Blessar Guð Ísland?
Í morgunsárið þann 6 október 2008 sagði Geir H. Haarde „Guð blessi Ísland“ í lok merkilegustu ræðu sem hann hefur flutt á sínum stjórnmálaferli, og hefur þessi setning haft gífurleg áhrif á okkar samfélag. Nokkrum vikum seinna vaknað mikil reiði meðal íslendinga, því þá voru komnar fleiri staðreyndir um þá alvarlegu stöðu sem íslendingar voru komnir í.
Reiðinn beindist skiljanlega að stjórnvöldum og stofnunum þess, Alþingi, fjármálaeftirlitið og seðlabankinn voru þær stofnanir sem reiðinn beindist hvað mest að. Sem er vel skiljanlegt miðað við aðstæður sem þá voru uppi.
Þegar Geir bað Guð um að Ísland, þá hefur það greinilega vakið upp spurningar um hvar Guð var í öllu þessu, og fengið fólk til þess að hugsa af hverju við urðum á einni nóttu blóraböggull heimskreppunnar alls. Var það málið? Yfirgaf Guð okkur? Nei, það held ég ekki.
Þegar grunnstoðir okkar samfélags eru rykfallnar og fúnar, þá er ekki von að illa fer. Hér áður fyrr var hugarfarið „að elska náunga sinn eins og sjálfan sig“ mun algengari en er í dag. Þessar stoðir verður að reisa upp að nýju, þetta grunngildi kemur í veg fyrir þá spillingu og siðleysi sem hefur einkennt Íslendinga undanfarinn ár. Ég á aðallega við um spillta viðskiptamenn sem og pólitíkusa, og þá aðila sem komu okkur í þessa stöðu.
Sú hugarfars breyting og meiri fjarlægð frá einföldum kærleiksboðskap hefur haft sitt gjald. Græðisvæðing og óheft dýrkun mammóns hefur haft afleiðingar á okkur öll. Eftir hrunið varð sú breyting að Íslendingar fóru allt í einu að standa saman, og hefur það ekki gerst í áraraðir. Samstillt átak kom þeim spilltu frá og fengu fram breytingar. Hér áður fyrr höfum við látið flest yfir okkur ganga og hver röflað útí sínu horni.
Sú samstaða sem ég var vitni að, og sá kraftur sem í okkur býr var auðsæilega til staðar í öllum mótmælunum. Þetta er gjöf sem við eigum að nýta okkur til góðs, ekki bara til mótmæla, því við erum að fær um að afreka grettistaki ef samstaða meðal fólks er eins og hún var á mótmælafundunum. Nýtum þetta og hættum að vanrækja kraft okkar!
Við sem þjóð verðum samt að fara í algera naflaskoðun, og fara haga okkur betur gagnvart náunga okkar. Við megum ekki aðeins hugsa um okkur sjálf heldur hugsa aðeins um afleiðinga gjörða okkar, og hvort verk okkar og athafnir, bitni á einhverjum öðrum.
Ég minni á að mikill tími og orka fara í að dæma og sakfella. Að fyrirgefa tekur aðeins eina sekúndu. Ég er ekki að segja að við eigum að láta allt yfir okkur ganga, heldur er ég að minna á að gleyma ekki fyrirgefningunni, þá mun okkur betur farnast.
Það er út frá þessum boðskap sem ég held að Guð blessi Ísland. Og verður blessunin meiri eftir því sem við lifum samkvæmt þessum einfalda boðskap. Endurreisum hið „nýja Ísland“ á þessum boðskap, og tökum hendur fram úr ermum og aðstoðum við þá endurreisn sem við þurfum svo innilega á að halda.
Guð blessi ykkur öll og þakka ég lesturinn.
Höfundur: Guðsteinn Haukur
Þessi færsla var rituð
kl og flokkuð undir Trú, Trúmál og siðferði.
Þú getur ritað ummæli, eða tilvísun frá eigin vefsíðu.
Guðsteinn Haukur Barkarson
26. október, 2009 kl
Ég verð að segja, að þegar Geir sagði þessi orð, þá hef ég aldrei fengið eins mikinn aulahroll á ævinni og mér fannst maðurinn vera hálfviti. Í hvaða draumaheimi lifði þessi hann eiginlega? Þetta var eins og hann væri að yfirfæra amerískan fíflagang yfir á íslenskan raunveruleika, við erum ekki trúuð þjóð og að ætla gera þjóðina trúaða í einni sjónvarpsræðu var vægast sagt aulalegt.
Guðsteinn, þú verður að fyrirgefa mér þessi orð, en svona leið mér þegar hann lét þetta út úr sér. Ég virði orðið fyrllilega þinn rétt til þess að trúa því sem þú kýst, en það sem Geir sagði virkaði mjög absúrt og eins og maðurinn væri úti að aka.
Kveðja
Valur Bjarnason
26. október, 2009 kl
Aðvitað blessar Guð Ísland Vinur Guðsteinn.
Fyrir bænir hinna réttlátu, þá blessar Guð Ísland.
Orðið segir okkur. Biðjið fyrir landi og þjóð. Ráðamönnum lands og þjóðar.
Guðsteinn: Blessun Guðs til Íslands væri sjálfsagt mun meiri, ef að fleiri bæðu fyrir þjóð okkar. Sannleikurinn og ljósið er í okkar höndum.
26. október, 2009 kl
Valur – þú átt rétt á þinni skoðun eins og allir, og er þér velkomið að tjá þig hér.
Þessi lýsing, og upplifun sem þú setur hér fram er einmitt ástæðan fyrir því sem ég skrifaði þessa grein. Það hefur verið mjög athyglisvert að fylgjast með viðbrögðum eins og þínum. Geir var ekki troða neinu á neinn, hann talaði bara út frá sannfæringu sinni. En ég er ekki að réttlæta hann né íhaldið, og mun ekki reyna það þar sem þeir eru þrælsekir.
En þú sannaðir orð mín Valur, og þakka ég fyrir það.
Því ólíkar skoðanir hafa ólíkar áherslur, og sannast það með skrifum okkar beggja. 
26. október, 2009 kl
Pétur – eins og talað frá mínu hjarta, takk!
26. október, 2009 kl
> Hér áður fyrr var hugarfarið „að elska náunga sinn eins og sjálfan sig” mun algengari en er í dag.
Hvenær?
Var það fyrir 20-30 árum þegar Hörður Torfason flúði land útaf fordómum í garð samkynhneigðra?
Var það fyrir 65 árum þegar íslendingar neituðu að fá hingað þeldökka hermenn?
Í alvöru talað, hvenær voru íslendingar svona miklu betra fólk?
26. október, 2009 kl
Þegar fólk hjálpaði hvor öðru Matti, kíktu í sögubækurnar, þú þarft ekki að fletta langt aftur.
Það er auðvitað hægt að pikka upp viðbjóðsleg dæmi eins og þú gerir, og er hægt að finna slíkt yfir hvaða tímabil sem er.
En það breytir því ekki að fólk stóð meira saman hér í denn, og furða ég mig á að þú skulir mótmæla þessum boðskap.
26. október, 2009 kl
> Þegar fólk hjálpaði hvor öðru Matti, kíktu í sögubækurnar, þú þarft ekki að fletta langt aftur.
Ertu að reyna að halda því fram að fólk hjálpi ekki hvort öðru í dag? Ég er nokkuð viss um að fólk gerir miklu meira af því í dag heldur en nokkurn tímann áður í sögunni.
> En það breytir því ekki að fólk stóð meira saman hér í denn, og furða ég mig á að þú skulir mótmæla þessum boðskap.
Ég mótmæli vegna þess að þetta er bull Guðsteinn Haukur. Lestur þér örlítið til um þróun frelsis og mannréttinda.
26. október, 2009 kl
Guðsteinn Haukur. Mig langar að benda þér á bók Einars Más Jónssonar (ef þú hefur ekki lesið hana nú þegar) Bréf til Maríu. Hann er með áhugaverðar pælingar og segir m.a að tæknidýrkun hafi tekið við af fornum trúarbrögðum.
26. október, 2009 kl
Mikið óskaplega er ég ánægður með athugasemd Matta nr. 5.
Sérstaklega þegar hann minnist á „það sem ekki má minnast á upphátt“. Söguna sem ég segi á öllum námskeiðum sem ég sæki um kynþáttamisrétti, því margir – jafnvel kennarar á slíkum námskeiðum – telja fullvíst að Íslendingar hafi þar hreinan skjöld.
Hann verður ekki hreinn fyrir tekist hefur verið á við þann sora.
Hitt er svo annað, að færsla síðuhaldara er falleg og vel meint. Óþarfi að gera lítið úr því.
En í „gamla daga“, held ég þó fátt hafi verið betra; með fullri virðingu. Mönnum voru sköffuð lán og önnur verðmæti ef þeir voru í réttum flokkum. Bölvuð tengslin voru þar jafn mikilvæg, ef ekki mikilvægari, en í dag.
Kannski les maður ekki um slíkt í fölsuðum sögubókum Íslendinga, en flestir sem lifðu geta staðfest að þannig var þetta.
Annars þakka ég dágott blogg.
27. október, 2009 kl
Þetta var reyndar soldið merkileg lokun á ræðunni eða boðskapnum til landsmanna á sinum tíma.
Þetta var, sko megin boðskapurinn, sett upp sem hamfarir. Man ekki orð rétt en eitthvað á þá leið að hvirfilvindur gengi yfir og hætta á að landið sogaðist inní brimrótið o.s.frv.
Sem sagt, að dæmið var sett upp sem óviðráðanlegar náttúruhamfarir (sem íslendingar þekkja mjög vel, eldgos, jarðskjálftar, snjóflóð etc) sem menskur máttur réi ekki við eða mannskepnan stæði vanmátta gagnvart.
Og í framhaldi er Guð beðinn að vaka yfir landi og innbyggjurum.
Eg held persónulega að fólk hafi verið hálfringlað undir ræðunni. Svona sjokkerað. Það vissi ekki almennilega hvað forsætisráðherra væri að fara. Ekki almennilega. Vissi ekki alveg hvernig ætti að túlka.
Öll umgjörðin var líka dimm. Myrk
Eftirá að hyggja hefði etv. verið betra að hafa ræðuna meiri efnistengda. Sleppa þessum hamfarlíkingum og hafa megininntakið einfaldlega að vegna ofurskuldsetningar væri ekki nokkur leið að Ísl. Ríkið gæti bakkað upp bankanna eins og flest Ríki erlendis gerðu á þeim tímapunkti og þeir væru gjaldþrota. Og segja svo frá aðgerðum ríkisstjórnar í aðalatriðum þar að lútandi í stuttu máli.
maður spyr sig hvort hann hafi haft ráðgjafa varðandi ræðuna og umgjörð. Finnst að það hljóti eiginlega að vera.
Got í bili.
27. október, 2009 kl
Matti
>Ertu að reyna að halda því fram að fólk hjálpi ekki hvort öðru í dag? Ég er nokkuð viss um að fólk gerir miklu meira af því í dag heldur en nokkurn tímann áður í sögunni.
jamms, útskýrðu þá hrunið ef svo er. Ég reyndar hélt að þú værir vel læs, það sem ég er aðallega að gagnrýna eru spilltir fjármálaglæfrar og pólitíkusar. Það er þeirra siðferði sem kom Íslandi á þá heljarþröm sem hún er kominn í. Lestu betur hvað ég skrifa minn kæri, svona áður en þú ferð að gera mér upp skoðanir.
>Ég mótmæli vegna þess að þetta er bull Guðsteinn Haukur. Lestur þér örlítið til um þróun frelsis og mannréttinda.
það er hárrétt hjá þér að minnihlutahópar eins og þinn hefur aldrei haft meira frelsi en nú, og lít ég á það sem fagnaðarefni. En ég get skít í siðferði bankamanna og spilltra embættismanna, og það ættir þú að gera líka.
Baldur – um er að ræða einfaldann kærleiksboðskap sem hvorki þú né Matti geta mótmælt. Þótt þið teljið mig vilja hverfa aftur til fortíðar þar sem þjóðin var meira „kristinn“ þá er það alrangt. Það er hugsunargangurinn sem ég sakna, og vissulega var margt viðbjóðslegt eins og kynþáttahatur hér á Íslandi, hver í ósköpunum er að neita því? Það sem ég horfi á er hið góða sem var til staðar, en virðist hafa horfið okkur sjónum með græðgisvæðingunni.
ES – kemur með mjög góðan punkt, og það er tækjadýrkuninn! Og er það einmitt það sem ég er einnig að gagnrýna.
27. október, 2009 kl
Ómar – takk fyrir þarft innlegg og áhugavert.
27. október, 2009 kl
> jamms, útskýrðu þá hrunið ef svo er.
Hehe, þetta meikar ekki sens!
> Lestu betur hvað ég skrifa minn kæri, svona áður en þú ferð að gera mér upp skoðanir.
Hvar í ósköpunum geri ég þér upp skoðanir? Ég vitna orðrétt í þig og spyr einfaldra spurninga. Vinsamlegast ekki dylgja um að ég sé með útúrsnúninga þegar svo er ekki.
> En ég get skít í siðferði bankamanna
Ég gef ekki skít í siðferði bankamanna vegna þess að fullt af bankamönnum hafa ágætis siðferði. Finnst kjánalegt að alhæfa svona um fjölda fólks.
> um er að ræða einfaldann kærleiksboðskap sem hvorki þú né Matti geta mótmælt.
Ég get mótmælt því að þessi einfaldi kærleiksboðskapur hafi verið eitthvað útbreiddari hér áður fyrr. Hvenær var það eiginlega? Ég tel þvert á móti að þessi einfaldi kærleiksboðskapur sé mun vinsælli í dag en nokkurn tímann fyrr í sögu þessa skers.
> Það sem ég horfi á er hið góða sem var til staðar, en virðist hafa horfið okkur sjónum með græðgisvæðingunni.
Hvað hefur horfið? Mér sýnist samstaða meðal fólks (svo dæmi sé tekið) einmitt töluvert nú eftir hrun.
> ES – kemur með mjög góðan punkt, og það er tækjadýrkuninn! Og er það einmitt það sem ég er einnig að gagnrýna.
Hvað kemur tækjadýrkun málinu eiginlega við? Ég skil ekki tenginguna.
Er siðferði fólks verra í dag en samlanda þess fyrir tvöhundruð árum vegna þess að nú á það meira af græjum?
27. október, 2009 kl
„Þótt þið [M og B] teljið mig vilja hverfa aftur til fortíðar þar sem þjóðin var meira “kristinn” þá er það alrangt.“
Guðsteinn.
Ég minntist ekki orði á kristni og hefði varla sett út á þann pól sérstaklega. Tek svo sérstaklega fram í minni athugasemd að boðskapur þinn sé fallegur.
Það pirrar mig reyndar dálítið að þú skulir leggja mér orð í munn.
Svar þitt segir mér hins vegar þú vitir ekkert hvort – og þá hvenær – Íslendingar voru kærleiksríkari en í dag.
Sýnist þú búa til fortíð sem aldrei var.
27. október, 2009 kl
Nei Matti, þú gerir mér ekki upp skoðanir. Einmitt.
http://www.orvitinn.com/2009/10/26/22.30/#athugasemdir
Þú ert gersamlega blindur á sjálfan þig eins og venjulega.
Baldur – ég biðst forláts, ég hef þá eitthvað misskilið þig.
27. október, 2009 kl
Hvaða skoðun geri ég þér upp?
> Þú ert gersamlega blindur á sjálfan þig eins og venjulega.
Óh, þakka þér fyrir.
27. október, 2009 kl
Hvar? úffff … hérna sem er tekið af þínum vef:
Ég var að dæma siðferði misvitra bankamanna, og hef ekki minnst á annan hóp, þess vegna skildi ég ekki viðbrögð þín þegar ég hef ekki minnst einu orði á trúleysingja. Skoðun mín er einmitt hin gagnstæða, sem gamall trúleysingi veit ég vel að siðferðið er ekki ábótavant og hef ég ekki sagt orð um ykkar siðferði. Ég kalla aðeins eftir að þessir menn sem komu þjóðfélaginu á hausinn, líti í sinn eigin barm.
Ég var heldur ekki að fjalla um mannréttindabrot eins þú hefur nefnt hér ofar, ég get vel tekið undir það fagnaðarefni að minnihlutahópar hljóti meiri réttinda og hljómgrunn en hér á árum áður. En það var engan veginn meininginn með þessum pistli svona hefðir þú haft fyrir því að lesa hann betur þá hefðir þú kannski tekið eftir því.
Þetta er annað dæmi um að þú sért að gera mér upp skoðanir, ég tek eitt vers sem er hreinn kærleiksboðsskapur, og reyndar forðast það viljandi að segja kristnir séu með betra siðferði þar sem ég veit að það er rangt. Þú dæmir of hart sem ekkert er Matti, ég var ekki að segja að öðrum skorti siðferði vegna skorts á kristni, ég var að segja að öðrum skorti siðferði vegna skorts á venjulegum kærleiksboðskaps. Sem er reyndar tengdur kristni, en hvað með það!?!
27. október, 2009 kl
Í bók Einars Más er talað um fimm svið þar sem orðið hafa róttækar umbyltingar. Bókin er engin lofrulla um gærdaginn heldur áhugaverð greining á breytingum í samfélagi þjóðanna.
27. október, 2009 kl
ES – satt er það, ég þekki til hans skrifa og er ég þér þakklátur að benda á þetta.
27. október, 2009 kl
Ég held þvert á móti að almennt siðferði og samstaða sé með allra besta móti í dag og örugglega betra en það hefur nokkurn tímann verið í sögunni.
Ég held að þetta eigi við sama á hvaða tímaskala við skoðum. Ég held að fólk sé almennt betra 2009 en 2007, betra á 21. öld en þeirri 20., betra á 20. öld en á 15., betra á 15. öld en á 1. os.frv.
Ég held að það sé rangt að sjá fortíðina í rósrauðum bjarma. Margt var miklu verra í æsku minni en nú er en við munum betur eftir því góða en því slæma.
27. október, 2009 kl
„Með þessum umbyltingum er ekki verið að breyta skilyrðunum fyrir því að almenningur geti gert samtök og sett einhverjum ’sterkum einstaklingum’ à la Kallikles stólinn fyrir dyrnar, það er verið að leggja þau endanlega í rúst, þannig að slíkir menn, forstjórar fyrir alþjóðahringum, fjármálastofnunum og grúppum, geti eftirleiðis leikið alveg lausum hala, og farið öllu sínu fram, meðan aðrir horfa sundraðir og máttlausir á.“
27. október, 2009 kl
Helgi – veistu ég er að miklu leiti sammála þér, nema hvað varðar siðferði fjármálagæfra og er boðskapur minn ætlaður þeim.
ES – nákvæmlega!
27. október, 2009 kl
Nú segist þú bara vera að „dæma siðferði misvitra bankamanna“. Ég vitnaði samt í og tjáði mig um afskaplega almenna fullyrðingu þína sem engan vegin var takmörkuð við bankamenn:
> „Hér áður fyrr var hugarfarið „að elska náunga sinn eins og sjálfan sig” mun algengari en er í dag.“
Svo segir þú í athugasemd:
> „Pétur – eins og talað frá mínu hjarta, takk!“
En hvað sagði Pétur?
> „Blessun Guðs til Íslands væri sjálfsagt mun meiri, ef að fleiri bæðu fyrir þjóð okkar. Sannleikurinn og ljósið er í okkar höndum.“
Eins og talað frá þínu hjarta.
Láttu ekki svona Guðsteinn, ekki hlaupa frá skoðunum þínum.
27. október, 2009 kl
Matti:
Ég er ekki að því, ég er með sömu skoðun og Pétur, en í þessu tilfelli á það alls ekki við um efni greinarinnar sjálfrar.
Í greininni stendur og við það stend ég:
Sástu þetta virkilega ekki? Eða er þetta dæmi um ’selective reading’?
En það sem ég á við er að greinin fjallaði ekki um það sem Pétur kom inná, því það er munur á að þvinga sínum skoðunum uppá fólk eða koma með venjulegann boðskap. Ég er sömu skoðunnar og Pétur, en ég vildi bara ekki þvínga henni uppá neinn, eða hvað? Var það rangt af mér? :/
Eða á ég frekar að hljóma eins hrokafullur trúmaður og segja: „þetta er svona og sættu þig við það“. Nei takk. Ég er búinn að brenna mig á því hér áður fyrr, og þurfti smá skell til þess að átta mig á eigin hroka! Þess vegna fór ég þessa leið, án þess að segja fólki fyrir verkum sem ég á ENGANN rétt á. Hvorki við þig né aðra. Skilur þú mig Matti? Þetta er spurning um rétt orðalag án þess að segja fólki fyrir verkum vegna þess að ég tel eigin skoðun æðri öðrum.
27. október, 2009 kl
Ég held satt að segja að margir bankamenn ‘87, ‘57 eða ‘27 hefðu svosem alveg verið til að troða snjáldrinu á kaf ofan í kjötkatlana og kokgleypa spillinguna. Það var bara ekki eins greipur aðgangur að lánsfé og ekki búið að finna upp alla MBA snilldina eins og skuldsettar yfirtökur, hlutabréfauppkeyrslur með kúlulánakaupum, veðsetningu fasteigna til hlutabréfaviðskipta og hvað þetta drasl allt heitir.
Flestir sem unnu í bankageiranum voru besta fólk og vann bara vinnuna sína eins og þeim var skipað af yfirboðurum sínum. Þjónustufulltrúar í bankanum mínum hringdu hvað eftir annað í mig til að fá mig til að breyta aukalífeyrissparnaðinum yfir í gjöfulli leið. Ég hefði tapað honum öllum ef ég hefði gert það.
27. október, 2009 kl
Helgi – nákvæmlega, ég tek undir hvert orð. Enda er siðspilling bankamanna ekkert nýtt fyrirbæri, á okkar tímum gengu þeir bara skrefinu lengra.
Og bara svo það sé á hreinu, þá var ég sjálfur bankamaður og starfsmaður Kaupþings! Og þekki vel muninn á að vera venjulegur maur og þeim sem ábyrgðina bera. Þess vegna gagnrýni ég þá!
28. október, 2009 kl
Vildi bara minna á þetta, ef ég má vinur.
http://blogg.visir.is/klettur/2009/10/28/margir-munu-afneita-trunni-a-si%c3%b0ustu-dogum/
Petur Einarsson
Annars takk fyrir gott blogg.
29. október, 2009 kl
Takk Pétur minn.
29. október, 2009 kl
Mér finnst það ótrúlegt að þér þyki þetta góð „trúvörn“ hjá Pétri.
Hræsnin ríður ekki við einteyming.
„hræsnisfullir lygarar“
„brennumerktir á samvisku sinni“
„Menn sem styðja sig ekki við orð Guðs, eru lygarar “
„Það sem fylgir þessu fólki eru lygar“
„En ef þú afneitar Guði, þá velur þú lygina í líf þitt“
Guðsteinn Haukur, er þér virkilega alvara þegar þú mærir þennan sora?
Svo talið þið um „hroka“ trúleysingjanna. Djísus kræst, það er ekki í lagi með ykkur.
29. október, 2009 kl
Svona er þetta Matti minn, og er þetta ekkert nýtt efni úr biblíunni. Kemur það þér á óvart að ég „mæri“ svona?
29. október, 2009 kl
Það kemur mér á óvart að þú kvartir undan hóflegu orðfæri trúleysingja en mærir skítkast af þessum toga.
29. október, 2009 kl
Þess vegna passa ég hvað ég segi sjálfur, sumt er betra ósagt látið.
29. október, 2009 kl
Þannig mæla trúleysingjar orð Guðs. „Skítkast“ Ekkert nýtt víð þetta frá þeirra hálfu. Hef heyrt þetta allt saman áður.
Það er bara einn Guð, einn frelsari og einn sannleikur. Allt annað er bara lygi.
29. október, 2009 kl
Svona er þetta Pétur minn, menn eru með misjafnar skoðanir. Við verðum að virða það.
3. nóvember, 2009 kl
Bíddu er Guddi ekki svona einskonar elíta.. fyrirgefur allt nema það að dýrka hann ekki..
Tada
5. nóvember, 2009 kl
Verð að vísa á þessa bloggfærslu Þjóðkirkjuprests og „vinar“ Vantrúar!
http://blog.eyjan.is/gudrun/2009/11/04/gomul-gildi-hvad/
5. nóvember, 2009 kl
hehehe … já, ég er ekki sammála þessum presti og góðvini ykkar!