Einar Mar Þórðarson

Í síðustu viku lásu viðskiptavinir Bókabúðar Máls og menningar um horfna tíma og öfgakenndan lífstíl Íslendinga, bækur sem fjalla annars vegar um fáranlegt óhóf og hins vegar sára fátækt. Mest selda bókin er Ævintýraeyjan sem fjallar um unga bankastráka sem héldu að þeir vissu ekki aura sinna tal og og lifðu hátt í samræmi við það. Í öðru sæti er svo bókin Svo skal dansa sem fjallar um konur sem bjuggu við svo sára fátækt að þær þurftu að láta börnin sín frá sér.

 

En börn kunna gott að meta enda var Bangsímon í þriðja sæti. Hann er ósköp einfaldur en skemmtilegur bangsi. Kannski eins og bankastrákarnir, á meðan að hin gullni mjöður rennur (hunang eða  ódýrt lánfé) er allt gott en maginn óseðjandi. Læt fylgja með tvö brot úr myndinni um Bangsímon þar sem að bangsinn gæti verið tákngervingur bankastrákanna, Kaninka (kanínan) Gordon Brown og þau sem bjarga Bangsímon úr prísundinni er íslenska þjóðin.

 

Hér er Bangsímon búinn að klára allt hunang Kaniku og kemst ekki út þar sem „hurðin er og lítil“ og er í sömu afneitun bankastrákarnir okkar.

 

http://www.youtube.com/watch?v=csipCXuF47Q

 

Hér er Kaninka búinn að hafa Bangsa í megrun og félagar hans reyna bjarga honum úr prísundinni en það sést ekki í þessu myndskeiði en að sjálfsögðu lendir hann í nýrri hunangsveislu.

 

 http://www.youtube.com/watch?v=5SILGbqgtao

 

 

Metsölulisti Bókabúðar Máls og menningar 8. – 21. október 2009

1. Ævintýraeyjan – uppgangur og endalok fjármálaveldis

Höf. Ármanna Þorvaldsson Útg. Bókafélagið

2. Svo skal dansa – skáldsaga úr veruleikan

Höf. Bjarni Harðarson Útg. Bjartur

3. Húsið á Bangsahorni – Bangsímon

Höf. A. A. Milne Útg. Edda

4. Stúlkan sem lék sér að eldinum

Höf. Stieg Larsson Útg. Bjartur

5. Harmur englanna

Höf. Jón Kalmann Stefánsson Útg. Bjartur

6. Á grænum grundum

Höf. Anne B. Ragde Útg. Forlagið

7. Fölsk nóta – spennusaga

Höf. Ragnar Jónasson Útg. Bjartur

8. Hlýjar hendur, vettlingauppskriftir

Höf. Ágústa Þóra Jónsdóttir Útg. Salka

9. Kuðungakrabbarnir

Höf. Anne B. Ragde Útg. Forlagið

10. Frá Evróvisjón til evru – Allt um Evrópusambandið

Höf. Eiríkur Bergmann Einarsson Útg. Bjartur

 

Félagi minn hér Eyjunni Guðmundur Magnússon skrifar um Bókabúð Máls og menningar þar sem ég starfa. Segist hafa komið nokkru sinnum inn í búðina og þótt viðskiptavinir fáir. Eins og Guðmundur gerir fyrirvara um hefur hann bara komið á vitlausum tímum. Verslunin hefur farið ágætlega af stað þrátt fyrir að kaffihúsið hafi ekki verið opnað. En þess má geta að Súfistinn opnar næstu helgi og þá verður mikil hátíð í búðinni og skemmtilegar uppákomur fyrir unga sem aldna.

Við stefnum að því að verða ,,helsta miðstöð bókavina og menningarvita borgarinnar” eins og Guðmundur orðar það en samt fyrst og fremst staður þar börnum og fullorðnum finnst gaman að koma, glugga í blöð og bækur og fá sér kaffi eða kakó. Töf á opnum Súfistans hefur vissulega staðið okkur fyrir þrifum til að ná þessu markmiði en ástæður tafanna eru óviðráðanlegar enda í formi erfiðleika við innflutning á vörum og gjaldeyrishöft. En þegar að Súfistinn opnar verða Súfistakvöldin endurvakinn og stefnt að því að hafa áhugaverðar uppákomur einu sinni til tvisvar í viku.

Ekki er búið að ganga frá hvernig aðkoma Bókmenntafélags Máls og menningar verður að rekstri verslunarinnar en það er og rangt hjá Guðmundi að slitnað hafi upp úr viðræðum Kaupangs og Bókmenntafélagsins. Hann kallar eigendur Kaupangs umdeilda húsabraskara og telur að bókabúðin líði fyrir það. Ég skil ekki þessa neikvæðni gagnvart Kaupangi, þetta er félag sem hefur fyrst og fremst áhuga á því að eignir þess séu vel nýttar og skili þannig arði. Vissulega hefur fyrirtækið flækst inn í umdeild mál en þar réð pólitískur populismi ferðinni frekar en viðskipti. Kaupangur er fyrst og fremst í hótelrekstri eftir því sem ég best veit. Ég held að margir aðrir menn í viðskiptalífinu eigi frekar skilið stimpilinn braskarar en eigendur Kaupangs. Þetta félag er allavega ekki komið í fang ríkisins eftir hrunið eins og svo mörg önnur.

 

Ritstjóri Eyjunnar ætti frekar beina sjónum sínum að Pennanum-Eymundsson. Ég hefði haldið að blaðamaður hefðu áhuga að skoða fyrirtæki sem farið er á hausinn, komið í eigu ríkisins en opnar svo nýja verslun á Skólavörðustíg beint ofaní gamalgróna verslun sem fyrir er. Heyrst hefur að gjaldþrot Pennans muni kosta skattgreiðendur nokkra milljarða. Ég get alveg viðurkennt að samkeppnin við ríkisfyrirtækið Pennann-Eymundsson er erfið. Penninn hefur markaðsráðandi stöðu á bókamarkaði og eftir frekar skamma dvöl í bókabransanum er það mín tilfinning að bókaforlögin sitji og standi eftir því sem Pennanum hentar. Þrátt fyrir að vera ríkisfyrirtæki hefur Penninn leynt og ljóst reynt að bíta frá sér alla samkeppni sem við reynum að veita honum.

 

Ég get alveg tekið undir það með Guðmundi að lítið úrval er af erlendum bókum í bókabúðum. En þar ræður auðvitað gengi krónunnar og gjaldeyrishöft. Erlendar bækur eru dýrar í innkaupum og útsölu og við bóksalar viljum ekki sitja uppi með stóra lagera sem seljast hægt. Við hjá Bókabúð Máls og menningar höfum brugðist þessu með því að bjóða upp á skiptibókamarkað með erlendar bækur. Hann hefur farið ágætlega af stað en ég myndi vilja sjá fleiri bækur sem eru á öðrum tungumálum en ensku. Það kemur vonandi.

 

Hvað varðar uppröðun bóka í búðinni sem Guðmundur kvartar yfir er ég opin fyrir breytingum og vona að hann komi í kaffi sem fyrst og bendi mér á það sem betur má fara.

 

Annars hef ég ekki fundið fyrir öðru en gleði og þakklæti frá fólki yfir því að bókabúð Máls og menningar lifi áfram. Okkar markmið er að vera besta bókabúð landsins og ég vona við getum staðið undir væntingum viðskiptavina okkar og þurfum ekki að lúta í lægra haldi fyrir ríkisfyrirtækinu Pennanum.

Sorglegt að horfa á brunann á Höfða. En eins og allir vita er þetta sögufrægt hús og bruninn mun örugglega vekja athygli út fyrir landssteinanna. Þar sem þröngt er um buddu borgarinnar um þessar mundir ætti hún að senda ákall til erlendra áhugamanna um Höfða um að styrkja uppbyggingu hans. Opna heimasíðu og styrktarreikning. Ég er viss um að það myndi safnast fyrir lagfæringunum og vel það. Ef afgangur verður yrðu honum ráðstafað í gott málefni innanlands. Þeir sem leggja fram peninga gætu til dæmis fengið nafn sitt ritað á skilti hjá húsinu.

Ef borgin bregst strax við og gerir vel þá er ég viss að hægt sé að safna fyrir endurbótum og örugglega mun meira (allt erlendur gjaldeyrir). Borgarfulltrúar og borgarstarfsmenn þetta verður að gerast núna og ekki hægt að setja málið í nefnd.

Nú er búið að skipa forstjóra Fjármálaeftirlitsins og mér kom á óvart að sá sem hefur unnið verk eftirlitsins undanfarin ár, Vilhjálmur Bjarnason, hafi ekki veið skipaður. Ég held að það sé reyndar ágætt. Það væri synd að múlbinda mann eins og Vilhjálm við forstjórastól eftirlitsstofnunar. Ég bara hvet hann áfram vona að HÍ styðji hann í því að hafa eftirlit með eftirlitinu (efast reyndar um það).

Hagstofan birti í dag tölur um fjölda kjósenda á kjörsskrárstofni fyrir alþingiskosningarnar 25. apríl næstkomandi. Kjósendur eru 227.896 og hefur fjölgað um 3% síðan í kosningunum 2007. En það sem er athyglisverðast við þessar tölur er að skoða misvægi atkvæða. Íbúar í kjördæmunum þremur á höfuðborgarsvæðinu eru 64% kjósenda en eiga bara 34 þingmenn en 36% kjósenda koma úr landsbyggðarkjördæmunum þremur eiga 29 þingmenn. Í núverandi kosningalöggjöf frá árinu 1999 (kosið fyrst eftir henni 2003) var reyndar dregið verulega úr misvægi atkvæða og kveðið á um að það mætti aldrei vera meira en tvöfalt. En áður gat það verið mun meira. Vegna þessarar reglu var einn kjördæmakjörinn þingmaður fluttur frá Norðvesturkjördæmi til Suðvesturkjördæmis fyrir kosningarnar 2007.

Samkvæmt þeim tölum sem Hagstofan birtir í dag mun það sama gerast í kosningunum sem áætlaðar eru eftir fjögur ár. Nú er atkvæðavægi kjósenda Nv-kjördæmis aftur orðið tvöfalt á við kjósendur í Kraganum og því mun einn kjördæma kjörinn þingmaður flytjast á milli kjördæmanna. Norðvestur verður þá með 8 þingmenn en Kraginn 13 (reyndar munaði sáralitlu að þetta myndi gerast fyrir kosningar nú).

Í töflunni hér að neðan má sjá vægi atkvæða kjósenda eftir kjördæmum ef gert er ráð fyrir að kjósendur í Kraganum hafi eitt atkvæði.

Taflan er frekar óskýr og birtir t.d. ekki kommur í síðasta dálknum. Vægi SV á að vera 1,0 og þá NV 2,0 o.sv.fr.

Gallup könnunin sem birt var í morgun leggst þungt í fundarmenn á Landsfundi Sjálfstæðisflokksins. Þó ekki séu miklar breytingar á fylgi flokksins frá síðustu könnun fer fylgið niður og flokkurinn er þriðji stærsti flokkurinn skv. könnuninni. Í gær birti ég þingmannalista skv. könnun síðustu viku og er hann uppfærður hér. Ekki verða miklar breytingar t.d. eru en 27 konur inni og 26 nýjir þingmenn. En mestu tíðindin eru kannski að ef könnunin gengi nákvæmlega væri formaður Framsóknarflokksins inni á þingi. Framsóknarmenn hafa því e-ð til að gleðjast yfir.

Þingmenn eftir kjördæmum skv. Gallup könnun 27. mars

Framsóknarflokkur

Birkir Jón Jónsson

Eygló Harðardóttir

Höskuldur Þórhallsson

Siv Friðleifsdóttir

Nýjir þingmenn

Guðmundur Steingrímsson

Gunnar Bragi Sveinsson

Sigmundur Gunnlaugsson

Sigurður Ingi Jóhannsson

Sjálfstæðisflokkur

Árni Johnsen

Birgir Ármannsson

Bjarni Benediktsson

Einar Kr. Guðfinnsson

Guðlaugur Þór Þórðarson

Illugi Gunnarsson

Jón Gunnarsson

Kristján Þór Júlíusson

Ólöf Nordal

Pétur Blöndal

Ragnheiður Elín Árnadóttir

Ragnheiður Ríkharðsdóttir

Þorgerður Katrín Gunnarsdóttir

Nýjir þingmenn

Ásbjörn Óttarsson

Óli Björn Kárason

Tryggvi Þór Herbertsson

Unnur Brá Konráðsdóttir

Samfylking

Árni Páll Árnason

Ásta Ragnheiður Jóhannsdóttir

Björgvin G. Sigurðarsson

Guðbjartur Hannesson

Helgi Hjörvar

Jóhanna Sigurðardóttir

Katrín Júlíusdóttir

Kristján Möller

Steinun Valdís Óskarsdóttir

Þórunn Sveinbjarnardóttir

Össur Skarphéðinsson

Nýjir þingmenn

Arna Lára Jónsdóttir

Magnús Orri Schram

Oddný Guðbjörg Harðardóttir

Ólína Þorvarðardóttir

Róbert Marshall

Sigmundur Ernir Rúnarsson

Sigríður I. Ingadóttir

Skúli Helgasson

Valgerður Bjarnadóttir

Vinstri hreyfingin – grænt framboð

Atli Gíslason

Álfheiður Ingadóttir

Árni Þór Sigurðsson

Jón Bjarnason

Katrín Jakobsdóttir

Kolbrún Halldórsdóttir

Steingrímur J. Sigfússon

Þuríður Backman

Ögmundur Jónasson

Nýjir þingmenn

Ari Matthíasson

Arndís Soffía Sigurðardóttir

Auður Lilja Erlingsdóttir

Bjarkey Gunnarsdóttir

Björn Valur Gíslason

Guðfríður Lilja Grétarsdóttir

Lilja Mósesdóttir

Lilja Rafney Magnúsdóttir

Svandís Svavarsdóttir

Mig langar að vekja athygli á fundi sem femínistafélagið heldur á morgun en þar verða stjórnmálaflokkarnir spurðir um hvort þeir ætli að hafa femínisma í farteskinu í vor. Fundurinn verður á Hallveigastöðum annað kvöld (kl. 20) og hér er fundarboðið:

Femínistafélagið spyr: Hafa frambjóðendur og flokkar hugað að femínisma við gerð aðgerðaáætlana sinna?

Í upphafi fundar mun hver fulltrúi fá 5 mínútur til að svara spurningunni:

Hvaða aðgerðum í þágu kynjajafnréttis munt þú beita þér þér fyrir náir þú eða þinn flokkur kjöri?

Fulltrúar verða:

Atli Gíslason fyrir Vinstri Græn
Birgitta Jónsdóttir fyrir Borgarahreyfinguna
Erla Ósk Ásgeirsdóttir fyrir Sjálfstæðisflokkinn
Eygló Harðardóttir fyrir Framsóknarflokkinn
Kolbrún Stefánsdóttir fyrir Frjálslyndaflokkinn
Steinunn Valdís Óskarsdóttir fyrir Samfylkinguna
L-listinn mun senda fulltrúa en ekki er ákveðið hver það verður.

Að loknum þessum örstuttu framsögum verður opnað fyrir spurningar og vangaveltur úr sal.

Fundarstýra verður Silja Bára Ómarsdóttir stjórnmálafræðingur

Fyrst ég farinn að auglýsa fundi þá verð ég með erindi upp í háskóla á morgun á vegum Stjórnmálafræðideildar. Erindið heitir fullu nafni; Krafa um endurnýjun – Standa kjósendur undir eigin væntingum? Þegar að stórt er spurt er oft fátt um svör. En ég ætla að glíma við þetta á morgun. Eftir mitt erindi ætlar Ólafur Þ. Harðarson velta því upp hvort kosningarnar í vor verði tímamóta kosningar.

Greinilega fundardagur á morgun!

Í kastljósinu í gær var mjög athyglisverð umfjöllun um samspil tryggingafélag og Tryggingastofnunar í greiðslu örorkubóta. Vont mál sem þarf að breyta. En það sem sló mig mest í þessari umfjöllun er að á síðasta ári hafi Alþingi einungis fimm milljónir til að kaupa utanaðkomandi sérfræðiþjónustu og í ár var þessu upphæð lækkuð í tvær milljónir. Á meðan geta ráðneytin eytt tugum milljóna (hvert) í kaup á sambærilegri þjónustu.

Svo er fólk hissa á því að þingið sé veikt gagnvart framkvæmdavaldinu! Ég skil ekki af hverju Alþingi setur sjálfan sig slíka spennitreyju. Ég held að fjármunir sem settir eru í atkvæðasmala atstoðarmenn þingmanna væri betur varið í sérfræðiráðgjöf

Við hér að Félagsvísindastofnun er miður okkar því það brotist inn hér í nótt og tveimur fartölvum stolið.  Alltaf óþægilegt að koma slíku glerbrot út allt og talsverðar skemmdir. En sárast er auðvitað um tölvurnar, ekki tækin sem slík heldur það sem er inn á þeim. EF einhver veit e-ð vinsamlegast hafið samband við lögguna.

P.s. hvernig endurheimtir maður svona tölvur úr undirheimunum?

undirheimar.is?

Í Kastljósviðtalinu í gær færði Davíð Oddsson mjög góð rök fyrir því af hverju hann og aðrir stjórnmálamenn eiga ekki að vera Seðlabankastjórar. Mikil hætta er á því að þá skapist skortur á trausti og trúverðugleika. Hann segir Seðlabankann hafa varað forsætisráðherra og ríkisstjórnina við hruninu síðan 2006 og í febrúar 2008 hafi Seðlabankinn sett saman viðbragsáætlun ef til gjaldþrots bankana kæmi, með vitund ríkisstjórnarinnar (alla vega forsætisráðherra). Í september 2008 hafi hann svo tjáð ríkisstjórninni að bankarnir myndu falla innan þriggja vikna. Þar hafi hann verið sakaður um dramatísera hlutina um of. Forsætisráðherra og ríkistjórnin virðist algerlega hafa skellt skollaeyrum við þessum viðvörunum Seðlabankans og enda hafi bankastjórar viðskiptabankana verið kallaðir til jafnharða og meira mark tekið á gleðiboðskap þeirra.

Greinilegt er að forsætisráðherra sem og aðrir ráðherrar heyrðu bara í stjórnmálamanninum Davíð Oddssyni sem lengi hafði eldað grátt silfur við eigendur bankanna, en kosið að hunsa orð Seðlabankastjórans Davíðs Oddssonar. Ríkisstjórnin virðist ekki hafa trúað né treyst Seðlabankanum!

Ætli viðbrögð ríkisstjórnarinnar og þá atburðarrásin hefði ekki verið önnur ef óumdeildur embættismaður hefði verið formaður bankastjórnar?

—–
En nú verður þessi rannsóknarnefnd og hinn sérstaki saksóknari að fara láta heyra í sér. Mér vitanlega hefur enginn verið kallaður til yfirheyrslu heldur ganga skítasprengjurnar á milli aðalleikara hrunsins og allar í véfréttastíl. Af hverju gerir Seðlabankinn ekki opinberar þessar skýrslur og fundagerðir sem Davíð vísaði í gær? Hvaða stjórnmálamenn fengu sérstaka fyrirgreiðslu í bönkunum. Ég tel mjög mikilvægt að það verði upplýst fyrir kosningar. Nú verða allir að leggja spilin á borðið þjóðin á heimtingu á því að vita af hverju svona er komið fyrir henni.

—–
En afskaplega fannst mér nú Davíð gera lítið úr vitsmunum þjóðar sinnar með því að segja að hún hafi verið dregin áfram á asnaeyrunum af Baugsmiðlum á undaförnum árum. Spurning hvort að Davíð hafi einhverjar reynslu af því að hægt sé að draga heila þjóð á asnaeyrunum?

Ég hef reyndar meiri trú á Íslendingum en svo.