkurinn í nútíð og framtíð

Hér er dómur Landsdóms – allar 415 blaðsíðurnar

Nokkrir pistlar og greinar:

Formsatriði að brjóta stjórnarskrá

Strákastælar

Mildur dómur

Allir óánægðir

Landsdómur

Rétt ákvörðun Alþingis að kæra Geir

Salómonsdómur

Sprenghlægilegt

Forsíða Moggans á morgun

Deilt við dómarann

Hugsa fyrst, tala svo

„Sprenghlægilegt“

Flokkurinn og ég

Stekkur einhverjum bros?

Heyrðu, hvað erum við að tala um?

Í skammarkrókinn vegna „formgalla“

Geir sá um sig sjálfur

Viðbrögð Geirs

Lærdómur af hroka Geirs

Rýnt í dóminn

Fáránlegur og sprenghlægilegur

Fleiri gætu átt eftir að bætast við.

Er ekki kominn tími til að horfa á heildarmyndina og tengja?

Samherji, Þorsteinn Már og skálkaskjólin
Fréttir Ríkissjónvarpsins, Kastljós og DV

Samherji á milljarða í skattaskjóli á Kýpur –  DV 18. apríl 2012
(Smellið í læsilega stærð)

Samherji á milljarða í skattaskjóli á Kýpur - DV 18. apríl 2012

 ÚA stofnað af Kýpurfélaginu – DV 20. apríl 2012
(Smellið í læsilega stærð)

ÚA stofnað af Kýpurfélaginu - DV 20. apríl 2012

Tengt efni:

Sagan hans Ara Matt

Ógleymanlegt bréf

Aflandseyjaskattaskjólin

Bankaleynd og skattsvik

Þar sem slóðirnar enda

Kvótasvindl, Kompás og Kastljós

Einu sinni var Skýrsla

Skálkaskjólið Kýpur

Af Harmageddon í Bolungarvík

Ólíkar yfirlýsingar

Samherji og milljarðarnir

Þvinganir Þorsteins Más

Er lykillinn í Lúx?

Styrkir sjávarútvegsfyrirtækja til Sjálfstæðisflokksins

Skýrslan

Það hefur eiginlega gengið eftir, merkilegt nokk, sem Ólöf Nordal sagði í maí 2010, aðeins rúmum mánuði eftir að Skýrslan kom út, að „…þessi Rannsóknarskýrsla og þetta allt saman er að þvælast eitthvað fyrir okkur tímabundið…“ og átti þar vitanlega við flokkinn sinn, Sjálfstæðisflokkinn. Íslendingar, eða allt of stór hluti þeirra, hafa ekki látið Skýrsluna þvælast mjög mikið fyrir sér, hafa ekki þolinmæði til að bíða betri tíma og – eins og þessi unga kona – kenna ríkisstjórninni um að hafa ekki efni á efnislegum hlutum og djamminu. Hún er ekki ein um það. Fólk virðist orðið svo góðu vant að það skynjar ekki fortíð þjóðarinnar og hve stutt er síðan lífsbaráttan snerist nánast eingöngu um að lifa af og hvað formæður okkar og forfeður lögðu á sig til að búa okkur betri framtíð. Að fortíð skal hyggja.

Það tók nokkra daga að undirbúa síðasta pistil. Enn fleiri að undirbúa þennan, en ég mátti til. Í dag eru nefnilega tvö ár síðan Skýrslan var birt. Ég ætla að minnast þess með því að rifja upp – og það svolítið hressilega. Minna á og reyna að fá fólk til að átta sig á hverjir skópu það umhverfi sem við búum við í dag. Það má svo deila endalaust um hvernig núverandi ríkisstjórn hefur tekist að moka grómtekinn skítinn eftir nær tveggja áratuga óstjórn Sjálfstæðisflokks, Framsóknarflokks og í restina Samfylkingar.

Byrjum á fréttamannafundi Rannsóknarnefndar Alþingis 12. apríl 2010. Eftir nokkra daga held ég áfram með meira ítarefni þegar það verður tilbúið.

Skýrslan – Páll Hreinsson – formáli

Skýrslan – Sigríður Benediktsdóttir

Skýrslan – Páll Hreinsson

Skýrslan – Vilhjálmur Árnason

Skýrslan – Salvör Nordal

Skýrslan – Spurningar og svör

Skýrslan – Ólafur Þ. Harðarson

Þá er komið að fyrstu viðbrögðum Alþingis. Þingmenn höfðu ekki mikinn tíma til að kynna sér efni Skýrslunnar en engu að síður var haldinn fundur síðdegis 12. apríl. Aðeins ein ræða á flokk, þarna var Þráinn utanflokka – og með bestu ræðuna.

Skýrslan – Alþingi – Björgvin G. Sigurðsson

Skýrslan – Alþingi – Jóhanna Sigurðardóttir

Skýrslan – Alþingi – Bjarni Benediktsson

Skýrslan – Alþingi – Steingrímur J. Sigfússon

Skýrslan – Alþingi – Sigmundur Davíð Gunnlaugsson

Skýrslan – Alþingi – Birgitta Jónsdóttir

Skýrslan – Alþingi – Þráinn Bertelsson

Skýrslan í fréttum Stöðvar 2 – 12. apríl 2010

Skýrslan í fréttum Ríkissjónvarpsins – 12. apríl 2010

Hér er röðin komin að löngum þætti Ríkissjónvarpsins um Skýrsluna að kvöldi 12. apríl 2010. Það var hreint með ólíkindum hve vel tókst til að fjalla um þetta viðamikla efni með jafn stuttum fyrirvara og þar lögðust allir á eitt. Til hægðarauka skipti ég þættinum í fimm hluta, en hann var alls tveir og hálfur tími.

Skýrslan á RÚV – 1. hluti af 5

Skýrslan á RÚV – 2. hluti af 5

Skýrslan á RÚV – 3. hluti af 5

Skýrslan á RÚV – 4. hluti af 5

Skýrslan á RÚV – 5. hluti af 5

Eins og þetta sé ekki nóg ætla ég að bæta við tveimur myndböndum. Allir muna að gos hófst í Eyjafjallajökli 14. apríl 2010, tveimur dögum eftir að Skýrslan var birt. Þá fjaraði umfjöllun um hana út þegar fréttastofurnar sendu nánast allt sitt lið austur. Engu að síður var rætt um Skýrsluna í nokkurn tíma eftir þetta, mest í fréttaskýringaþáttum og Silfrinu. Það kemur seinna en hér eru þrjú Kastljós, tvö klippt saman.

Kastljós 14. apríl 2010 – Formenn flokkanna

Kastljós 15. og 21. apríl 2010 – Sala bankanna

Nú, aðeins tveimur árum seinna, virðast flestir vera búnir að gleyma þessu tímamótaverki í Íslandssögu nútímans. Hrunverjar lifa vel flestir góðu lífi, margir enn á kostnað skattborgara. Auðmenn fyrirhrunsáranna vaða enn í peningum á meðan fjöldinn allur af fólki nær ekki endum saman og margir hafa misst aleiguna. Virkjana- og stóriðjuumræðan er komin á fullt aftur og útvegsmenn – sem eru stór hluti hrunverja – svindla, svíkja, blekkja og beita hótunum og þvingunaraðgerðum til að fá sínu framgengt þvert á hagsmuni og vilja þjóðarinnar.

Ó, þjóð, mín þjóð – hvenær ætlarðu að vakna og bera kennsl á Djöfulsins snillingana?