Grímur AtlasonLygin í SA um skatta
Óflokkað | Ummæli (25) Facebook
SA segja Ísland vera háskattaríki – hvernig sem litið er á það. Þeir sendu út fréttatilkynningu um málið í dag og fjölmiðlar lepja um vitleysuna gagnrýnislaust. Reykjavík síðdegis og Saga endurtaka síðan fréttirnar nær látlaust og hlustendur eru reiðir. Lygin verður þannig að sannleika.
Ísland er vissulega ríki hvar þegnarnir töpuðu peningum í bankahruni, hvar matvara kostar talsvert miðað við önnur lönd og hvar gjaldmiðillinn er notaður til að helminga kaupmátt. Annar stjórnarflokkanna og töluvert af stjórnarandstöðinni síðan hyggilegast að múra okkur inni með höftum og verndartollum. En það breytir ekki þeirri staðreynd að við erum rík þjóð og þegnarnir borga lægri hluta launa sinna í skatta en meðaltalið innan OECD. SA kokkar undarlegan rétt úr tölum OECD og vill meina að hér sé mikil skattpíning – mun meiri en hún í rauninni er. Þetta ömurlegur málflutningur og ég bendi t.d. á samanburð á Taxes on the average worker á síðu OECD. Af 32 ríkjum eru 6 með lægri skatta að meðaltali en Ísland! Það eru 25 ríki þar sem talan er hærri! Skoðið endilega samanburðinn í þessu sem og öðru – áður en þið hringið brjáluð inn í útvörpin!
Það er samfélagsböl á Íslandi hvað margir eru reiðubúnir að svíkja undan skatti. Flestir vilja fá þjónustu þegar þeir þurfa á henni að halda og eru fljótir að gagnrýna ef eitthvað þarf að borga. En með þessu áframhaldi þurfum fljótlega að kaupa okkur sjúkratryggingar og leggja fyrir til að koma börnunum okkar í skóla – þökk sé lygaboðskap SA og samfélagslegri ekki-ábyrgð allt of margra.
Ríkisstjórnin getur hins vegar tekið til – hún er ekki að standa sig! Það þarf að núllstilla fjárlögin og henda út vitleysunni – skera hana af! Það gengur ekki að glórulausir bankar og glæfra fyrirtæki fái enn einn sénsinnn í boði almennings. Það er óafsakanlegt að eyða skattpeningum í bull – það verður að stoppa!
Grímur Atlason @ 11. ágúst, 2011
Þessi samanburður er alltaf mjög skakkur vegna þess að í flestum löndum eru lífeyrissjóðirnir reknir af ríkinu og teknir í gegnum skattkerfið. Á Íslandi eru þeir utan skattkerfisins.
Ef þú leggur það sem lífeyrissjóðirnir taka á hverju ári og leggur það við ríkissjóð þá færðu svo sannarlega Skattpíningu.
Furðuleg staðhæfin hér hjá Gunnari finnst mér. Nú til að byrja með þá má benda honum á að hér borgar ríkið ellilífeyrir svo skiptir milljörðum í gegnum Tryggingarstofnun. Sem og í mörgum af þeim löndum sem eru með hærri skatta en við tíðkast að fólk leggur fyrir í sinn persónulega lífeyrissparnað. Þá er greiðsluþátttaka fólks í öðrum löndum mun meiri en hér varðandi heilbrigðiskerfið. Eða kannast ekki allir við ráðleggingar t.d. til sólarlandafara að fara ekki á heilbrigðisstofnanir sem eru reknar af ríkinu. Þar eru rekin 2 kerfi.
Menn verða bara að átta sig á því að áróður Sjálfstæðismanna um skattapýningu hér á ekki við rök að styðjast. Hvorki hjá almenningi né fyrirtækjum.
Vinafólk mitt t.d. í Danmörku borgar hátt í 50% í skatt. Þar er reyndar svona gegnumstreymis lífeyriskerfi.
Hér er að finna mjög fróðlegan samanburð á skatthlutföllum hér á landi og löndum oecd.Þar kemur skýrt fram að skattbyrði á fjölskyldur er lág hér miðað við önnur lönd.SA vitnar í skýrslu AGS frá 2010. Þess ber að geta að greiðslur í lífeyrissjóð er ekki skattur heldur lögbundinn sparnaður. Menn deila um hvort greiða eigi skatt af þessum greiðslum við útgreiðslu(eins og nú er) eða við inngreiðslu eins og Sjálfstæðismenn og Lilja Mósesdóttir vilja. Sjóðirnir eru digrir eða 2000 milljarðar þar af 400 milljarðar í erlendum eignum. Hér er slóðin um skatthlutföll:http://www.fjarmalaraduneyti.is/media/vefrit/Vefrit_fjarmalaraduneytisins_20052011.pdf
Skattaprósentan er lág á evrópukvarða en við fáum bara svo lág laun miðað við kaupmátt að það skiptir ekki máli. Svona svipað og SJS segir að bensínið hér sé ekki dýrara eða jafnvel lægra en annars staðar (horfði hann á samanburð milli norsara og íslendinga t.d. , hve lengi þeir voru að vinna fyrir bensínlítranum?)
Grímur er kominn í bullandi stjornarandstöðu, rétt eins og flestir flokksbræður hans og systur. Hann er kominn í flokk fyrrum stjornarsinna, sem nú hafa ákveðið að yfirgefa sökkvandi fley. Þar með fyllir hann flokk fólks á borð við Magnús Orra Schram, Sigmund Erni, Ögmund Jónasson, Kristján Möller, Atli Gíslason, Lilja Mósesdóttir og nú síðast Þráinn Bertelsson, svo einhverjir séu nefndir til sögunnar.
Það er kannski ekki skrýtið að samfylkingunni takist að sitja í annarri ríkisstjórninni á stuttum tíma, þar sem fylgið fer niður undir 30%. Síðast þegar það átti sér stað sleit flokkurinn samstarfinu við samstarfsflokkinn og stofnaði til þeirrar ólánsstjórnar sem nú situr. Ekki hefur betur tekist til en að fylgið er jafnvel enn lægra en það varð lægst í hrunstjorninni.
Ísland var ekki í flokki þeirra ríkja þar sem skattar voru hæstir, á tveimur árum hefur íslenski launamaðurinn aftur á móti komist í flokk með Albaníu og svoleiðis löndum, sem menn vilja yfirleitt ekkert bera sig saman við.
Vandamálið er ekki að borga háa skatta, heldur hvað sá sem borgar í skatt fær fyrir peningana. Í dag er peningum illa varið. Þeir sem fara með fjármuni almennings kunna illa með þá að fara, sólunda þeim í formi slakra ákvarðana og alls kyns gæluverkefna sem eiga ekkert við á svona tímum.
Gott að Grímur sjái hversu illa stjórnin er að standa sig. Hvað þarf að veifa rauða spjaldinu nærri pönnunni á Jóhönnu og Steingrími svo þau nái því að þau eiga að hætta?
Minnir að það hafi verið Mark Twain sem kom frá sér á prenti mesta sannleikanum um tölfræði.
„There are three kinds of lies: lies, damned lies, and statistics.
Ég er ekki viss um hvort þetta eigi betur við tölfræðina hjá SA eða stjórninni, miðað við launaseðilinn minn og afgang eftir afborganir, þá er ég nú frekar sammála SA frekar en Steingrími.
Lífeyrisgreiðslur verða að fylgja með samanburði á skattheimtu sem hlutfalli af þjóðarframleiðslu, einnig þegar skattlagning launatekna er borin saman.
Að teknu tilliti til skerðingar á barnabótum, vaxtabótum/leigubótum og slíks þurfa mjög margir að afla sér um 10000 króna viðbótartekna til að fá 1000-2000 viðbótarkrónur í vasann. Hvatarnir eru gjörsamlega á haus, aldrei hefur verið jafnhagstætt að bæta við sig svartri vinnu. Það er of freistandi fyrir einstaklinginn að gera hluti sem koma heildinni illa.
Skattaþol (eins og skuldaþol) er mest þar sem verðmætasköpun er mikil og efnahagurinn heilbrigður. Það hefur ekkert land skattlagt sig til ríkidæmis. Breið sátt ríkir um lykilþætti samneyslunnar hér á landi (menntun, heilbrigðisþjónusta, öryggisnet). Annað ætti að spóla aftur um 6-8 ár. Renna þyrfti lið fyrir lið í gegnum nýjungarnar sem hrúguðust upp meðan skatttekjurnar af bólunni streymdu inn og réttlæta/samþykkja upp á nýtt.
Flatur niðurskurður á tímum sem þessum er pólitísk leti og gunguskapur sem mun verða okkur mjög dýrkeyptur. Flokkspólitísk er þessi pæling ekki, stjórnarandstöðuflokkarnir eru nákvæmlega jafnsekir. Gleymum ennfremur ekki að æsivöxtur hljóp í hið opinbera á vakt D og S. Sveitarfélögin tvöfölduðu líka umfang sitt á einum áratug á föstu verðlagi og leiðrétt fyrir íbúafjölgun. Upphafspunkturinn er m.a.s. eftir færslu grunnskólans, svo það komi fram. Jafnréttisfulltrúinn hér, deildarstjórinn þar. Megnið sett á krítarkortið.
Engir lágu sárir áður en efnt var til þessara auknu útgjalda, en skattgreiðendum blæðir nú.
OECD segir: Employees and employers in Iceland are required to make contributions to privately-managed pension funds. These “non-tax compulsory payments (NTCPs)” strongly increase the overall tax burden. E.g., the tax wedge for single workers at average earnings increases from 31.3% to 39.4% if these NTCPs are also taken into account. More information on these NTCPs in Iceland and other OECD countries is included in the OECD Tax Database. (http://www.oecd.org/document/54/0,3746,en_2649_34533_47426102_1_1_1_1,00.html)
Þarna er eingöngu verið að taka til tekjuskatt, spurning hvort útsvar sé inn í þessum tölum. Og svo er það lífeyrisgreiðslur, 4% hjá launþega og 6-8% hjá launagreiðanda.
Auðvitað vantar líka inn þann skatt sem skilar langmestum tekjum í ríkissjóð og er alfarið borgaður af launafólki, virðisaukaskatturinn. Íslendingar eru þar einir í efsta sæti, ekki slæmt það.
Hvað varstu annars að reyna að sýna farm á? Að íslendingar geti borgað miklu meiri skatt en þeir gera nú þegar? Kannski hægt að hækka innflutningstolla og vörugjöld sem eru óvíða hærri. Eða skatta á bensín, áfengi og tóbak, sem sömuleiðis eru óvíða hærri.
Í huga vinstrimanna eru skattar óþrjótandi auðlind, bara að hækka prósentuna og peningarnir hrúgast í ríkissjóð. Einföld og skotheld hagfræðikenning.
Tekjuskattur á fyrirtæki hér á landi er með því lægsta sem þekkist í Evrópu. SA reyna að finna afsökun fyrir eignn aumingjaskap og dettur helst í hug ap kenna ríkisstjórninni um.
Hvað var ég að segja? Var ég að segja að það ætti að borga hærri skatta á Íslandi? Nei, ég var ekki að leggja það til. Ég var hins vegar að benda á þá staðreynd að SA fer með rangt mál í tengslum við meinta ofurskatta á Íslandi samanborið við önnur lönd (OECD)! Við borgum ekki hæstu skattana – hvort sem um er að ræða tekju- eða virðisaukaskatt. Við erum í 26. sæti þegar kemur að tekjuskatti og í 7. sæti þegar kemur að vsk. Af hverju blása menn og mása yfir því að ég bendi á þetta?
Ég ítreka að ég benti einnig á þá staðreynd að ríkisstjórnin er að fara illa með skattfé borgarana. Það verður að skera niður óþarfa og styrkja það sem þörf er á. Flatur niðurskurður ber vott um hræðslu, ákvarðanafælni og stefnuleysi Ofurverndartollar, þjóðremba og þúfnahyggja er bölið í dag í bland við stjórnmálamenn sem engu þora.
Það skiptir engu máli hvað skattprósentan er há, ef þú getur ekki lifað af því sem eftir er af laununum eftir skatta þá eru þeir of háir. Vandinn hér er mikil kaupmáttarrýrnun og skattahækkanir hafa ekki hjálpað til þar. Íslenska krónan er svo líka stór þáttur í þessu vandamáli.
Af hverju þarftu að saka SA um lygar þótt þú sért ekki sammála þeim og þeirra túlkunum? Er það ekki nákvæmlega þetta viðhorf sem er vandinn í íslensku samfélagi í dag?
Daniel – af thvi their eru a beita blekkingum: ljuga! Thetta eru ekki bloggarar eda Smafuglar thetta eru samtok sem hafa milljonir i PR vinnu. Thetta er ad menga umraedur a Islandi – ekki eg!
Ef einhver myndi nenna að lesa skýrsluna sem Grímur bendir á þá kemur í ljós að ef 4% lífeyrisiðgjaldi er bætt við þá hækkar Ísland um 5 sæti á listanum að meðaltali. Sem sagt, Ísland er í 20.-22. sæti af 32 OECD-ríkjum hvað varðar tekjuskattshlutfall einstaklinga, hvort sem er á lágmarkslaun, meðallaun eða 167% af meðallaunum. Skattar á fyrirtæki eru næstlægstir eins og bent hefur verið á, og þó vaskur sé vissulega hár þá er hann í tveimur þrepum, með 7% á stóran hluta þeirrar vöru og þjónustu sem er keypt og seld, sem bömpar okkur niður í 7. sæti eins og Grímur bendir á.
Ó, þvílíkir ofurskattar! Getur mögulega verið að ástæða þess að enginn vill fjárfesta eða stofna til atvinnustarfsemi hér séu frekar gjaldeyrishöft, Matador-gjaldmiðill og lítill markaður?
Grímur Atlason afhverju skoðar þú ekki frekar skýrslu AGS sem sýnir skýrt fram á að ÍSLAND er nr.2 í hæstu skattbyrði í heiminum???????????????
Steingrímur Joð Idolið þitt stefnir hraðbyri að fyrsta sætinu.
@Baldur: Það er e.t.v. minn klaufaskapur, en ég get ekki áttað mig á því nákvæmlega hvaða OECD-skýrslu verið er að vitna til.
En ég gæti trúað að það þurfi líka að bæta atvinnurekandahluta lífeyrissjóðsiðgjaldsins við til að fá réttan samanburð – við það sem þeir kalla „tax wedge.“
@Finnur:
http://www.oecd.org/dataoecd/18/20/45120733.xls
Vissulega sýnir þetta skjal bara skattbyrði launafólks (hlutfall launa mismunandi tekjuhópa sem fara í tekjuskatt).. en það er sama, með því að skoða það þá sérðu fáránleika þess að fullyrða að íslenskur almenningur sé óeðlilega mikið skattpíndur og að þeir sem flytja annað til að vinna (t.d. til skattaparadísa eins og Danmerkur
séu að flýja háa skatta. Sama á við um fullyrðingar um að myndin sé alveg hræðilega skökk af því það vantar iðgjöld launafólks í lífeyrissjóði.
Það væri áhugavert að sjá einhvern harðan samanburð á t.d. samanlögðu tryggingagjaldi og lífeyrisiðgjaldi, en það eru hinir meiriháttar skattarnir sem atvinnurekendur eru að greiða. Eins og bent hefur verið á þá eru íslensk fyrirtæki að borga næstlægstu skattana af hagnaði sínum.
Er ekki lífið dásamlegt? Fyrir fáeinum árum hélt þáverandi stjórnarandstaða og fylgifiskar hennar að skattpíning væri með þvílikum endemum að annað eins væri vart til á byggðu bóli. Til stuðnings máli sínu fundu þeir áróðursmeistara í skóla nokkrum vestur á melum. Minnir mig að það hafi verið Stéfán Ólafsson. Nú fáeinum misserum síðar þegar skattar hafa verið þandir út í það óendanlega þá eigum við að trúa því að við greiðum einna lægstu skatta í veröldinni.
@Baldur: Ég er alls ekki að leggjast á sveif með þeim sem klifa á því að skattar séu alltof háir, en hef hinsvegar mikinn áhuga á því að fá réttan samanburð. Bendi þér og öðrum á að það sem OECD á við með „Tax Wedge“ (skattafleygnum) er það hlutfall sem fer samanlagt í skatta og opinber tryggingargjöld af öllum launakostnaði atvinnurekandans. Í Þýskalandi t.d. eru sjúkra-, atvinnuleysis- og lífeyristryggingar hluti af hinu opinbera og iðgjöldin teljast öll með tryggingargjöldum hjá OECD – Hlutur þýska launþegans í þessum iðgjöldum er um 20% af brúttólaunum og vinnuveitandinn borgar annað eins. Fyrir Ísland reiknar OECD sem iðgjöld launþegans einhver 0,59% (gj. í framkv.sjóð aldraðra? útvarpsgjald?) og atvinnurekendamegin taka þeir bara tryggingargjaldið með, sem nú er 8,65%.
Til þess að fá réttan samanburð við þýskaland þarf því að bæta við fyrir Ísland iðgjaldahlutum bæði launþega og launagreiðanda í lífeyrissjóð, eða samtals 10% af brúttólaunum.
Hárrétt, Finnur. Annað er epli og appelsínur.
Á þessari slóð mjög fín uppspretta upplýsinga um þessa hluti: http://stats.oecd.org/Index.aspx?DatasetCode=CSP2009
Þar segir að Tax Wedge 2010 hjá barnlausum einstaklingi með meðallaun á Íslandi sé 31,26% og að við séum þar í 23. sæti. Belgía er efst með 55%, síðan koma Frakkland og Þýskaland með 49%.
Þegar búið er að leiðrétta Ísland m.t.t. iðgjaldanna í lífeyrissjóð verður TAX Wedge (skattafleygurinn) 38,35% og við það hoppar Ísland í 14. sæti og lendir þar á milli Hollands Danmerkur.
… og Danmerkur
Það sem er merkilegast við SA og þeirra málflutning er fólkið á fjölmiðlum !
365 miðlar eru bara copy/paste fyrir þessa aðila !!!
Hvernig væri að Heimir og Kolla í Ísland í bítið færu að finna sér eitthvað betra að gera en vera að sleikja rassgatið á ákveðnum öflum ??????
Ég trúði vart mínum eigin eyrum þegar ég hlustaði á Vilhjálm Egilsson halda þessu bulli fram. Fréttamaðurinn hafði ekki fyrir því að spyrja um neitt eða gera athugasemd.