Bryndís Ísfoldgætir ekki orða sinna

Gærdagurinn var eftirminnilegur en hann hófst á því að sá stutti var veikur og mamman ákvað að vera heim. Drengurinn mátti hins vegar þola að móðirin sat agndofa yfir útvarpi, sjónvarpi og tölvunni. Í tölvunni var fylgst með mótmælum við Alþingishúsið þar sem vonleysið skein úr hverju andliti og átök geisuðu, í sjónvarpinu var hins vegar fylgst með vonarstjörnu heimsbúa allra sem skráðist fertugasti og fjórði forseti Bandaríkjanna. Antíklímasinn var algjört þegar Obama hafði nýlokið innsetningaræðu sinni og litli bróðir (sem náttúrlega er ekkert lítill heldur 26 ára) hringdi í áfalli eftir að hafa orðið ,,fyrir“ lögreglunni rétt við Vonarstrætið í Reykjavík.

Var þá brunað niðrí bæ þar sem mótmælin voru enn í fullum gangi þó töluvert hefði róast frá því fyrr um daginn og bróðirinn keyrður upp á slysó þar sem hann fékk áverkavottorð. Sem betur fer ekki alvarlega slasaður en nokkuð laskaður.

En hvernig verður maður ,,fyrir“ löggunni þegar maður mótmælir ríkisstjórninni?  Jú, það dugar að standa u.m.b. 20 metra frá Alþingishúsinu og vera á snatti við vini sína þegar lögreglan ákveður að keyra í burtu skyndilega með fanga í gegnum þvöguna og keyra á þá sem fyrir eru, ekki bara það heldur þá fylgja með lögreglumenn sem berja svo niður þá sem fyrir bílnum voru og spreyja táragasi á rest.  Algjörlega óskiljanleg vinnubrögð.

Árni var að vísu ekkert að mótmæla lögreglunni sem efalaust hefur fengið mátt þola margt óverðskuldað frá ýmsum í gær heldur var hann þarna vegna þess að hann vill fá að kjósa sér nýja ríkisstjórn – og hann vill að ríkisstjórnin sem nú situr heyri hans kröfu og boði til kosninga.  Eins og flestir sem þarna mættu stóð hann langt frá húsinu og hrópaði kröfu sína -á friðsaman hátt.

Lögreglan þarf að vanda sig betur – því umfram allt snýst þetta ekki um hana heldur kröfu almennings og sú krafa verður háværari með hverjum deginum sem líður með eða án fantabragða lögreglunnar.

Ég og milli tvö og þrjú þúsund mótmælendur voru fyrir framan Alþingishúsið til rúmlega tólf í gærkvöldi – það mun ekkert hætta þó slysóferðunum fjölgi – en væri nú ekki skynsamlegar að koma í veg fyrir fleiri ferðir á slysó og ráðamenn sýndu sóma sinn í að boða til kosninga strax – þeir þurfa hvort eð er á endanum að þola dóm kjósenda.

Ég fer aftur í dag að mótmæla og vona að sem flestir komi og láti sína skoðun í ljós á friðsaman hátt – og að lögreglan sýni fagleg vinnubrögð.

Gærdagurinn var eftirminnilegur en hann hófst á því að sá stutti var veikur og mamman ákvað að vera heim. Drengurinn mátti hins vegar þola að móðirin sat agndofa yfir útvarpi, sjónvarpi og tölvunni. Í tölvunni var fylgst með mótmælum við Alþingishúsið þar sem vonleysið skein úr hverju andliti og átök geisuðu, í sjónvarpinu var hins vegar fylgst með vonarstjörnu heimsbúa allra sem skráðist fertugasti og fjórði forseti Bandaríkjanna. Antíklímasinn var algjört þegar Obama hafði nýlokið innsetningaræðu sinni og litli bróðir (sem náttúrlega er ekkert lítill heldur 26 ára) hringdi í áfalli eftir að hafa orðið ,,fyrir“ lögreglunni rétt við Vonarstrætið í Reykjavík.

Var þá brunað niðrí bæ þar sem mótmælin voru enn í fullum gangi þó töluvert hefði róast frá því fyrr um daginn og bróðirinn keyrður upp á slysó þar sem hann fékk áverkavottorð. Sem betur fer ekki alvarlega slasaður en nokkuð laskaður.

En hvernig verður maður ,,fyrir“ löggunni þegar maður mótmælir ríkisstjórninni?  Jú, það dugar að standa u.m.b. 20 metra frá Alþingishúsinu og vera á snatti við vini sína þegar lögreglan ákveður að keyra í burtu skyndilega með fanga í gegnum þvöguna og keyra á þá sem fyrir eru, ekki bara það heldur þá fylgja með lögreglumenn sem berja svo niður þá sem fyrir bílnum voru og spreyja táragasi á rest.  Algjörlega óskiljanleg vinnubrögð.

Árni var að vísu ekkert að mótmæla lögreglunni sem efalaust hefur fengið mátt þola margt óverðskuldað frá ýmsum í gær heldur var hann þarna vegna þess að hann vill fá að kjósa sér nýja ríkisstjórn – og hann vill að ríkisstjórnin sem nú situr heyri hans kröfu og boði til kosninga.  Eins og flestir sem þarna mættu stóð hann langt frá húsinu og hrópaði kröfu sína -á friðsaman hátt.

Lögreglan þarf að vanda sig betur – því umfram allt snýst þetta ekki um hana heldur kröfu almennings og sú krafa verður háværari með hverjum deginum sem líður með eða án fantabragða lögreglunnar.

Ég og milli tvö og þrjú þúsund mótmælendur voru fyrir framan Alþingishúsið til rúmlega tólf í gærkvöldi – það mun ekkert hætta þó slysóferðunum fjölgi – en væri nú ekki skynsamlegar að koma í veg fyrir fleiri ferðir á slysó og ráðamenn sýndu sóma sinn í að boða til kosninga strax – þeir þurfa hvort eð er á endanum að þola dóm kjósenda.

Ég fer aftur í dag að mótmæla og vona að sem flestir komi og láti sína skoðun í ljós á friðsaman hátt – og að lögreglan sýni fagleg vinnubrögð.

Það sem veldur mér einna mestu hugarangri þessa dagana er að enginn þingmaður Samfylkingarinnar virðist hafa sjálfstæði til þess að segja ríkisstjórninni upp.  Það er ljóst að ég og margir aðrir munu mæta á fund Samfylkingafélagsins í Reykjavík á morgun – kl 20.30  yfirskrift fundarins er:

Samfylkingin og stjórnarsamstarfið – fundurinn er haldinn á Hallveigastíg 1

..og ég ætla að rétt að vona að þingmenn og ráðherrar Samfylkingarinnar mæti því ég og fleiri erum með endalausar spurningar.

Skilaboðin eru skýr – fólk vill fá að kjósa – í lýðræðislegu samfélagi ætti það að vera sjálfsagt mál miðað við aðstæður – nú geta þingmenn og ráðherrar ekki beitt lengur fyrir sig skapandi heyrn, nú berja mótmælendur Alþingishúsið að utan- þeir heyra núna og það er orðið löngu tímabært að svara kallinu.

Við viljum kjósa – þið eru jú í okkar umboði.

Það er áhugavert að fylgjast með nýjum formanni Framsóknarflokksins – enda öll augu á honum. Eini flokkurinn sem virkilega hefur tekið til eftir hrunið mikla og eini nýji maðurinn sem boðar nýjar leikreglur, ný gildi og ný viðmið í íslenskum stjórnmálum.

Dagurinn í dag var þó ekki beinlínis til þess fallinn að styrkja mann í trúnni að gamla framsóknarelementið væri horfið úr flokknum. Um hádegisbil var formaðurinn búinn að koma því til skila í fjölmiðlum að Evrópusambandið væri ekki það sem væri mest áríðandi fyrir landið – þar fór stóra prikið hjá mér. Um svipað leiti sagði hann á mbl.is að nú yrði stefna Framsóknarflokksins meira til vinstri og meira í umhverfisverndunar átt.

Þegar ég borðaði kvöldmatinn sagði hann að bæði Bakki og Helguvík væri ókei!

Það ætti þó flestum að vera ljóst að mánuður er ekki mikill tími til að undirbúa sig undir það að verða formaður í stjórnmálaflokki – en hvað sem öllu líður þá sýnist mér Simmi sem var í viðtali við Simma í Kastljósinu þar sem maður þurfti að minna sig á hvor væri viðmælandinn – sé umræddur Simmi í hættu á að falla í gryfjuna að ætla gera Framsókn að  ,,catch all“ flokki úr því að vera flokkur sem var búinn að missa sína eigin grasrót – sem er klárlega vonlaust verkefnið.

Það er  þó vonandi að Sigmundur Davíð haldi það út, að halda í sínar eigin skoðanir og sannfæringu – því á þannig fólki þurfum við að halda í stjórnmálum – við eigum nóg af hinni tegundinni.

Samkvæmt fréttum á Visir.is hefur borgarfulltrúinn Gísli Marteinn Baldursson beðið um leyfi frá störfum sínum í borginni þar til námi hans lýkur í vor – ástæðan : ,,Hann sagðist ekki hafa getað sinnt náminu eins vel og hann vildi vegna starfa í borgarmálum“

Þetta er hér með leiðrétt: Gísli Marteinn hefur ekki sinnt borgarmálum, vinnunni sinni (að neinu viti) vegna þess að hann hefur verið erlendis við nám- þrátt fyrir að hafa fengið greidd laun allan tímann – á kostnað borgarbúa.

Fyrir þá einstaklinga sem sjá sér ekki fært að mæta með eigin andlit uppi við í mótmælum -sem mér finnst persónulega ekki alveg málið, en hvað um það, þá er hér afar gagnlegar leiðbeiningar til að búa sér til grímu úr stuttermabol!! Handhægt, ódýrt og endurvinnanlegt!

Smæð okkar hefur lengi vel verið afsökun fyrir því að taka afstöðu á alþjóðavettvangi sem hefur verið Bandaríkjunum að skapi. Eða hreinlega til skapað okkur þau þægindi að vera ekkert að ómaka okkur við að taka erfiða afstöðu í leiðindamálum. Ríkjandi stjórnvöld hafa hverju sinni ítrekað farið gegn meirihluta vilja þjóðarinnar þegar þau hafa drattast til að taka afstöðu eða þegar hin vinsæla hlutleysisstefna verður ofan á.

Með framboði Íslands til Öryggisráðs SÞ átti að breyta þessu viðhorfi en þar sem við náðum ekki inn virðist sá metnaður fokinn út í veður og vind.  Nú bera íslenskir ráðamenn við að það sé ekki til ,,siðs“ að álykta í nafni ríkisstjórnar Íslands um mál eins og manndrápin á börnum og fullorðnum á Gaza – allir voða sorrý og tilbúnir að álykta svona hver í sínu ráðuneyti eða flokki.  Engum dottið í hug að nú væri kjörið tækifæri til að skapa nýja hefð og álykta harðlega – öll ríkisstjórnin – en, nei við erum hvort eð er bara örsmá og álit okkar á ekki eftir að skipta sköpum er viðkvæðið..

Hvað með ályktun frá íslensku ríkisstjórninni þar sem hún fordæmdi viðbjóðinn á Gaza og sliti öll viðskiptatengsl við Ísrael á meðan þau halda árásunum áfram og viðurkennda ekki sjálfstæði Palestínu og jafnframt skoraði á önnur ríki að gera slíkt hið sama!

Nei, það væri brot á prótókóli – formgerð samskipta milli ríkja – óskrifuðu reglurnar um hvað ríki gera og hvað þau gera ekki – og til að rugga engu setjum við nokkrar milljónir til hjálparstarfs og látum stóru og máttugu ríkin um að bjarga þeim börnum sem ekki þegar eru látin á Gaza.

.. og látum það ekki trufla okkur að við vitum stjórnmálamenn stóru ríkjanna eru svo mikið upp á náð og miskunn stuðningsmanna Ísraels að þeir munu að öllum líkindum ekki gera meir en að plástra ástandið með hagsmuni ísraela í huga en ekki þeirra barna sem munu deyja í næstu árás.

Auðvitað eigum við að gera allt sem við getum til að koma í veg fyrir dauða fleiri saklausra borgara – allt.

En afstaða ríkisstjórnarinnar er sorglegri en tárum tekur – við höfum nákvæmlega engu að tapa á alþjóðavettvangi – en þrátt fyrir það við getum ekki einu sinni farið út fyrir prótókól til að reyna að bjarga saklausum börn frá dauða.

Hvernig má það vera að ein ferð fyrir vísitölu fjölskylduna (2börn og 2 foreldrar) í Bláa lónið kostar nú 8000.- krónur! Í sumar kostaði ferðin 2800 fyrir fullorðin nú kostar hún 3400 – varla bera menn fyrir sig óhagstætt gengi, því nú græða menn á tá og fingri veikri krónu enda flestir gestir lónsins erlendir ferðamenn.

Er hér um að ræða hækkun eigenda Bláa lónsins í skjóli þeirra gríðalegu hækkanna sem orðið hafa á innfluttum varningi með þá von í brjósti að neytendur ekki eftir hækkuninni þegar nánast allt annað er að hækka líka… og von um að þegar fjölskyldan er komin suður eftir þá láti foreldrarnir sig hafa það að borga okur verð inn í stað þess að keyra til baka í bæinn með hundóánægða krakka í aftursætinu!

Hvað sem veldur þá er verðið fáránlega hátt og því mæli ég með tíu sinnum ódýrari böðun í sundlaugunum-  en það kostar 360 krónur í sund í Reykjavík og í flestum þeim má finna rennubrautir!

p.s. var að fá fregnir af því að það sé búið að vera tilboð 2 fyrir 1 í Bláa lónið hef ekki séð það en skilst að maður þurfi að klippa auglýsinguna út og fara með – það er þá öllu skárra en samt mjög dýrt að mínu mati.

Þegar ég var smástelpa lærði ég að þekkja góðar kaffibaunir frá minna spennandi á lyktinni í vinnunni hjá pabba sem vann hjá hinu forna Rydenskaffi í Kópavogi. Fyrsti alvöru kaffisopinn og einnig fyrsta kaffiástin var hins vegar ekki fyrr en í Amsterdam þar sem ég var við háskólanám og hélt ekki nógu lengi út yfir próflestrinum. Góður og skynsamur vinur mælti með þessari töfralausn sem hefur reynst afar vel alla tíð síðan- og síðan hefur kaffiást mín blómstrað.

Því elti ég uppi góðar baunir og réttu kaffivélarnar svo og gott kaffi á kaffihúsum borgarinnar. Hingað til hef ég haldið mig á Te og kaffi, Súfistanum, Kaffitár, Lavzza á Lækjatorgi og á litla kaffihúsinu á Vitastíg þegar það var og hét.

Nú hefur hins vegar öllum þessum ágætis kaffihúsum verið skotið ref fyrir rass, ofarlega á Frakkastíg (á móti Drekanum) þar sem nú má finna Kaffismiðju Ísland – sem stendur svo sannarlega undir nafni.

Ég mæli með baununum frá Brazilíu – ekki er verra að bollinn kostar 350.- til að taka með – sem er nokkuð sanngjarnt miðað við gæði innihaldsins!

..p.s. mér var bent á að kaffihúsið er víst tæknilega á Kárastíg 1 – sem er þó ofarlega á Frakkastíg en tilheyrir sem sagt Kárastíg, beint á móti sjoppunni Drekanum.

..