Grímur AtlasonSveitarfélög berjast með LÍÚ
Óflokkað | Ummæli (19) Facebook
Það er afskaplega athyglisvert að sjá kauptún og kaupstaði á Íslandi taka þátt í auglýsingaherferð LÍÚ hvar þau verja núverandi fiskveiðistjórnunarkerfi með kjafti og klóm.
Ekki var mikið auglýst þegar Flateyringar stóðu uppi kvótalausir og íbúarnir án atvinnu. Kannski voru skjáauglýsingar keyrðar þegar Grímseyingar urðu loks kvótalausir – ég bara missti af því. En við hljótum að eiga von á heilsíðu auglýsingu frá þessum sveitarfélögum þar sem þau óska næsta þorpi, sem fer í eyði, til hamingju!
Hvernig stendur á þessari vitleysu?
Grímur Atlason @ 30. ágúst, 2011
Ertu svo drambsamur að þú telur að allir aðrir en þú og þínir skoðunarbræður hafi rangt fyrir sér? Þegar allir sem um þetta mál gefa neikvætt álit og allir sem efnahagsleg málefni fjalla segja breytinguna skaða samfélagið. getur þá ekki verið að það sé rétt? eða ert þú og þínir skoðannabræður og systur handhafar hins æðsta sannleika og allir aðrir eru bara vitleysingar sem vita ekkert í sinn haus?
heldurðu að sveitarstjórninar í sjávarbyggðum viti ekki neitt um sjávarútveg? heldurðu að sjómennirnir, vélstjórarnir, stýrimennirnir og skipstjórarnir viti ekki neitt og allir endurómi bara áróður eins og þú kallar það?
Að kvóti hafi farið frá Flateyri en ekki einhverjum öðrum stað er bara hending. Hefði það verið betra að þínu mati ef allur kvótinn hefði farið úr Grundarfirði í staðinn? Það var samdráttur í afla. það þýðir að það eru færri tonn sem koma á land. þá þarf færri skip og færri fiskvinnslur. þú heldur kannski að það sé gott bara að hafa fólk á hálfum launum eða hlutastarfi í sjávarútvegi? að 30 manns sem vinna 2000 tonn á ári geta öll haldið starfi sínu ef það verða 1000 tonn á næsta ári?
hvernig væri nú að klifra niður úr fílabeinsturninum sem þið atvinnustjórnmálamennirnir hafið byggt ykkur og kíkja í heimsókn hingað í raunveruleikann? ef þú vilt verða að liði þá ættiru að berja á þínum samherjum að auka aflaheimildir svo atvinnusjómenn geti fengið meiri vinnu. svo að fleiri bátar geti róið allt árið og þannig skapað raunverulega atvinnu en ekki hobbí á sumrinn fyrir fólk sem hefur á öðrum tímum ársins fulla atvinnu við allt annað en sjávarútveg?
Það er örugglega áhugaverður listi yfir þær sveitastjórnir sem LÍÚ á eða hefur gífurleg ítök í.
Staðreyndin er nefnilega sú að það er kvótakerfið sem hefur komið landsbyggðinni og sjávarþorpum á Íslandi hvað verst á undanförnum áratugum.
Það er ekki kvótakerfið sem slíkt sem er vandamálið. Heldur gífurleg misnotkun og spilling sem þrífst í kringum kvótakerfið á Íslandi.
Merkilegt að Fannar skuli nefna Grundarfjörð. Sá kaupstaður hefur einmitt fengið að kenna á kvótatilfærslu, þótt hann hafi ekki allur verið þurrkaður upp eins og á Flateyri. En að öðrum þætti þessara mála; togveiðiflotinn er gríðarlega dýr í rekstri og á eftir að verða enn dýrari með hækkandi orkuverði. Fyrr eða síðar verður að horfast í augu við að markaðir verða ekki tilbúnir til að greiða það háa verð, sem þessi skip þurfa að fá fyrir aflann til að standa undir rekstrinum. Af hverju töku við þá ekki þá afstöðu strax, að hætta togveiðum innan lögsögunnar, sem myndi aftur þýða að við þyrftum ekki að hafa neinn kvóta á afla fiskiskipanna, ekki síst ef við takmörkum í leiðinni lengd neta hjá netaveiðiskipum? Held að það sé brýnt fyrir okkur að koma á þessu skipulagi áður en við göngum í ESB, því það myndi enn frekar tryggja okkur gagnvart veiðum skipa frá Evrópusambandinu, því það yrði varla hagkvæmt fyrir það að senda minni veiðiskip til veiða hér langt norður í höfum. Slíkar reglur myndu nefnilega verða í góðu samræmi við skipulag ESB á fiskveiðum.
Segir þetta ekki bara eitt, stuðningur sveitarfélaganna sem eiga mest undir að fiskveiðum sé rétt stýrt við sýnir að LÍÚ er að berjast fyrir réttum málstað, málstaður samfylkingar miðast fyrst og fremst við að púkka undir embættismannakerfið.
Kerfið má breyta og lagfæra. Allar breytingar á kvótakerfinu í tíð þeirrar lánlausu ríkisstjórnar sem nú situr hefur hins vegar leitt til sóunar og minni tekna landsmanna allra af veiðum á fiski kringum landið. Þökk sé samfylkingunni og VG hafa tugir milljarða skrúfast niður rörið vegna röð rangra ákvarðanna. „olympískar“ veiðar á uppsjávarfiski, „strandveiðikerfi“ og alls kyns rómans sem hefur kostað okkur tugi milljarða hefur ekki bætt hér ástandið.
Fannar er líklega útgerðarmaður, einn af þeim 192 sem „eiga kvótann“. Hver var framlegðin hjá þér í fyrra Fannar? Hvað tókst þér að greiða mikið niður af skuldunum með ofurveiku krónunni okkar?
Framlegðin var samtals 40 milljarðar í greininni þinni árið 2009. Af því borguðuð þið samtals 2,7 milljónir í veiðaleyfagjald. Ef þú værir í Noregi værirðu að borga eðlilega auðlindarentu, 76% af framlegð fyrir afnot af auðlind í eigu almennings. Það heitir siðað þjóðfélag.
Hvað borgaðirðu og hvað slappstu undan því að borga mikið auðlindagjald miðað við eðlilega gjaldtöku, Fannar?
Eigum við að segja að þú eigir 0,5% af kvótanum, svona 1/200? Borgaðirðu 15 milljónir í veiðileyfagjald en varst með 200 milljónir í framlegð?
Þú hefur efni á að rífa kjaft – eða þannig.
BORAT er með þetta!
Frjálsar handfæraveiðar leysa byggða, fátæktar og atvinnuvanda
okkar, einnig umgengnisvandann á fiskimiðum Íslendinga.
Ég er algjörlega handviss um að það var ekki Fannar Hjálmarsson sem skrifaði athugasemdina við þetta blogg, heldur föðurbróðir hans, sjálfur Guðmundur Krisjánsson í Brim, sá hinn sami og fékk niðurfelldar skuldir upp á litla 20 milljarða fyrir skemmstu. Ég held þú ættir að sýna þann manndóm af þér, herra Guðmundur Kristjánsson, og hundskast til að skrifa undir eigin nafni í staðin fyrir nota nafn frænda þíns til að verja sjálfan þig og kvótakerfið.
Það er einmitt hendingin sem er svo hræðileg við þetta rugl. Framsalið sem er svo stórkostlegt að þínu mati „Fannar“, og allir leigufídusarnir sem fundnir voru upp til að verja útvalda, hefur lagt byggðir í eyði.
Það er auðvitað stórkostlegt að hér gapi menn og fullyrði um hagkvæmni og hvað þessi grein sé okkur mikilvæg. Frá upphafi hefur krónan verið notuð sem tæki til að bjarga glórulausu rugli fyrir horn með 10-60% gengisfellingu eða ef það er ekki nóg þá bara 80% gengisfellingu.
Ég held að það sé rétt hjá Pétri á meðan auðlindagjaldið er í þessum stærðum farið þið strákar og stelpur í LÍÚ klúbbnum létt með að halda úti moggum og öðrum áróðri sem byggir á ótta ofar öllu.
Fiskvinnsluhúsinn hér áður firr voru flest öll rekkinn með tapi, ríkið þurfti meira og minna koma þeim til hjálpar, sveitafélöginn réðu ekki við neit eins og þegar kvótinn var seldur úr byggðalaginu.
eins og fyrri daginn þá er umræðu hefðin á nýja Íslandi í skötulíki og verri en það sem áður var.
Grímur þannig að þú kemst enn að þeirri niðurstöðu eða vilt ekki svara. ég fullyrti ekkert í þessu kommenti um hagkvæmni eða árangur á uppbyggingu á fiskistofnum. það er allt önnur umræða. hérna bendi ég bara einfaldlega á að allir sem um þetta mál fjalla er á sama máli nema pólitíkusar. meir að segja Þórólfu Mattíasson er á móti þessum breytingum og ætla menn að saka hann um að vera málpípa LÍÚ?
Grímur hafa allir rangt fyrir sér nema þú og þínir? er hrokinn og drambið svo mikið? teluru engar líkur vera á því að aðrir hafi eitthvað til síns máls að leggja?
Grímur þú nefni gengisfellingarnar. hvenær var síðasta gengisfelling? var hún eftir að kvótakerfið var sett á eða eftir frjálsa framsalinu var komið á? leigufídusar? hverjir eru það sem kvarta undan lítilli leigu í dag? í dag leigir engin frá sér nema það sé tonn á móti tonni og hafa ekki gert í mörg ár. útgerðarmenn hafa viðrað þá skoðun að banna leigu nema að mjög takmörkuðu leiti. þeir sem vilja leiguna eru stjórnmálamenn.
Fullyrðingar þín í þessu kommenti bera vitnis að þú hafir ekki kynnt þér sjávarútvegi eða ekki nennt að spá í honum. hvernig getur menn verið að legja frá sér kvóta ef engin leigir frá sér og allir smábátasjómennirnir og minni útgerðir kvarta yfir því að það sé skortur á leigu kvóta? þú getur ekki komið með fullyrðingar sem ganga þvert gegn veruleikanum nema þú getir sannað þær.
en eins og oft þá þarftu ekki að koma með rök. ef menn eru á móti sjávarútvegi þá þurfa þeir ekki að koma með rök fyrir sínu máli. hatrið eitt og sér fær menn eins og þá sem kommenta hér að ofan til að styðja við bakið á þér. hefuru einhverntíman spáð í því hvernig það sé að vera stjórnmálamaður sem gerir útá hatur á reynir að auka hatur til þess að auka eigin vinsældir?
naflausi Snæfellingur sem þorir að segja til sín. ég blogga og kommenta undir eigin nafni. ég veit ekki hver þú ert en kannski ertu einn af þessum sem er með milljónir inn á banka eftir kvótasölu og vilt fá uppstökun svo þú getir stokkið aftur inn í kerfið í boði Gríms á kostnað þeirra sem keyptu þig út. en þú ert of mikill heigull til að gera grein fyrir þér þannig að fleiri orðum er ekki eytt í þig.
Góði vertu ekki með nein látalæti Guðmundur Kristjánsson. Þú heitir ekki Fannar Hjálmarsson. Það þekkist hvernig þú skrifar. Og það þekkist hvernig Fannar skrifar.Á því er stór munur.Það er líka öruggt að Grímur Atlason hefur alveg eins mikið vit á sjávarútvegi og þú kjáninn þinn.
Fannar – ég er ekki stjórnmálamaður – ég geri ekki út á hatur og ég bý ekki í fílabeinsturni. Ég bjó í sjávarbyggð og ég dvaldi á Raufarhöfn mörg sumur þegar líf var þar blómlegt og 500 manns í þorpinu. Þannig er það ekki í dag og staðreyndirnar tala sínu máli út um allt land.
Tvö atriði:
1. Síðasta gengisfelling var árið 2008. Þá tókum við á okkur eina feita – og hókus pókus útflutningsverðmæti okkar (í krónum talið) jukust um helming. Núna er hér plathagkerfi og platpeningar sem virka á eyjunni en hvergi annars staðar.
2. Hver er helst ástæða þess að leiguverð á kvóta rauk upp? Hvað gerðist t.d. 2007 þegar Einar Kristinn vinur LÍÚ jók geymsluréttinn? Það hefur gjarnan komið hjálparhönd úr þeirri átt þegar á að leiðrétta skekkju hjá útgerðarmönnum.
Ég sagði ekkert um að ég teldi frumvarp Jóns Bjarnasonar vera gott. Það er í rauninni vont. Hann klúðraði málum með því að rugla hlutum inn í frumvarpið hlutum sem ekki áttu þar heima. Niðurstaðan ætti að vera þér Fannar – og þeim sem engu vilja breyta – að skapi: Því ég óttast að niðurstaðan verði status quo.
Kæri Fannar
Það er ekkert hatur í garð sjávarútvegs, það er óánægja með óréttlæti sem hverfur ekki með einhverjum útskýringum á rekstrarviðfangsefnum ykkar útgerðarmannanna þótt þau þyki merkileg þarna í Sviðinsvík.
Auðlindarentan fer í ykkar vasa. Síðan krónan hrundi hafa skuldir alls almennings margfaldast og möguleikar á að greiða af þeim með krónutekjum minnkað næstum því jafnmikið og markaðsverðmæti eignanna.
En afkoma ykkar hefur blómstrað, óréttlætið er aldrei sýnilegra en núna.
Fyrir utan stórfelldar afskriftir hafið þið getað greitt niður skuldir ykkar á methraða, skuldir sem ekki voru teknar til þess að kaupa skip enda hafa allar fjárfestingar í greininni sjálfri verið vanræktar árum saman. Þessi skuldsetning tengdist því að þið voruð að kaupa aðra úr greininni og leika ykkur við hlutabréfakaup í bankanum og Stími og þyrlukaup og eitthvað svoleiðis.
Efnahagsstefnan hefur verið rekin á ykkar forsendum alla tíð. Brauðmolarnir áttu að detta af borðinu niður til litla fólksins en nú sjá allir að þetta var ekkert brauð heldur grjót.
Farðu í að laga þetta á næsta fundi hjá LÍÚ.
Í leiðinni máttu tala um að það sé ekkert vit í því fyrir ykkur í útgerðinni að vera að halda úti þessum pínulitlu sveitarfélögum sem eru svo veikburða að þar getur enginn maður staðið upp í hárinu á ykkur og þess vegna senda þeir frá sér svona hálfvitalegar yfirlýsingar eins og Eyjamenn gerðu í dag.
LÍÚ á að gera yfirbót með því að: 1. borga eðlilega auðlindarentu, svona 70%, innan fimmtán ára. 2. Skila sveitarstjórnarstiginu til almennings í landinu og taka þátt í því að búa til sveitarstjórnarstig þar sem sveitarstjórnarmenn vinna fyrir hagsmuni almennings. Lágmarksíbúafjöldi 10.000 manns, það dugar ekkert minna.
Er það ekki rétt hjá mér Grímur að á Raufarhöfn hafi verið rekin blómleg útgerð? Ekki af einkaaðilum sem mökuðu krókinn, heldur af bæjarbúum? Hvað gerðu þeir við þennan blómlega rekstur? Seldu þeir hann ekki? Hvað gerðu þeir við hagnaðinn? Fjárfestu þeir ekki í De-Code? Hvað varð um peninginn? Fauk hann ekki út um gluggann? Hverjir keyptu Rauðanúp? Voru það ekki einhverjir sem sáu meiri tækifæri í að kaupa togara og kvóta en hlutabréf á gráa markaðinum? Hver er asninn í þessari jöfnu? Voru það þeir sem sólunduðu fé bæjarbúa á þennan hátt, eða þeir sem keyptu útgerðina og héldu áfram að gera hana út á arðbæran hátt?
Það gleymist nefninlega í allri umræðunni að þegar kvótakerfið var sett á, var stór hluti kvótanna í landinu í eigu almennings, í gegnum eignarhluti sveitarfélagannaí BÚR, BÚH, ÚA, Skagstrendingi, Rauðanúp og fleiri fyrirtækjum. Enn fleiri handhafar kvóta voru svo samvinnufélagsútgerðirnar, sem voru í eigu fjöldans. Af hverju hætti fólkið í landinu að gera út? Af hverju ákvað það að kaupa hlutabréf af Kára Klára í staðin fyrir að gera út? Getur það ekki bara kennt sjálfu sér um, í staðin fyrir að endalaust vera með þennan barlóm út í þá sem hafa verið í útgerð, og margir hverjir staðið sig vel?
Grímur, þú gerir út á óvild og hatur á þá sem vinna í útgerð og talar af lítilsvirðingu um þá sem vinna á sjó og í landi. þú gerir lítið úr orðum þeirra og allra annarra nema eigin skoðannabræðra. og jú þú ert stjórnmálamaður. þú þarft ekki að vera á þingi til að vera stjórnmálamaður.
gengisfelling 2008? þannig að þú telur að gervigengið fyrir 2008 trekt upp af erlendum lánum hafi verið hin raunverulega verðmætasköpun? nei Grímur gengi krónunar var handstýrt upp í gervihæðir. fallið er leiðréttingin niður í raunverulegt gengi sem enn er verið að handstýra mjög háu miðað við erlendar skuldir ríkis, sveitarfélaga og orku fyrirtækja hins opinberra svo nokkuð sé nefnt.
2007 fór leiguverðið upp útaf því að eftirspurn stóð í stað og óx á meðan framboðið minnkaði. síðan gleymist alltaf eitt. afhverju vilja menn leigja til sín kvóta? menn hljóta að hafa heilmikið út úr því víst þeir vilja leigja til sín á háum verði.
og Grímur ég vil breytingar á þessu kerfi. ég vil hinsvegar breyta göllunum en ekki kostunum. byggðir verða ekki byggðar á stjórnvalds aðgerðum og úthlutunum úr ráðherrapottum eða með strandveiði. erum við ekki búin að fara í alveg nóga mikil kjördæmapot til þess? ert þú ekki einmitt maðurinn sem hefur mest talað gegn slíku?
ég vil byrja á breytingum þar sem mestur áviningur getur orðið. það er á hafró. þe. á stjórnun á auðlindum hafsins. kvótakerfið er besta kerfið í að hámarka nýtinguna og verðmæti úr hverju kílói. menn rugla oft saman stjórnun á auðlind sem hafró fer með og svo nýtingarkerfi sem útgerðir nota. mjög margir sem hafa hátt um sjávarútveg virðast ekki vita eða vilja skilja munin þarna á milli.
Grímur núna hefur auðlindagjaldið verið hækkað mjög mikið á skömmum tíma. það hefur mest áhrif á lítil og meðalstór fyrirtæki. þau verða verst úti. það er hægt að hámarka auðlinda skattinn með því að vera með 10 útgerðir á stærð við Samherja. ert þú Grímur tilbúin í að styðja slíkt? viltu færri og stærri aðila sem borga meira eða fleiri og smærri sem borga minna?
Er ASÍ líka þátttakandi í auglýsingarherferðinni?
Ég veit það væri frábært ef það veiddust 400-500 þús tonn af þrosk við Ísland eins og var þegar var frystihús og bátar í hverju einasta sjávarþorpi á Íslandi. Það var líka einu sinni þorp í Djúpuvík en svo brugðust forsendur fyrir búsetu þegar aflabrestir urðu.
Það hefur komið fyrir áður að forsendur hafa brugðist fyrir búsetu á ákveðnum stöðum. Svoleiðis er það bara og hefur verið í fleiri þúsund ár.
Menn brjóta ekki á bak aftur eitthvað sem verið hefur hluti af þróun mannsins í þúsundir ára með frjálsum handfæraveiðum, ris og fall þorpa og borga er staðreynd og er óumflýjanlegt. Þessi barátta sem men standa í við að vernda einhvern „way of life“ sem er að baki er svolítið eins og að ætla stoppa af notkun véla við slátt á túnum vegna þess að fólk sem slær með orfi og ljái er ekki lengur þörf.
Kvótakerfinu er ekki um að kenna að skortur sé á atvinnu á Flateyri. Það eru bara ekki nógu margir fiskar í sjónum og helv. uppfinningamennirnir hafa verið mjög uppteknir við að finna upp ný tæki og tól.
Fannar.
Segðu okkur söguna um Hnífsdal og Zimbabwe.
Sæll Fannar.
Leyfðu okkur nú að sjá skoðanir þínar á Hafró og hvað þú telur að sé til ráða.
Mín persónulega skoðun á Hafró er sú að sameina eigi Hafró og Veiðimálastofnun.
Með því móti getum við rekið alla yfirstjórn stofnunarinnar og erum þar með lausir við þessa semmdaverka og landráðamenn.
Hef oft sagt það áður að flytja ætti höfuðstöðvar Hafró til Ísafjarðar í kjölfar slíkra skipulagsbreytinga.
Mér er gersamlega óskiljanlegt að einhverjir aðrir en útgerðarmenn sjálfir styðji þetta gjafakvótakerfi. Sagan sýnir okkur að gang paa gang eru einhver verðmæti í almenningseigu eða eitthvað sem almenningur hefur haft frjálsan aðgang að færðar útvöldum á silfurfari af ráðandi öflum. Lærum við aldrei neitt??? Það virðist vera þannig að því meiri verðmæti (eða völd) sem menn komast yfir því grimmari eru þeir í því að halda í þau. Við sjáum það t.d. á auglýsingaflóðinu frá stuðningsmönnum gjafakvótans núna. Útgerðarmenn horfa upp á fjárhagsleg vandræði þjóðarinnar,en eru ekki tilbúnir að gefa þumlung eftir.