» Sjálfstæðisflokkurinn – uppgjör - Lýðfrelsi

Sjálfstæðisflokkurinn – uppgjör

27.6 2010 | 08:38 | 122 ummæli

Í gærkvöldi sagði ég mig úr Sjálfstæðisflokknum og tók í hendina á Bjarna Benediktssyni og fleiri sjálfstæðismönnum og kvaddi þá. Það er mikill misskilningur, að ég hafi eingöngu sagt mig úr flokknum vegna ágreinings um ESB-aðildina. Nei, ónægja mín á dýpri rætur en þetta og því var ekki laust við að maður finni til ákveðinnar frelsistilfinningar þegar maður vaknaði í morgun. Þau 12% kjósenda sem yfirgáfu flokkinn í síðustu kosningum höfðu góða ástæðu til þess og þau prósent sem nú fjúka hafa það líka.

Allt frá því að Sjálfstæðisflokkurinn beitti öllum ráðum til að koma fjölmiðlalögunum í gegnum þingið árið 2004 hef ég haft einhverja ónotatilfinningu, sem ég hef ekki getað losnað við. Ég var efnislega sammála fjölmiðlalögunum, en það var sú aðferðafræði sem Sjálfstæðisflokkurinn beitti við afgreiðslu þessa máls og margra annarra, sem ég var ósammála. Ég er maður sem trúi á samráð, samvinnu og málamiðlanir en ekki ofríki meirihlutans. Þá var ég oft á tíðum mjög ósáttur við orðbragð Davíðs Oddssonar og hvernig hann kom fram við pólitíska andstæðinga sína með dónaskap, líkt og eintómir bjálfar og skíthælar væru þar á ferð. Slíkt er ekki almennilegum og heiðarlegum stjórnmálamönnum sæmandi og til skammar fyrir stjórnmálaflokk að hafa slíkan forustumann. Ræða Davíðs á landsfundinum eftir hrunið gerði síðan útslagið og sýndi mér best hvaða mann hann og stuðningsmenn hans höfðu og hafa að geyma. Framkoman við okkur ESB-aðildarviðræðusinna í gær á landsfundinum var af sama toga og framkoma Davíðs var á síðasta landsfundi og með svona fólki á ég alls enga samleið.

Í kjölfar „fjölmiðlalagafársins“ fór ég að fylgjast betur með vinnubrögðum Sjálfstæðisflokksins og hvernig flokkurinn hafði unnið allt frá því að Davíð Oddsson tók þar við völdum. Ég fór að hlusta á ýmsa gagnrýni á vinnubrögð flokksins og varð alltaf sannfærðari og sannfærðari um að gagnrýnin ætti því miður að sumu leyti við rök að styðjast. Ég varð viss um að slík vinnubrögð myndu að lokum leiða til skelfilegrar niðurstöðu, þótt ég vissi þá ekki hver hún yrði. Afleiðingar vinnubragða Sjálfstæðisflokksins eru okkur öllum nú ljósar og því miður enn skelfilegri en nokkurn gat órað fyrir. Auðvitað hefðu margir heiðarlegir sjálfstæðismenn annars reynt að grípa til aðgerða í tæka tíð, sem hefði þó líklega verið til einskis. Sjálfstæðisflokkurinn hefur sýnt að honum er því miður ekki við bjargandi. Ég hvet alla sjálfstæðismenn til að staldra við og hugsa sinn gang, hvort þeir eigi virkilega samleið með náhirðinni, sem auðsjáanlega stjórnar flokknum á bak við tjöldin.

Margt er til í því að veðsetning fiskveiðikvótans hafi verið fyrsti naglinn í líkkistu okkar gamla efnahagskerfis. Þá voru vinnubrögðin, hvernig staðið var að stuðningsyfirlýsingu ríkisstjórnarinnar – eða öllu heldur Halldórs Ásgrímssonar og Davíðs Oddssonar – við Íraksstríðið algjörlega óásættanleg. Svo við horfum á önnur mál, t.d. efnahagsmálin, þá er ljóst að ríkisrekstur sem hlutfall af þjóðarframleiðslu jókst umtalsvert í stórnartíð Sjálfstæðisflokksins, sem telst tæplega í takt við stefnu flokksins. Þá má ekki gleyma því, hvernig ríkisstjórnin studdi leynt og ljóst Decode, en ríkisbankarnir voru fengnir til að stýra sölu og markaðssetningu á hlutabréfum félagsins og Davíð gekk svo langt að veita fyrirtækinu ríkisábyrgð. Siðblindan við einkavæðinguna – sem var auðvitað algjörlega bráðnauðsynleg – var svo mikil, að gárungarnir byrjuðu fljótt og með réttu að kalla hana einkavinavæðingu. Í þessu sambandi nægir að nefna, hvernig staðið var að einkavæðingu ÍAV og ríkisbankanna, svo sem frægt er orðið en þarna er einnig af nógu að taka. Heiðursmaðurinn Steingrímur Ari Arason komst svo að orði, þegar hann sagði sig úr einkavæðingarnefnd:

„Ástæðan eru þau vinnubrögð sem viðhöfð hafa verið í aðdraganda þessarar ákvörðunar og hafa leitt til þess að aðrir áhugasamir kaupendur eru sniðgengnir þrátt fyrir hagstæðari tilboð fyrir ríkissjóð á alla hefðbundna mælikvarða. Ég hef setið sem fulltrúi fjármálaráðherra í framkvæmdanefnd um einkavæðingu frá árinu 1991 og aldrei kynnst öðrum eins vinnubrögðum“.

Davíð og félagar lögðu mikið upp úr aga og flokksaga og gagnrýni – hvort sem það var innan flokks eða utan – var ekki aðeins afskaplega illa séð heldur algjör Drottinssvik. Ef þingmenn andæfðu einhverju voru þeir settir út í kuldann og sama gilti um aðra flokksmenn. Skilyrðislaus hlýðni var boðorð nr. 1. Þjóðhagsstofnun var lögð niður vegna þess að sú þjóðhagsspá, sem samviskusamir embættismenn höfðu sameinast um að gera, þóknaðist ekki Davíð Oddssyni. Með þessari og svipuðum aðgerðum voru skýr skilaboð sendi til forstöðumanna ríkisstofnana um hvernig þeir ættu að haga sér. Jóhann R. Benediktsson, lögreglu- og tollstjóri á Suðurnesjum, var síðasti embættismaðurinn, sem hrakinn var úr sinni stöðu á þennan hátt. Ég mun síðar blogga um þá skítugu aðför, sem gerð var að mínum fyrrverandi yfirmanni. Þá verð ég að minnast á eftirlaunalögin, sem voru klæðskerasaumuð fyrir Davíð Oddsson.

Það yrði of langt mál að telja upp allar þær pólitísku klíkuráðningar, sem gerðar voru á valdatímabili Sjálfstæðisflokksins og virðast bara halda áfram nú þegar „fyrsta hreina velferðarstjórnin“ er tekin við völdum. Mig langar þó alveg sérstaklega að minnast á ráðningu Þorsteins Davíðssonar, Ólafs Börks Þorvaldssonar og Jóns Steinars Gunnlaugssonar í embætti héraðs- og hæstaréttarsdómara. Það er nú eitt að skipa flokksgæðinga í einhver opinber embætti, en að skipa dómara pólitískt er að bíta höfuðið af skömminni. Að lokum langar mig að nefna styrkina eða múturnar til flokksins og einstakra frambjóðenda hans, sem ekki þarf að fjölyrða um. Spillingin í íslenskum stjórnmálum er svo mikil, að aðeins Ítalía toppar okkur, en þar er þetta þó meira og minna svo augljóst að hægt er að hafa gaman af því. Styrkirnir og spillingin í kringum stjórnmálaflokkana og stjórnmálamenn spila stærri rullu í hruninu en nokkurn getur grunað.

Það er vinna framundan við að skipuleggja og stofna nýjan heiðarlegan og ráðvandan miðjuflokk með léttri hægri sveiflu. Hér verður um að ræða flokk, þar sem venjulegt fólk ræður ferðinni og þar sem hagsmunir Íslendinga og íslenskra fyrirtækja verða settir í fyrsta sæti. Við munum ekki gera mun á fyrirtækjum eða mönnum og reyna að hygla sérstaklega að bændum eða útgerðarmönnum – þó þeir eigi allt gott skilið. Miðju- og hægrimenn gera sér grein fyrir að við verðum að framleiða og vinna okkur út úr vandanum og að öflugt atvinnulíf er undirstaða velferðar, menntunar og menningar. Við munum ekki aðeins hafa í huga og styðjast við ákvæði stjórnsýslulaga, stjórnarskrár og annarra laga þegar okkur hentar – líkt og margir ráðherrar virðast gera – heldur fylgja lagafyrirmælum út í ystu æsar. Ólíkt gömlu flokkunum, sem allir voru stofnaðir til að verja hagsmuni einhverra ákveðinna hópa í þjóðfélaginu, mun þessi flokkur einmitt að forðast sérhagsmunagæslu. Hagsmunir borgaranna og fyrirtækjanna í landinu, velferð þeirra og frelsi verður í forgrunni. Það er ekki ekki nóg að tala um frelsi, ábyrgð og umhyggju, heldur verður maður að lifa í samræmi við þessi orð og það hefur Sjálfstæðisflokkurinn ekki gert undanfarin 10 ár og engar líkur á að hann geri það á næstu árum eða áratugum.

Flokkar: Óflokkað

Ummæli (122)

Einar Solheim // 27.6 2010 kl. 09:11

Gangi ther vel med nyja flokkinn. Vid erum morg sem bindum miklar vonir vid thennan nyja flokk. Atta mig samt ekki a thvi hvers vegna thu nu segir midjuflokk med lettri hægri sveiflu. Hvers vegna ekki alvoru hægri flokk? Thad vantar raunverulegan valkost til hægri. Samfo og framsokn eru badir midjuflokkar med hægri sveiflu. Ekki ad vinstri/hægri hafi eitthvad ad segja, en stor hluti islendinga eru hægri menn og thurfa ad na tengingu vid thennan nyja flokk.
þór // 27.6 2010 kl. 09:11

Ditto
Þjóðernis – einangrunar hyggja, sniðin að þörfum getulítilla stjónrmálamanna sigraði í gær.
Besta hugsanlega niðurstaða ríkjandi hugsunar í flokknum er status quo, og það er einmitt markmiðið.
Bíð eftir stofnun nýja flokksins
Guðbjörn Guðbjörnsson // 27.6 2010 kl. 09:12

Einar:

Ég er nú kannski bara að undirstrika að við erum ekki þjóðernissinnaður öfgahægriflokkur líkt og Sjálstæðisflokkurinn er núna!
Systa // 27.6 2010 kl. 09:13

Gangi þér vel með nýja flokkinn, Guðbjörn!
Viðar Ingvason // 27.6 2010 kl. 09:14

Fróðleg grein hjá þér Guðbjörn, gangi þér vel með nýja flokkinn.
núman // 27.6 2010 kl. 09:26

Guðbjörn!

Innilega til hamingju með nýfengið frelsi!

Ég býð spenntur eftir stofnun hins nýja flokks.

Ég vona að þú hafir styrk til að taka á móti væntanlegu skítkasti úr náhirðarkamrinum. Mundu bara að kastararnir eru skítmenni og mikill fjöldi heiðarlegra Íslendinga, almennilegs fólks, stendur með þér.

Baráttukveðjur!
Júlla // 27.6 2010 kl. 09:28

Óskandi að fleiri væru eins og þú. Sérð óréttlætið og framkvæmir.
Því miður vantar meira af þannig fólki. Það er svo auðvelt að vera meðvirkur.
Sorglegt hvernig komið er fyrir þessum flokki.
Guðbjörn Guðbjörnsson // 27.6 2010 kl. 09:28

núman:

Björn Bjarnason byrjaði með skítkast á blogginu sínu í gær og sendi mér kaldar kveðju þegar ég kvaddi hann í gær á landsfundi eftir að hafa sagt mig úr flokknum.

Ég nærist á skítkasti en vil síður viðhafa það við aðra, þótt ég kunni að verja mig!
Feitibjörn // 27.6 2010 kl. 09:33

Velkominn út í sólskinið. Undarlegt, miðað við pistilinn þinn, hvað þetta tók þig langan tíma en betra er seint en aldrei. Góða skemmtun í skítkastinu, maður heyrir að hlakkar í Skapta meðan hann hleður skítadreifarann.
Guðbjörn Guðbjörnsson // 27.6 2010 kl. 09:35

Feitibjörn:

Já, það þurfti mikið til.

Vandamálið að Sjálfstæðisflokkurinn var skömminni til skárri en hinir flokkarnir og gæfuleysi „fyrstu hreinu vinstri stjórnarinnar“ sannar þetta svo ekki verður um villst.

Nú verður hins vegar stofnaður nýr og óspilltur miðju-hægri flokkur, sem verður álitlegur kostur fyrir allt heiðarlegt miðju-hægri fólk!
Guðni // 27.6 2010 kl. 09:37

Til hamingju með þetta Guðbjörn. Vonandi sýna fleiri núverandi félagar í sjálfstæðisflokknum sama kjark. Ég mun fylgjast spenntur með framgangi þess flokks sem þú boðar að stofnaður verði. Það er lífsnauðsynlegt fyrir þjóðina að Sjálfstæðisflokkurinn í nuverandi mynd verði eins áhrifalaus og mögulegt er. Gangi þér og þínum félögum vel með nýjan og frjálslyndan flokk!
Lesandi // 27.6 2010 kl. 09:40

Fréttirnar af hugsanlegri stofnun frjálslynds hægriflokks á Íslandi eru með betri fréttum sem ég hef fengið lengi. Ég vona innilega að þetta gangi eftir.

Að sama skapi hvet ég þig og þá sem standa með þér að stofnun flokksins til þess að vanda vel mannavalið. Það er sama hversu góð málefni flokkur stendur fyrir ef gott fólk vantar.
Guðbjörn Guðbjörnsson // 27.6 2010 kl. 09:42

Einar, núman, Guðni & Lesandi:

Ég vona að sjá ykkur á stofnfundinum!

Með góðri, frjálslyndri og víðsýnni kveðju!

Guðbjörn
Hákon Jóhannesson // 27.6 2010 kl. 09:54

Mér hryllir við þennan lestur. Skilyrðislaus hlýðni var fyrsta boðorðið. Persónudýrkun foringja. Talað er niðrandi um „aðra“. Annarra en þeirra sem aðhyllast herlegheitin. Vanlíðan félaga. Andlegu ofbeldi t.a.m. hótunum er beitt til að hafa „stjórn“ á félögum. Þetta eru ýmiss einkenni sértrúarsafnaðar. Sjúkt. Alveg kostulegt.

Mér hefur reyndar verið þetta ljóst um nokkurt skeið við það horfa utan frá á flokkinn. Ég hef bent á það að „sumir“ sem sitja á þingi eigi að hverfa til annarra starfa þar sem þeir gera samfélaginu gagn. Persónugeri þetta ekki. Svona er þetta bara.

Ljóst má vera að slíkur félagsskapur hefur ekkert með stjórnun almannahagsmuna að gera; enda er efnahagur landsins ein rúst eftir tveggja áratuga stýringu flokksins.

—

Varðandi veðsetningu fiskveiðikvótans sem þú minnist á, þá er hann að sjálfsögðu lögbrot. Óheimilt er að taka veð í eigum annarra án þeirra samþykkis. Af hverju er ekki rætt um þetta hér á landi ? Hversu langt nær þöggunavald og kúgun ofbeldismannanna ?
Valur B (áður Valsól) // 27.6 2010 kl. 09:56

Það er ömurleg þessi nýja pólitík ef pólitík skyldi kalla, að níða annað fólk og hika ekki við að ljúga upp á það til að hafa af því nmannorðið. Þorvaldur Gylfason hefur mátt þola viðbjóðslega aðför þar sem Skafti og amx fara fremstir í flokki. Þar er notuð áróðursaðferð Göbbels að segja hlutina nógu oft þangað til það sest í þjóðarsálina.

Guðbjörn ég hef mjög oft lesið pistlana þína og oftar en ekki verið þeim sammála. Mér finnst vanta stjórnmálamenn sem hafa það viðhorf að margar skoðanir séu af því góða. Ef fólk sest niður og semur sig að niðurstöðu þá eru það yfirleitt bestu lausnirnar. Margar skoðanir og semja sig að lausninni, það er málið. Gangi þér og ykkur allt í haginn með stofnun nýs flokks og mjög líklegt að maður styðji slíkt framboð þegar þar að kemur. Því eins og þú segir, þá hafa vinstri flokkarnir því miður brugðist. Ástæðan er sú að þeir þorðu ekki í náhirðina.
Valur B (áður Valsól) // 27.6 2010 kl. 10:01

Guðbjörn, þegar þið komið með nýja flokkinn, þá munu menn segja sig úr Sjálfstæðisflokknum ekki ólíkt því sem gerðist þegar Davíð tók við ritstjórn moggans, þá flúðu áskrifendur.
Hlynur Þór Magnússon // 27.6 2010 kl. 10:04

Ágæti Guðbjörn – hér segir þú ýmislegt sem margir almennir sjálfstæðismenn hafa hugsað en hreinlega ekki þorað að segja upphátt.
Guðbjörn Guðbjörnsson // 27.6 2010 kl. 10:14

Hákon:

Því miður er þetta svona og sem fyrrverandi innanbúðarmaður get ég lýst þessu á sannfærandi hátt.

Ég er hér engu að ljúga og byggir frásögn mína á samtölum við núverandi og fyrrverandi þingmenn og minni eigin reynslu.

Hlynur Þór:

Já, það væri gott ef fleiri fyrrverandi þingmenn myndu lyfta hulunni af því sem hér gerðist!
Adalsteinn // 27.6 2010 kl. 10:17

Eru Íslendingar blindir kéttlingar.
Afhverju eiga útlendingar að bjarga okkur. Við gætum haft hér
himnaríki á jörðu, ef við sjálf til dæmis nýttum fiskimiðinn á
annan hátt en er gert í dag.
Einn stjórnmálaflokkur á að duga þjóðinni ef við kæmum
okkur saman um hlutina.
Friðrik Sig // 27.6 2010 kl. 10:21

Takk fyrir góðan pistil og fróðlegan.
Mjalli // 27.6 2010 kl. 10:26

Fróðlegt. Gangi þér vel.
arri // 27.6 2010 kl. 10:29

Til hamingju Guðbjörn, og látið verða að því að stofna frjálslyndan borgaralegan hægriflokk sem skilið getur Sjálfstæðisflokkinn eftir sem öfga -hægriflokk. Á eflaust eftir að styðja ykkur.
Steinarr Kr. // 27.6 2010 kl. 10:32

Þú kvartar yfir ýmsu sem andstæðingar Sjálfstæðisflokksins hafa verið með sem hálfgerða möntru, talar um náhirð og þess háttar. Flest sem þú nefnir er orðið gamalt og þú ræðir menn sem eru ekki lengur í forystu fyrir sjálfstæðisflokkinn. Ekkert af þessu er nýtt í umræðunni.

Síðan þá ertu búinn að taka þátt í prófkjöri, framboði og sitja í trúnaðarembættum fyrir sjálfstæðisflokkinn.

Fyrir mér hljómar þessi pistill þinn eins og eftiráskýringar af því að þú ert fúll út af ESB. Það sama á við um félaga þinn Svein Andra.

Ég þekki ykkur báða og tel ykkur mæta menn. Að þið farið af stað með kvörtunum og drullukasti finnst mér aumt.
Einar Tryggvason // 27.6 2010 kl. 10:34

Ég get ekki beðið eftir stofnfundinum, ég verð fyrstur á svæðið

Það er gersamlega ólíðandi að þurfa að kjósa samfylkinguna bara vegna skoðana manns á ESB, það hefur bara ekki verið neinn annar valmöguleiki.

Aldrei á minni ævi hef ég kosið sjálfstæðisflokkinn þrátt fyrir að stefna flokksins hafi að flestu leyti hent mínum skoðunum, það er nú bara svo að það sem sjálfstæðisflokkurinn er í orði er ekki það sama og hann er á borði

Sjálfstæðisflokkurinn er ekki hægri sinnaður stjórnmálaflokkur heldur samansafn af hagsmunasamtökum sem að eiga það eitt sameiginlegt að hafa einhverra hagsmuna að gæta og að geta fengið góða bitlinga á meðan þeir sitja við völd.

Mikið rosalega væri ég til í Evrópusinnaðan hægri flokk sem að hefur ekki hagsmuni LÍÚ og fleiri að sinni einu sönnu köllun
Gunnar // 27.6 2010 kl. 10:36

Vonandi tekurðu Svein Andra og Andrés Pétur með þér. Þá er sjálfstæðisflokkurinn orðin miklu betri flokkur strax.
Guðbjörn Guðbjörnsson // 27.6 2010 kl. 10:36

@Steinarr Kr.

Steinarr, því miður hefur Sjálfstæðisflokkurinn verið á rangri vegferð í mjög langan tíma og virðist ekki ætla að komast upp úr þeim sporum.

Að vera kallaður samfylkingarmaður og svikari við land og þjóð – líkt og ég fékk að heyra í gær – er ótrúlegt frekja!

Ég var flæmdur úr flokknum og ég er því mjög feginn í dag, því ég átti að vera löngu farinn. Synd að maður stóð ekki að því í síðustu kosningum að stofna almennilegan miðju/hægri flokk þá.

Þetta blogg er ekki skítkast og það er engu upp á þetta fólk logið – því miður segi ég, því ég fylgdi þessum mönnum að málum áratugum saman!
Eiríkur H. Sigurjónsson // 27.6 2010 kl. 10:37

Guðbjörn:

Þú ert maður að meiri!

Ég myndi vilja sjá frjálslyndan flokk sem raunverulega vill standa fyrir ábyrgu athafnafrelsi og gegn spillingu. Ég myndi skrá mig í slíkan flokk.
Gísli // 27.6 2010 kl. 10:38

Það er mikilvægt að fá nýjan hægri flokk fyrst Sjálfstæðisflokkurinn lagði þann gamla niður í raun. Það er athyglisvert að ESB skyldi verða til að leggja niður Sjálfstæðisflokkinn. Þeir sem þar hafa stjórnað sjá fyrir sér endalok sín í ESB samstarfi. Máttarstólpar spillingarinnar, kvótakerfið, einkavinavæðingin, fjölskyldu og vinaráðningar, gamla stjórnarskráin eru í stórhættu vegna aðildarsamninganna. Vinstri Grænir ætla núna að taka að sér það sögulega hlutverk að sameinast gamla sjálfstæðisflokknum um þessi hagsmunamál hans. Maður spyr sig, þarf nú að stofna nýjan vinstri flokk líka? Vinstri flokk sem hefur alþjóða samstarf að leiðarljósi og getur rifið sig upp úr gömlu þjóðernisvakningunni sem herstöðvarandstaðan gagnsýrði.

Í raun er verið að stíga skref aftur á bak til stjórnmála fortíðar. ESB er ekki flokkspólitískt mál frekar en útfærsla fiskveiðilögsögu eða breyting á stjórnarskrá. Með því að krefjast þess af félagsmönnum í pólitík að taka endanlega afstöðu með eða á móti er verið að múlbinda umræðuna og þagga niður það nýja sem þó hefur tekist að ná fram í umræðunni.

Já stofnum nýjan hægri flokk.
Einar Solheim // 27.6 2010 kl. 10:38

Ég er svo heppinn að hafa menntun, tungumálakunnáttu og fjölskyldubönd sem gerði mér kleift að flytja til Noregs fyrir ári. Hefði annars verið spenntur fyrir nánari þáttöku í starfi flokks sem boðar mikið af þeim hugmyndum og hugsjónum sem þú hefur borið fram hér á bloggi þínu. Ég get hins vegar lofað ykkur atkvæði mínu, að minnsta kosti að því leyti að þið þurfið að gera mikið til að klúðra því.

Það er yndisleg tilfinning að hafa lán sem lækkar eftir því sem greitt er af því. Að vita að bankainnistæður verða verða ekki án fyrirvara 50% verðminni á alþjóðlegum mælikvarða. Að geta pantað vörur frá útlöndum og þurfa ekki að hafa áhyggjur af því að verðið verði í íslenskum krónum ekki 5-10% hærra þegar færslan er gerð á kreditkortinu. Noregur er vissulega ekki í ESB, en hér er fjármálstöðugleiki. Fjárhagur Noregs er nægilega sterkur til að bera eigin mynt, en því get ég lofað að norðmenn eru nægjanlega skynsamir að þegar ólían fer að þrjóta (og það þarf ekki að vera svo langt í það), þá verður Noregur kominn í ESB á no time. Það er ekkert mál sem er mikilvægara íslenskum hagsmunum en innganga í ESB og upptaka Evru. Þú og þínir þurfið virkilega að gera landi og þjóð þann greiða að sýna fram á hvar hagsmunirnir liggja. Þetta verður samt erfitt því andstæðingar ykkar eru gífurlega öflugir og hafa áratuga reynslu í því að blekkja og móta almenningsálitið eftir sínum þörfum.

Efast ekki um að ykkur mun takast að fá fullt af hæfu fólki til liðs við ykkur, þannig að útskúfun xD á þeim sem vilja skoða ESB alvarlega er sennilega með því betra sem hefur gerst í íslenskri pólitík sl. 10 ár.
Kjartan Örn Sigurðsson // 27.6 2010 kl. 10:44

Niðurstaða fundarins eru mér mikil vonbrigði. Í einfeldni minni hélt ég að langur og átakanlegur fundur um stjórnmálaályktunina hefði endað með sátt um málefni ESB. Andstæðingar virtu þessa sátt að engu og veik flokksforysta gaf sig á vald poppúlismans. Björn Bjarnason fékk þá gagnrýni sem hann átti skilið fyrir sína samantekt um utanríkismál en það sætir furðu að forysta flokksins skuli hafa valið hann til verksins í upphafi nema því aðeins að fyrirfram hafi verið ákveðið að kljúfa flokkinn. Greinagerðin sem lá fyrir við upphaf fundar um utanríkismál var einsleit og augljóslega sett á blað af sama manninum sem getur svo gagnrýnt evrópusinna fyrir ómálefnaleg vinnubrögð og kunnáttuleysi í að koma sjónarmiðum á framfæri! Ég virði ákvörðun þína Guðbjörn og óska þér velfarnaðar. Það er ljóst að klofningurinn í flokknum getur skaðað flokkinn verulega. Meirihlutar í sveitarstjórnum gætu verið í uppnámi. Nú reynir á nýkjörna forystu flokksins sem reyndar er mjög löskuð eftir þennan landsfund.
Víðförull // 27.6 2010 kl. 10:45

Málið er að nýji flokkurinn hans Guðbjörns og kratafélaga hans í Sjálfstæðisflokknum mun fyrst og fremst naga af lausafylgi Samfó. Og það er bara fínt. En það er dapurlegt að sjá Guðbjörn líkja Sjálfstæðisflokknum nánast við nasistaflokk („þjóðernissinnaður öfgahægriflokkur“), þýskmenntaður maðurinn. Þannig taka þátt í barnalegu einelti pólitísku kjánanna í Samfylkingunni sem þykjast ekki vilja skilja að yfirgnæfandi meirihluti Íslendinga (og þeim fer ört fjölgandi) er einfaldlega þeirrar skoðunar að við eigum ekki samleið með úreltu tollabandalagi gamalla miðevrópskra iðnjöfra en viljum vera frjáls þjóð í alþjóðasamfélaginu.
Gunnar Víglunda // 27.6 2010 kl. 10:48

Það er mér gersamlega óskiljanleg ráðgáta afhverju hæfir einstaklingar eins og þú festast í þráhyggju um græna grasið í ESB og það muni skapa varanlega farsæld á Íslandi – þegar það þarf ekki að fara lengra en nokkra daga aftur í tíman til að lesa um aðila eins og Paul Krugman og George Soros, sem eru að benda okkur á að líklega sé evran dauð. Og hvað er þá eftir Guðbjörn annað draumkendar útópískar órar. Með hverjum deginum sem líður fer þetta meira og meira að líkjast áfengissjúklingi í afneitun – sem við Íslendingar þekkjum því miður alltof mikið af.
Freyr // 27.6 2010 kl. 10:48

Heill þér Guðbjörn!

Ég og fleirri í kringum mig munum fylkja okkur um gunnfána hófsamra íhaldsmanna sem vilja ESB-inngöngu.

Takið slaginn og breytið Íslandssögunni.

Baráttukveðjur
Guðbjörn Guðbjörnsson // 27.6 2010 kl. 10:51

Kjartan Örn:

Góð greining hjá þér!

Víðförull:

Nei, ég er nú ekki að líkja Sjálfstæðisflokknum við fasista- eða nasistaflokka, heldur flokka á borð við „U.K. Independence Party“.

Til gamans má geta þess, að Breski sjálfstæðisflokkurinn (e. UK Independence Party), sem „skrímsladeild“ hins íslenska Sjálfstæðisflokks telur systurflokk sinn, fékk 857,302 eða 3.1% atkvæða og engan mann kjörinn í síðustu þingkosingum til Breska þingsins.
Ingólfur Margeirsson // 27.6 2010 kl. 10:53

Sammála hverju orði þínu. Mér sýnist sjálfstæðisflokkurinn sé að verða pólitísk risaeðla í útrýmingarferli. Trúi að fleiri íhaldsmenn að komi í fótspor þín. Nýjr flokkur? Af hverju kemur þú ekki til okkar í Samfylkingunni. Við búum yfir öllu því sem þú auglýsir eftir og gott betur…
Rex // 27.6 2010 kl. 10:58

Ég segi nú bara: TIL HAMINGJU GUÐBJÖRN.

Merkilegt hvað það tók þig annars langan tíma að átta þig á því hvað FLokkurinn er spilltur, og hversu einræðis- og ekki síður forræðishyggjan ræður þar ríkjum. Í boði Hrunherrans eina og sanna, Bubba kóngs. Sá litli maður er hinn eini og sanni bölvaldur Íslands.

Sólin skín, framtíðin er fín. Nýr flokkur frjálslyndra hægrimanna er málið.
Adalsteinn // 27.6 2010 kl. 10:58

Það endar með því að þjófagengið verður bara eftir.
Viðar Eggertsson // 27.6 2010 kl. 10:58

Sæll,

þakka þér fyrir góðan pistil og hreinskilinn og verulega íhugunarverðan.

Eitt vekur undrun mína – og óbragð – það er að flestir þeir fyrrum samflokksmenn þínir, sem gagnrýna þig hér með gífuryrðum og skætingi, finnst sæma að fela sig á bak við nafnleynd! – Segir það ekki ansi mikið…. ?

með kv.
Hólmfríður Bjarnadóttir // 27.6 2010 kl. 11:01

Sæll Guðbjörn. Þú skrifar af hreinskilni en þá vissri nærfærni um þinn gamla flokk. Það gerir skrif þín enn trúverðugri en ella og um leið bíta þau fastar. Ég hef oft lesið þín skrif og stundum skrifað athugasemdir. Þú hefur alla tíð verið sanngjarn í þínum skrifum.

Nú eru nýjir tímar á Íslandi hvern dag. Um leið og skíturinn vellur úr fortíðarfeninu stóra, er jákvæðir atburðir að gerast og jákvæðar fréttir að berast okkur.
Dagurinn í gær var svartur fyrir Sjálfstæðisflokkinn, en um leið ofbauð mörgum og þar á meðal þér. Hið rétta andlit spillingaraflanna var sýnt, ásamt tönnum og klóm. Þá birti á sama skapi til á hinum pólitíska himni því mörgum ofbauð og munu yfirgefa þetta sökkvandi skip.

Skítadreyfarar náhirðarinnar verða fylltir enn frekar og skipulögð dreyfing hert enn frekar. Það eru venja þeirra röklausu að dreyfa illalyktandi, en um leið heimskulegum skít.

Þá er bara að fara í gúmígallann og bíða eftir fystu gusunum

Til hamingju með þetta stóra skref Guðbjörn, það er stigið fyrir þig sjálfan og fyrir okkur öll hin. Þó ég muni ekki ganga til liðs við þennan nýja flokk (enda í ágætum flokki) þá munu margir gera það og það er vel. Efla verður heiðarleika og lýðræði í íslenskum stjórnmálum og það mun þessi nýji flokkur án efa gera. Gangi þér og þínum félögum allt í haginn.
Gunnar Jónsson // 27.6 2010 kl. 11:03

Þessi úrsögn þín og uppgjör er til háborinnar fyrirmyndar. Almenningur bíður eftir þessu alvöru uppgjöri sem þarf að fara fram innan flokkanna. Stofnun nýrra stjórnmálafla er eðlilegur liður í því – sérstaklega ef að flokkarnir hafa ekki raunverulegan vilja til þess að hreinsa til hjá sér sjálfir.

Ég hef fylgst mjög náið með íslenskri pólitík undanfarin 15 ár og hef þróað með mér hreinræktaða óbeit á Sjálfstæðisflokknum. Kjörorð flokksins um stétt við stétt er göfug en athafnir forystumanna flokksins undanfarin 15 ár hafa verið í hreinni andstöðu við kjörorð hans. Stjórnarhættir flokksins hafa einkennst af hroka, sérhagsmunagæslu, klíkumyndun, valdagræðgi og fyrirtækjarefskák. Og eins og þú nefnir, eiga fleira skylt með mafíustarfsemi heldur en stjórnmálasamtökum. Rannsóknaskýrslan leiddi mjög skýrt í ljós hversu hrikalegar afleiðingar þessa hugsunarháttar hafa verið okkur sem þjóðar og hverjum þeim sem starfar í stjórnmálum ætti rannsóknarskýrslan að vera hreinræktað ákall og leiðarvísir um gagngerar breytingar sem þurfa að eiga sér stað. Því virðist hins vegar ekki að heils og vissulega hreinlegast er að skilja vitleysuna eftir í þínum gamla flokki og stofna stjórnmálahreyfingu sem virðir sín eigin kjörorð.

Þó það hljómi skringilega, þá vantar almenning sterkari málsvara í þingmönnum sínum. Menn sem hætta að hugsa um vini sína á meðan þeir sinna vinnu sinni fyrir þjóðina. Menn sem reyna ekki að byggja sér upp valdablokkir heldur hugsa til allra landsmanna þegar þeir taka ákvarðanir í mikilvægum málum.

Sjálfur er ég stoltur jafnaðarmaður og fagna þínu nýju framboði. Það er alltaf pláss fyrir nýtt fólk sem hefur hjartað á réttum stað og siðferðið í lagi. Og þar ríkir okkar helsta fátækt sem lýðræðisþjóðar.

Það eru eflaust einhverjar smjörklípur í póstinum til þín frá gömlum refum. Því má treysta. Enda kunna þeir ekki annað blessaðir.

Takk fyrir einlægt uppgjör og gangi þér vel.
Jón H. Jakobsson // 27.6 2010 kl. 11:09

Sæll Guðbjörn.

Leitt að heyra að Sjálfstæðisflokkurinn hafi haft að engu þá sátt sem að hefur verið á milli ólíkra fylkinga í Evrópumálum innan flokksins. Ég hef sjaldan verið sammála verkum Sjálfstæðisflokksins og mér hefur aðferðafræði hans og stefna færst fjær þeim markmiðum sem að flokkurinn var stofnaður í kringum. Mér er líka fyrirmunað hvað er svona hræðilegt við aðildarsamning; hugnist íslensku þjóðinni hann ekki verður hann einfaldlega ekki samþykktur. It’s just that simple. Miðað við nýfegna ást allra flokka á þjóðaratkvæðagreiðslum (sbr Icesave) þá finnst mér skjóta skökku við að þjóðaratkvæðagreiðsla um aðildarsamning megi ekki eiga sér stað.

Ég hef átt góð og gagnleg skoðanaskipti við andstæðinga ESB aðildar og ég get fallist á mikið af þeirra rökstuðningi í málum sem að mér hafði yfirsést. Það hefur þó ekki ennþá breytt þeirri skoðun minni að ég vil sjá aðildarsamning upp á borðinu og ég vil sjá þann samning í þjóðaratkvæðagreiðslu. Að sama hlýtur krafa beggja fylkinga að vera að niðurstöður slíkrar þjóðaratkvæðagreiðslu verði virtar.

Líkt og Kjartan er ég búsettur erlendis, í ESB landinu Danmörku nánar tiltekið og gæti ekki lagt ykkur lið að öðru leiti nema með atkvæði mínu, en frjálslyndur hægri flokkur með aðildarviðræður á stefnuskrá og þjóðaratkvæði í kringum samninginn væri mér mjög að skapi. Óska ykkur góðs gengis í þessari vegferð!
vilhjálmur // 27.6 2010 kl. 11:11

Maður verður flótur til taks með stuðning við þann flokk sem þú og fleiri kunna að stofna .Burt með klíkuskap.
Kjartan Vídó // 27.6 2010 kl. 11:14

Sæll, þú skrifar eftirfarandi að ofan „Framkoman við okkur ESB-aðildarviðræðusinna í gær á landsfundinum var af sama toga og framkoma Davíðs var á síðasta landsfundi og með svona fólki á ég alls enga samleið.“
Hvaða framkoma var það sem ykkur var sýnd?
Guðbjörn Guðbjörnsson // 27.6 2010 kl. 11:26

Kjartan:

Þú hefur nú sennilega ekki verið á fundinum, þar sem fjallað var um pólitíska ályktun fundarins og þar sem átökin fóru fram.

það voru jú engar umræður leyfðar um málið í aðalsalnum.

Þið eruð að láta gamla menn á borð við Björn Bjarnason og Styrmi stjórna öllu hjá ykkur!

Sjálfstæðisflokkurinn mun smám saman breytast í landsbyggðarflokk bænda og útgerðarmanna.
Kjartan Vídó // 27.6 2010 kl. 11:32

Sæll ég sat þennan fund alla helgina og ég gat ekki orðið var við annan en að hægt væri að koma með breytingartillögur eða farið í pontu til að tala um stjórnmálaályktunina. Þar voru margir sem tóku til máls og komu með breytingar. Ég var ekki var við að ESB sinnar færu í pontu og tækju til máls til að mæla fyrir texta um að Sjálfstæðisflokkurinn æti að styðja inngöngu í ESB. Það eina sem ég var ósáttur við umræðurnar í gær var tillaga Einars K um að þingflokkurinn ætti að fá að ákveða textan enda var því hafnað.
Tillaga um endanlega niðurstöðu kom úr sal og atkvæði var greitt um tillöguna og var hún samþykkt. Ég hefði viljað fá skriflega kosningu um málið en hvorgi stuðningsmenn eða andstæðingar inngöngu í ESB óskuðu eftir því á fundinum í gær.

Hvað er vont við það að Sjálfstæðisflokkurinn breytist eitthvað í áttina á að vera landsbyggðarflokkur?
JM // 27.6 2010 kl. 11:44

Til hamingju með ákvörðunina, Guðbjörn. Mun nánast örugglega ganga úr Sjálfstæðisflokknum og styðja nýja flokkinn.

Stofnun nýs flokks er gríðarlegt tækifæri ef vel tekst til. Náhirðin og flokksforystan er nánast örugglega að ofmeta stöðu Sjálfstæðisflokksins meðal almennings.

En stofnun stjórnmálaflokks sem yrði í beinni skotlínu flokksmaskínu Sjálfstæðisflokksins og Moggans, og kroppandi fylgi frá Framsókn og Samfylkingu, krefst mjög sterks baklands, fjármagns og skipulags ef vel á að takast til. Hversu líklegt er að þessi stuðningur verði fyrir hendi? Eru fleiri þungaviktaraðilar að baki stofnun þessa flokks? Eru einhverjir Sjálfstæðismenn sem einnig voru svældir úr flokknum í gær í þessum umræðum?
caramba // 27.6 2010 kl. 11:57

Ég hef verið vinstrisinnaður alla æfi en mun hiklaust kjósa nýjan hófsaman flokk sem hefur á stefnuská sinni heiðarlega póltíka, uppgjör við kvótakerfið og inngöngu í ESB. Á lista slíks flokks myndi ég vilja sjá t.d. Guðbjörn, Benedikt Jóhannesson og Þorvald Gylfason. Áfram drengir, það er ekki eftir neinu að bíða!
Guðmundur Hallgrímsson lyfjafr. // 27.6 2010 kl. 11:58

Heill og sæll.
Á morgun mun ég afhenda úrsögn mína úr Sjálfstæðisflokknum eftir rúm 50 ára samfylgd.Ég lít svo á að flokkurinn telji mig óæskilegan félaga. Ég er sammála þér um að ég finn til léttis en einnig nokkurs trega að að upplifa það
að flokkurinn skuli vera búinn að gleyma uppruna sínum og hugsjónum og vera nú í höndum öfgaafla. Það er kannske sjálfsögð kurteisi að óska Davíð Oddsyni til hamingju með sigurinn á Landsfundinum þótt ég hafi sterka tilfinningu fyrir því að um Pyrrhosarsigur sé að ræða. Við skulum nú vinda okkur í að stofna nýjan flokk í anda hugsjóna frumherja okkar eins og Jóns Þorlákssonar,Ólafs Thors og Bjarna Benediktssonar. Sjálfstæðisflokkurinn, illu heilli, bauð okkur upp á hrunið og nú er hann heltekinn af einangrunarþörf og minnimáttarkennd gagnvart vinaþjóðum í Evrópu.
Hvílík örlög fyrir flokk sem átti svo glæsta fortíð.
hilmar // 27.6 2010 kl. 11:58

Til hamingju Guðbjörn.
Það er ljóst að Sjálfstæðisflokkurinn er að missa mikið.
Það má vel greina á hysteríkum viðbrögðum sumra hér.
Ófeigur // 27.6 2010 kl. 12:00

Þetta heitir nú á mannamáli að fara í fýlu. Það fyndna við þetta er, að þú værir enn í flokknum ef það hefði ekki verið ályktað gegn ESB aðild í gær. Önnur atriði sem þú bendir á tilheyra fortíðinni og/eða mönnum sem ekki lengur eru í forsvari fyrir flokkinn. Þú segist vera maður sem trúir á samráð, samvinnu og málamiðlanir en ekki ofríki meirihlutans, en þú sýnir það svo ekki í verki. Hvað með að vinna með öðru sjálfstæðisfólki að mótun flokksins í þá átt sem þú vilt sjá. Eða kemur meirihlutinn ekki til með að ráða í nýja flokknum þínum? Á síðasta landsfundi var gerð málamiðlun og þar var opnað á ESB aðildarviðræður. Nú segja þú og þínir að í gær hafi ekki verið tónn málamiðlana, sáttin rofin o.s. frv. Þetta er alveg dæmigert, að þegar meirihlutinn ræður um eitthvað hitamál, þá vælir minnihlutinn alltaf undan „ofríki meirihlutans“. Felst eina málamiðlunin semsagt í því að þóknast ykkur? Skömm er að þessu hjá ykkur!
Guðbjörn Guðbjörnsson // 27.6 2010 kl. 12:01

JM:

Borgarahreyfingin og Besti flokkurinn hafa sýnt að það þarf ekki hundruð milljóna á bak við svona framboð.

Hins vegar á ég von á að margir úr atvinnulífinu hverfi frá stuðningi við Sjálfstæðisflokkinn núna þegar þeir vilja draga umsóknina til baka. Það er heilmikill stuðningur við ESB aðild á meðal atvinnurekenda fyrir utan LÍÚ auðvitað.

Síðan sýnist mér Fréttablaðið, visir.is og Stöð 2 ekki beinlínis vera andsnúin ESB-aðild!
Guðbjörn Guðbjörnsson // 27.6 2010 kl. 12:02

caramba:

Velkominn og ég hefði ekkert á móti þeim aðilum, sem þú nefnir til sögunnar!
Þór Gunnarsson // 27.6 2010 kl. 12:07

Sæll Guðbjörn,

Hefurðu velt fyrir þér Norræna Íhaldsflokknum: http://www.simnet.is/ihaldsflokkurinn/ sem Friðrik Hansen stofnaði í fyrra: http://fhg.blog.is/blog/fhg/

Flokkurinn segist vera borgaralegur mið-hægriflokkur sem styður aðild Íslands að ESB. Stefnan er þó að miklu leyti óákvörðuð.
Grétar Mar Jónsson // 27.6 2010 kl. 12:09

Til hamingju með úrsögnina Guðbjörn.
árni // 27.6 2010 kl. 12:11

Til hamingju með þetta Guðbjörn.góð og fróðleg grein,og tilhamingju með að vera orðinn frjáls einstaklingur og með að vera kominn með sjálfsögð mannréttindi einsog tjáningarfrelsi aftur.vegni þér vel með nýja flokkinn.
Ari Ingimundarson // 27.6 2010 kl. 12:11

Mikill fjöldi fólks bíður eftir nýjum hægri flokk eins og þú lýsir honum. Vittu til að jafnvel þótt slík tilraun takist ekki fullkomlega þá gæti hún samt haft djúpstæð áhrif á íslenska pólitík. Stundum verður að draga línurnar í sandinn!!
Einar // 27.6 2010 kl. 12:11

Þannig að Sjálfstæðisflokkurinn á að rúma allar skoðanir, svo fremi að þú sért á þeim?

Látum okkur sjá, ef þú aðhyllist „einn flokkur fyrir allar skoðanir“ og „verum á miðjunni því þannig móðgum við engan“ og „tökum ekki afstöðu í nokkru máli“ þá ertu í raun Samfylkingarmaður.

Ég vil benda þér á að Samfylkingin virðist fullkominn flokkur fyrir þig, hægindastóll hinna skoðanalausu lýðskrumara sem geta aldrei gert neitt af hræðslu við að einhver gæti móðgast.

Ég vil frekar hafa sterkan hægriflokk sem hefur skoðanir á málum heldur en stóran miðjuflokk sem keppir við Samfylkinguna í innantómum frösum og hræðslu.

Ef þú finnur þig ekki í Sjálfstæðisflokknum, þá skaltu bara fara eitthvað annað. Við þurfum hér á landi sterkan hægriflokk sem ver hagsmuni millistéttarinnar, berst fyrir lægri sköttum og minni ríkisafskiptum. Sjálfstæðisflokkurinn sem þú nú segir að sé búinn að úthýsa þér hefur fyrir löngu snúið baki við hægristefnu og er í raun ekkert annað en eftiröpun af Samfylkingunni.

Vonandi finnur þú þig í einhverjum öðrum flokki, nú loksins er ég nefnilega að finna mig í Sjálfstæðisflokknum, flokki sem virðist ætla að þora að taka afstöðu í málum.
Baldvin // 27.6 2010 kl. 12:20

Loksins loksins hægri flokkur sem ég gæti kosið! Ég mun styðja evrópusinnaðan hægriflokk og mæli með að Ragnheiður Ríkharðsdóttir verði fengin í forustusveit þessa flokks!
Guðbjörn Guðbjörnsson // 27.6 2010 kl. 12:21

Einar:

Hvaða hægri stefna?

Frétt af amx frá 12. nóvember 2009 (http://www.amx.is/fuglahvisl/11411), sem getur nú ekki verið betra að þínu mati – eða er það:

Samband ungra sjálfstæðismanna (SUS) hefur lengi verið gagnrýnið á mikla aukningu ríkisútgjalda á síðustu árum. Í tillögum þeirra í ríkisfjármálum er þetta ítrekað og gott betur.

Smáfuglarnir hafa verið að fara yfir tillögur ungra sjálfstæðismanna og þar er margt athyglisvert, eins og komið hefur fram. Ýmislegt er umdeilt eins og gengur og gerist.

SUS fagnar þeim efnahagstillögum sem þingflokkur Sjálfstæðisflokksins hefur lagt fram en telur að þær gangi of skammt hvað varðar lækkun ríkisútgjalda. Síðan segir í tilkynningu frá SUS:

„Þó telur SUS að Sjálfstæðisflokkurinn verði að biðjast afsökunar á sínum þætti í því að hafa stóraukið ríkisútgjöld á síðustu árum.“

Flestir smáfuglarnir taka undir með ungum sjálfstæðismönnum.
Guðbjörn Guðbjörnsson // 27.6 2010 kl. 12:23

Baldvin:

Líst mjög vel á val þitt varðandi forustuna.

Vonandi fær ég símtal bráðlega frá Ragnheiði Ríkharðsdóttur!
Helgi // 27.6 2010 kl. 12:43

Kæri Guðbjörn.
Mér finnst alveg vanta hjá ykkur ESB sinnum að þið sýnið fram á kosti ESB aðildar. Er ykkur alveg sama um það að stór hluti íbúa í ESB löndunum er orðinn þreyttur á þessu skrifræðisbákni? Er ykkur alveg sama um þá staðreynd að 2/3 hlutar Breta vilja losa um tengslin við ESB? Er ykkur alveg sama um það að meirihluti Þjóðverja vill fá markið aftur? Er ykkur alveg sama um það að hagvöxtur hefur verið að hægja á sér í evrulöndunum undanfarna áratugi? Er ykkur alveg sama um að þau markmið sem ESB setti sér með stjórnarskrá sinni árið 2000 um að fara fram úr USA varðandi rannsóknir, samkeppnishæfi og margt annað árið 2010 er enn fjær því að rætast núna en þá?
ESB sinnar tala iðulega eins og engin kreppa sé í ESB löndunum. Evran reynist samt mörgum evrulöndunum fjötur um fót þó sumir ýmist átti sig ekki á því eða skilji það ekki. Af hverju haldið þið að fæðingartíðni sé svona lág í Evrópu? Hvaða þýðingu haldið þið að það hafi fyrir framtíð álfunnar? Vitið þið að Þjóðverjar verða orðnir að minnihluta í eigin landi eftir 80 ár? Finnst ykkur í lagi að ganga í bandalag sem mun kosta okkur verulegar fjárhæðir, Þjóðverjar t.d. hafa sagt okkur að við munum þurfa að borga með okkur í þetta bandalag. Eigum við svo mikið fé að við höfum efni á því? Eigum við ekki nóg með okkur sjálf?

Einnig heyrir maður sagt sem svo að við ættum að ræða við ESB og athuga hvað kemur út úr viðræðunum. Málið er að það er að mestu vitað, við þurfum og eigum að taka upp þeirra kerfi og tal um annað er ekkert annað en sjalfsblekkingar.
ESB sinnar verða að taka þátt í málefnalegri rökræðu og ekki láta óskhyggju eða draumhyggju ráða för.
Hvað er svona ofsalega gott við aðild að ESB?
Dagur // 27.6 2010 kl. 12:44

Fólk sem fer í fýlu þegar flokkurinn er ekki sammála því sjálfu á ekkert heima í Sjálfstæðisflokknum – Good riddance to bad rubbish
Einar Solheim // 27.6 2010 kl. 12:48

Guðbjörn – það á ekkert að vera að bíða eftir að fólk komi til þín. Nú grefur þú bara fram símanúmer Ragnheiðar og hringir í hana. Þú ert með heilbrigðar skoðanir og að virðist gott siðferði. Nú þarf áræðni. Þú þekkir hvernig flokkurinn starfar – ég get lofað þér að nú sitja vel valdir menn í símanum og tryggja áframhaldandi stuðning þeirra sem eru líklegir til að flýja hálfsokkið skip. Ekki tapa baráttunni fyrirfram.
Stefán Snævarr // 27.6 2010 kl. 12:51

Til hamingju, Guðbjörn, með rétta ákvörðun og stórfína færslu. Allt sem þú segir um framferði DO og þróun FLokksins í valdatíð hans er dagsatt.
Jón Kjartan Ingólfsson // 27.6 2010 kl. 12:55

Gott að heyra. Ef allt fer sem horfir áttu hér atkvæði.
Andrés // 27.6 2010 kl. 13:01

Blessaður, mig langaði bara að líta við og taka ofan fyrir þér.

Ég er einmitt sjálfur alltaf verið hægrisinnaður miðjumaður, og fyrir hrun kaus ég Sjálfstæðisflokkinn, því ég vissi ekki hvað þetta væri dauðrotið apparat en skammast mín fyrir í dag.

Ef þú stofnar til nýs framboðs, mun ég a.m.k. íhuga að kjósa það, en ég verð að viðurkenna að ég tek með gífurlega miklum fyrirvara öllu sem einu sinni kemur frá Sjálfstæðisflokknum, þrátt fyrir að mér líki einstaklega vel það sem þú segir, þá bara hefur þessi flokkur alveg svakalega neikvæða tengingu í mínum huga og þarf mikið til að yfirstíga hana.

Ég vona að þú meinir það sem þú segir hér fyrir ofan, því ef svo er þá þarf Ísland á fólki eins og þér að halda.
Gunnlaugur Ingvarsson // 27.6 2010 kl. 13:02

Sæll Guðbjörn.
Til hamingju með ákvörðun þína og einnig með stórgóða og hreinskilnislega grein.
Ekki hef ég verið stuðningsmaður Sjálfstæðisflokksins hingað til og get tekið undir margt sem þú sagðir í greininni um hroðaleg vinnubrögð flokksins á Davíðs tímanum.

En ég held að þessi ákvörðun að skerpa á andstöðunni við ESB eigi frekar eftir að styrkja flokkinn en hitt.

Það getur vel verið að svona stjórnmálaafl eins og þú ert að tala um eigi sér einhvern tilverugrundvöll. En með ESB aðildina að aðalvopni verður hann bitlaus og mun ekki njóta mikils fylgis. Það er staðreynd að ESB umsóknin nýtur minnkandi og í raun sáralítils fyglis meðal þjóðarinnar.
Anna // 27.6 2010 kl. 13:02

Til hamingju með þá ákvörðun að ganga úr Sjálfstæðisflokknum. Það hefur verið áhugavert að lesa pistla þína í gegnum tíðina og oftar en ekki hef ég verið sammála þeim, þó að ekki hafi ég kosið Sjálfstæðisflokkinn. Gangi þér vel með þín áform í framtíðinni.
Gísli // 27.6 2010 kl. 13:10

Helgi gleymir því að Ísland er með í EES. Það sem það gefur okkur er ekki nóg til að halda efnahagslífinu stöðugu. Fá að fullvinna fisk á evrópumarkað, taka þátt í stefnumótun bráðum 30 lýðræðisríkja með mismunandi bakgrunn og sameiginlega hagsmuni. Við sem bindum vonir við ESB aðild gerum það á þeim forsendum að spillingaröflin sem Sjálfstæðisflokkurinn nærist á og VG ætlar að snyrta og gefa áburð sinn eiga undir högg að sækja í ESB samstafinu. Það verður ekki auðvelt að uppræta samt. En það er vonin sem gefur manni þrótt til að berjast gegn þjóðernislægum einangrunarmálflutningi. Engin þjóð innan ESB hefur hætt að vera þjóð eða misst stjórn á neinum fullveldismálum sem skifta máli. Ekki öll hafa sameiginlega mynt þó það sé vissulega að því stefnt og sérstaklega áhugavert fyrir íslenskan almenning. ESB er nægilega sterkt til að setja yfirþjóðlegum fyrirtækjum skilyrði og mannasiði. Eitt þjóðríki með rekstrartekjur á við skemmtanadeild í meðalstóru stórfyrirtæki getur ekki staðið eitt og óstutt gegn slíkum þrýstingi. Þá fer lítið fyrir uppblásnum þjóðernishrokanum þegar flokksforingjarnir hafa selt sig á „frjálsum“ markaði. Loftslags og umhverfismál eru miklu stærri málaflokkur en eitt þjóðríki getur fangað eitt og sér. Orku-landbúnaðar og sjávarútvegsmál eru sífellt að verða alþjóðlegri. Þetta eru málaflokkar sem Íslendingar eiga taka beinan þátt í að móta á stærsta og áhrifaríkasta markaðssvæi sínu.
S. // 27.6 2010 kl. 13:26

Sæll Guðbjörn,
glæsilegt!
Ég held þú eigir þér fleiri fylgismenn en þig grunar. Ég er t.d. búinn að hugsa nokkurn veginn það sem þú segir hérna efst í nokkur ár (kaus það illskásta), en kaus þetta skrímsli ekki síðast, búinn að fá nóg. Svo kom ,,the aftermath“ hrunsins og þá t.d. Skýrslan góða, það er auðvitað ekki hægt að setja einn dropa til viðbótar í mælinn eftir nýju ESB ályktunina.
Annars ættu þeir sem lesa þetta (bloggið efst) að skoða ÍNN og horfa á Hrafnaþing (Heimastjórnin). Þar kemur skýrlega fram það sem þú lýsir hér efst, algerlega málefnalega-geld umræða um aðra en Sjálfstæðisflokkinn (og reyndar líka um hann) og satt best að segja barnaleg á stórum köflum, ber skýran vott um ekki svo klára einstaklinga boðandi ,,fagnaðarerindið“ gagnrýnilaust, allt í senn, sorglegt, hlægilegt og pirrandi. Þar er ,,gamli“ hugsunarhátturinn ríkjandi. Hvet alla til að horfa aðeins á þetta. Þá rifjast upp fyrir þeim í hnotskurn það sem þú lýsir hér ofar, svona ,,stalínismi“ ef kalla á eitthvað, svo er þessi sami stalínismi og skoðanakúgun þyrnir í augum þeirra sjálfra (í orði en ekki á borði) og kalla sig ,,sjálfstæðismenn“. Sama hegðun og svínin sýndu á Dýrabænum. (e. A. Farm).

Árið 2010 er auðvitað fáránlegt að einhverjar fámennar klíkur stjórni í raun öllu, þetta snýst um hvað fólk lætur bjóða sér. (ath. t.d. að Björn B. minnti Guðlaug Þ. á að S.flokkurinn væri í eigu nokkurra fjölskyldna og hann skyldi ekki voga sér).
Tilkoma Besta flokksins hefur sýnt að það er fólkið sem ræður en ekki útjaskaðir eiginhagsmuna-atvinnupólitíkusar, þegar á reynir.
Mér hefur fundist þessir menn vera missa takið smám saman undanfarin misseri, nú er tækifæri að láta kné fylgja kviði og skilja þá eftir í gamla flokknum, með viðhlæjendum sínum, sem fer fækkandi.

Ég skal ganga í nýja flokkinn.
Trausti Reynisson // 27.6 2010 kl. 13:44

Það skyldi þó aldrei vera að gamlir hægri-kratar sem hafa verið munaðarlausir í mörg ár finni heimili hjá þessum nýja flokki.
Jökull // 27.6 2010 kl. 14:12

Mjög góð samantekt á því sem er og hefur verið að hjá Sjálfsstæðisflokknum. Vonandi sjá fleiri ljósið. Það er að sjálfssögðu pláss fyrir heiðarlegan miðju-hægriflokk í líkingu við Nýu Moderaterna hér í Svíþjóð, með skýra stefnu í atvinnusköpun og velferðamálum. Tími „gamla“ Sjálfsstæðisflokksins er liðinn og því fyrr sem þeir átta sig á því, því betra fyrir alla…
Agnar Kr. Þorsteinsson // 27.6 2010 kl. 15:03

Þegar ég sá athugasemd frá þér í gær við Eyjufrétt þá fékk ég ákveðna samúð þar sem þú aagðir eitt sinn hafa eytt bróðurparti ævinnar í flokkstarfi þarna og að þetta hefði örugglega verið einstaklega erfið ákvörðun út af því.

Eftir þennan lestur þá óska ég þér hisnvegar til hamingju því þú greinilega hefur ákveðið að gera upp málin á heiðarlegan hátt og tek því hattinn minn ofan fyrir þér þó ég sé ósammála þér í ýmsum málum.
Jón Frímann // 27.6 2010 kl. 15:19

Ég vona að það komi fram nýr hægri flokkur á Íslandi, það er nefnilega þörf á slíkum flokki. Sá flokkur þarf nefnilega einnig að vera Evrópusinnaður, svo að Samfylkingin geti farið í samstarf með þeim flokki.

Það er nefnilega þannig að þrátt fyrir fögur fyrirheit Vinstri Grænna, þá hefur samstarf Samfylkinginar og Vinstri Grænna gengið mjög illa. Enda eru Vinstri Grænir að tefja nauðsynlegar úrbætur á stjórnkerfinu og fjármálakerfi Íslands, allt í nafni andstöðu við ESB að mestu leiti (sameining ráðuneyt sem dæmi).

Annars vona að ég að þér gangi vel Guðbjörn með stofnun nýs hægri flokks á Íslandi. Stofnun stjórnmálaflokks á Íslandi er ekki létt verk. Sérstaklega í því andrúmslofti sem núna ríkir á Íslandi.
Sigurbjörg Jónsdóttir // 27.6 2010 kl. 16:27

Guðbjörn Guðbjörnsson kemst örugglega inn bakdyra megin hjá Samfylkingunni þarf ekki að stofna nýjan flokk þar sem hann samamar sig við spilltasta flokk landsins.
Halldór Halldórsson // 27.6 2010 kl. 16:44

Fólk skal aldeilis ekki halda að þeir sem hafa sagt sig úr Sjálfstæðisflokknum að undanförnu séu allir skoðanabræður Guðbjörns Guðbjörnssonar. Ég sagði mig úr flokknum og þar með öllum trúnaðarstöðum vegna þess að ég get ekki verið flokksbundinn í flokki sem er með núverandi forystu, sem ætlar að valta sér í gegnum alla sukkumræðuna og segist vera búin að „gera upp“ þau mál! En ég held að það verði ansi seint sem við Guðbjörn verðum í sama flokki!
Jón H. Eiríksson // 27.6 2010 kl. 17:01

Gangi þér vel Guðbjörn og til hamingju með þetta gæfuríka spor.

Ég hef kosið Samfylkingu frá upphafi og þar áður gengið fjölbreytta pólitíska götu!! Hef stundum lýst mér sem framleiðslusinnuðum jafnaðarmanni og ég hef ekki alltaf verið á sömu línu og sumir frekar vinstri sinnaðir flokksfélagar mínir!! Ég er einn af þeim Samfylkingarmönnum sem varð létt brjálaður þegar Hafnfirðingar kusu stækkun Álversins í Straumsvík út af borðinu. Öfugt við marga í Samfylkingu sem fögnuðu!

Ég hef margoft fundið góða samleið með heilsteyptum hægri mönnum (Lesist Sjálfstæðismönnum… sem betur fer er það að breytast núna.) sem vilja láta reyna á aðildarsamninga við ESB og bera samning undir þjóðina.

Ef svona flokkur verður til eins og þú lýsir honum Guðbjörn þá er í það minnsta komin samkeppni um mitt atkvæði. Hana hefur skort hingað til!

Það er enginn áskrifandi að mínu atkvæði.
Friðrik Hansen Guðmundsson // 27.6 2010 kl. 17:02

Sæll Guðbjörn

Þetta er góður pistill og sannur.

Nú þegar Landsfundur snýr baki við þeim stuðningsmönnum flokksins sem horfa jákvætt til nánara samstarfs við Evrópu þá hlýtur það fólk að staldra við.

Ég sé ekki annað en það verði að ganga í það að bjóða upp á valkost á hægri kantinum.
Þorsteinn M. Vigfússon // 27.6 2010 kl. 17:19

Guðbjörn, þú ert af fljótur á þér.

Þetta var örlagaríkt skref hjá þér sem á eftir að draga dylk á eftir sér fyrir þig.

Þá áttir frekar að gera það sem þeir Þýsku segja;“ Warte nur balden“.

Það á ýmislegt eftir að koma í ljós sem á eftir að koma þér á óvart.

Ég er yfirleitt sammála þér og þú skrifa góðar greinar um þjóðþrifamál, en í ESB-málum er ég ekki sammála þér.
Óðinn Þórisson // 27.6 2010 kl. 17:24

Það er engin hætta á því að Sjálfstæðisflokkurinn klofni þó svo að örfáir eintaklingar segi sig úr flokknum því þeir treysta sér ekki til að bejast fyrir sínum skoðnum innan flokksins og afla þeim fylgis –

Þegar slíkt fólk fer úr flokknum getur það ekki annað en styrkt flokkinn –

Mikill meirihluti Sjálfstæðismanna eru á móti ESB – og nú langar mig enn einu sinni að minna þig á álykun flokksins um ESB – hagsmunum okkar er best komið utan ESB –

Guðbjörn þú verður seint talinn lýðræðissinni þegar þú getur ekki sætt þig við að meirihlutinn ræður EKKI minnihutinn – þú getur ekki ætlast til að flokkurinn breyti um stefnu vegna þinnar minnihlutaskoðunar –

Ég enda þetta á Staksteinum í gær og óska þeir velfarnaðir í framtíðinni

“ Sjálfsagt hafa þeir tveir talið að flokkurinn hafi klofnað þegar þeir tveir fóru og fjörtíu þúsundin sátu eftir og söknuðu einskis „
steinunn ólína // 27.6 2010 kl. 17:26

Innilega til hamingju með þetta. Frelsið er dýmætt!
Og þakka þér fyrir að hafa kjark í að skrifa þennan pistil, sem er ákaflega upplýsandi!
kveðja
Steinunn
Víðir Ragnarsson // 27.6 2010 kl. 17:30

Til hamingju Guðbjörn þótt þetta komi mér ekki á óvart, enda hef ég fylgst með skrifum þínum á blogginu um allnokkurt skeið.

Ég veit ekki hvort þú hefur hlustað á útvarpsþáttinn Á Sprengisandi í morgun en þar „jarðaði“ Jón Steindór Valdimarsson, framkvæmdastjóri Samtaka iðnaðarins varaformann Heimsksýnar, Heiðrúnu Lind Marteinsdóttir með rökum fyrir aðildarumsókn okkar að ESB. Öldungis pottþétt rökræn framsetning og myndlíkingar sem vert er að taka eftir. Ég hvet alla til að hlusta á þennan þátt, hann hlýtur að vera aðgengilegur á netinu.

Þegar hafa nokkrir sem hafa sent inn athugasemdir á bloggið þitt nefnt nokkur nöfn málsmetandi fólks sem gæti verið gott varðandi nýjan frjálslyndan hægriflokk. Mér líst sérlega vel á þessa hugmynd og Ragnheiður Ríkharðsdóttir gæti komið gríðarega sterk inn. Ég veit að hún hefur mikla virðingu fólks úti í samfélaginu.

Það sem við þurfum alls ekki, er að skerpa línurnar í öfgum til hægri eða vinstri, við þurfum trúverðugt afl, laust við kreddur og öfga með skynsemi að leiðarljósi.
S.Á. // 27.6 2010 kl. 17:43

Frjálslyndur hægriflokkur ætti að mínum dómi að segja skilið við álsuðið, sem dynur í síbilju á þjóðinni úr ýmsum áttum. Hægri flokkur á að hafa það traust á frjálsu framtaki einstaklingsins, að því sé treystandi til að skapa ný störf og traust efnahagslíf, ef almenn skilyrði eru fyrir hendi. Þessa hugsun vantar því miður í suma ykkar, sem hyggist stofna „frjálslyndan hægriflokk“. Þið krefjist þess, að menn bendi á jafnmörg störf í sprotafyrirtækjum eða eflingu fyrirtækja, sem fyrir eru í flórunni, í stað álvers hér og álvers þar. Þetta sýnir fullkomið skilningsleysi á hlutverki og eðli einkaframtaksins og mikilvægi þess. Þetta sýnir oftrú á ríkisforsjá og í því sambandi má benda á, að eðli stórfyrirtækja í áliðnaði er mun skyldara ríkisrekstri en einkaframtaki, enda oftast um að ræða fyrirtæki, sem velta margfaldri þjóðarframleiðslu smáríkis á borð við Ísland. Ef áltrúin verður ríkjandi í nýjum hægriflokki, sé ég ekki að um verði að ræða raunverulegan hægriflokk, hvað þá frjálslyndan slíkan.
Einar H. // 27.6 2010 kl. 17:44

Óska þér góðs gengis með þennan nýja flokk og reyndu að fá með þér sem flesta ESB-sinna úr gamla flokknum.

Vantar þig ekki gott nafn á nýja flokkinn?
Hvernig væri með „Lýðræðisflokkurinn“?
Minnir soldið á Demókratana í Bandaríkjunum…
Svo líka mundi það sýna áherslurnar sem væru eftir því sem ég best get séð að styrkja lýðræðið í landinu, þar á meðal með inngöngu í ESB.
Einar Jónsson // 27.6 2010 kl. 17:44

Skil ekki þetta tal um að kljúfa Sjálfstæðisflokkinn.

Ef ég skil Guðbjörn rétt snýst þetta einfaldlega um nýjan valkost, nýjan frjálslyndan stjórnmálaflokk „hægra“ megin við stjórnmálamiðjuna sem jafnframt hefði á stefnuskrá að leiða aðildarviðræður við ESB til lykta og leggja samninginn í þjóðaratkvæði.

Slíkur flokkur væri að sjálfsögðu valkostur við Sjálfstæðisflokkinn sem og aðra flokka. Það færi væntanlega eftir stefnuskrá og mannvali hvort og hvaðan slíkur flokkur fengi fylgi miðað við síðustu alþingiskosningar.
Friðrik Hansen Guðmundsson // 27.6 2010 kl. 17:50

Sæll Óðinn

Höfundur Staksteina lifir í horfnum heimi og neitar að horfast í augu við veruleika dagsins í dag.

Ætli Sjálfstæðismenn á Akureyri sem voru með 6 bæjarfulltrúa fyrir fjórum árum en fengu einn núna hafa setið eftir og „saknað einskis“?

Ætli Sjálfstæðismenn í Reykjavík sem fækkaði úr 7 í 5 í borgarstjórnarkosningunum fyrir tveim vikum hafa setið eftir og „saknað einskis“?

Ætli þingmenn flokksins sem leiddu flokkinn fyrir ári inn í mesta afhroð sem flokkurinn hefur nokkurn tíma fengið í þingkosningunum þegar flokkurinn fékk á landsvísu um 23% atkvæða og tapaði í fyrsta sinn í sögunni forystuhlutverki sínu íslenskum stjórnmálum, ætli þeir hafi eftir þingkosningarnar setið eftir og „saknað einskis“?

Afneitunin virðist enn vera algjör.
Guðný // 27.6 2010 kl. 18:13

Til hamingju Guðbjörn og vonandi gengur þér vel og færð gott fólk með þér. Það bráðvantar flokk sem gerir sér grein fyrir að það þarf öflugt og gott atvinnulíf til að standa undir velferðinni, og að atvinnulífið snýst ekki eingöngu um banka, kvótaeigendur og blómasálfræðinga, heldur allt fólk.
Friðrik Sig // 27.6 2010 kl. 18:18

Sæll Guðbjörn, pistlar þínir eru málefnalegir og án öfga. Það truflar náhirðina verulega og því er ausið yfir þig aur af kappi hér í athugasemdakerfinu. Ég bið þig að halda þínu striki og koma á koppinn flokki sem er markaðsdrifinn, réttlátur og opinn með skilning á þörfum þeirra sem minna hafa. Flokkur sem tryggir sanngjarnt samfélag fyrir sína þegna og ekki sýst flokkur sem ekki er fyrirfram búin að hafna aðild að ESB eða ákveða ESB aðild í sinni stefnuskrá. Ég er einn af þeim sem vil skoða aðildarviðræður til fullnustu og fá svo tækifæri til að taka persónulega afstöðu til samningsins í þjóðaratkvæðagreiðslu.

Ég er sanfærður um að slíkur flokkur fengi góða kosningu við næstu Alþingiskosningar.
Katrín Gunnarsdóttir // 27.6 2010 kl. 19:10

Það er stundum svo að málefnin standa manni svo nærri að það að verða undir með þau kallar á vistaskipti.
En það sem kemur mér svo undarlega fyrir sjónir er að það var einörð afstaða landsfundamanna gegn umsókn að ESB sem viðist hafa verið kornið sem fyllti mælinn en ekki löngu komin óánægja og vantraust á þá sem voru í forystu flokksins hér á árum árum og framkemur í þessum skrifum þínum. Þrátt fyrir þá óánægju sem þú kýst að lýsa í löngu máli hér, hefur þú gengt mörgum trúnaðarstörfum fyrir flokkinn og maður hlýtur að spyrja sig hvort þú hafir verið kosinn til þeirra starfa vegna óánægju þinnar og viljans til að breyta eða litið svo á að með framboði þínu til þeirra starfa hafir þú verið að lýsa yfir trausti á forystuna.

Ég hef lesið marga góða pistla eftir þig á þessum vef en ég verð að segja að þessi er með þeim lökustu.

Farnist þér vel
Brottfluttur // 27.6 2010 kl. 19:29

Til hamingju Guðbjörn

Sjálfstæðisflokkurinn er ekkert nema skelin í dag.

Allt innihald og öll gildi Sjálfstæðisstefnunnar eru farin…og besta fólkið með.

Það er skrýtið að þegar menn ræddu málefni Gísla Marteins og Guðalaugs, um að þeir ættu að segja af sér, að þá hafi ekki jafnframt verð gerð krafa um það að Náhirðin hætti að þiggja styrk af LÍÚ (kvótagreifunum) sem borga tapið af Morgunblaðinu.

Það er í raun ótrúlega fyndið að Davíð Oddsson sé helsti styrkþegi landsins á spena hjá Kvótagreifunum við áróðurskrif gegn hagsmunum alls almennings.

Það verður líklega tekið fyrir á næsta Landsfundi

Anyway, Sjálfstæðisflokkurinn er búinn að vera eins og bestu synir flokksins hafa verið að segja sjálfir. Ránið tókst en vörumerkið er hvort eð er ónýtt.

Fólk kýs ekki aftur hugmyndafræðilega stefnu Sjálfstæðisflokksins kokkað af Hannesi Hó og Davíð Oddssyni (Náhirðinni).

Þessi sigur náhirðarinnar er því upphafið að endalokunum og það veit aðeins á gott fyrir alla fyrrverandi kjósendur flokksins sem fara horfa annað og jafnvel taka þátt í stofnun nýs flokks án Náhirðar og klíku hennar sem berst hatrammlega gegn hagsmunum þjóðarinnar.

Niðurstaða Landsfundarins er helst sú að Davíð Oddssyni tóks ofan á allt annað að eyðileggja flokkinn innan frá og fæla allan þorra Sjálfstæðiskjóenda frá flokknum.

Hið besta mál.
Brottfluttur // 27.6 2010 kl. 19:31

Sjálfstæðisflokkurinn (lesist Náhirðin) getur aðeins myndað stjórn með Vinstri Grænum

http://eyjan.is/2010/06/27/benedikt-sjalfstaedisflokkur-utilokar-stjornarsamstarf-vid-adra-en-vg/

Gott mál.

Heiðarlegir þungavigtarmenn hrynja af Náhirðarflokknum núna.

Flóttinn mikli er hafinn, þökk sé Davíð og Náhirðinni sem rændi flokkinn.

Menn sem vilja stofna nýjan alvör hægriflokk hafa ekki einu sinni tíma til að horfa á HM núna því síminn stoppar ekki. Kjósendur Sjálfstæðisflokksins þola ekki lengur klíkuskapinn og lýðræðishallann.

Náhirðarflokkurinn er staðreynd, gamli góði Sjálfstæðisflokkurinn er horfinn, þökk sé ræningjum Davíðs. Hann mun rísa upp úr öskunn með nýtt nafn en sömu markmið og stefnu, laus við klíkuskap, þöggun og einkavinavæðingu.

Til hamingju Ísland
Brottfluttur // 27.6 2010 kl. 19:35

Guðbjörn!

Rædd voru styrkjamál og styrkþegar nefndir á nafn á Landsfuninum.

Það skýtur hins vegar skökku við að að ekki væru nefnd nöfn bæði Sigurð Kára og Davíð Oddsson í þessarri styrkjaályktun.

Talið er að Sigurður Kári hafi fengið milljónir frá Imon, Magnúsi Ármann.

Svo vita allir að Náhirðinni er haldið uppi af LÍÚ og ekkjunni gjafmildu úr Eyjum sem borgar tapið af Morgunblaðinu.

Er það eðlilegt að stærsta og öflugastu hagsmunasamtök Íslands, Landssamband Íslenskra Útvegsmanna, sé að borga tapið af Morgunblaðinu fyrir Davíð Oddsson í gegn því að hann berjist gegn hagsmunum almennings og með því að skuldugu kvótagreifarni ránsfengnum, kvótanum?

Ég skil afstöðu LÍÚ vel og ekkjuna gjafmildu í Eyjum, þau eiga allt sitt undir því að almenningur fái ekki aftur kvótann í sínar hendur sem hann þó á lögum samkvæmt.

Íslenskur almenningur er plataður upp úr skónum aftur og aftur enda byggist þetta samkomulag, kaup kaups, Davíðs og LÍU á því að halda íslensku krónunni sem enginn vill eiga né kaupa. En á meðan krónan er notuð verður ALDREI hægt að afnema verðtrygginguna sem veldur því að Íslendingar borga mörgum sinnum upp sama lánið.

Allt gert fyrir LÍÚ og þjóðinni blæðir.

En nú er klárt að stofnaður verður alvöru íhaldsflokkur laus við ógeðið sem Styrmir lýsti svo vel í Endurreisnarskýrslunni.

Til hamingju Ísland. Þjóðin eignast bráðum nýjan og betri Sjálfstæðisflokk sem mun bera annað nafn en innihalda grunnstef Sjálfstæðisstefnunna en án „ógeðsins“ sem Styrmir talaði um.
Systa // 27.6 2010 kl. 20:37

Kaldhæðni örlaganna ef Davíð Oddsson og náhirðin verða á endanum hvati þess að Íslendingar flýja eins og fætur toga inn í ESB.
Steini M // 27.6 2010 kl. 20:48

Gangi ykkur vel að tína sem flest atkvæði af Samfylkingunni það væri þjóðþrifaráð. Þungaviktarmaður eins og Þorsteinn Páls í forystu gæti orðið til þess að svona flokkur næði einhverju flugi.
Ragnar Bjarni // 27.6 2010 kl. 20:55

Ég mun kjósa þinn flokk.
Margrét S. // 27.6 2010 kl. 20:59

Gangi þér vel Guðbjörn. Ég hugsa að mitt atkvæði fari til þíns nýja hægri-miðjuflokks en ekki til Samfylkingarinnar næst. Við viljum losna við spillinguna og klíkuna í kringum gamla Sjálfstæðisflokkinn!!
Pétur // 27.6 2010 kl. 21:10

Ég hef aldrei kosið sjálfstæðisflokinn og er ástæðan sú að stefna flokksins í orði er allt önnur en á borði.

Í orði fellur mér stefnan í geð.

Ég er mjög hrifinn af því sem þú segir miðflokk með hægri sveiflu, það er akkúrat flokkur sem ég vil sjá. Flokkur sem getur sýnt samúð þeim sem hafa það ekki eins gott. Mið hægri flokkur er líklegur til að sýna því skilning að best er auðlindir séu í ríkiseigu (eigu landsmanna). En að sama skapi berst fyrir frelsi þar sem það á við.

Við eigum ekki að selja mjólkurkýrnar okkar og við eigum að sníða reglur fyrirfram en ekki eftir á.

Pistill þinn hér að ofan er mjög góður og til fyrirmyndar. Ég vona sannarlega að þú náir góðu flugi. Ef þú ert virkilega til í að standa fyrir það sem þú skrifar hér. Þá mun ég ganga í þinn flokk.

Gangi þér vel.
Adalsteinn // 27.6 2010 kl. 21:10

Góðann daginn Guðbjörn, það er gott að þú ert vaknaður.
Vonandi vakna fleiri upp fljótlega.
Til hamingju með daginn.
Peðersen // 27.6 2010 kl. 21:26

Til hamingju Guðbjörn þú ert greinilega maður sem meinar það sem þú segir. Vildi óska að það væru fleiri sem gerðu það. Gangi þér vel.
Adalsteinn // 27.6 2010 kl. 21:35

Steini, Þorsteinn Pálsson er þjóðnýðingur.
1997 eyðilagði hann stórann flota af smábátum
Hann fékk tækifæri til að vinna þjóðinni gagn.
EN ákvað að starfa fyrir L Í Ú.
sr // 27.6 2010 kl. 21:39

Innilega til hamingju. Vildi gjarnan sjá fleiri með þínar áherslur.
Þú átt mitt atkvæði og samleið í samfélag siðaðra þjóða.
Ragnar // 27.6 2010 kl. 21:55

Til hamingju með þessa ákvörðun Guðbjörn. Ég sagði mig úr Sjálfstæðisflokknum fyrir fáeinum árum síðan þegar mig blöskraði þær pólitísku ráðningar sem Davíð Oddsson og fylgisveinar stóðu fyrir eins og þú bendir réttilega á. Spillingin hefur verið alls ráðandi í flokknum á undanförnum árum. Ég er Evrópusinni og ég mundi gjarnan vilja sjá Evrópusinnaðan flokk sem er til hægri við miðju og stundar heiðarleg og gagnsæ vinnubrögð. Stofnum nýjan flokk!
Þorsteinn M. Vigfússon // 27.6 2010 kl. 21:59

ESB-aðild er feigðarflan fyrir Ísland.

Þeir einu sem fá eitthvað út úr því eru væntanlegt sendifólk hér á landi (svona 200-300 manns) sem mun sækja vinnu niður í Brussel og fljúga á milli Íslands og Brussel á Saga-Class á kostnað skattborgaranna.

Þetta fólk, sem flest er í Samfylkingunni, búið að nema Evrópu-fræði í Háskólanum á Bifröst, bíður spennt en óþreygjufull eins og hundar dillandi rófunni, eftir því að Íslandi gangi í ESB, svo það geti komist í vinnu í musterum ESB í Brussel, og ferðast um ESB-löndin frítt milli þess sem það eru í kokteilboðum niður í Evrópu.

Þessir væntanlega ESB-sendimenn Íslands mun verða hinn nýi útrásaraðall Íslands, og það allt á OKKAR KOSTNAÐ!
Hinrik // 27.6 2010 kl. 22:00

Góðar fréttir fyrir þjóðina.

Nú kemur valkostur fyrir heiðarlegt fólk á hægri væng stjórnmálanna. Þetta gefur síðan fleiri valkosti við stjórnarmyndunarviðræður, sem er hið besta mál.
Samt er maður lítið eitt dapur að þessi stóri flokkur, Sjálfstæðisflokkurinn, skuli hafa breyst í það skrímsli sem hann er. Spilltur, ófær um að gera upp fortíð sína og með það á heilanum að gæta hagsmuna kvótagreifa, álfyrirtækja og innvígðrar klíku trúbræðra sinna og ættingja.
Atli H. // 27.6 2010 kl. 22:06

Til hamingju Guðbjörn… ég mun mæta á stofnfundinn.
Mibbó // 27.6 2010 kl. 22:19

vonandi ert þú í lagi með hægri öxlina

vinarkveðjur

Miðbæjaríhaldið
Mibbó // 27.6 2010 kl. 22:20

Vonandi er ekki mikil pína í vinstri öxlinni

bróðurlegar kveðjur
Miðbæjaríhadið
Ásthildur Cesil Þórðardóttir // 27.6 2010 kl. 22:33

Guðbjörn minn nokkur orð frá manneskju sem þykist vita. Vil bara segja þér að það er afar erfitt að stofna nýjan flokk í Íslandi. Þar hefur fjórflokkurinn sammælst um að standa saman um að komast hjá slíku. Þar stendur ekki hnífurinn á milli. Fyrir utan að L.Í.Ú mun gera allt sem hægt er til að eyðileggja frá upphafi allar tilraunir þínar til að stofna hægri flokk til að vinna að ESB aðild. Ég get alveg sagt þér það strax sem félagið í Frjálslyndaflokknum að þeir hafa gert allt sem þeir hafa getað til að drepa þann flokk niður með allskonar meðulum sem hafa ekkert með lýðræði að gera. Ef til vill hefur þú ekki vitað af því, en svo er það bara, og það minnir meira á Mafíu en nokkuð annað. Hótanir á hótanir ofan bæði til fólksins sem vinnur hjá þeim og til þeirra sem hafa vogað sér að vilja fara fram á lista Frjálslyndra.
Ég verð að viðurkenna að ég deili ekki áhuga þínum á ESB, tel svo sannarlega að við séum betur sett utan þess bandalags. En virði þínar skoðanir.
Í sjálfstæðisflokknum er engin virðing fyrir skoðunum annarra, ekki frekar en hjá öðrum sem kallaðir eru fjórflokkurinn, þar viðgengst spilling og eiginhagsmunapot og þarf virkilega að stokka upp og fá fram ný heiðarleg framboð.
En þá verðum við líka að átta okkur á því að þeir sem sitja við kjötkatlana, bæði stjórn og stjórnarandstaða, fjórflokkurinn svokallaði hafa myndað með sér bandalag um að standa saman um að engir aðrir fái að komasts þar inn. Það er of gott að vera þarna og orna sér.
Segi samt gangi þér vel og þetta er svona til umhugsunar. þú átt eftir að sjá þetta sjálfur þegar þú ferð af stað.
Steingrímur Jónsson // 27.6 2010 kl. 23:10

Sæll Guðbjörn.

Góð grein hjá þér. Nýja flokknum gæti gengið vel en ég geri mér grein fyrir því að það er hæfi frambjóðenda sem að lokum skiptir höfuðmáli.

Ef frambjóðendur nýja flokksins verða einhverjir sem ekki eru með TANDURHREINA fortíð þá þýðir þetta ekkert.

Við verðum að fá gegnheiðarlegt fólk. Ekki neinn sem tengist hruninu, styrkjamálum o.s.frv.
Guðbjörn Guðbjörnsson // 28.6 2010 kl. 00:18

Sæl öll

Ég trúi nú ekki á stjörnuspár, en þetta var stjörnuspáin frá því gær og það er ekki hægt að segja annað en að hún hafi staðist í dag:

Tvíburar: Það er líklegra en ekki að þú vekir á þér athygli með einhverjum hætti í dag. Reynið að taka hlutunum létt.
Adalsteinn // 28.6 2010 kl. 00:26

Þú getur fengið mig sem næsta
SJÁVARÚTVEGSRÁÐHERRA.
Eg mun ekki taka eina einustu
KRÓNU fyrir.
Hs // 28.6 2010 kl. 02:05

Ég mun ganga til liðs við nýjan frjálslyndan hægri flokk, svo lengi sem það verður alvöru flokkur og með skýru og góðu fólki.

Sjálfstæðisflokkurinn ætti, ef hann væri samkvæmur sjálfum sér, að fagna tilkomu slíks flokks – enda er samkeppni bara af hinu góða fyrir heildina.
Höskuldur Einars // 28.6 2010 kl. 02:32

Sæll Guðbjörn.

Takk fyrir góðan pistil.

Býð spenntur eftir stofnun nýs flokks.
Ég kem til með að styðja þetta framtak.
Eiríkur Stefánsson Fáskrúðsfirði // 28.6 2010 kl. 04:43

Ég hef ætíð sagt að Sjálfstæðisflokkurinn væri vitleysingarhæli þar sem hjarðhugsunin er slík að sjálfstæð hugsun er bönnuð. Þorsteinn Pálsson var formaður Sjálfstæðisflokksins,Forsætisráðherra og Sjávarútvegsráðherra í mörg ár. Hann er holgerfingur þess sem venjulegur íslendingur vill forðast. Hann er LÍÚ maður og styður sjónarmið þeirra og sægreifanna. Hver einasti Sjálfstæðismaður samþykkti á þessu flokksþingi óbreitt gjafakvótaþjófakerfi og hefi þeir skömm fyrir.
http://www.thjodareign.is
Haukur S. Þorsteinsson // 28.6 2010 kl. 07:25

Sæll Guðbjörn,

Ég vildi bara, líkt og fjölmargir hér fyrir ofan mig, byrja með að hrósa þér fyrir ákvörðun þína.

Þó svo ég sé ekkert endilega sammála þér um stjórnmálafræðilegar áherslur, þá tel ég það lofsvert að þú hafir séð í gegnum þann einarða flokksaga og siðferðisblindu, sem einkennir flesta þá sjálfsstæðismenn sem ég hef hingað til komist í kynni við, og valið aðra leið.

Líkt og nokkrir hafa bent á hér fyrir ofan, þá er þinn fyrrverandi flokkur sem slíkur orðinn að einskonar risavaxið skrímsli sem ryður til hliðar skoðanaskiptum, hugmyndafrelsi og sanngirni, og viðheldur fastri stéttaskiptingu, samfélagslegri spillingu og heldur í sessi stöðu vissra hagsmunaaðila við kjötkatlana.

Atburðir síðustu ára hafa sýnt fram á nauðsyn grundvallarbreytinga í íslensku þjóðfélagi – og þar með talið aðkomu nýrra og ferskra aðila að stjórnmálum.

Gangi þér vel með flokkinn.
Helen. // 28.6 2010 kl. 10:37

Góðan dag.

Til hamingju með þessa ákvörðun.
Það er talað úr mínu hjarta ,það sem ég las hjá þér.
Í mínum huga hefur D.O. engan vegin skilið við sem formaður „síns“ flokks.
Ég skrifaði af og til mínar skoðanir á ofríki, dramatík og spillingu ásamt ótrúlega frábærri hugmyndafræði við að koma „sínu“ fólki í stöður til að tryggja ofríki og eitilharða stjórnun.
Að lokum ákvað ég að njóta lífsins frekar en að menga mig á þeim skrifum , og snúa mér að gleðibröndurum , mér og öðrum til hugarléttis.
Ég ólst upp sem sjálfstæðiskona (það var engin annar flokkur til í huga fóstra míns ) en þegar mér fór að ofbjóða hvernig einn maður gat hreinlega þurrkað út fólk sem ekki þóknaðist … og hyglt að „sér og sínum“ , án þess að blikka auga, og hirðin klappaði … fékk ég nóg.
Siðblinda og skilyrðislaus hlýðni virðist vera kjörorðið.
Þú ert vogaður að þora að fara á móti mafíunni.

Gangi þér vel með framtíð þína og nýja flokksins.
Sigurður Sverrisson // 28.6 2010 kl. 11:29

Frábær pistill. Þú getur reitt þig á minn stuðning við flokkinn þinn meðan heiðarleiki og hagsmunir þjóðarinnar ráða för.
ekkinn // 28.6 2010 kl. 13:33

Innilega til hamingju. Maður sem syngjur jafn fagurlega og þú átt ekki heima í þessu (glæpa) flokki. Fagurgalinn um „frelsi einstaklingsins“ á í rauninn bara við suma einstaklinga, sérstaklega ef þeir einstaklingar eru í LÍÚ. Enda mest viðeigandi að vísa ávalt til þessa flokks hér eftir sem „stjórnmálarms LÍÚ“, sbr. Sinn Fein og IRA.
ÞÞ // 28.6 2010 kl. 16:27

Okkur vantar flokk, unabhängige, liberalen demokratisch denkend intelligent. ÞÞ
Guðbjörn Guðbjörnsson // 28.6 2010 kl. 20:26

Ég fjarlægði hér móðgandi dónaskap, sem kom frá netfanginu:

togge@gmail.com

Ég reyndi að senda á þetta netfang tölvupóst en fékk ekkert svar. Ef einhver getur upplýst mig hver á þetta netfang, væri ég mjög þakklátur.

Lýsing á viðkomandi er að hann er undir meðalgreind og kann ekki stafsetningu.
Balzac // 30.6 2010 kl. 17:21

Hægri sveiflan á hinum fyrirhugaða flokki

má gjarnan verða talsverð –

svo fremi að hún sé ráðvönd.
Sigurður // 4.7 2010 kl. 22:03

Glæsilegt, ég mun kjósa þig pottþétt, ég er búin að vera munaðarlaus pólitískt lengi!!!

Lýðfrelsi – Víðsýni