mars 2007

Ég bý ekki í Hafnarfirði og fæ því ekki að kjósa. En ég sendi ykkur, kæru Hafnfirðingar hlýja strauma í von um að þið kjósið nú rétt í dag. Eina vitið er að hafna stækkun álvers í Hafnarfirði.

Ástæður eru fjölmargar.

1. Umhverfileg sjónarmið: Loftmengun og sjónmengun samfara stækkun. Stórkostleg lýti á náttúru landsins samfara frekari virkjun til að framleiða rafmagn í þetta ferlíki

2. Framtíðin: Við eigum ekki að klára alla orkumöguleika okkar á einu bretti með því að sundurskera landið. Óafturkræf umhverfisspjöll samhliða virkjanaframkvæmdum. Við eigum að skila landinu amk ekki verra en það var þegar við tókum við því. Við erum með þetta fallega land í láni frá komandi kynslóðum. Við megum ekki skemma það, frekar en annað sem við fáum að láni.

3. Nútíðin: Þensla á höfuðborgarsvæðinu, Faxaflóinn að verða einn mengaðasti pollur á jarðkringlunni alveg sama þótt þetta sé „betra“ en kjarnorkuver, þá höfum við nú ekkert sýnt það í verki að okkur sé svona brjálæðislega annt um umheiminn. Skammarlega lágt framlag til þróunarmála og auka mengunarkvóti vegna Kyoto bókunar eru dæmi um að við séum nú ekkert bara að þessu vegna þess hversu annt okkur er um jarðkringluna. Frekari þensla á suðvestursvæði kemur illa niður á öðrum svæðum landsins.

Við verðum að stöðva frekari stóriðjuuppbygginu áður en það er of seint. Hafnfirðingar – þið hafið valdið. Notið það rétt í dag. Það skiptir svo miklu máli.

Takk fyrir mig. Þessi niðurstaða gleður mig óendanlega. Ekki eingöngu vegna þess að loksins, loksins fær náttúra Íslands málsvara, heldur líka vegna þess að lýðræðið sigraði svo um munaði.

Takk Samfylkingin í Hafnarfirði sem hélt ótrauð áfram með hugmyndina um íbúalýðræði þrátt fyrir úrtöluraddir margra á leiðinni, helst þá þeirra sem ekki búa í Hafnarfirði, helst andstæðinga í pólitíkinni.

Kjörsóknin er stórsigur fyrir lýðræðið, stórsigur fyrir þessa stefnu Samfylkingarinnar að leyfa fólkinu í landinu að segja meiningu sína um svona stór mál. Hugsið ykkur bara ef Samfylkingin hefði verið í ríkisstjórn fyrir fjórum árum þegar spurningin var um að styðja árás inn í Írak. Hugsið ykkur bara.. þá hefðum við fengið að segja eitthvað um málið. Þá hefðum við fengið að segja nei takk við því að vera stimpluð sem ein af hinum viljugu þjóðum.

En aftur að Hafnarfirði. Munurin var mjór, en engu að síður hefur meirihlutinn ákveðið að fara þessa leið. Hafnfirðingar eru greinilega framsækinn hópur. Framtíðin er björt. Svei mér, ég væri til í að flytja í Hafnarfjörðinn.

Takk kæru Hafnfirðingar.

Horfði á hörmulega útsendingu Stöðvar tvö frá Stykkishólmi í gærkvöldi. Hörmulega frá stöðvarinnar hendi. Hljóðið var ónýtt og stjórnendurnir svo æstir eitthvað, eins og venjulega þegar á svo sannarlega að búa til hressilegt sjónvarpsefni. Og nýtt kúl.. Ingalind með epli. Meiriháttar kúl.

Og annað kúl – sem er greinilega orðið að nýju trendi hjá framsókn – að kalla Vinstri græna, vinstri græningja… úúú.. ótrúlega fyndið bara… og kúl … eins og eplið.

En að pólitíkinni.

Eigum við að byrja á stjórnarliðum: Magnús Stefánsson stóð sig jafn vel og Sturla stóð sig illa. Magnús kom bara mjög vel út, þó að auðvitað hafi hann hörmulegan málstað að verja og allt það. Sturla hins vegar vildi meina að 90 daga stoppið þeirra á framkvæmdum hefði skilað þeim stórkostlegum árangri. Heldur maðurinn að við séum fífl. Heldur hann í alvöru að það þegar einkageirinn ætli í vegaframkvæmdir sem sé ódýrara fyrir ríkið en dýrara fyrir okkur sem þurfum þá bara að greiða fleiri vegatolla, þá sé hann persónulega að gera rosa gott múv. Að það sé vegna þess að hann hafi verið svo hygginn að fresta öllum vegaframkvæmdum hér á Vestfjörðum til að slá á þensluna á suðvesturhorninu? Af því að þetta er svo mikið eitt svæði að hans sögn.

Sturla – þú færð deffenetlí ekki mörg atkvæði út á þinn leik í gærkvöldi. Það er morgunljóst.

Jón Bjarnason. Hélt þú gætir betur. Byrjaði ágætlega en fórst svo alveg með það þegar þú gast ekki nefnt EITT EINASTA mál sem þú vildir sjá gerast í atvinnuuppbyggingu á svæðinu. Þú varst og upptekinn við að benda á hina, muna það að við þurfum líka að fá lausnir.

Guðbjartur, minn maður, kom svo mjög vel út. Traustur og með lausnir öfugt við félagann á hægri hönd honum. Hann er bara þannig gerður hann Gutti að hann segir ekkert án þess að hafa legið yfir því og hugsað sig vel um. Hann Gutti er skólastjóri og vanur því að þurfa að stjórna. Hann er mikill fagmaður og vill hafa vaðið fyrir neðan sig, alger nó búllshit maður. Enda hefur verið skemmtilegt að fylgjast með honum á fundum, því þegar Gutti byrjar þá verður salurinn ósjálfrátt eins og doddi í leikfangalandi. Það byrja bara allir að kinka kolli. Hann hefur legið svo rosalega vel yfir þessu öllu, með mikla reynslu þó að nýr sé í framboði til þings, að hann veit algerlega fyrir hvað hann stendur.

Og það skilaði sér.

Guðjón Arnar kom ágætlega út held ég líka. Ég er auðvitað mjög ósammála honum í mjög mörgu en ég er nú að reyna að taka þetta svona pínu út frá hvernig þetta kom út í gær. Hann er mér reyndar ekkert sérlega minnisstæður frá því í gær. En í fyrsta sinn held ég að ég hafi skilið það sem hann sagði. Hann hefur kannski vandað sig í gær, eða þá að það hafi verið honum til hagsbóta að hljóðið var í lamasessi.

En stöð 2 – gerið það nú fyrir mig að laga hljóðið – því að þið eruð að gera frábæra hluti með þessum útsendingum, og ekki vera svona æst. Það verður ekkert kosið á morgun. Það er ekki fyrr en 12. maí. Þetta virkaði pínu svona fóní… hvað þið voruð æst.

Annars takk fyrir mig. Ég skemmti mér vel og meira að segja á köflum náði ég að æsast með ykkur – reyndar út í ykkur og ykkar stjórnun en það er líka þannig þegar maður horfir á íþróttaleiki. Stundum verður maður brjálaður út í línumennina, eða þennan með flautuna í stað þess að brjálast út í sjálfa íþróttamennina. Það var pínu þannig í gær. Þið fenguð eipin frá mér í gær. Þið og Sturla.

Annars… takk

Mér finnst það leitt – ég vildi veg hennar sem mestan.

En svona er þetta. Því miður.

Ég er mikill aðdáandi The sunday times magasine. Ég var að vona að Krónikan yrði pínu þannig. Svona meiri djúsí umfjöllun. Kannski næst. Hver veit.

En nú eru það píkusögur.

Píkusögur verða fluttar á Ísafirði í kvöld klukkan 20. Nánar tiltekið í Hömrum. Birna Lár, forseti Bæjarstjórnar á Ísafirði, Soffía Vagnsdóttir, forseti bæjarstjórnar hér í Bolungarvík, Guðlaug Elísabet leikkona og ég sjálf flytjum. Lay Low með tónlist.

best að drífa sig.

Í allan dag var draugur að störfum í útvarpshúsinu í Efstaleiti. Þessi draugur fílar Spaugstofuna og er greinilega í nöp við íslenska þjóðsönginn.

Í allan dag, á meðan að stillimyndin lifði í sjónvarpi allra landsmanna, sem er nb stóran hluta sólarhringsins þegar þingið er ekki að störfum, rann texti spaugstofunnar á þeirra þjóðsöng undir stillimyndinni.

Þetta var reyndar bráðskondið, m.t.t. þess úlfaþyts sem hefur orðið vegna þessa söngs þeirra. Að í marga marga klukkutíma skyldi blessaður textinn svo fá að rúlla undir stillimyndinni.

Ætli Páll hafi vitað af þessu?

Hún er ótrúlega vannýtt umræða um Evrópusambandið að mínu mati. Upphrópanir í bland við þöggun hefur almennt einkennt þessa umræðu.

Sama má segja um Evru umræðuna. Það eru allir stóru aðilarnir hérlendist að íhuga að hætta að nota íslensku krónuna. Eðlilega enda hefur hún verið eins og skopparakringla síðustu misseri, þökk sé ríkisstjórninni, og því mjög erfitt að stóla á hana í viðskiptum milli landa. Það hvernig krónan hefur hækkað og lækkað á víxl hefur umtalsverð áhrif í samningaviðræðum milli landa og því mjög eðlilegt að fyrirtæki hugsi sér til hreyfings. Þetta hefur ekkert með umræðu stjórnarandstöðunnar að gera. Þetta er staðreynd.

Það er líka annað varðandi Evruna sem hefur verið haldið á lofti. Það er að það sé tómt mál að tala um Evru á meðan við erum ekki aðilar að Evrópusambandinu.

Þetta er líka rangt. Monte negro tók upp Evruna. Algerlega eitt og óstutt. Án aðildar að Evrópusambandinu. Þrátt fyrir ummæli margra fræðinga hér á landi þá er þetta staðreynd. Þeir gerðu þetta bara. Hentu eigin gjaldmiðli og tóku upp Evruna.

Það er ýmislegt sem við höldum fram í sambandi við Evrópusambandið og Evruna sem er ekki rétt. Fiskveiðistjórnun Evrópusambandsins er gott dæmi um það. Að ef við göngum þar inn munum við glata yfirráðum okkar yfir þessum auðlindum.

Höfum við núna yfirráð yfir þessum auðlindum? Hver eru þá þessi við? Eru kannski bara örfáir í þessu mengi „Við“?

Fiskveiðistjórnun Evrópusambansins er þannig háttað að þeir sem veiða á svæðinu eiga möguleika á úthlutun, aðrir ekki. Svo má semja að auki um alls kyns tilhliðranir eftir okkar geðþótta. Eftir okkar högum.

Maltverjar fengu t.d. að setja sérákvæði hjá sér varðandi eignir á Möltu. Erlendir borgarar mega ekki eiga fleiri en eina fasteign á Möltu. Þetta gera þeir vegna þess að ferðamannaiðnaðurinn er þeirra ær og kýr, og því gistingarmöguleikar verðmætir. Þetta gerðu þeir til að erlendir auðhringir gætu ekki keypt upp allar fasteignir á eyjunni fögru. Þetta kallast að semja við þá sem semja á við. Þetta getum við líka gert – EF við göngum til samninga. Á meðan við gerum það ekki, þá verðum við því miður að láta ýmsar reglugerðir yfir okkur ganga án aðkomu okkar fulltrúa við borðið.

Ég er fylgjandi því að við tökum upp samningaviðræður við EB. Ég stend við það.

Eitthvað finnst mér Mogginn vera farinn að ruglast þegar hann telur þetta vera frétt. Það að Geir finnist versti mögulegi ríkisstjórnarkosturinn vera Samfylking VG. Eruð þið ekki að grínast. Auðvitað finnst honum það. Hann er í pólitík. Eruð þið ekki að grínast í mér.

Hvenær ætli því verði slegið upp að Ingibjörgu finnist versti kosturinn vera Sjálfstæðisflokkur og VG eða Sjálfstæðisflokkur og framsókn, nú eða Steingrími lítist bara alls ekki á samstarf Samfylkingar og Sjálfstæðisflokks… þá erum við sko að tala um frétt… eða…uuuu

fagur Bolvískur söngur hvín stanslaust í eyrum mér. Hér hefur nefnilega verið vitlaust veður að undanförnu. Ég ætla ekki að tala lengi um veðrið, staflinn af lesefninu fyrir framan mig býður ekki upp á slíkt hjal. En ég verð að upplýsa þá sem lesa að við búum ekki á snjóflóðahættusvæði. Þetta eru mikil vísindi, að spá í snjóinn, horfa upp til fjalla og meta þykkt og mýkt. Fjöldi fólks hefur hringt í okkur undanfarna daga til að kanna hvort við séum heima eða að heiman vegna rýminga. Ég get hér upplýst að við erum heima. Í nýja fallega húsinu okkar. Utan hættusvæðis í Bolungarvíkinni fögru fyrir vestan.

Það er eitthvað alveg æðislegt við þetta veður. Nú ætla ég ekki að gera lítið úr þeim leiðindum sem hljóta að fylgja því að þurfa að rýma, heldur ekki þeirri hættu sem getur fylgt svona veðurfari.

Ég er að tala um þegar maður er í öruggu skjóli. Þá er þetta eitthvað ævintýralega magnað. Þá verður maður svo smár. Svo agnarsmár. Ræður engu. Mér finnst það gott.

Ég á vin sem gerir stundum algjöra gloríu. Hann vill ekki burðast með mannorð, segir það einn þann mesta óþarfa sem hægt sé að hugsa sér. Mannorðið þvælist bara fyrir besta fólki segir hann.

Þessi vinur vill koma fólki á óvart. Hann hefur gaman af því að stuða umhverfið svolítið. Er orðinn ráðsettur maður og því ekki með hanakamb og sikkerhedsnælu í vörinni, en fas hans er samt pínu þannig. Hann er í rauninni pönkari. en samt svona … saddur pönkari.

Hann hefur eins og áður sagði gaman af því að stuða umhverfið, fá fólk til að æsa sig, fá fólk til að rökræða sig raddlaust og svona.

Og nýjasti leikur hans er algjör snilld og mjög í anda hans (þessi færsla er sko til hans)

Hann er á lista frjálslyndra í NV kjördæmi.

Ég bý við hliðina á Víkurbæ, félagsheimili okkar Bolvíkinga.

Þar sem ég sit og les EB rétt horfi ég á það út um gluggann minn.

Ég sé ekki Víkurbæ.

Það er vont veður.