Grímur AtlasonSorrý en þannig er þetta bara…
Óflokkað | Ummæli (15) Facebook
Blogg mitt um Gugguna Gulu fór fyrir brjóstið á mörgum. Málflutningur minn er kallaður upphrópana málflutningur laus við alla yfirvegun og annað í þeim dúr. Ég er sakaður um árásir á Vestfirðinga og að ég hafi lítið til málana að leggja sem megi m.a. sjá á afrekaleysi mínu í Bolungarvík og á þeim hörmungum sem ég kallaði yfir þá mætu byggð. Ég hef m.a. mátt þola svívirðingar þar sem ég var staddur með syni mínum á fótboltaleik vegna þessa.
Ég hef hlustað á málflutning varðhunda kerfisins um árabil. Þeir nota alltaf sömu tugguna: yfirvegun, stöðugleiki, engar kollsteypur og ala síðan á ótta í samfélögunum sem þeir drottna yfir. Þeir reyna allt sem þeir geta til að draga úr trúverðugleika þeirra sem þeim eru ekki samála og virðist á stundum fátt vera heilagt. Enda snýst þetta um talsvert mikla peninga – gríðarlegt magn peninga.
Flestir útgerðarmenn eru ábyrgir og ágætir rekstrarmenn sem leggja stund á fiskveiðar sem skila samfélaginu sem þeir gera út frá miklum gæðum. Vandinn liggur hins vegar í því, að við innleiðingu stóra og litla kvótakerfisins og framsalsins í kjölfarið, beið margra þessara útgerðarmanna hundruð milljóna ef þeir seldu þessa svokölluðu eign sína. Það er mannlegt að standast ekki slíkar freistingar og eðlilegasta mál. Afleiðingarnar geta hins vegar verið mjög alvarlegar eins og dæmin sanna: Reyðarfjörður, Súðavík, Raufarhöfn, Flateyri, Þingeyri o.s.frv. Síðan létu margir þessara kvótaeiganda ekki þar við sitja heldur tóku til við að stunda spekúlasjónir í kauphöllum – með hörmulegum afleiðingum.
Verjendur kerfisins nota talsvert frasa eins og: arðsemi, hagkvæmni, straumlínulagaður rekstur, nútíminn o.s.frv. Þeir segja að með kerfinu hafi tekist að snúa vörn í sókn og í stað gjaldþrota og illa rekinna fyrirtækja eru komin lífvænleg öflug fyrirtæki. Er það svo? Grein sem skuldar 500 milljarða á að mínu mati fátt skylt við arðsemi og lífvænlegan rekstur. Vissulega finnast vel rekin fyrirtæki en heildin er í vanda. Kvótaverð og leiguverð snýst ekki lengur um framboð og eftirspurn heldur stöðu fjármálastofnana – kvótaverð er þannig í dag úr samhengi við raunveruleikann. Það má ekki hleypa lofti af blöðrunni.
Þetta er að bitna byggðum út um allt land og staðan er grafalvarleg. Þeir sem voga sér að benda á að keisarinn sé í engum fötum eru umsvifalaust úthrópaðir og rægðir. Á móti landsbyggðinni, meintar syndir þeirra og afglöp eru dregin fram í dagsljósið – allt til að draga úr trúverðugleika þeirra. En það því miður bara þannig komið fyrir þessu kerfi að keisarinn hann er í engum fötum lengur. Sorrý en þannig er þetta bara…
Að lokum vil ég benda á framtíðin liggur í landið eitt kjördæmi, einum sýslumanni og ekki fleiri en 12 sveitarfélögum. Gefum smákóngunum frí…
Grímur Atlason @ 24. janúar, 2011
Og flotinn eldist og það er ekki hægt að endurnýja nema fá meiri lán því að það er búið að hirða alla peninga og rúmlega það. Nema leigja út kvótann meðan skipið er í smíðum………?
Grímur,
Þú gleymir einu sorglegasta dæminu um kvótabrask.
Það er Grímsey.
Kynntu þér það mál. Það hefur ekki farið hátt.
Grímur hvernig væri nú að koma fram með staðreyndir í stað þess að skálda sjálfur tölur eða koma fram með lygar?
Eins þau svör sem Ólína fékk þá eru skuldir sjávarútvegsins á Íslandi 404 milljarðar króna. Afskriftir eru 6,6 milljarðar króna og þar af er fimmtungur afskrifta tilkomin vegna fyrrningarleiðarinnar á Rækjukvótanum sem keyrði Byggðastofnun í gjaldþrot.
auðvitað bitnar minni afli á byggðunum. að fara úr 400 þúsund tonnum af þorski niður í 160 þúsund tonn bitnar á byggðum landsins. viltu þú auka veiðar upp í 400 þúsund tonn? eða eiga menn bara að veiða minn hver bátur og stunda sjómennsku og útgerð sem hobbí?
Þegar þú ert fúll yfir því að menn bendi þér á staðreyndir þá er það ekki góð lenska að bæta um í bullinu og ljúga þegar staðreyndir liggja á borðinu fyrir framan þig. eða viltu kannski ekki kynna þér staðreyndir í sjávarútvegi vegna þess að það hentar ekki þínum pólitíska metnaði og lýðskrumi?
Grímur hvar er fiskurinn unnin?
hann er unnin úti á landi. það eina sem getur snúið við því ferli sem hefur verið í gangi síðustu þrjá áratugi væri að færa veiðarnar upp í 400 þúsund tonn (helmingin af stofnstærð þorsks samkvæmt mælingum hafró) og svo banna alla tæknivæðingu t.d. eins og að banna notkun lyftara í verkunum. þá myndi störfum fjölga all hresilega. er það þín framtíðarsýn?
já og svona eitt að lokum.
fyrir hrun þá hefðu þessar skuldir staðið í 200 milljörðum.
myndiru segja að það ætti að taka af fólki eignir þeirra vegna þess að lánin hækkuðu útaf falli krónunar? þú ert að tala um að taka eigi fyrirtækin af eigendum útaf hækkun skulda vegna falls krónunar. á þetta bara við í sjávarútvegi eða í öllum atvinnugreinum landsins?
er þá ekki komin tími til að ríkið taki yfir OR af reykjavíkurborg? skuldirnar þar eru jú margfalt hærri en tekjur og samanburði við sjávarútveg þá ætti að vera búið að úrskurða OR gjaldþrota miðað lýsingar þínar á útgerðum landsins.
Takk fyrir baráttuna Grímur. Svo vill ég segja að þessi komment frá Fannari eru algjörlega óskiljanleg og bera merki mikillar taugaveiklunar.
Þetta er allt rétt sem þú segir en þar fyrir utan má ekki gleymast að með kvótakerfinu kom sóunin; brottkastið, sem sviftir þjóðina enn frekar arðinum af þessari auðlind.
Þetta er nú s.s. sama rekstrarsaga og hjá eiginlega öllum rekstri í landinu undanfarin ár en þetta er allt satt og rétt hjá þér. Sorglegt að koma í byggðir sem hafa fjarað út eins og Patreksfjörð og Raufarhöfn.
Held að vísu að landsbyggðin muni aftur eiga sér framtíð eftir c.a. 10 ár þegar viðhorf fólks breytist og það fer að kunna að meta að búa dreift jafnvel þó vinna þess verði aktursleið eða netleið frá.
Góður pistill og ég er þér mjög sammála og þá ekki síst síðustu setningunni!
Það er staðreynd sem að vart þarf að rökstyðja að við úthlutun auðlindar þjóðar til eins umfram annars, hvort sem er í langtíma nýtingarrétti eða til eignar, er það stjórnvald sem þá ákvörðun tekur strax búið að framkvæma gjörning sem gegngur beint gegn jafnræðisreglu og og því jafnrétti laga sem hafa ber í heiðri í lýðræðisríki… Svo hefst hin virkilegi glæpur gegn þjóðinni þegar stjórnmálaöflin sitjh asem fastast á þingi til að viðhalda óbreittu ástandi fremur en að vinna að almannahagsmunum…. Þetta er einhvernvegin allt voðalega í andkverfu við við tilgang sinn… þ.a.s Lýðræðið… Ég óttast að þetta muni ekki breitast…
Togveiðar með átta þúsund hestafla dísiltogara til þess að frysta aflann eru rugl, bæði frá sjónarmiði umhverfsins og hagkvæmni. Krókaveiðar eru umhverfisvænar og ódýrar. Það er hagkvæmast fyrir sjómenn að aflanum sé sem minnst klappað hérna innanlands áður en hann fer á markað. Evrópubúar líta á frystan fisk sem gallaða vöru. Þar tíðkast að sú matvara, sem ekki selst strax, er fryst til að selja hana fyrir slikk síðar. Ergo; frosin matvara er matvara, sem er ekki í lagi. Tilgangslaust að reyna að breyta þessu viðhorfi. Það á að veiða fiskinn á dagróðrabátum, sem koma með hann ferskan og óskemmdan að landi og flytja hann ísaðan beint á markað og selja hann þannig. Það er margsannað að það gefur hæsta verðið.
Grímur, kvótakerfið var ekki sett á fullskapað í sinni núverandi mynd, á því hafa verið gerðar yfir 200 breytingar gegnum alþingi. Það hafa allir íslendingar rétt til að kaupa sér kvóta og gera út. Sumum tekst vel til, öðrum ekki. Með tíð og tíma detta óhagkvæmari útgerðir út.
Hvernig geturðu fullyrt að kvótakerfinu sé um að kenna að fólk flytji úr þessum bæjarfélögum þegar ástæðurnar geta verið aðrar?
#1 Fiskistofnar hafa dregist saman, t.d. Þorskur úr 400 í 150 þ tonn. Skv. því ætti 3ja hvert bæjarfélag að hafa lagt upp laupana.
#2 Bæjarfélög sem aukið hafa kvótastöðu sína tapa samt fólki, hvernig má það vera
#3 Síminn, Pósturinn, Ríkið o.fl. hafa lagt niður sín fyrirtæki á mörgum þessara staða, gegna þeir ekki samfélagslegum skyldum?
#4 Miklar tækniframfarir í sjávarútvegi fækka störfum.
…kvótakerfið var sett til að takmarka ofveiði, ekki tel ég að þú viljir breyta því.
Ef þér er umhugað um landsbyggðina ættirðu að skoða það sem ríkisstjórnin boðar. Ef þú hefur einhverntíman komið nálægt fyrirtækjarekstri áttarðu þig á því að fyrirtæki þurfa fjármagn til að borga laun, viðhalda skipum, tækjum og húsnæði. Þróa vinnslu og tækni, vinna í markaðsstarfi o.fl. Þegar ríkið ætlar sér þessa peninga verður ekkert eftir fyrir hitt. Það þýðir lægri laun og færri störf. Hvar eru þessi störf í dag, jú úti á landi? Störfum fjölgar kannski eitthvað hjá ríkinu á móti (í Rvik).
Nú á að vinda ofan af þeirri hagræðingu sem orðið hefur í sjávarútvegi með því að taka fjármagnið út úr greininni, fjölga skipum og auka kostnað. Meðan greinin drabbast niður ætlar ríkið að passa upp á verðmætu ríkisstörfin. …svona eins og að pissa í skóinn sinn, því þeim mun fækka þegar peningarnir þorna upp í sjávarútvegnum vegna stöðnunar.
Hvað telur þú að boðlegt sé að sjávarútvegurinn beri miklar skuldir? Skuldirnar eru 400 milljarðar ekki 500, sem eru 20% betri staða en skv. grein þinni – skiptir það einhverju máli fyrir afstöðu þína. Eða er það bara óhagganleg skoðun þín að íslendingum sé betur borgið með að veðja á að kerfi búið til af fólki sem ekki hefur reynslu af öðru en ríkisstörfum muni skila landinu meiru?
…svo leggurðu sjálfur til í lokin að leggja niður störf á landbyggðinni.
Hér er verið að snúa út úr. Framsalið er bölið sem drepur en það er hluti af fiskveiðistjórnunarkerfinu. Það að vera á móti framsali þýðir ekki að maður sé á móti fiskveiðistjórnunarkerfi.
Byggð verður síðan ekki viðhaldið með atvinnubótastörfum í formi 24 sýslumanna, 77 sveitarstjórna (oddvitar-bæjarstjórar o.s.frv.), einmenningsstofnanir og það pot sem komið hefur verið niður hér og þar. Þannig molnar byggðin að innan.
Grímur, þetta er eins og talað út úr mínu hjarta. Það er „kjaftæði“ að halda því fram að við séum rík þjóð, án þess að við fáum sanngjarna rentu af okkar auðlindum (lesist og skiljist að renta auðlindarinnar skiptist á milli þeirra sem bjóða í kvótann á markaði og þjóðarinnar). Dettur einhverjum í hug að BP hafi fengið að dæla upp olíu í Mexíkóflóa endurgjaldslaust? Í sjálfu mekka kapítalismans? Það málamynda auðlindagjald sem sjávarútvegurinn hefur búið við er í raun verra en ekkert, það gerir grín að þjóðinni. Voru það ekki stjórnvöld (lesist þjóðin) sem vann landhelgisstríðin? Það ástand sem hér hefur ríkt minnir illilega á rán vesturveldanna fram yfir miðja öldina á olíuauðlindum Mið-austurlanda og S-Ameríku. Við erum ekki lengra komin. Til hamingju skafti & Co með að hafa fengið stjórnlagaþingið ógilt!
Þetta er fín grein hjá þér Grímur ég hvet þig til þess að halda áfram á sömu braut.
Það er með ólíkindum að nokkur skuli treysta sér til þess að mæla kerfinu bót. Þorskaflinn kominn niður í 160 þús tonn, fjöldi byggða misst atvinnurétt sinn og jafnræðisregla stjórnarskrár ekki virt.
Markmið kerfisins hafa ekki náðst.