Fréttir af …

Lobbi. Efast um að Egill Helgason kunni fimm sinnum töfluna hvað þá meira.

Fjölmiðlamaðurinn Egill Helgason hefur marga fjöruna sopið og nú hann fær það óþvegið á Facebook en úr óvæntri hátt. Hagfræðingurinn Guðmundur Ólafsson (1.930 vinir), sem margir þekkja sem Lobba, lætur hann kenna til tevatnsins: „Loksins sýnir fjölmiðlamaðurinn á sér sitt rétta andlit, maður sem aldrei hefur skiliðö neitt flóknara en 5 sinnum töfluna. Hleypidómar og hroki um fræði sem hann veit ekkert um. Hvað ætli hann segi um jarðfræðingana sem spáðu ekki gosinu,“ skrifar Lobbi í Facebook-status um leið og hann krækir í færslu Egils sem ber yfirskriftina: „Hagfræðingar eru hjarðdýr„.

Nokkur umræða spinnst um hagfræðiþekkingu Egils á vegg Lobba og eru menn almennt á einu máli um að hann sé ágætlega að sér um bókmenntir en ætti líklega að forðast að tjá sig um hagfræði og efnahagsmál. Eigandi veggsins bætir í þegar hann segir á athugasemdakerfinu að menn eigi svo sem ekkert að trúa hagfræði sem nýju neti eða skoðunum en þeir geti verið öruggir um … „Egill Helgason hefur rangt fyrir sér í efnahagsmálum og skipar sér þar í flokk með Jónasi frá Hriflu og Halldóri Killjan“.