Grímur AtlasonBjartur og gullfiskarnir
Óflokkað | Ummæli (26) Facebook
Fyrir 31 ári kostaði mánaðar áskrift að Morgunblaðinu 4000 kr. Í dag kostar áskriftin 4.350 kr. Í millitíðinni hurfu tvö núll aftan af íslensku krónunni. Það tók því bara 30 ár að 100 falda verðlagið í landinu. Morgunblaðið, sem kostaði 40 kr. í áskrift fyrir 31 ári, keppist við að telja okkur í trú um að krónan muni koma okkur út úr kreppunni og það sé alveg sérstök gæfa fyrir okkur Íslendinga að hafa þennan dásemdar gjaldmiðil.
Ekkert er fjarri sanni. Fyrir fjörtíu árum kostaði Mogginn 195 kr. eða í nýkrónum 1,95 kr. Á 40 árum hefur verðlag því 2.230 faldast – já hún er algjörlega til fyrirmyndar þessi króna! Endalausar gengisfellingar og leiðréttingar til handa LÍÚ klíkunni og vonlausum landbúnaði í landinu hafa getið af sér 60 ár af gjaldeyrishöftum. Við náðum u.þ.b. 10 árum án þeirra en til þess að fullkomna fáránleikann gaf ritstjóri Moggans viðskiptalegum fábjánum bankana okkur til yndisauka. Gleðin er síðan hamslaus þegar menn fagna því að gengið falli um 50% yfir nótt – og þannig án blóðsúthellinga megi velta byrðunum á þorra almennings. Krakkar – komm onn!
Það er ekkert nýtt í stöðunni. Íslendingar berja hausnum við steininn og halda að útkoman verði önnur en 1930, 1960, 1980 eða 2000. „Sjáið bara Írana og Grikkina!“ – og loka síðan augunum fyrir hruni gjaldmiðilsins og afneita höftunum sem koma í veg fyrir algjört hrun. Sömu LÍÚ meðulin eru notuð með ósk um aðra niðurstöðu. Það mun hins vegar ekkert breytast. Einn plús einn er og verður tveir. Íslensk króna og íslensk frændhygli getur ekki af sér víðsýni og framþróun – hér mun áfram ríkja stöðnun og þráhyggjuhugsun með dassi af forheimsku.
Nei við skulum ekki einu sinni reyna að semja við ESB – hvað þá heldur að skoða samning við það arma samband. Gjaldeyrishöftin hafa löngum reynst best rétt eins og það er langbest að beita sauðfé á örfoka land. Tökum þrjú núll aftan af krónunni næst – þá dugar hún án efa í 40 ár til viðbótar. Gullfiskarnir læra aldrei af reynslunni. Húrra fyrir Bjarti í Sumarhúsum – hann lengi lifi!
Grímur Atlason @ 21. maí, 2011
Sæll Grímur,
ég er sammála þér að krónan hafi rýrnað í verði en síðan erum við ósammála um gjaldmiðla.
1. Hvað eru peningar, hver býr þá til, hver stjórnar magni þeirra?
Þetta eru þær spurningar sem við þurfum að finna svörin við og þegar því er lokið breytist margt.
http://blog.eyjan.is/gunnarsa/2011/05/18/ad-thurrka-rykid-af-peningunum/
http://blog.eyjan.is/gunnarsa/2011/05/17/hitamaelirinn-hans-arna-pals/
http://blog.eyjan.is/gunnarsa/2011/05/15/drokmur-kronur-og-evrur/
kk
GSA
Hvað kemur þessa þula landbúnaði við? Hvernig væri að sýna örlitla stillingu. Lágmarkskrafa er að útskýra hvað það er nákvæmlega, sem þessi reiðilestur tengist landbúnaði.
Humm – ekki nema því að landbúnaðarkerfið íslenska er þvæla. Við erum í vanda og höfum verið í áratugi. En það breytist ekkert…
Bjartur var ekki svo slæmur, alla vega ekki eins slæmur og LÍÚ.
Eftir nokkur ár af efnahagslegum vandræðum. Þá munu íslendingar neyðast til þess að skera tvö núll af íslensku krónunni enn á ný.
Þetta er bara spurning um tíma hvenar þetta gerist. Ástæðan er augljós. Það verður óstjórn sjálfstæðisflokksins og framsóknarflokksins sem mun skila þessu til íslensku þjóðarinnar.
Það sem íslenska þjóðin mun freistast til þess að hleypa þessum stjórnmálaflokkum aftur til valda á Íslandi. Vegna þess að íslenska þjóðin trúir vitleysunni sem kemur frá þeim.
Góð grein sem lýsir vel svokölluðum hugsanagangi Íslendinga.
Það verður ekki krónan sem bjargar okkur. Mesta hættan sem vofir yfir okkur er að íhaldið og framsókn komast til valda, eftir að hafa lamið það inn í hausinn á fólki að núverandi ríkisstjórn hafi valdið hruninu. Það er meira en 5% þjóðarinnar hálfvitar, það eru um helmingur sem segist kjósa B eða D samkv. skoðanakönnunum.
Þú ert bara brjóstumkennanlegur ESB aftaníossi og sérð enga framtíð fyrir land okkar og þjóð öðruvísi en innlimuð í þ4etta miðstýrða og gjörspillta ESB apparat !
Þér er eiginlega bara þvílík vorkunn !
Þú ættir að vera hér í atvinnuleysis- og nú uppreisnarlandinu og ESB sælunni Spáni, þar sem u.þ.b. helmingur ungs fólks gengur um göturnar atvinnulaus í boði ESB elítunnar og AGS !
Volæðið og vesöldin hér er alger undir stjórn Spænsku Samfylkingarinnar sem hefur nú í örvæntingu sinni og í panik ástandi bannað öll friðsöm mótmæli svipað og einræðisstjórnir Araba einræðisríkjanna hafa gert !
Ertu ekki á einhverjum villigötum Grímur !
Skoðaðu virkilega málið og taktu ofan ESB elítu gleraugun !
Þetta er svo sorglega satt – enda er æðruleysi nauðsynleg dyggð hér. Bara til að halda sönsum.
@Níels
„Bjartur var ekki svo slæmur, alla vega ekki eins slæmur og LÍÚ.“
Lestu bókina fyrst. – eftir að þú ert búin svaraðu eftirfarandi.
1. Líf hvaða persónu snertir Bjartur?
2. Hver er fyrsti barnsfaðir Ástu Sóllilju?
3. Hvert er Bjartur að fara með fjölskylduna í lok sögunar?
Mig grunar að flestir þeir sem vitna í þessa sögu hafa annaðhvort ekki lesið bókina eða sem verra er skilið það sem þeir voru að lesa.
Því að mínu mati þá er það ekki sæmandi að kenna nokkurn mann við Bjart í Sumarhúsum, frekar en það er sæmandi að kenna mann við alræðishyggju.
Reyndu að útskýra þessa þvælu aðeins betur. Þegar að fullyrðingum eins og þessari er kastað fram er lágmarkskrafa að gera grein fyrir hvað þú ert að tala um.
Annars flokkast þetta undir að vera skítkast.
Vá, hvað sumir hafa farið öfugum megin fram úr þegar þeir vöknuðu. „kannski vinstra megin?“
Þvæla? 11 milljarðar árlega í kerfi sem gagnast bændum lítið sem ekkert. Þeir þurfa kvóta í mjólk og sauðum – borga bankanum beint alla beingreiðsluna. Kerfið byggir á miðstýringu hvar gæði er ekki endilega lykillinn að velgengni. Þetta er framleiðslukerfi og barn síns tíma – reyndar aldrei virkað sem skildi. Yfirbyggingin á hótel Sögu kostar 600 m.kr. Þetta er aðeins hliðin sem snýr að bændum – hvað með neytendur í þessu landi? Er skynsemi í þessu kerfi? Nei – ég bæti frekar í en að gangast við því að ég fari með þvælu!
Svona að lokum þá kostaði áskrift að Mogganum 65 kr. á mánuði fyrir 49 árum eða 65 aura í nýkrónum. Verðlagið hefur 6600 faldast frá 1962. Ég elska þig ó-króna…
Þvælan er sem sagt niðurgreiddar vörur. Stundum kallað beingreiðslur eða styrkir til bænda. Þetta er sú aðferð sem notuð er í vestrænum heimi til að tryggja öllum aðgang að viðráðanlegu verði á matvörum. Í flestum kjarasamningum er farið fram á að stjórnvöld tryggi lágt vöruverð. Og þetta er sú leið sem hefur verið farin. Neytendur hafa valið þessa leið. Bændur hafa ekki valið hana.
Ísland í ESB yrði bara eins og Goðmundur á Glæsivöllum.
Allir vita hvernig fór fyrir þeim ágæta manni og þeim biturleika sem hann varð fyrir eftir að hafa dvalið að Glæsivöllum.
Þannig mun litla Ísland verða innan ESB, leiksoppur stóru landanna í ESB, jafnvel þó að Goðmundur reyni að koma til baka í líki Garðars Hólm.
Það er ekkert að því að borga 11 milljarða í landbúnaðarkerfi jafnvel 20 en það þarf að virka. Það eru fleiri ríki en við sem styðja landbúnaðinn eins og þú réttilega bendir á Kristinn en íslenska kerfið virkar bara ekki. Við erum enn í miðstýrðu kerfi sem heldur bændum í hlekkjum og bankarnir græða. Þessu þarf að breyta!
Það er makalaust að lesa kommentin hérna.
Það er semsé í lagi að Íslendingar greiði hæstu skatta til landbúnaðar á byggðu bóli og fá „í staðinn“ eitt hæsta verð sem einnig finnst á byggðu bóli.
Þeir sem klappa fyrir þessu rugli eiga ekkert betra skilið. En við hin sitjum uppi með moðhausana.
Þessa þjóð vantar greind.
Ég ætla ekki að fara út í framkvæmd greiðslna í landbúnaði. En kjarni málsins er að þetta er leið vestrænna ríkja til að tryggja öllum aðgang að matvöru, á viðráðanlegu verði. En öllum fullyrðingum um hæstu skatta vegna landbúnaðar og hæsta verð á landbúnaðarvörum verð ég að andmæla. Tölur um þetta liggja fyrir og fullyrðingar út í bláinn þjóna engum tilgangi nema að rugla umræðuna. Önnur hlið landbúnaðarmála eru stórkostleg undirboð á vörum frá ríkjum þar sem bændum er haldið í ánauð og verkalýðsleiðtogar teknir af lífi. Höldum dýpt í umræðunni og hættum yfirborðslegu hjali.
Kristinn, gjörðu svo vel. Betra að lesa sig aðeins til áður en maður fer í fullyrðingar um að tölur séu út í bláinn.
http://agflyg.tripod.com/skrif/rikisstyrkir/#b
Ég nenni nú ekki að fara út í markaðskönnun á verði á kjúklingabringum en ef þú finnur mörg lönd með verð yfir ISK 2.500 þá láttu mig vita.
Og í guðanna bænum komdu ekki með fullyrðingar um meint gæði framleiðslunnar. Nema þú sért sérlegur áhugamaður um át á hvítum sykri og sérstakur talsmaður díoxín-áts!
Páll Þór þú getur ekki boðið upp á þetta, vitnar í skólaritgerð í viðskiptafræði. Það lekur þekkingarleysið úr textanum. Sami skilningur og kom frá viðskiptaráði, síðastu daga fyrir hrun. Ég verð að fara fram á meiri víðsýni en þetta þegar að kemur að umræðu um verðmyndun í landbúnaði.
Kristinn.
Ég pikkaði þetta upp af netinu. Það er ekki erfitt að finna ýmislegt gagnlegt um gríðarlegan kostnað Íslendinga af landbúnðarkerfinu sem framkallar m.a. skert lífskjör. Í greininni kemur skýrt fram í töflu, hversu mikið Íslendingar hafa greitt til landbúnaðar í samanburði við OECD sem við viljum allavega á hátíðardögum, bera okkur saman við.
En það er ábyggilega til betra efni.
Það þýðir ekki sitja og biðja um „víðsýni“ og lýsa yfir „andmælum“ án þess að leggja fram nokkur rök.
Sannleikurinn er sá að verð á landbúnaðarafurðum er slíkt að það telst varla vera „viðráðanlegt“ og síst af öllu þegar gæði eru skoðuð. Ostagerð á Íslandi er gott dæmi um hörmulega framleiðslu sem stenst engan samanburð við gæði margra annarra landa. Jógúrt, skyr og flestar aðrar mjólkurafurðir eru keyrðar upp með gríðarlegum sykri sem gerir þær ámóta hollar og kóka kóla. Og á okurverði.
Og Kristinn, ertu búinn að gera verðkönnun á kjúklingabringum, þú hlýtur að geta boðið okkur víðsýnt og viðráðanlegt verðtilboð. Mæli með að þú bíðir eftir næsta innflutningskvóta, þá ræðurðu við innkaupin!
Kannaðu tölur frá Hagstofunni og Bændasamtökunum á þá sérðu að verð á matvöru er mæld sem hlutfall af launum. Þá sérðu að við íslendingar komum vel út í verðsamanburði. Varðandi gæði þá stöndum við vel að vígi hvað snertir gæði í frumframleiðslu. Við erum hinsvegar ekki framarlega í sérframleiðslu enda áhuginn hér mestur á vörum á bónusverði. Að bera saman verð á einstökum vörutegundum er ekki gott. Við getum báðir komið endalaust með einstök dæmi. Þú getur fengið ósykrað skyr neytandinn hefur valið. Mundu að greiðslur til bænda eru niðurgreiðsla til neytenda þannig að allir hafi aðgang að matvöru á viðráðanlegu verði. Þetta er ekki ölmusa til bænda. Þú veist að ástandið í Norður-Afríku tengist m.a. verði á matvöru.Verð á matvöru er flókið mál (pólitískt) og snýst ekki um verðsamanburð á kjúklingabringum á milli einstakra landa.
Kristinn.
Þú ert grínari. Heldurðu að þið i Bændahöllinni hafið trúverðugleika til að sýna raunverulegan verðsamanburð??
Hræddur um að lítið sé að marka tölur sem eru afleiddar með launum. Næst sýna Bændasamtökin að íslenskur ostur sé í raun góður, ef miðað er við skóstærð!
En látum þig njóta vafans. Þú segir að við komum svona vel út úr verðsamanburði og gæðum. Þá er ekki annað en að hefja upp svokallaða samkeppni (veit þú skilur ekki orðið en þú getur leitað upplýsinga hjá ráðgjafa). Hefjum innflutning á mjólkurvörum og keti án verndartolla og látum reyna á fullyrðinguna þína. Þá kemur væntanlega í ljós enginn kaupir vondu og dýru erlendu vörunar. Eða ekki……
Páll Þór ég grínast ekki með þessi mál. Eini marktæki samanburðurinn milli landa, er hve stór hluti af launum þínum fer í matarkaup. Ég benti þér einnig á Hagstofuna. Af hverju ættu Bændasamtökin að ljúga til um tölur sem eru obinberar og allir geta staðfest? Allar þessar tölur staðfesta að Íslendingar koma vel út í verðsamanburði.Bændur hafa ekki skotleyfi á neytendur varðandi hækkanir, um það fjallar verðlagsráð þar sem fulltrúar neytenda og stéttafélaga sitja. Samkeppni í landbúnaði og frjáls viðskipti þarna hittir þú á kjarna málsins. Í raun eru ekki til frjáls viðskipti, markaðurinn stjórnast af undirboðum með vörum framleiddum við kringumstæður þar sem samkeppnislög og eða mannréttindi eru brotin. Svo er það spákaupmennskan þar liggur versti óvinur almennings, í því kerfi er systematískt tappað út fé sem almenningur síðan fjármagnar Leið vestrænna ríkja til að koma í veg fyrir viðskiptalegt ofbeldi er að leggja á tolla. Við getum alveg tekið þátt í leiknum og flutt hér inn ódýrt vinnuafl og sparkað því svo út þegar við erum búin að notast við það. Við getum gefið skít í siðferði, lög og reglur og látið ofbeldi og glæpsamlega hegðun ráða hér för. Ég vona að kreppan kenni mönnum að í viðskiptum þýðir ekki að stytta sér leið.
Kristinn – þetta er bara út í hött hjá þér! Matvælaverð er og hefur verið gríðarlega hátt á Íslandi um langt árabil. Laun hafa verið talsvert há líka en það breytir þeirri staðreynd ekki að íslenskir neytendur borga meira fyrir matarkörfuna en nágrannar þeirra. Hrunið kom því vissulega þannig fyrir að mjólkurfernan í Brugsen í Danmörku hækkaði um helming. En launin hækkuðu líka um helming. Að kaupa í matinn í Kaupmannahöfn svíður hafi maður íslenska bankainnistæðu.
Skýrsla frá 2004 bendir á að íslendingar borgi u.þ.b. 50% meira fyrir matarkörfuna að meðaltali til samanburðar við lönd í ESB. Lægstur var munurinn um 20% en hæstur um 80%. Þetta hefur ekkert batnað – hvað sem Bændahöllin heldur fram.
Kristinn.
Það er bara til einn verðsamanburður. Og sá samanburður er hreinn og beinn. Um leið og farið er að taka aðra þætti inn í útreikninginn s.s. laun, VSK, skatta, tekjuskatta, lífeyrissjóð og svo framvegis er hægt að reikna sig í hvaða útkomu sem er.
Þú ert kominn út um allar trissur í málflutningi þínum. Ég ætla ekki að elta ólar við það, en þakka fyrir spjallið og Grími vil ég þakka sérstaklega fyrir góðan pistil og viðbætur.
Hvort þú þarft t.d. að eyða 20% eða 30% af launum í mat skiptir öllu máli þannig kemur heildarkaupgeta í ljós. Víðan völl segirðu, verðmyndun á matvöru er er ekki einfalt mál.
Varðandi matarkörfuna Grímur þá gleymdu því ekki að í henni eru líka innfuttar vörur sem bera enga tolla. En annars þá þakka ég líka fyrir mig. Að lokum, þá er landbúnaður ekki aðalvandamál okkar íslendinga í dag