Grímur AtlasonGuggan er löngu hætt að vera gul
Óflokkað | Ummæli (22) Facebook
Eyraroddi farinn á hausinn. Það kemur ekki á óvart – lá í loftinu frá byrjun. Hinni seldi kvótann frá Flateyri og við tók fyrirtæki sem að mestu byggði á leigukvóta sem er vonlaust apparat ef menn ætla á annað borð að reka fyrirtæki. Leigukvótinn er eins og sumir þora að viðurkenna afleiðing kvótaframsalsins.
Mér þótti það undarlegt að lesa hvað Brynhildur Einarsdóttir, Flateyringur og systir framkvæmdastjóra Eyrarodda, hafði að segja um málið á fésbókarsíðu sinni um málið:
„Að leggja landsbyggðina í rúst er helsta mál á dagskrá hjá ríkistjórninni! Sjávarútvegurinn er í frosti og fyrningaleið ríkistjórnarinnar mun gera nær öll fyrirtæki í sjávarútvegi gjaldþrota. Guð blessi landsbyggðina.“
Nú þurfa Vestfirðingar að átta sig á því í eitt skipti fyrir öll að það er framsal aflaheimilda sem skapar hörmungarnar. Steingrímur og Jóhanna hafa vissulega verið deig í mörgum málum og ýmislegt farið miður á þeirra vakt – en kerfið, sem vinir ykkar í Sjálfstæðisflokknum verja með kjafti og klóm, er orsök eymdarinnar. Það er með ólíkindum að flokkur sá stjórni enn öllum byggðarlögum á Vestfjörðum. Hvenær ætla menn að vakna? Kannski þegar Kobbi hefur selt allt sit Samherja eða þegar Guggan híar á ykkur?
En kannski trúa menn ennþá hótununum hans Hinna sem sagði verkafólkinu sínu rétt fyrir kosningarnar 2007: „Ég loka ef 3. maður Sjálfstæðisflokksins kemst ekki inn.“ Þriðji maðurinn komst inn en Hinni seldi allt og lokaði þremur vikum síðar.
Grímur Atlason @ 18. janúar, 2011
Nú verðum við að vona að ríkisstjórnin standi við stóru orðin og innkalli kvótann – STRAX! Þegar hann verður svo boðinn út að nýju, þarf að tryggja að tiltekið magn af honum VERÐI að veiðast frá Vestfjörðum. Önnur byggðarlög hafa aðra möguleika.
Því miður stóð aldrei annað til þarna en að gera út á afskriftir, Byggðastofnun og Byggðakvóta undir því yfirskyni að verið væri að bjarga Flateyri. Því miður fyrir “eigendur“ þá var ekki hægt að vera á beit í sjóð 9 þegar taka 2 hófst.
hvar ætlaru að loka til að opna á Flateyri aftur fiskverkun?
kannski flytja allan afla frá Hnífsdal og loka þar og segja upp starfsfólki?
Kannski loka á Siglufirði? eða Ólafsvík? eða …. hvar á að loka?
taktu eftir að það vildi engin útgerð í Ísafjarðarbæ vinna með því engin þorir að gera neitt á meðan þú og aðrir standa í stöðugum hótunum.
með populista stjórnmálamenn eins og þú vaða upp í umræðunni og færa engin rök fyrir sínu máli aðrar en einhverjar tilfinningar mun áfram allt hnigna í þessu landi.
Ef þú og aðrir sem hæst hafa í umræðunni viljið sjávarbyggðum vel þá þarf að auka aflaheimidlir. annars ertu bara að flytja vandamálið um stað.
samt alveg ótrúlegt að heyra í ykkur rausið. þú og fleiri talið um hvað það sé slæmt að frjálsaframsalið sé til staðar en viljið síðan byggja upp nýtt kerfi sem verður í öllum höfuðatriðum byggt á því sem þið teljið verst í núverandi kerfi. framsal, leiga og uppboð á aflaheimildum.
svona svipað gáfulegt og ef maður færi að skipta um bíl því hann kvartaði yfir því hvernig vélin væri í honum. kaupa svo nýja og láta flytja vélina úr gamla bílnum í þann nýja. hvar endar þessi vitleysa í þér? kannski með því að þú leggir til að það verði reistur Sundlaugagarður í hverri byggð?
Það liggur í augum uppi fyrir alla sem vilja sjá að ástandið á Flateyri og raunar miklu víðar er afleiðingar Kvótakerfisnis.
Kvótann verður að innkalla og það er eitt af gríðarstóru málunum, kannski það langstærasta
Frjálsar handfæra eða smábátaveiðar leysa byggða, fátæktar
og atvinnuvanda Íslendinga!
Það var ekki framsal aflaheimilda sem skapaði „hörmungarnar“. Það er kolrangt. Sá gjörningur að takmarka veiðar gerði það ásamt tækniframförum í greininni.
Í ofanálagt hefur verið dregið verulega úr veiðiheimildum við Ísland síðan að sjávarbyggðir voru fleiri.
Það að draga úr t.d. þorskveiðum, 400 þús. tonnum í 160 þús., tonn þýðir fækkun starfa og þar af leiðir gjaldþrot eininga sem hafa ekki aðgang að hráefni. Framleiðslugeta frystihúsa á Íslandi er töluvert meiri en nauðsynlegter, það ættu í raun ekki að vera nema ca 5-6 vinnslur á Íslandi, þannig væri hægt að borga góð laun til fiskverkafólks.
Ef það er vilji er til þess að vinda ofan af þessu kerfi þá þurfa menn að átta sig á afleiðingunum. Þær verða að sjávarútvegurinn hættir að skila arði til samfélagsins eins og hann gerir nú og hann breytist í ríkisstyrkt apparat með mjög illa launauðum störfum í landi og á sjó og verður baggi á þjóðinni eins og landbúnaðurinn.
Hvers vegna heldurðu að stóru fyrirtækin borgi hæstu launin? Hvers vegna heldurðu að smáútgerðir sem gera út smábáta vilji ekki að þeir sem vinna hjá þeim séu með kjarasamning?
Hvers vegna gat Eyraroddi ekki gengið meðan það eru nokkrar vinnslur á Íslandi sem ganga mjög vel og eiga engan kvóta?
Staðreyndin er líklega sú að Eyraroddi er fyrsta fórnarlamb Ólínu Þorvarðardóttur þingmanns Vestfirðinga í stríði hennar gegn eigendum, lánardrottnum, kaupendum og starfsfólki í sjávarútvegi.
Þegar kvótinn verður innkallaður, hvað verður þá um þau sjávarþorp landsins og þær útgerðir sem standa vel í dag? Þessi Dúddi sagði allt sem segja þarf um þetta mál.
Ef rjúpna eða hreindýraskyttur nota ökutæki við veiðarnar,
þá er það lögreglumál !
Lögsaga Umhverfisráðherra nær aðeins oný fjöru, það sem er
undir yfirborði sjávar kemur honum ekki við,
þar máttu gera það sem þér sýnist og breyta fiskimiðum
Íslendinga í eyðimörk !
Sægreifarnir eru búnir að breyta flestum togurunum í
frystitogara, ekki uggi í land !
Förum að dæmi Norðmanna, og Færeyinga sem senda sína
frystitogara út fyrir 200 mílur.
Norðmenn nýta miðin meira en við með smábátum, það fer betur
með fiskimiðin og lífríkið, árangurinn er augljós,
700.000 tonn þorskur, miljón tonn síld, ýsuveiðar frjálsar.
Ísland 2011, dregin veiðarfæri leyfð upp í fjöru og aflinn
er eftir því, þorskur 160.000 tonn, síld 40.000 tonn,
ýsa 50.000 tonn.
Ætlar enginn að átta sig á þessu, það þarf að fara að veiða meiri fisk ur sjónum, hversu auðtrúa getur fólk verið, það er búið að koma landinu á kaldan klakan út af menntuðum mönnum og konum sem að trúðu á ofurfrjálshyggju eftir leiðum sem voru búnar til úr háskólum og af því miður siðlausu fólki, og enn er barið í hausinn á fólki að það sé hægt að fara hér út hringinn í krínugum landið og talið fiskinn í sjónum, hvernig dettur fólki þetta í hug eftir 25-30 ára niðurskurð á veiðum, ´eg mæli ekki með endalausri veiði enda væru Islendingum ekki treistandi fyrir því ÞAÐ ÞARF AÐ VEIÐA MEIRI FISK ÚR SJÓNUM áður en að náttúrulegt fall verður hér á miðunum við Islandsstrendur, ef að við höldum þessum, því miður rangri styringu, á veiðistjórnun verðum við að veiða eftir önnur 20 ár með þetta kerfi ca. 30 -50 þús. tonn af Þorski og öðrum tegundum hér við Islandsstrendur.
Raus er þetta með norðmennina og 200 mílurnar. Norðmenn veiða mest allan sinn togarafisk í Barentshafinu innan 200 mílna frá Noregi og veiða vel. Utan 200 mílna við Ísland er engin botnveiði enda botnlaust hyldýpi þar nema þar sem okkar lögsaga liggur að lögsögu annara ríkja. eigum við ekki bara að gerast landhelgisbrjótar hjá Færeyingum eða Grænlendingum. Það er lágmark að fólk viti hvað það er að tjá sig um.
Fristitogaravæðingin er að ganga til baka gott fólk og menn farnir að átta sig á því að ferskur fiskur er verðmætari en frosinn. Ef það á að smábátavæða Ísland er lágmark að trilluútgerðin geri kjarasamning við sjómenn. Og ætla menn að gera út á smá hornum við suðurströndina. þar sem ein gjöfulustu fiskimið okkar eru. Verði ykkur að góðu. Núna er SA 18-20 m/s og spáir brælu fram á sunnudag.
Æ æ enginn fiskur til að vinna, það kemst ekkert horn á sjó.Heim með ykkur í frystihúsinu, ríkið borgar ykkur laun þangað til hægt er að róa.
Nei förum ekki fimmtíu ár aftur í tímann, lifum í núinu.
Kv. Valmundur
lítil veiði núna má aðalega rekja til lagasettningar 2007 sem núverandi ríkisstjórn vill ekki afnema. lagasettningin byggir á því að aðeins meigi veiða 20% af stofnstærð. fyrir þann tíma mátti veiða 25%. í Þorski þá er þannig farið að stofnstærð hans mælist núna yfir 800 þúsund tonn af Hafró. Hafró hefur að því er virðist verið mjög nálægt réttri tölu þegar kemur að lágmarksstærð. skekkju mörkin í mælingum getur alltaf verið einhver og betra er að vanáætla stofnstærð heldur en að ofáætla. aflalausu árin í loðnunnu og hrun síldastofnsins á sínum tíma ættu að hafa kennt okkur það.
en hvað þýðir það að stofnstærð Þorsksins sé komin yfir 800 þúsund tonn? Það þýðir að ef 25% aflareglan væri í dag þá væri þorskvótinn yfir 200 þúsund tonn í stað þessara 160 þúsund tonna sem hann er í í dag. miðað við stöðuna þá væri nóg framboð á leigumarkaði og nóg framboð til sölu frá útgerðum sem hafa þurft að kaupa aflaheimildir til að lifa skerðingu undanfarinna ár af. þá væru menn í vandræðum með að veiða þann afla sem þeir hefðu heimild til að veiða og miðað við að útgerðir eru skyldugar að veiða um og yfir 90% af heimildum sínum þá ætti að vera nóg til fyrir þá sem myndu vilja byrja nýjir í útgerð í dag.
þe. ef það eru ekki einstaklingar sem vilja breyta kerfinu þannig að þeir fái allt gefins á kostnað þeirra sem hafa á síðasta aldarfjórðungi og gott betur lagt vinnu og peninga í það að gera út hámarka aflaverðmæti og þar með hag landsins í formi gjaldeyristekna sem gerir okkur kleift að kaupa vörur til landsins, og fá nú ekkert nema vanþakklæti og skammir frá lýðskrumur eins og Grími.
er það ekki nákvæmlega þetta sem samfylking er að leggja til í byggðamálum og fiskveiðistjórnunarkerfi? Að leigja út allan kvóta?
þarna sjá menn svart á hvítu hvernig fer þegar menn leigja kvóta einöngu. Það er tjaldað til einnar nætur. Slíkt er ekki líklegt til árangurs.
Væntanlega hefur Hinni selt kvótann eitthvað annað? Þessi kvóti fer ekki allur úr landi eins og mikið af þeim fjárfestingum sem útrásarfólkið vélaði um með samfylkingu, forseta og öðrum stuðningsmönnum, á milli þess sem menn gæddu sér á rússneskum kavíar og frönskum eðalfreyðivínum?
samfylking verður að koma sér í þá stöðu að axla ábyrgð. Ekki endalaust að gagnrýna allt og alla, en koma aldrei með raunhæfar tillögur. Þetta „Ólínusyndrom“ samfylkingar er reyndar á góðri leið með að koma þeim út úr landsstjórninni, sem mikill fengur væri í, en á meðan þessi flokkur er við völd. Þá verður hann að axla ábyrgð, gera eitthvað annað en að púkka undir mestu einkavæðingu Íslandssögunnar, þar sem fyrrum útrásargosar á borð við Wernarsana, Óla í Samskip og þetta lið fær „annan séns“ eftir að hafa steypt efnahag landsins í glötun.
Fólk þarf ekki að hafa minnstu áhyggjur af því að ríkisstjórnin með „frúnna“ og Steingrím í forystu, hreyfi við kvótanum. Ekki svo mikið sem oggulitlar áhyggjur. Þetta fólk er upptekið við að svíkja öll loforð, standa í spillingarmálum (nýjasta; Vestia, Lífeyrissjóðirnir og Icelandic td.,) og ráða vini sína í óauglýst störf, svo eitthvað sé nefnt.
Að sjálfstæðismenn hafi þá trú á ríkisstjórninni að það verði hróflað við núverandi kerfi, sýnir bara veruleikafyrringu þeirra – nú sem endranær.
Fiskveiðistjórnunarkerfi og framsal aflaheimilda er ekki einn og sami hluturinn. Ef komið er í veg fyrir framsal munu fiskarnir í hafinu ekki fremja hópsjálfsmorð – okkar er að halda í fiskveiðistjórnunarkerfið en henda framsalinu. Að veiða fisk og vinna hann verður arðbært á meðan fólk borðar fisk og kaupir hann. Það eru margir sem geta vel rekið útgerðarfyrirtæki í kringum landið.
Raus um að sjávarútvegsfyrirtæki séu í uppnámi vegna óvissu og fari ýmist á hausinn eða haldi að sér höndum er slíkt dæmalaust rugl. Greinin er yfirskuldsett – kvótinn hækkaði og hækkaði eins og hlutabréfabólan fyrir 2008. Þegar að allt sprakk geta menn ekki veðsett meir og lánamarkaðir lokaðir – ÞESS VEGNA HALDA MENN AÐ SÉR HÖNDUM!
Sundlaugagarður í Bolungarvík kostaði 25 m.kr. en afskriftir bankanna vegna Jakobs Valgeirs í Bolungarvík nema á annan tug milljarða. Það hefði kannski verið ráð að byggja fleiri sundlaugagarða og í stað þess að leggja stund á spekúlasjónir þar sem almenningur var plataður til að eyða peningunum sínum í fáráðlinga…
og hvað á svo að gera þegar veiðiheimildir eru skertar? hvaða framtíðarsýn er hjá þér á sjávarútvegi? á hann að skila hagnaði og eða á hann að vera eins í ESB sem þig dreymir um? ríkisstyrkt atvinnubótarvinna?
hvað vilt þú sjá? að þegar það aflinn er skertur vegna þess að það minna af fiski sjónum að þá komi ríkið til og niðurgreiði tapið? það er jú það sem þú vilt ef þú vilt framsalið í burtu.
framsalið var sett á til þess að koma ríkinu út úr þessi stöðu að vera að borga undir léleg og illa rekin sjávarútvegsfyrirtæki og borga fyrir hagræðingu, sameiningu og fækkun skipa. svona eins reynt er að gera í ESB með misjöfnum árangri.
í stað þess að ríkið og þar með skattgreiðendur tækju á sig kostnað vegna hagræðingar og fækkun skipastóls vegna minnkandi aflabragða þá voru útgerðirnar sjálfar látnar taka það á sig. viltu snúa þessu við og láta ríkið taka á sig kostnaðin?
eða veistu kannski ekkert um hvað þú ert að tala en finnst bara gaman að reyna að búa þér til persónulega vinsældir með lýðskrumi?
í Zimbabwe var nákvæmlega sama orðræða og rök notuð eru notuð hér á landi í dag. ástæðan var meira að segja sú sama í grunninn. þe. að skapa stjórnmálamönnunum sem boða þess stefnu vinsældir til að sigra í kosningum.
þú segir það raus að allt fari hér í þrot en það hefur margsinnis verið bent á hið gagnstæða meðal annars í skýrslu sem sjávarútvegsráðaneyti Jóns Bjarnasonar lét Háskólan á Akureyri gera. þú ættir kannski að byrja á því að hrekja það sem stendur í henni áður en þú heldur áfram að bulla um hluti sem þú augljóslega virðist ekki vita neitt um eða vilt ekki vita neitt um?
Valmundur, lesa betur, ég sagði að Færeyingar sendu sína
frystitogara út fyrir 200 mílur!
Mikið eru við íslendingar heppnir að eiga svona mikla mannvitsbrekku og Grímur er,Húrra,fyrir Grími vitra.
Eru þá engin fyrirtæki á Vestfjörðum síðan 1983 sem hafa náð að kaupa til sín kvóta? Er framsalið ekki gagnvirkt þegar kemur að Vestfjörðum? Er bara seldur kvóti frá vestfjörðum, en enginn kvóti sem fer þangað? Hvað ætli hafi t.d. mikill kvóti flust til staða eins og Bolungarvíkur síðustu fimm árin pr. íbúa miðað við önnur sjávarpláss? Það væri t.d. fróðlegt að bera saman staði eins og Bolungarvík og Sandgerði, sjá tölfræðina hvað hefur mikil kvótatilfærsla átt sér stað? Grímur er auðvitað að lobbíera fyrir sitt fólk í samfylkingunni, það stendur höllum fæti. Skoðanir þeirra í utanríkismálum, þjóðnýtingarmálum, orkumálum, stóriðjustefnu, skattamálum og fleiri veigamiklum málum eru algerlega á skjön við skoðanir langflestra Íslendinga. Þá er allt reynt. Líklega þarf samfylking að koma með einhver ný trix upp úr erminni á næstunni, kúvendinga einu sinni enn. Koma með svona „stóriðjustopp í tvö ár“ leifturherferð til að fiska upp nokkrar auðtrúa sálir sem lesa bara málgögn samfylkingarinnar.
Orðskýringar:
Mannvitsbrekka = vont
Samfylkingarmaður = enn verra (því fer reyndar fjarri að ég sé slíkur)
Zimbabwe = lægra kemst maður ekki
Ólínusyndróm = er eins vont og hvíti dauðinn
En að reka útgerðir út um allt land og veðsetja óveiddann fisk næstu 20 árin og nota peningana í veðmál í kauphöllum -hvað ætli það sé kallað?
Grímur fylgist þú ekki með fréttum eða lokaru eyrunum þegar þú heyrir eitthvað sem fer gegn trúar skoðunum þínum?
það hefur komið fram eftir fyrirspurn Ólínu að allar afsriftir í sjávarútvegi frá hruni nemi 6,6 milljörðum króna. til samanburðar eru afskriftir á öðrum fyrirtækjum og atvinnugreinum milli 50-60 milljörðum og hjá heimilunum er þessi tala í kringum 20 milljarðar.
ef menn taka lán og geta borgað af þeim, er þá eitthvað vandamál.
spurning sem þú veltir hérna upp síðast er kannski þessi: má fjárfesta í öðrum atvinnugreinum? er það stefna þín að banna mönnum sem stunda eina atvinnugrein að fjárfesta í öðrum atvinnugreinum?
menn veðsetja ekki óveiddan fisk. hvurslags útúrsnúningar og vitleysa er það sem þú kemur með. þú ættir nú að gera kröfu til sjálfs þíns að koma með staðreyndir en ekki vitleysu. fyrirtæki veðsetja sig og bátana og er þá metið framtíðar fjárstreymi og hagnaður sem fyrirtækið getur búið til með veiðum. menn sýna fram á tekjur og að þeir geti borgað lánin.
miðað við örð bankastjóranna sem starfa í dag og tölur úr bönkunum þarf minnst að hafa áhyggjur af sjávarútveginum af öllum atvinnugreinum landsins. það var jú einhver hræðsla í ársbyrjun 2009 þegar markaðir tóku mikin kipp niður á við og lán ruku upp. en ástandið hefur batnað til muna.
stór hluti afskrifta af skuldum sjávarútvegsins er tilkomin vegna afnáms kvóta á rækju. þá fór byggðarstofnun í gjaldþrot og ríkið varð að hlaupa til og endurfjármagna stofnunina. það ætti nú að segja allt sem segja þarf hvað gerist ef fyrrningarleiðin er farin eða einhvern álíka vitleysa. allar lánastofnanir landsins fara í gjaldþrot, lán eru óinnheimtanleg því fyrirtækin hafa ekki neinn tekjumöguleika og það er lagt á þau þá kvöð að kaupa aflaheimildir af ríkinu sem þeir höfðu keypt af ríki og sveitarfélögum í gegnum bæjar og kaupfélagsútgerðir aftur.
og þetta er svo ofan á 9,5% auðlindaskattinn og svo alla aðra skatta sem sjávarútvegur þarf að greiða. ef slíkur skattur yrði t.d. settur á OR þá myndi hún tilkynna gríðarlega hækkun á öllum rafmagni og heitu vatni til borgarbúa til að geta borgað eða lýsa yfirgjaldþroti.
svona svo að samanburðurinn sé notaður þá skuldar sjávarútvegurinn í kringum 404 milljarða króna. útfluttningstekjur af sjávarafurðum er í kringum 200 milljarða. allt í erlendum gjaldeyri. skuldir OR er í kringum 250 milljarða. tekjur í kringum 25 milljarða.
og samlíkingin við Zimbabwe á fyllilega rétt á sér. þú ættir að kynna þér hvernig ástandið var þar fyrir 2000 og hvernig ástandið er nú. hvernig og hvers vegna eitt auðugasta land í Afríku, bæði auðlindalega og mannauðslega séð er það fátækasta í dag.
en kannski er líklegast að Grímur styngi bara hausnum í sandinn og vilji ekkert vita sem ekki fellur að hans eigin veruleika.
Liggja nú mörg spjót á Grími en staurinn ekki auðsóttur. Hvernig á atvinnugrein sem skuldar 500 milljarða að greiða skatt? Og hvað eru menn að bulla um eignarétt á kvóta, óveiddum fisk í sjó? Í lögum um stjórn fiskveiða stendur skýrt i fyrstu grein að fiskimiðin og nýtingarréttur þeirra sé þjóðareign. Í veðréttarlögum stendur aukinheldur að bannað sé að veðsetja slíkan rétt. Samkrull banka og útvegsmanna hafa vanvirt þessi skráðu og skýru lög og því sömu aðila að sækja þetta til dóms ellegar taka afleiðingunum. Óvissan um nýtt kerfi er engin miðað við áralanga óvissu núverandi kerfis þar sem enginn þorir að fjárfesta í landi vegna sölu kvótans burt fyrr eða síðar. Menn kvarta um léleg launakjör smábátasjómanna en gleyma að taka með í reikninginn orsökina, nefnilega leiguok hinna stærri. Og til hvers að halda sjófangi í kvóta sem ekki er nýtt í neitt nema tegundartilfærslur? Sýnu verst er þó bullið um nýtt framsal í nýju kerfi. Útfærslur endurúthlutunar geta verið á marga vegu og inniber engin þeirra þá ójöfnun sem núverandi útdeiling er og hefur alltaf verið. Útgerðin fór langt fram úr sjálfu sér og rekja má loftbóluhagkefrfið sem hrundi að miklu leyti til hennar og bankanna. Klippum á þann þráð og undirbúum útgerð á jafnréttisgrundvelli, slíkt er auðvelt enda miðin vannýtt.
Veiðum meira og látum ráðamenn ráða fiskveiðistjórnunarkefinu, ekki hagsmunaaðila.
Grímur hefur rétt fyrir, kvótakerfið er komið að þrotum fram og ónothæft sem framtíðarskipan útgerðar í landinu.
LÁ
Góðan daginn.
Fannar frá Rifi heldur uppteknum hætti og notar það hörmulegasta sem hann þekkir í þessum heimi til að hræða fólk frá því að tala um og hafa skoðanir á illræmdasta kvótakerfi veraldar.
Að allt á Íslandi verði eins og í Hnífsdal og Zimbabwe.
Það sem ekki nokkrum manni dettur í hug orðið að nefna á nafn er „brottkastið“ sem viðgengist hefur í þessu sér íslenzka „aflamarkskerfi“.
Öllum virðist standa á sama þótt 30-50 þúsund tonnum af fiski sé kastað í sjóinn árlega vegna innbyggðra galla kerfisins.
Ætli vigta og tegundasvindl sé ekki álíka mikið og brottkastið ?
Ætlast ráðamenn Íslands til að við ölum upp börnin okkar í slíku stjórnkerfi er lýtur að lang verðmætustu auðlynd þjóðarinnar ?
Þetta er þöggun sem öll þjóðin virðist taka þátt í.
Af hverju ætli það sé ?