Darfur

Óflokkað | Ummæli (4) Facebook

Merkilegt að hugsa til þess hvers vegna Halldór og Davíð ásamt þorra stjórnmálamanna í hinum vestræna heim ruku til og ákváðu að bjarga þjáðum Írökum. Eitthvað hefur björgunin dregist á langinn og menn heyra ekki einu sinni lengur rök eins og: „viljið þið Saddam aftur?”, því svarið er ekki lengur skilyrðislaust nei. Það sjá það allir hvað þessi bjargráð alheimslöggunnar eru tvíbent.  

Írak var vissulega í vondum höndum. En hafi Írak verið í vondum málum – hvað þá með Súdan og Darfur? Þar er hin raunverulegi hryllingur og mest aðkallandi verkefni alheimslögreglunnar. Ég skora á alla að lesa grein Miu Farrow í The Independent sem birtist á morgun. Þar segir hún frá hryllingnum sem fólkið í Darfur hefur mátt þola á meðan vesturveldin líta undan. Af hverju erum við ekki fyrir löngu farin af stað?

Það er gott fyrir kröfuharðan lúxusíbúa eins og sjálfan mig að hugsa áður en ég kvarta næst yfir einhverju hjómi sem engu skiptir.

Grímur Atlason @ 26. ágúst, 2007