Grímur AtlasonHverjir eru drullusokkar?
Óflokkað | Ummæli (18) Facebook
Nú þegar menn keppast við að kalla starfandi menntamálaráðherra drullusokk og öfgavinstrimann, sem hatar einkaframtakið, er vert að spyrja nokkurra spurninga:
- Hvers vegna getur Kvikmyndaskóli Íslands ekki borgað starfsmönnum sínum laun?
- Hvaða aðrar kröfur hafa verið greiddar til þessa og hvaða kröfur ekki?
- Hver er röð kröfuhafa – samkvæmt bókhaldi – þ.e. hverjir eru í forgangi?
- Hverjir eru þessir kröfuhafar og hverjir standa að þeim?
- Hver tekur ákvörðum um að fjölga námsbrautum við skólann og hvernig átti að fjármagna þá aðgerð?
- Hver ber ábyrgð á þeirri stöðu sem nú er komin upp?
- Hvers vegna blikka viðvörunarljósin hjá ríkisendurskoðun?
Væri ekki ráð að svara þessum spurningum áður en Svandís Svavarsdóttir er gerð að últra drullusokki og fulltrúa Norður-Kóreu á Íslandi? Eða er þetta allt saman henna að kenna eins og á Suðurnesjum – hún barasta stoppar allt?
Það væri ágætt ef þeir sem allt vita svöruðu ofangreindum spurningum – áður en fleiri hróp verða gerð…
Grímur Atlason @ 28. ágúst, 2011
Ef Einar Kárason hefði sagt „djöfuls drullusokkur“ um Árna Sigfússon, bæjarstjóra í Reykjanesbæ, hefðu ummælin birst í viðhafnarútgáfu á Eyjunni með ljóshraða og „góða“ fólkið þar fengið að taka undir sönginn og bæta í til að svala einskæru hatri sínu á manninum!
En Svandís er sko enginn Árni og því sagði Eyjan ekki bofs! Hún kemst upp með að mæta ekki í viðtöl svo sem Kastljós, brjóta vísvitandi lög og reglur af því hún er bara í pólitík og það er hennar hlutverk að þvogla og þvæla ef það má verða málstaðnum til framdráttar.
Sæll Atli.
Vissulega eru þetta góðir punktar hjá þér þarna í upptalningunni. Allt réttmætar athugasemdir um stöðu skólans sjálfs.
Aftur á móti grunar mig að orð Einars hafi ekki verið viðbrögð fyrir stöðu skólans heldur vegna þess hvernig Svandís gerði (gróflega) lítið úr Hilmari, snéri brottför hans upp í að rægja hann. Það þótti mér mjög gróft af ráðherra. Vissulega voru orð Einars gróf og óviðeigandi, en það á nú einnig við um orð Svandísar.
Maður á að gera meiri kröfur til ráðherra. En þetta er nú jú ráðherra sem hótaði HS Orku valdnýðslu sama dag og hún fékk á sig dómninn í héraði fyrir stjórnsýslubrot. Þannig að kannski er þetta bara þá góð stjórnsýsla eftir allt saman, svona orð um Hilmar Oddsson?
Kær kveðja,
Grétar.
*froðufellir-af-bræði*
*skrifar-eitthvað-sem-flestir-sjá-eftir-að-hafa-skrifað-daginn-eftir*
*ofandar-í-brúnan-pappírspoka*
*róast-en-kennir-SJS&Jóhönnu-samt-um-allt-sem-aflaga-fer*
Orð Ara hérna eru ekkert minna en fleyg!
Þetta kvikmyndaskóla mál er náttúrulega stórt djók, það eru ca 100 á ári sem komast í Danska kvikmyndaskólann. Það eru samt sem áður fullt af atvinnulausum kvikmyndagerðamönnum og menntuðu bransaliði þar í landi. Það er líka nóg af þessum sama hóp hér sem er einmitt útskrifað frá þessum blessaða skóla.
Fólk má svo sem læra það sem það vill, en að ríkið borgi fyrir það geta einmitt bara drullusokkar farið fram á.
Grímur finnst þér það virkilega eðlilegt að Svandís skuli sitja áfram sem ráðherra eftir að hafa vísvitandi brotið lög?
Svandís sýndi þeim ágæta manni Hilmari Oddssyni þvílíka lítislvirðingu að fá ef nokkur dæmi eru um slíkt af hálfu ráðherra.
Þetta var yfirgengileg framkoma.
Svandís er ekkert nema hrokinn, dónaskapurinn og valdagleðin.
Fólki sem kemur svona fram og talar með þessum hætti til almennings er ekki treystandi.
Ég hef amk misst allt álit á Svandísi og mun ekki styðja hana framar.
Svandís sagði að starfslok Hilmars vektu upp spurningar um trúverðugleika áforma skólans – hvaða lítilsvirðingu er verið að tala um? Skuldar skólinn ekki Hilmari laun – er það vegna Svandísar sem hann hættir og fær ekki borguð laun? Ég get ekki séð lítilsvirðinguna sem hér er hamrað á – ég sé hins vegar að aðalatriðin eru látin liggja á milli hluta.
Grímur Atlason
Nákvæmlega.
Starflok hans koma á sama tíma og skólinn er að lofa námi í haust í skiptum fyrir mörg hundruð þúsund. Hver er trúverðugleiki skólans eða stjórnenda í þessu máli.
Plata peninga af nemendum í skóla sem enginn getur sagt hvernig verður fjármagnaður á sama tíma og stjórnendur flýja sökkvandi skip.
Annars er auðvitað sorglegt að taka það fram að framlag ríkisins til skólans fyrir skólaárið 2011-2012 færi ekki í neitt annað en að greiða þegar gjaldfallnar launakröfur. Það hlýtur hver maður að sjá að það er ekki heil brú í þessum rekstri. Það færi ekki króna í nám vetursins.
Þú gleymdir aðal spurningunni:
! Hvar er bókhaldið?
Mér finnst lágmark að við skattgreiðendur fáum að vita hvað við erum að borga fyrir.
Tek undir þetta Grímur.
Eins og verið sé að líta framhjá aðal atriðinu í þessu máli.
Rekstur skólans var óábyrgur og á köflum vafasamur. Þannig vinnubrögð enda aðeins á einn hátt.
Það versta við þetta allt er að þetta lendir illa á nemum skólans.
Ætli það væri ekki ráð að spyrja fleiri spurninga varðandi Svandísi s.s. þegar hún neitaði að samþykkja aðalskipulag í Flóahreppi. Það hefði kallað á afsögn umhverfisráðherra í hvaða landi sem er nema á Íslandi að gera slík grundvallarmistök. Hún framdi lögbrot.
Hvað með seinagang hennar í að úrskurða með suð-vesturlínuna? Frægt mál sem varð Svandísi ekki til vegsauka.
Af hverju sagði Svandís sig frá staðfestingu á skipulagi í Ölfusinu? Var það ekki vegna óheppilegra ummæla um Bitruvirkjun? Hún hafði nefninlega gleymt því að hafa setið í stjórn OR á þeim tíma þegar þessi mál voru til umræðu. Stutt minnið þarna?
Það er óþarfi að kalla Svandísi drullusokk, en hún er vanhæf og hefur gert þannig mistök í starfi að hún hefði einfaldlega átt að gera það sama og aðili í sömu stöðu hefði gert erlendis, segja af sér.
Úr því menn ræða um ólögmæti og vanhæfan umhverfisráðherra þá ætla ég að benda á það að hér á landi hefur náttúran ekki notið vafans. Umhverfisráðherrar voru í raun iðnaðaráðherrar sem virtust helst ganga erinda iðn- og orkufyrirtækja. Þórunn og nú Svandís hafa spyrnt við og sett hluti í eðlilegan farveg í stað þess að binda auðlindir okkar við erlend stórfyrirtæki til 100 ára á spottprís og án alvöru úttekta. Það er absúrd að 500 manna hreppur geti tekið ákvörðun um að virkja fljót sem rennur í gegnum hreppinn á kostnað heildarinnar.
Að hæstiréttur úrskurði í deilumálum er ekki það sama og að brjóta lög. Að leiða mál til lykta í stað þess að vaða áfram í blindni er heilbrigði. Það þarf hins vegar ekki annað en einn bloggara til að hrópa: Lögbrjótur! og þá fylgir hjörðin eftir í hóp…
Svandís Svavarsdóttir dró lappirnar í tæp tvö ár að staðfesta aðalsipulagið í Flóanum. Hvers vegna hún gerði það hafði ekkert með að láta náttúruna njóta vafans. Menn gátu ekki reist svo mikið sem einn skítakamar á meðan Svandís „lá undir feldi“. Hún gerði það tilneydd, eftir að ákvörðun Svandísar hafði verið hnekkt bæði í héraðsdómi og hæstarétti. Skipulagslög voru ALGERLEGA skýr í þessu máli, en Svandís taldi sig yfir lög hafin, þau fengu ekki að njóta vafans, heldur persónuleg skoðun ráðherrans. Hroki og valdnýðsla kemur upp í hugann þegar menn kynna sér störf Svandísar í þessu máli. Hún reyndi að kúga fámenna sveitarstjórn til hlýðni. Það á enginn skilið að sitja uppi með svona lögbrjót í ráðherraembætti.
Rétt að það komi fram að sú ríkisstjórn sem Svandís situr í, og hefur barist gegn að virkjað verði á þessu svæði, þ.e. neðri Þjórsá er komin inn í þessa rammaáætlun þar sem gefið er grænt á virkjun. Skömm Svandísar í þessu máli er þess vegna algjör.
Sárgætilega Íslensk umræðuhefð.
Verið að ræða um Kvikmyndaskólann og hvort eigendur hans eigi að hafa óheftan aðgang að Ríkissjóði en þá fara menn að ræða um Svandísi Svavarsdóttur og virkjanir í neðrihluta Þjórsár. Eru þetta tengd mál. Held ekki.
Einnig má benda á að bókfærðar ógreiddar laungreiðslur munu falla á Launtryggingasjóði.
Þessi síða ætti að svara flestum spurningum þínum um kvikmyndaskólann.
Stadreyndir.com
Hrafnkell – það eru engin svör þarna við þeim spurningum sem ég bar upp. Þarna eru staðreyndir um skólann eins og stjórnendur hans setja þær fram. Reikningsdæmi um hvað það kostar að hafa nemdendur skólans á atvinnuleysisbótum o.s.frv. Allt gott og blessað en svarar engu um rekstrarhæfi skólans og af hverju ekki er hægt að borga laun nú…
Svör:
A. Vegna þess að hann er undirfjármagnaður.
B. Engir reikningar, utan sími, hafa verið greiddar frá því í mai.
C. Launakröfur eru forgangskröfur. Að öðru leyti eru aðrar kröfur jafnar.
D. Skipta má kröfum í þrennt sem skiptast ca: 40% laun, 30% birgjar og þjónustuaðilar, 30% banki.
E. Það var sameiginleg ákvörðun skólans og ráðuneytisins. Fjármögnun skyldi vera með skólagjöldum og framlagi ríkisins.
F. Ábyrgðin liggur sameiginlega hjá stjórnendum skólans og mennta- og menningarmálaráðuneytinu.
G. Ríkisendurskoðun hefur enn ekki lagt mat á hvort hún verður við beiðni ráðuneytisins um skoðun á skólanum. Því hafa engin „viðvörunarljós“ blikkað þar. Að auki er rétt að benda á það að MRN, þar á meðal menntamálaráðherra, hefur tekið sérstaklega fram að enginn grunur sé um misferli.