Grímur AtlasonBensín og meint skattpíning
Óflokkað | Ummæli (69) Facebook
Grátkór FÍB o.fl. um svimandi hátt bensínverð á Íslandi er ekki nýr af nálinni. Hann er hins vegar sjaldnast settur í samhengi. Við tökum gjarnan blindandi undir kórinn og krefjumst þess að stjórnvöld grípi í taumana.
En hvert er raunverulegt samhengi hlutanna? Staðreynir málsins eru ágæt byrjun – Bensínverð í 25 Evrópulöndum (um miðjan maí 2011):
| Land | Evrur | Krónur |
| Litháen | 1,22 | 201,9 |
| Eistland | 1,24 | 205,2 |
| Slóvenía | 1,3 | 215,2 |
| Lettland | 1,31 | 216,8 |
| Spánn | 1,32 | 218,5 |
| Lúxemborg | 1,33 | 220,1 |
| Sviss | 1,39 | 230,0 |
| Ungverjaland | 1,41 | 233,4 |
| Ísland | 1,42 | 235,7 |
| Austurríki | 1,45 | 240,0 |
| Írland | 1,51 | 249,9 |
| Bretland | 1,52 | 251,6 |
| Tékkland | 1,52 | 251,6 |
| Þýskaland | 1,54 | 254,9 |
| Ítalía | 1,56 | 258,2 |
| Svíþjóð | 1,58 | 261,5 |
| Finnland | 1,59 | 263,1 |
| Pólland | 1,61 | 266,5 |
| Portúgal | 1,61 | 266,5 |
| Belgía | 1,62 | 268,1 |
| Frakkland | 1,64 | 271,4 |
| Danmörk | 1,7 | 281,4 |
| Grikkland | 1,7 | 281,4 |
| Holland | 1,7 | 281,4 |
| Noregur | 1,76 | 291 |
Meðaltalsbensínverð í Evrópu er 248,6 kr. á lítrann – Ef Eystrasaltsríkin og Slóvenía væru undanskilin hækkaði meðaltalið í 256 kr. Aðeins 8 ofangreindra þjóða búa við lægra bensínverð en við Íslendingar. Þær þjóðir sem við kjósum gjarnan að bera okkur saman við þurfa allar að greiða hærra verð en FÍB félagar á Íslandi. Þær greiða á bilinu 20 til 56 kr. meira fyrir lítrann!
Það sem fyrst og fremst orsakar hátt bensínverð í þessum ríkjum er skattheimta þarlendra stjórnvalda. Á Íslandi greiða bíleigendur einna lægst gjöld til hins opinbera af þeim þjóðum sem hér eru nefndar. Við búum í miðju Atlantshafi og hingað þarf að sigla vökvanum dýra með óhagkvæmum hætti – þar liggur hluti hins grafna hunds. Álagning þeirra sem selja vökvann er hinn hlutinn. Stjórnvöld hafa ýmislegt á samviskunni en seint verður hægt að saka þau um skattpíningu á eldsneyti.
Það er hollt að hafa þetta í huga þegar Runólfur og co. hefja næst sinn reglulega grátkór…
Grímur Atlason @ 21. júní, 2011
Það væri athyglisvert að sjá samanburð á ráðstöfunartekjum í þessum löndum. Vandamálið okkar er ekki hátt verð á bensíni heldur hversu lágar ráðstöfunartekjur íslendinga eru og hversu fáránlega hátt hlutfall fer í greiðslu vaxta og verðbóta.
Það er alveg rétt hjá þér að staðreyndir málsins eru ágæt byrjun, og það *ER* óumdeilanleg staðreynd að það er farið að draga *MJÖG* úr akstri innanlands. Það verður heldur ekki deilt um að þessi samdráttur hefur neikvæð margföldunaráhrif á þjónustu/afkomu fólks víða um land.
Og af hverju dregur fólk svo mjög úr akstri? Einfaldlega af því það finnur rækilega á eigin veski hversu dýr bensíndropinn er orðinn. Það er jafnframt gríðarleg einföldun hjá þér að setja fram einfalda krónutölu-upptalningu eins og þú gerir þarna: þú kýst alveg að líta framhjá öðrum hagstærðum, s.s. meðallaunum og áhrifum annarra jaðarskatta (eða skorti á þeim) til að meta raunveruleg áhrif bensínverðs.
Fólk er ekki fífl. Ef fólk bregst við ofursköttun á bensíninu með því að draga úr akstri, með tilheyrandi tapi fyrir hagkerfið, þá þýðir ekkert að bregðast reiður við og skamma fólk fyrir að gera sér ekki grein fyrir hvað það hefur það í raun ofboðslega gott í Alþýðulýðveldinu Íslandi. Það er hollt að hafa þetta í huga næst þegar þú rýkur af stað í hugsunarleysi til að verja ofursköttunarstefnu helferðarstjórnarinnar …
Það hefur takmarkaðan tilgang að birta hráar tölur um verð á líter. Það þarf líka að skoða kaupmátt og launtölur.
Á Íslandi komast menn þriðjungi styttra fyrir tímakaupið sitt í en í Noregi í kílómetrum talið þó verðið sé 291 króna í Noregi.
Legg til að höfundur skoði allar hliðar málsins til að samanburður verði raunhæfur og sannur.
Bensínið kostar ekki 236 kr. af því að ríkið leggur á það ofurskatta. Við greiðum einna lægstu skatta á eldsneyti í Evrópu. Það er staðreynd. Ráðstöfunartekjur Íslendinga vigta ekkert þegar kemur að OPEC ríkjunum og þeirra tjútti – það er líka staðreynd.
Reiði mín er takmörkuð en það er hins vegar þreytandi söngur á að hlýða þegar grenjað í stjórnvöldum sínkt og heilagt í tengslum við bensínverð. Það gleymist gjarnan að gengi gjaldmiðilsins féll um meira en helming á hálfu ári og krónan hefði væntanlega tapað 90% af verðgildi sínu gagnvart öðrum gjaldmiðlum ef ekki hefði komið til gjaldeyrishafta. Við framleiðum ekki eldsneyti nema í litum mæli og þurfum að kaupa það með gjaldeyri sem kostar okkur tvöfalt meira í dag en hann gerði fyrir 3 árum. Þetta eru staðreyndir málsins.
Á meðan við getum ekki boðið börnum heilbrigðisþjónustu og öldruðum og öryrkjum mannsæmandi kjör mun ég ekki gráta þær fáu krónur sem ríkið pínir mig þegar ég fer á næstu bensínstöð.
Og hvað á ég að gera með þær tölur að Norðmenn hafi betri laun en við Íslendingar? Heimsmarkaðsverð á bensíni hefur ekkert með það að gera. Því miður borgum við ekki minna úti í Rotterdam vegna þess að ráðstöfunartekjur okkar eru helmingi minni en Norðmanna. Kostnaður okkar vegna bílaflotans breytist ekkert heldur þrátt fyrir auma stöðu – við þurfum að reka þetta sýstem hvað sem tekjum annarra þjóða líður.
Við greiðum einna lægst gjöld til hins opinbera per líter. Vilja menn borga enn minna en gert er í dag? Hver á að borga Óshlíðargöng? Reykjanesbraut eða Landeyjahöfn? Á Elliheimilið Grund að borga brúsann?
Samanburðurinn er fyllilega raunhæfur – hann sýnir svart á hvítu hvernig hlutirnir eru.
Grímur,
Það er ekki boðlegur málflutningur á skoða algilt bensínverð. Þú verður að setja upp töflu þar sem kemur fram hve lengi maður með meðaltekjur í viðkomandi landi er að vinna fyrir einum lítra af bensíni – kaupmáttur.
Annars er samanburðurinn hjóm. Við getum þannig skoðað Noreg sem dæmi þar sem lítrinn kostar IKR 291. Nú eru meðallaun í Noregi um NOK 35.000 þ.e. um NOK 150/tíma eða IKR 3100/tímann (eftir skatta).
Þetta merkir að meðalmaðurinn í Noregi hefur um 11 lítra af bensíni fyrir hvern unninn tíma.
Sé þetta heimfært upp á Ísland þá er meðalkaup eftir skatt um IKR 1600/tímann. Hvern tíma á Íslandi hefur því meðalmaðurinn því um 7 lítra/tímann þ.e. aðeins 60% af því sem meðalmaðurinn í Noregi hefur. Svipuð niðurstaða fæst fyrir önnur lönd á Norðurlöndum.
Eins og menn hafa bent á áður, það er ekki samanburðarhæft að tala um krónutölu. Það þarf að liggja fyrir hvað meðalmaður er lengi að vinna fyrir lítranum.
Björn Kristinsson orðar þetta mjög skýrt.
Umræðan um hátt olíuverð hér á landi er óþolandi. Menn tala eins og það séu einhgversskonar mannréttindi að hér haldist sama umferðastig og rétt fyrir hrun.
Allt tal um ofurskattlagningu er kjaftæði. Árið 2009 voru tekjur ríkisins af bifreiðum og olíu (nánar tiltekið:
vörugjaldi af ökutækjum og bensíni, sérstöku vörugjaldi af bensíni, olíugjaldi, bifreiðagjaldi, þungaskatti og lögreglusektum) 25 milljarðar. Kostnaður ríkisins (nánar tiltekið: þungaskattur, vegagerðin, samgönguverkefni, umferðarstofa, ransóknarnefnd umferðarslysa og hlutdeild í rekstrarkostnaði samgönguráðuneytis) 34 milljarðar. Munurinn er því 9 milljarðar sem er rúmlega niðurskurður síðasta árs til heilbrigðiskerfisins. Talandi um forgangsröðun.
Svo þegar hentar grípa menn til ráðstöfunartekna. Þeirri röksemdafærslu er ég hjartanlega sammála. Enda vill ég endilega berjast fyrir hærri launum frekar en lægra bensínverði.
Bifreiðaeigendur eru leiðinlegasti sértrúasöfnuður landsins.
Það er sömuleiðis óumdeilt að bensínlítrinn væri ódýrari ef stjórnvöld hefðu ekki hækkað álögur á bensín eftir hrunið. Það er helst verið að gagnrýna að það hafi verið vanhugsað og ekki til þess fallið að skila ríkissjóð meiri tekjum. Skattahækkunarstjórnin hugsar auðvita ekkert um það.
Við skulum þá segja að íslenskur meðalmaður sé lengur en allri aðrir í heiminum að vinna sér inn fyrir bensínlítranum. En hverju breytir það í Rotterdam? Hvers vegna er samanburðurinn ekki boðlegur? Ég er að segja að bensínverð á Íslandi snúist meira um flutningskostnað og álagningu olíufélaganna en skattheimtu. SKATTHEIMTA Á BENSÍN ER EINNA LÆGST HÉR Á LANDI OG HEFUR LENGI VERIÐ. Er séns menn meðtaki það? Þeir sem ekki gera það segið mér hvernig við getum fengið bensín lítrann niður í ásættanlegt verð?
Já Grímur, þetta er ein hliðin á peningum.
Það má vel vera að íslensk stjórnvöld skattpíni minna bíleigendur en aðrar þjóðir.
Grátkórinn, aka hagsmunaaðilar í þessu tilfelli, á að gráta þegar það gengur verr og þeir eru bara að vinna sína vinnu eins og þeim er borgað fyrir. Ef Runólfur gréti ekki ætti að reka hann. Einföld hundalógík.
Hinsvegar er áhugaverður samanburðurinn þá líka hversu lengi þú ert að vinna þér inn fyrir einum lítra eins og bent er á í athugasemdum. Þú getur ekki slengt svona fram án þess að setja þetta í „relatívar“ stærðir s.s. eins og hamborgaravísitala MACDONALDS var sett fram eða Billy IKEA vísitalan þar sem þú sér mátt ráðstöfunartekna.
Þess vegna er umrædd grein hjá þér jafn mikil hundalógík og grátkór FÍB.
Það að fólk keyri minna sem nemur tugum prósenta í mörgum tilfellum gerir það að verkum að stjórnvöld standa eftir með e.t.v. minni tekjur af skattheimtu en ef þau hefðu ekki hækkað skatta. Hliðaráhrif eru svo hækkandi vísitölur með tilheyrandi raski í veskjum þjóðfélgaþegna …
Er það góð hagfræði?
Það er nú samt skemmtilegt að sjá hvernig menn hugsa bensínið sem gjaldmiðil. Kannski ættum við að leggja niður krónuna og nota olíu sem gjaldmiðil. Við fengjum þá útborgað í olíulítrum.
Það má benda á fleira sem hefur heimsmarkaðsverð óháð ráðstöfunartekjum. svo sem gull, kaffi, þorskur. Listinn er endalaus.
Grímur, ekki misskilja mig. Ég er ekki að segja að bensínverðið hér á landi sé per se hátt heldur að launin á Íslandi séu ALLT OF LÁG og þar með KAUPMÁTTURINN. Þetta er ekki auðveld staða sem við erum í en það verður að finna eitthvert meðalverð sem bæði heldur innlendri ferðamennsku gangandi en dregur jafnframt úr notkun jarðeldsneytis. Höfum einnig í huga að:
1) Við höfum ekki nýtt tímann vel í að byggja upp gott net í almenningssamgöngum. Það er allra hagur af slíku
2) Við höfum fjárfest allt of mikið í umferðarmannvirkjum, einfaldlega vegna þess liður (1) var vanhugsaður og er vel að merkja enn
3) Við höfum ekki nýtt tímann vel í að undirbúa samfélagið fyrir umskipti í annan orkugjafa. Þannig hefði fyrir löngu síðan átt að vinna þétt með stærstu bílaframleiðendum í heimi við að byggja strategískt upp samfélag sem framleiddi sjálfbæra orku fyrir eigin þegna – fyrst sinna tegundar í heimi
Umræðan núna um þetta mál og annað verður hins vegar aðeins „suð“ í sögulegu samhengi. Það er hins vegar mjög mikilvægt að það séu stígin réttu skrefin varðandi orkugjafa. Mér finnst umræðan ekki vera á réttu plani varðandi slík mál.
Þetta er allt rétt og satt. Hitt er annað mál að kaupmáttur er lágur á Íslandi. Það þarf að skoða málin í stærra samhengi, t.d. hversu lengi er venjulegur verkamaður að vinna fyrir fyllingu á tankinn og hversu auðvelt er að komast af án einkabíls. Hér á landi eru almenningssamgöngur lélegar og víða engar.
Svo er auðvitað mikilsvert að ræða hvað á að gera meðan við erum í þessari skítastöðu. Við verðum líklega að bíta í það súra að við verðum einhversstaðar að ná í peninga til alls þess sevm við viljum en bensínkostnaður er mjög hátt hlutfall af launum á Íslandi og því verður ekkert á móti mælt
Relatívar stærðir? Það kostar 3.500 kr. meira að fyllann á mánuði í Tallinn en í Vík. Stöðvar þetta hringferðir?
Heimsmarkaðsverð á bensíni hefur ekkert með kaupmátt á Íslandi að gera.
Það er hins vegar staðreynd að kaupmáttur á Íslandi hrundi fyrir rúmum 2 árum. Við sigldum skútunni í strand. Árin 1999 til 2008 eru uppskriftin og mikið væri nú gaman ef menn horfðust í augu við bullið.
Já Grímur. Það er að segja að menn horfist í augu við bullið sem kemur frá þér og þínum grátkór þegar minnst er á að kaupmáttur okkar er orðinn að engu vegna skattpíninga stjórnvalda sem þú ert svo hrifinn af.
„Þær þjóðir sem við berum okkur gjarnan saman við“.
Þessi samanburður er aðeins nýttur þegar stjórnmálamönnum hentar.
Hér borgum við t.d. mun hærri skatta vegna þess að tekjurnar eru miklu lægri en á hinum Norðurlöndum.
Og við fáum miklu minna fyrir skattana en nágrannaþjóðirnar.
Skattar hér fara í gæluverkefni stjórnmálamanna en ekki til þarfa samfélagsins.
Ég held að bensínverð hér sé mjög hátt miðað við kaupmáttinn.
Hann er ábyggilega svipaður og á Spáni og í Austur-Evrópu.
Ofsköttun er eitt stærsta vandamála íslenska hagkerfisins.
Öfgamennirnir sem hér ráða ríkjum skilja ekki einfaldar staðreyndir.
Enda er hagkerfið að stöðvast, ferðalög minnka og verslunin að hrynja.
„Nýja Ísland“ og „norræn velferð“.
Sennilega er endalaust hægt að ljúga að þessari illa menntuðu og illa upplýstu þjóð.
Hryggilegt ástand.
Það vantar inn í þetta hvað meðalmanneskjan með meðaltekjur er lengi að vinna fyrir bensínlítranum, og þá er ég að miða við tekjur eftir skatt.
Ég veit það alla vega að þegar ég fylli tankinn fara í það ca. 1/4 af ráðstöfunartekjum mínum sem ég hef EFTIR að ég er búin að borga skatt og greiða alla fasta reikninga. Ég hef sem sagt 40 þúsund krónur eftir á mánuði fyrir mat, hreinlætisvörum, lækniskostnaði, fötum, bensíni og öðrum tilfallandi kostnaði. Af því fara 10 þ. krónur í bensín.
Með því að fara nær ekkert á bílnum nema í vinnuna og í vikulega innkaupaferð dugir bensínið á bílnum næstum mánuðinn, en samt ekki alltaf alveg. Það er ekki möguleiki að ég fari á bílnum út á land eða yfir höfuð nokkurn skapaðan hlut í sumarfríinu. Mig myndi muna verulega um það ef tankurinn af bensíni kostaði 7000 kr. eða 5000 kr. í stað rúmlega 10.000 kr.
Þá ætti ég kannski fyrir almennilegum mat síðustu vikuna í mánuðinum. Þú mátt kalla það grátkór ef þú vilt, að leyfa sér að kvarta yfir því að hafa ekki annað en núðlur að borða dögum saman. Ég reikna með því að þú hafir ekki þurft að lifa af lágum launum undanfarin ár og þekkir því ekki þann veruleika sem ég er að tala um. Svo kallar þú þig vinstri mann!
Já, og ef einhverjum vinstri grænum snillingnum langar að benda mér á almenningssamgöngur, þá tæki það meira en klukkutíma fyrir mig að fara í strætó í vinnuna. Hvora leið.
Það væru rúmega tveir tímar á dag sem ég er ekki með fjölskyldunni, tveir tímar á dag sem gæti ekki eldað, tekið til eða gert önnur heimilisstörf, tveir tímar sem bættust við vinnudag sem er þegar í lengra lagi. Er það sá veruleiki sem þig viljið bjóða alþýðu landsins upp á?
Grímur grallari skeiðar fram á ritvöllinn með enn einn fimmaurabrandarann í boði ‘norrænu velferðarstjórnarinnar’.
Hefur þú ekki staðið í innflutningi á útjöskuðum rokkjálkum Grímur minn?
Kannast þú ekkert við hugtakið ‘kaupmáttur ráðstöfunartekna’?
Það er hollt að hafa í huga að hugsa áður en maður rembist við að berja á þrautpíndri þjóð.
Bifreiðagjöld, tryggingar og aðrar álögur á íslenska bílinn eru mun hærri en víðast hvar í heiminum ef undanskilið er Danmörk. En í danmörk geta menn líka hjólað og þar eru almennings samngöngur. Skattastefna Klerkastjórnar Steingríms og Jóku er skelfileg.
Í ummælum hér kemur fram mjög frumleg sagn- og hagfræði.
Ný söguskoðun: Efnahagskreppan á Íslandi er orsökuð af skattagræðgi Vinstrimanna. Erm, nei. Hér varð bankahrun og í kjölfarið þurfti mjög róttæka uppstokkun í ríkisfjármálum. í splunkunýrri skýrslu lofar AGS árangur stjórnvalda við að minnka fjárlagagatið sem nemur 7% af landsframleiðslu, þar af náðust 5% af VLF með niðurskurði og 2% með aukinni skattheimtu. Það er nú öll skattgræðgin. http://www.fjarmalaraduneyti.is/media/adrarskyrslur/Iceland-TA-Report.pdf
Frumleg hagfræði: Bílnotkun hefur mikilvæg margfeldisáhrif inn í hagkerfið. Ekki svo mjög því bílar og bensín eru innflutt aðföng. Innflutningur hefur neikvætt formerki í þjóðhagsreikningunum. Þannig er mikill „leki“ í hverri umferð veltunnar og því frekar lítil margfeldisáhrif af neyslu aksturs. Það er því skammgóðu vermir að lækka skatta á bílum og bensíni. Lausnin verður að felast í innlendum orkugjöfum og öðrum samgöngulausnaum. Svo mun náttúrlega létta rekstur alls samfélagsins eftir því sem tekst að skapa meiri útflutningsverðmæti og þar með auka kaupmátt gagnvart innflutningi (á bensíni sem öðru).
Grímur, þú gerir þig hlægilegan með þessu samanburðar-yfirklóri hjá þér f.h. ríkisstjórnarinnar.
Það sem skiptir máli í þessu samhengi er ekki olíuverð í Rotterdam, heldur útsöluverð í þeim löndum sem við berum okkur saman.
Vel má vera að opinberar álögur séu hærri í einhverjum nágrannalöndum okkur, en þar hefur fólk líka efni á þeim.
Laun okkar eru mun lægri heldur en í samanburðarlöndunum.
Meðalmaður í Noregi eða Danmörku er með ca. 700 – 800.000 IKR í laun á mánuði fyrir skatta, á meðan meðalmaðurinn er með ca. 350.000 ÍKR í laun á mánuði hér fyrir skatta.
Skattar á laun eru ca. 45% hér á landi, en ca. 50% í Danmörku og Noregi.
Í þessum tveimur löndum hafa menn mun fleiri frádráttarliði í skattkerfinu sínu en við, auk þess að fá miklu betri opinbera þjónusta fyrir sína skattpeninga en við.
Í stuttu máli er allur samanburður okkar við önnur lönd okkur í óhag, sama hvernig þú reynir að sýna fram á annað og réttlæta hinar háu álögur og skatta sem vinstri-velferðarstjórnin af illsku sinni og öfund er að pína fólk hér á landi með.
„Hefur þú ekki staðið í innflutningi útjöskuðum rokkjálkum Grímur minn? Kannast þú ekkert við hugtakið kaupmáttur ráðstöfunartekna?“
Kaupmáttur ráðstöfunartekna og rokkjálkar? Ég botna bara ekkert í svona rugli.
„Bifreiðagjöld, tryggingar og aðrar álögur á íslenska bílinn eru mun hærri en víðast hvar í heiminum ef undanskilið er Danmörk.“
Það er rangt.
„Ég reikna með því að þú hafir ekki þurft að lifa af lágum launum undanfarin ár og þekkir því ekki þann veruleika sem ég er að tala um. Svo kallar þú þig vinstri mann!“
Ég borða kavíar í öll mál. Keyri um á Range Rover og gef fólkinu kökur þegar það heimtar brauð. Ég frábið svona kjaftæði!
Skelfilegt að sjá alla þessa vinstri menn verja alla skattageðveikina út í eitt. Á sama tíma er ekki nokkur möguleiki á að búa til tekjur fyrir þjóðarbúið því stjórnvöld koma í veg fyrir það með öllum ráðum. Það má ekki virkja, ekki álver, ekki hátæknisjúkrahús fyrir erlenda aðila, breyta kvótakerfinu úr arðsömu kerfi yfir í félagslegt kerfi og svo væri lengi hægt að telja upp. En teljum nú saman 664 dagar eftir af líftíma Ríkisstjórnarinnar. Allaveganna eitthvað til að hlakka til því straumur fólks liggur frá Íslandi. Ferðamannasprengjan er heldur ekki að skila sér um það geta flestir sem vinna við ferðamannaiðnaðinn vitnað. Svo sýna tölur hagstofunnar að útlendingar eyða mun minna hér í ár en fyrri ár. En hverjum líður ekki vel þegar við vitað er að Steingrímur, Jóhanna, Svavar og Indriði koma með nýja og hærri skatta i byrjun árs 2012.
Ísland lengst til vinstri!
Kveðja
Komdu með útreikninga á skattpíngu og launum fólks í þessum löndum til samanburðar.
mbk.
Alveg ertu magnaður Grímur. Kemur þessi færsla beint frá varðhvolpinum Birni Vali? Það er kaupmátturinn sem skiptir öllu máli drengur en ekki verð á vöru eða launatékinn. Að bera saman verð við lönd þar sem kaupmáttur er miklu hærri en hér á þessu kommúnistaafturhaldslandi er bara á færi Stalínista eins og þín og Svikgríms.
Þetta er í besta falli barnalegur samanburður.
Eins og að bera saman þjóðir við leikmann í matador.
Ekki ætla ég að verja skoðanir Runólfs og félaga en þú átt geta gert mun betur í gagnrýni þinni á þeirra samtök en þessi mjög svo „langt-framhjá-markinu“ samanburður.
Það skiptir máli hvort þú borgar með með einum bát af eplinu eða með hálfu eplinu. Tala nú ekki um þegar hálfa eplið er líka skemmt.
Á íslandi er svokallaður þjóðvegur eitt,sem er ein aðal samgönguæð landsins.
Víðast hvar í þessum samanburðarlöndum væri þessi vegur kallaður lélegur slóði.
Málið er nefnilega líka það hvað fæst fyrir skattgreiðslurnar.
Þvílík vitleysa í gangi hérna.
Fólk virðist halda að það eigi einhvern guðsgefinn rétt á tilteknum „kaupmætti“ og þá sérstaklega í samanburði við vel rekin lönd erlendis. Íslendingar eru fjármálalegir fávitar og rústuðu sínum eigin kaupmætti án nokkurrar aðstoðar.
Á Íslandi er það nú svo einfalt að kaupmáttur ræðst að miklu leiti á gengi krónunnar. Íslendingar allir sem einn, þó að mismiklu leiti, eyddu langtum meiri gjaldeyri síðustu 10-15 árin heldur en þeir öfluðu. Margfalt meiri. Þessi staða er staðreynd og henni verður ekki breytt úr þessu. Næstu 10-15 árin mun þurfa að afla meiri gjaldeyris en eytt er og sá hluti vitleysunnar sem ekki hefur verið afskrifaður verður borgaður til baka. Þetta mun leiða til veiks gengis krónunnar og „lélegs“ kaupmáttar á erlendan mælikvarða. Þetta er einfaldlega staðan sem Íslendingar komu sjálfum sér í.
Varðandi skattheimtuna þá er ríkissjóður ennþá rekinn í mínus og þá á eftir að borga upp hallarekstur síðustu 3-4 ára. Þannig að þegar einhver talar um skattalækkun væri gott að fá lista yfir þá skatta sem hækka á í staðin.
Varðandi framkvæmdir þá er það nú ekki flóknara en svo að ofurskuldsettur ríkisstjóður sem rekinn er í mínus í þokkabót er ekki að fara í miklar framkvæmdir það segir sig eiginlega sjálft. Nógu slæmt er það að hátt í 20% af tekjum ríkisins fara í vexti.
Ekkert þessara atriða kemur Jóhönnu eða Steingrími við nema að því leiti að þessu var hent í fangið á þeim. Menn virðast halda að það sé hægt að galdra svona vitleysu í burtu. Svo einfalt er það ekki.
Sæll.
Gaman að sjá þessar tölur. En einsog aðrir hafa bent á verður maður að sjá kaupmátt og laun á móti.
En það er annað sem gleymist oft í þessari umræðu og það er að á Íslandi eru almenningssamgöngur frekar slakkar. Í flestum öðrum þjóðum eru gamlar og virkar almenningsamgöngur í borgum og bæum og á milli bæa. Við erum því miður háðari bílnum en margir nágranar okkar.
Tu aettir ad huga ad launamun fyrst tu ert i tessum talnaleik hvad tekur tad okkur langann tima ad vinna fyrir 10 litrum af bensini gagnvart Donum,Svium og Norskum. Ta fengir tu toluvert adrar nidurstodur tekur okkur orugglega helmingi lengri tima ad vinna fyrir 10 litrum heldur en nagrannatjodir okkar.
Daddi: Vegna skattpíningar stjórnvalda… Kanntu annan betri?
Hvernig væri að menn gerðu sér grein fyrir að það er eitthvað allt annað en „skattpíningar stjórnvalda“ sem komu kjörunum okkar þangað sem þau liggja.
@Sigurdur Hjaltested
Og hvað með það? Hvaða heilaga rétt átt þú á því að fá jafnmikið bensín fyrir vinnuna þína og Danir, Svíar eða Norðmenn?
Íslendingar komu sér í þessa stöðu og það mun taka 10-15 ár að komast úr henni. Það er ekki hægt að ýta bara á „reset“ og heimta lífskjör á við best reknu lönd í heiminum eða halda að hlutirnir lagist bara strax í dag.
Við búum við allt aðrar ráðstöfunartekjur og kaupmátt en við gerðum árið 2007. Það er staðreynd. Margir eiga um sárt að binda. Bensínverðið mun ekki lækka þrátt fyrir það – við stýrum ekki heimsmarkaðsverði á bensíni og þrátt fyrir allar hörmungarnar eru flestar Evrópuþjóðir með hærra bensínverð en við (þrátt fyrir 1000 km siglingu olíuskipa með farminn til Íslands).
Berjiði endilega á mér fyrir meinta endalausa ást mína á VG, Samfylkingu og Birni Val Gíslasyni. Það breytir ekki þessum staðreyndum – bensínverðið er ekki uppfinning ABR félaga í Reykjavík eða Heimdellinga. Þeir geta rifist á Alþingi um vinstri eða hægri en þeir stjórna ekki heimsmarkaðsverði á bensíni. En það segir sig síðan sjálft að ef hér hefði ekki orðið kreppa væri kaupmáttur öllu meiri en hann er í dag.
http://mbl.is/frettir/innlent/2011/06/21/utbodi_frestad_til_2012/
Besta Ríkisstjórn í heimi klúður númer 3908.
Spurning til þín Grímur þar sem þú ert með Iceland Airwaves sem stuðlar að fleiri erlendum ferðamönnum til Íslands um veturinn. Ertu fylgjandi því að leyfa opnun spilavíta í Reykjavík fyrir erlenda ferðamenn?
Jæja en það er mun betri laun í þeim löndum !ásamt heilbrigðis og velferðarþjónustu
Þar sem þú ert svona laginn við að gera töflu, gerðu þá eina sem sýnir hvað almenningur í þessum löndum sem þú telur upp er lengi að vinna fyrir bensínlíternum.
Það er ekkert að marka þennan samanburð fyrr en það er tekið inn í dæmið.
Heiða B. Heiðars:
Þú veist að núverandi stjórnvöld vilja hafa þetta þannig að venjulegar fjölskyldur komist ekki einu sinni út á land í venjulegt frí. Bara þeir sem hafa góðar tekjur komast út á land. Það er fallegt í vinstrinu það eru nefnilega sumir jafnari en aðrir í ríki Jóku og Steina.
Kaupmáttur á Íslandi hefur rýrnað til muna sl. ár. Við búum við tvöfalt heilbrigðiskerfi – þ.e. þurfum að greiða fyrir þjónustuna m.a. fyrir börnin okkar. Við búum við ónýtan gjaldmiðil og gjaldeyrishöft sem skerða lífskjör okkar. Aldraðir og öryrkjar lifa margir hverjir við hungurmörk og bætur eru smánarlegar.
Ég slæ því föstu að allar Norðurlandaþjóðrinar fyrir utan kannski Finna búa við betri lífskjör en við Íslendingar. Þjóðverjar, Hollendingar og Lúxemborgarar án efa líka. Það breytir samt engu um þá staðreynd að eldsneytisverði er hér ekki haldið uppi með sköttum – það er af og frá.
Er ég einn um að finnast það bara fullkomlega eðlilegt að þetta hrikalega mengandi bensín sé rándýr vara? Vilji menn endilega detta í kaupmáttar tölfræðileiki til að bera líf okkar Íslendinga við aðrar þjóðir þá er gott að muna líka að milljarðar fólks í heiminum eiga ekki kost á að setjast í bíl og keyra. Þetta er lúxus okkar á Vesturlöndum.
Íslendingar eru algerlega ofdekraðir umhverfissóðar og almenningssamgöngur hér fullkomlega til skammar. Fólk sem er útbelgt af frekju og græðgi hefur bara gott að því að keyra minna. Við höfum það hrikalega gott hér þrátt fyrir allt. Áfram Ísland.
Grímur, þú ert á villigötum með þennan samanburð. Ég bý í Noregi og þar með þekki ég þetta svolítið og miðað við laun á Íslandi ætti bensínið að kosta 134kr á íslandi.
Dæmi:
Ísland: Rafvirki á góðum launum með 2000kr á tímann fær336.000 ís.kr á mánuði og fyrir tímakaupið fær hann 8,6lítra af bensíni (lítraverð 234 ís.kr).
Noregur: Rafvirki á góðum launum með 200kr á tímann fær 33.600 No.kr á mánuði og fyrir tímakaupið fær hann 14,9lítra af bensíni (lítraverð 13.4 N.kr)
Semsagt norðmaðurinn fær um tvöfalt meira bensín fyrir tímakauðið heldur en íslendingurinn.
Grímur nú skaltu taka þessa blessuðu töflu þína og bera saman laun í viðkomandi löndum á móti launum á Íslandi.
Hér skiptir líka máli almenningssamgöngur. Í nágrannalöndum okkar hefur fólk val. Fara með t.d lest . Á Íslandi höfum við ekki val. Við verðum að fara allt á einkabílnum með ærnum tilkostnaði. Þess vegna verður bensinverð að vera þannig að hinn almenni borgari hafi efni á að fara ferða sinna. Brýnasta verkefni stjórnvalda í dag væri að bæta almenningssamgöngur. Koma á lestarkerfi í Reykjavík og til suðurnesja og Selfoss. Þetta er ekki spurning hvort heldur hvenær. Við verðum allra hluta vegna að bæta almenningssamgöngur.
Bensínlítrinn ætti að kosta 134 kr? Hringdu þá í Olís eða Essó og segðu þeim að lækka bensínið. Eigum við að niðurgreiða bensín af því það er algjör nauðsynjavara?
Það er hugsanlegt ef verðið helst svona hátt lengi að þá fari einhver hér að hugsa um aðrar lausnir – t.d. að vinna bíódísel úr fiskislógi nú eða setja upp léttlestakerfi í Reykjavík. Þið getið sundurskotið tölurnar og sagt að bensínið ætti að kosta þetta eða hitt af því að fólk fær svo vel borgað í Noregi. En við gætum þá allt eins sagt úr því að Grikkir borga 280 kr. fyrir lítrann þá ættum við að borga 380 kr. Við höfum nefnilega talsvert betri laun á Íslandi og lífskjör okkar eru mun betri.
„Ég bý í Noregi og þar með þekki ég þetta svolítið og miðað við laun á Íslandi ætti bensínið að kosta 134kr á íslandi.“
Og ertu kannski 7 ára líka Svanbjörn?
Hvað ætti pizza að kosta á Íslandi miðað við laun, eða lítil íbúð? Spurðu mömmu þína hvort bensínverð í Noregi sé nokkuð ákveðið út frá kaupmætti / meðallaunum.
Dæmi: Hveiti í pizzu lækkar ekki í innkaupaverði þótt laun rafvirkja lækki.
ÆÆÆÆ – þú átt alla mína samúð kæri Grímur – ekkert grín að vera svona vitlaus og einfaldur.
Alltaf er hann nú leiðinlegur þessi kjánalegi samanburður á eldsneytisverði. Að maður tali nú ekki um samanburð á orkuverði. Eigum við þá ekki að fara að borga heimsmarkaðsverð á kw til húshitunar? Ef ég tek 10 milljónir að láni á íslandi er mér gert að borga 100. Getum við ekki borið það saman? Í siðmenntuðu landi myndi ég borga 10 millj+c.a 3% vextir….getum við ekki borið það saman? ef ég starfaði við fag mitt annarstaðar væri ég víða með 100% hærri laun. Getum við ekki borið það saman? Erum við bara væluskjóður ef að við tökum öllum þessum hækkunum ekki þegjandi? Eigum við brosa þegar AGS segir okkur að hækka álögur á orku, eldsneyti og vsk? Nú, og þá hækka lánin náttúrlega. Hvað ertu eignlega Grímur? Kálhöfuð að mínu mati sem skilur ekki samhengi hlutanna……..
Ef byrjað er að miðað við laun þarf líka að taka inn í bílverð og skatta. Hér í DK borga ég 100.000 ISK á ári í bifreiðagjöld sem var 10.000 ISK þegar ég bjó heima. Bílar eru rúmlega tvöfalt dýrari. Þrátt fyrir miklu hærri laun en á íslandi væri örugglega dýrara að vera á bíl hér ef ég ætti nýlegan bíl.
Kaupmáttarskerðing landsmanna er vissulega ekki upprunnin hjá ríkisstjórninni, heldur í efnahagshruninu 2008. Það breytir því ekki að ríkisstjórnin á ekki að gera ILLT VERRA.
Hér eru mjög margir nú þegar á mörkum þess að ná endum saman. Við erum komin út að þolmörkum þess sem hægt er að leggja á heimilin. Hér eru vægast sagt ömurlegar almenningssamgöngur og þær eru ekkert að fara að skána á næstunni, þar sem sveitarfélögin eru á fullu í niðurskurði.
Fólk þarf að komast í vinnuna og það þarf að borða. Frekari bensínhækkanir, sem og mögulegar hækkanir a vsk. á matvælum eins og AGS vill að gert verði, munu einfaldlega senda mörg heimili fram af brúninni og inn í vanskil og jafnvel gjaldþrot. Nær allir sem ég þekki þurfa að horfa í hverja krónu og geta ekki tekið á sig meiri álögur. Einhvern tímann er einfaldlega komið nóg!
Tek það fram að ég kaus annan ríkisstjórnarflokkana og hef stutt ríkisstjórnina fram að þessu. Það gerir mig samt ekki blinda eða tilbúna til að samþykkja hvaða aðgerðir sem er.
ÍUngverjalandi hafa menn ca 40-50% miðað við laun á Íslandi sama bensínverð.
Er þetta kallað að setja hlutina í samhengi, þetta er eins mikið úr samhengi hjá þér og mögulegt er.
Ef það á að setja hlutina í samhengi þá þarf að skoða alla hluti t.d hvað ertu lengi að vinna fyrir 1 lítra af bensíni, gæti verið t.d að þú sért 6 mínútur að því t.d Noregi og 18 mínútur á íslandi svona samanburður eins og þú leggur hér fram er akkúrat einskið virði.
Verði pr. líter segir ekki nema litla sögu
Ég held að fólk verði að fara að byrja að átta sig á því að það hefur orðið kaupmáttarskerðing hérna á Íslandi, hún er ekki VG að kenna, og það er bara eðlilegt að fólk geti ekki keyrt jafn marga kílómetra fyrir kaupið sitt og árið 2006 þegar dollarinn var 56 krónur og tunnan af olíu kostaði 50$. Hátt olíuverð (það er ekkert að fara að lækka í framtíðinni) leiðir vonandi af sér meiri hagkvæmni, færri bíla (Ísland átti heimsmet í einkabílaeign), og hugsanlega betri almenningssamgöngur (má láta sig dreyma). „2007″ kemur ekki til baka næstu 10 árin, því fyrr sem þið áttið ykkur á því, því betra fyrir Ísland!
Skemmtilegur hliðarvinkill á þessari umræðu gæti verið að sjá tölur um minnkandi umferð um þjóðvegi landsins. Varla stafar það af lækkandi bensínverði og vaxandi kaupmætti, og þá enn síður af því að fólk vilji ekki ferðast um landið sitt. Nema fólk sé hreinlega að misskilja seðlaveskið sitt.
Hvað eru menn leingi að vinna fyrir bensínlítanum, það er rétta verðviðmiðið
Skúli Thoroddssen er ekki kálhaus þó ég sé ekki sammála honum. Ég spyr enn og aftur: Hvernig eigum við að lækka bensínverðið? Með því draga úr álögum hins opinbera er það sem ekki kálhausarnir benda á? Ég er hins vegar á því að það gangi ekki upp enda eru álögur á bensín í lægri kantinum á Evrópuvísu. En ég er líka kálhaus. Hvað á lítrinn að kosta til þess að allt fari ekki til helvítís eins og þið ekki kálhausarnir boðið? 200 kr.? 150 kr.? Og hver á að borga brúsann?
Það þarf að gera svona samanburð á forsendum kaupmáttar launa Grímur, svo kölluðu PPP eða Purchasing Power Parity, annars er samanburðurinn ómarktækur.
Ég er nú bara einn af þessum hræðilegu mönnum sem þarf að aka 100km á dag til vinnu, og á þar enga valkosti. (nema kannski atvinnuleysi og bætur)? Til þess nota ég roskinn Citroen c3, sem eyðir um 6L/100 km. Fyrir stuttu kostaði tankurinn kr. 5000 og dugði vikuna. Í dag kostar tankurinn kr. 8000. Mismunur á mánuði kr 12.000. Mismunur á ári, 144.000. Við hjónin erum lágtekjufólk….laun hafa lækkað, kaupmáttur rýrnað. Á maður að kippa 8.stigs nemanda úr tónlistarskóla…….sleppa tannlækningum….þessi upptalning er bara kjánaleg, en það sem þorri fólks glímir við. Líklega er ég nú bara kálhöfuð að sjá ekki heildarmyndina. Þín vegna fagna ég því að þú þurfir ekki að spá í svona smámuni, haltu bara að hlakka áfram yfir þessum aumingum sem bera byrðarnar fyrir afglöp stjórnmálamanna. Úps! ekki grenja í stjórnvöld! sorry! Enn eitt, þessir aldraðir, öryrkjar og börn sem þú lætur þér svo annt um, (líklega lýðskrum) þurfa líka á nauðsynjavöru eins og bensíni að halda. Færðu nokkuð aksturspeninga?
Grímur. Hvað ert þú með í laun ? Hefur þú efni á að borga þessa dagana ? Ertu hreykinn af því hvenig þinn flokkur hefur skapað störf ? Ertu hreykinn af því að sjá landa okkar flykkjast úr landi vegna þess að hér sér enginn neina framtíð (nema þína flokka) Þú ert mögnuð persóna og hefðir átt að standa við að hætta að blogga þegar þú sagðir svo síðast þegar þú fórst í fílu
Thad er gott ad Skuli telji mig til theirra sem sleiki syropshudad gull a hverjum degi. En Thor – hvad a bensinid ad kosta til thess ad vid stondumst samanburdinn? Hver borgar brusann?
Haha….frábært svar Grímur. Ég veit ekki til þess að nokkur skapaður hlutur hafi verið til þess að nálgast undirmálsfólk eins og mig. Hafa skólagjöld lækkað? hefur heibrigðisþjónusta lækkað? Hefur matvara lækkað? Hefur orkuverð lækkað?…….fasteigngjöld…verðtrygging á laun…..Líka kjánaleg upptalning……. og sem svar við innleggi þínu kl. 9:51, þá væri það alls ekki það sem væri mest absúrd í íslenskri stjórnsýslu að lækka álögur á bensín!! OK! eða bara eitthvað!!, sem gagnast þeim sem bera byrðarnar-Komdu með tillögu! Bah! hélt ekki! Haltu bara áfram að hæðast að þeim sem eru að malda í móinn. Ég hef ekkert með FÍB að gera með fullri virðingu fyrir þeim ágætu samtökum. Færðu nokkuð aksturspeninga?
Að lokum fyrir svefninn, er orðinn þreyttur á að munnhöggvast við kálhöfuð með vondann tónlisarsmekk….þetta kemur málinu kannksi ekki við….Fleira til að gleðjast yfir. Komdu í veg fyrir þetta, þá yrði maður kannski sáttari við bensíverðið en..http://eyjan.is/2011/06/21/verdhaekkun/
Grímur..
Ef skattur væri lækkaður um nokkrar krónur kæmi sama í ríkiskassann.
Þá væri meira keypt af vörunni.
Því má ekki hjálpa landanum að lifa með því að hann fái vöruna aðeins ódýrari og noti því meira af henni . Samaniður staða er það ekki.
Að vísu ekki sama niðurstaða, því fólk gæti ferðast meira og gæti þarf af leiðandi neytt meira. og ríkið fengi ennþá meira…
ps.
Hvað fékstu mikla aksturs peninga þegar þú þjónaðir Bolungavík og þurftir að fara t.d í ríkið á Ísafirði ?
Þú getur kálhausað mig og látið líta út fyrir að ég sé hálaunamaður í turni – það breytir ekki staðreyndum málsins: Hér varð hrun og kaupmáttur Íslendinga hrapaði. Bensínið lækkar ekki nema ríkið borgi með því með peningum sem það á ekki til. Mér er slétt sama um stjórnmálaflokka og þeirra gengi – lausnina er ekki að finna í patentúrræðum.
Fengi ég aksturspeninga væri skoðun mín ekki önnur – enda er því miður ekkert annað að finna. Stjórnvöld eru deig og flækt í úrelt kjördæmapot. Þess vegna fara þau í flatann niðurskurð í stað þess að forgangsraða. Ég lagði til 0 stillt fjálög þar sem stofnanir yrðu metnar og mikilvægi þeirra skoðað í samhengi hlutanna. En við erum slyddur og búðingar og því borgum við ennþá fyrir börnin okkar hjá tannlækninum o.s.frv. Ég á ekki fyrir stýrisendum í drusluna, sem ég keypti á 2 m.kr. á 80% bílaláni fyrir meira en 6 árum, en skulda samt enn meira en milljón. Milljónirnar sem jöfuðstóll húsnæðislánanna hækkuðu og peningarnir sem ég tapaði breyta engu um afstöðu mína.
Þetta er staðan – en samt sem áður teljumst við til þeirra 5% sem hafa það hvað best í honum heimi – við viljum gleyma því.
Hvað tekur ríkið til sín mikið af bensínlítranum Grímur? Kallast það hlutfall virkilega meint skattpíning? Annars má nefna það aftur að óháð ráðstöfunartekjum og öðru (sem ég er sammála þér að er ekki endilega réttur mælikvarði heldur) þá hefur hækkunarstefna ríkisstjórnarinnar ekki verið að skila auknum tekjum eins og stefnt var að, heldur dregið verulega úr akstri – sama gildir raunar um áfengið. Þessi ríkisstjórn réttlætti hækkanir upphaflega á því að það væri nauðsynleg tekjuöflun – þegar það gekk ekki upp – þá er það vegna mengunar eða eitthvað annað, t.d. að það sé bara lágt verð hérna m.v. annarstaðar. Er ekki bara hægt að viðurkenna mistök og lækka álögur tímabundið?
Ef einungis eru birtar tölur í íslenskum krónum mun það að sjálfsögðu líta út eins og við séum í góðum málum hér á landi með eldsneytisverðið, sökum veikleika krónunnar. Það gefur ekki rétta mynd. Það verður að taka aðrar breytur inn í þetta svo þetta sé marktækt, t.d. skoða þróun neysluverðs- og launavísitölu í viðkomandi löndum og bera það saman við þróun bensínverðs. Þannig fæst samhengi milli kaupmáttar og verðs á eldsneyti. Ég er hræddur um að það muni gefa aðra mynd.
Ég er reyndar hlyntur hækkandi verði því að ég ætlaði lengi að hætta að keyra eins mikið og ég geri en ekkert gékk, það var ekki fyrr en núna sem að ég fékk nógu mikinn þrýsting til þess að láta verða af þessu og ég nota hjól. Það er ótrúlegt að það tekur stundum styttri tíma á hjóli heldur en að keyra, flestar ferðir taka um 20 mín, mér líður mun betur líkamlega, ég er að spara rosalegan pening sem að ég gerði mér ekki grein fyrir að ég væri að eyða, ég er loksins stoltur af því að geta sagt að ég er fara vel með landið mitt sem að ég elska…listinn er bara þó nokkuð langur er það ekki
Allaveganna þá fann ég líka þessa Facebook groupu og finnst hún mjög áhugaverð
https://www.facebook.com/group.php?gid=174420037614
En annars bið ég ykkur vel að lifa!
Ég geri ráði fyrir að þessi sem kallar sig BRYAN búi miðsvæðis í Reykjavík og þurfi t.d. ekki að skutla börnum í skóla eða leikskóla, né að fara með aldraða móður sína til læknis o.þ.h.
HALLO!!!Tunnan af oliu kostar yfir 100 dollara í dag hvort sem maður býr á Islandi eða annarstaðar í heiminum burtséð frá launum í viðkomandi landi. Er fólk hér að fara fram á að stjórnin sjái til að tunnan kosti 50 dollara sé hún seld til Islands til að jafna kaupmátt?? Heldur Þór Saari hagfræðingur að það sé hægt að fá þessi sérkjör hjá olíufurstunum???
Þetta er athyglisverð umræða en mig langar að leggja inn í hana eina litla sögu frá olíuríkinu auðuga, Noregi. Í byrjun juní var ég nokkra daga í Bergen, leigði þá bíl einn dag og ók 315 km hring um nágrennið. Eldsneytiskostnaður í þessum akstri var 204 NOK (bíllinn var Golf með dieselvél, meðaleyðsla 5,2 l/100 km). En þar með er ekki öll sagan sögð því til viðbótar þessu þurfti ég að greiða 187 NOK í vegatolla sem voru innheimtir með sjálfvirkum hætti hér og þar. Upphæðin var 15 NOK á hverjum stað inni í Bergen en 40 NOK fyrir utan borgina. Með öðrum orðum: Ég þurfti að borga næstum jafn mikið í vegatolla og eldsneyti! Vissulega var bíllinn sparneytinn og olíulítrinn var u.þ.b. einni norskri krónu ódýrari en bensínlítrinn þannig að ef miðað er við dæmigerðan bensínbíl gætu vegatollarnir á þessari leið verið af stærðargráðunni hálfur eldsneytiskostnaðurinn.
Ef við viljum skoða heildarmyndina má ekki horfa fram hjá þessu en hér á landi mega menn ekki heyra minnst á vegatolla.