Jónína Óskarsdóttir

Hvers vegna segir Bæjarstjóri Seltjarnarness ekki af sér eftir að hafa orðið uppvís að einelti gagnvart starfsmanni?

Hverns konar samfélag er þarna á Nesinu – er enginn þrýstingur á meirihlutann að bæta ráð sitt eða taka pokann sinn?

Þetta hefur verið ömurlegt mál að fylgjast með. Nú er meirihlutinn bara með kjaft og segist ekkert hafa gert af sér. Landsdómssiðferðið virðist vera það sem alls staðar viðgengst og ekki vottur af sjálfsgagnrýni.

Það fara fram fjöldaaftökur í Sýrlandi! Við horfum aðgerðalaus á! GERUM EITTHVAÐ!

- eru skilaboð frá breskum ljósmyndara sem slapp slasaður frá Homs og sagt var frá  í fréttum RUV í gærkvöldi.

Undirskriftir eru ein leið til að láta vita að okkur er ekki sama – við fylgjumst með:

http://www.avaaz.org/en/arab_league_save_syria_3/?cwgXOab

Alltaf vorkennir maður fólki sem er bæði fátækt og orkulaust og oft fylgist þetta að. Nú er röðin komin að Landsbankastjóranum.

Bankaráð Landsbankans hefur áhyggjur af áhuga og virkni bankastjórans í starfi … og afkomu.

Vantar Landsbankastjórann ekki bara D-vítamín? Það er sagt auka starfsorku.

Til að bæta honum aðeins upp launalúsina má hann fá svokallaða  - “endurgreiðslu vaxta til skilvísra lánþega“ –  sem hann getur notað til að lækka höfuðstólinn sinn um ca. 300 krónur á mánuði (sem ég afþakkaði). Kannski er hann nógu auðmjúkur til að þiggja það í þessum þrengingum.

- En bankaráðið hlýtur að hafa heyrt um það að bankinn hafi ekki SVIGRÚM – til frekari útgjalda - eða er það bara allt í plati fyrir okkur hin?

… það gerir göngutúrinn út á stoppistöð, fólkið sem bíður, strætóbílstjórinn, gott gluggasæti, hlýja, allskonar fólk sem býr í Reykjavík og ég hef aldrei hitt og ferðin sjálf.

Í morgun stoppuðu 2 sneisafullir strætóar við Háskólann með helling af nemendum – þetta var eins og á þeim tíma þegar ég var krakki og unglingur (17 ára tók ég bílprófið og hætti að taka strætó). Núna eftir að bíllinn er rekinn sem félagsbú er strætó aftur orðinn kostur – góður kostur – og ég upplifi gamla tíma og nýt þess að hverfa 40 – 50 ár aftur í tímann.

Missum ekki af strætó!

Fleiri jákvæðar fréttir:

http://andfyla.is/

Það var ÞUNGT hljóð í fólki á fundinum í Háskólabíói í kvöld. Reglulega þungt. Þarna voru margir góðir ræðu-, pallborðs- og fundarmenn sem deildu með okkur sögu sinni og reynslu af viðskiptum sínum við lánadrottna sem í boði stjónvalda mergsjúga heimilin. Það sem uppúr stendur af þessum fundi er að nú eru allir einhuga um – að það erum VIÐ - FÓLKIÐ Í LANDINU sem verðum að segja STOPP - þá tekur ekki langan tíma að kippa þessu í lag. Verðtrygginguna verður að afnema og lífeyrissjóðirnir að fara að vinna í þágu eigenda sinna. Er verið að reyna að ganga af okkur dauðum?

Eins og einn frummælenda sagði; að eftir sína reynslu af kerfinu viti hann að stjórnvöld ætla EKKERT að gera fyrir lánþega og við vitum að Sjálfstæðisflokkur hefur ekki og mun EKKERT gera í þessum málum (nema til meira tjóns ).

(Það vantaði að senda ályktun til stjórnvalda frá þessum stóra fundi eins og einn fundarmanna stakk upp á).

Dropinn holar steininn – kornið fyllir mælinn – Gefumst ekki upp!

Skiljanleg er sú samúð gagnvart Geir H. Haarde fyrrverandi forsætisráðherra frá vinum hans, flokksfélögum, valdabræðrum – og jafnvel mér og þér. Það segir sig sjálft að það hlýtur að reyna á að vera í þessari stöðu. Sumir eiga eflaust flokkshagsmuna að gæta – ekki allir.

En -ég á líka hagsmuna að gæta.

Það virðingarleysi sem samherjar Geirs H. Haarde sína honum – og þjóðinni með því að ætla að komast hjá rannsókn á þætti valdamesta manns þjóðarinnar á hruninu er óskiljanlegt!

Ég held svo sannarlega ekki að það sé létt að vera í sporum fyrrverandi forsætisráðherra - en að vera forsætisráðherra er ábyrgðarstarf – hingað til hefur það verið flokkað þannig.

Forsætisráðherra ER valdamesti ráðherrra landsins - og embættið það valdamesta.

Það er virðingarleysi við land og þjóð - og ekki síst við þetta embætti – og þann sem sinnti því - ef þetta mál verður ekki rannsakað.

Það verður ávísun á algjört hrun á hugmyndinni um réttlæti hér á landinu.

Allsstaðar erum við að glíma við afleiðingar hrunsins – flest okkar.

Það er því mikilvægt fyrir Geir H. Haarde að fá tækifæri til að úrskýra sinn þátt í þessum málum öllum.

Ég  -og þú munum ekki sætta okkur við að hann hlaupist undan ábyrgð! Það festir gamla spillta Ísland í sessi.

Legg til að orðatiltækið „að eiga fyrir saltinu í grautinn“ verði framvegis: Að eiga fyrir iðnaðarsaltinu í grautinn.

Svo er borið á jörðina með ólöglegum efnum! – í boði matvælastofnunar – umhverfisstofnunar eða hvað þetta slaka eftirlit kallast?

Hvar er ekki svindlað á okkur?

A n d s k o t i n n hafi það!

Það er einhver hópur hér í samfélaginu sem lifir þokkalegu lífi og talar um að tími sátta sé upprunninn!

Það nær væntanlega endum saman, á fyrir skuldum sínum og mat!?

Annar hópur ég veit ekki hve stór; borgar skuldir sínar en á ekki fyrir mat út mánuðinn! Lifir við stanslausar áhyggjur og niðurlægingu. Þar sem er ein fyrirvinna á heimili á lágum launum er ástandið erfitt – og það er víða.

Svo er hópurinn sem helst enginn vill vita af og auðvelt er að láta sem ekki sé til.

Já, öreigalýðurinn vex og dafnar í skjóli vinstri stjórnarinnar MINNAR.

Reiðin er alls ekki farin hjá okkur sem getum ekki lifað mannsæmandi lífi. Það verður að leiðrétta hjá okkur! Hvar er jafnréttið og jafnræðið.

Að mörgu leyti má líkja ríkisstjórninni við Matvælaeftirlitið - hinkrar meðan skaðinn skeður – og segist svo ekki hafa getað stoppað neitt.

Ástandið hjá mörgum sem komnir eru vel á miðjan aldur er svona: Við höfum þurft að taka út viðbótarlífeyrinn okkar og sú litla eign sem við vorum búin að skrapa saman í formi húsnæðis hefur verið rænt! Við erum ekki hópurinn sem er að kaupa eitt eða neitt – því við eigum ekki fyrir neinu – þó við séum svo heppin að halda vinnunni.

Landsbankinn gerir ekkert fyrir fólk í skilum með „of litlar skuldir“! Hvað á að verða um okkur!

Guð hjálpi okkur að Sjálfstæðisflokkurinn með allan sinn óhroða í farteskinu skuli enn vera í umræðunni sem bjargvættur hjá vesölum lýð!

Hér þarf algjöra uppstokkun og verkalýðsfélögin ættu af ryðja brautina, brýna vopnin og fara nýjar leiðir. Þau vita ekkert um minn hag og þar virðist ganga ein sjálkrafa maskína sem gengur út á að viðhalda því kerfi sem þau hafa komið sér upp.

Nýja Ísland hvar ert þú, hvernær kemur þú?

Mín skoðun er sú að við eigum framvegis að leigja land en ekki selja í svona stórum stíl.

Einstaklingar eiga að geta átt land sem þeir rækta en ekki afrétt og landflæmi sem þeir hrifsa til sín í krafti auðmagns.

Þá skiptir ekki máli hvaðan viðkomandi er: Íslendingur – Kínverji. 

Það er tími til kominn að við seljum ekki allt undan okkur í óráði.

Við höfum ekki efni á því. 

„Pósturinn gisti á Grímsstöðum á Fjöllum, gaman er þar um sumarkvöldin löng“  (Úr fallega ljóðinu Hallormsstaðaskógur eftir HKL.)