Hún: Heyrðu, það var bara allt hvítt fyrir norðan
Hann: Já, það á líka að vera snjór hér í október en hlýnun jarðar hefur breytt því
Hún: Já ætli það ekki
suð í bakgrunni: ,,og Ísland verður að standa á eigin fótum..“
Hún: Ekki ertu að hlusta á Útvarp Sögu?
Hann: Jú
Hún: þú veist það kemur mikið af rangfærslum frá þeim sem tala á þeirri stöð
Hann: Ha!
Hún: Já, sérstaklega um Evrópusambandið
Hann: Ert þú ein af þessum sem vill ganga í Evrópusambandið?
Hún aðeins of áköf: jú einmitt
Hann: (fuss og svei) Ísland á að vera áfram sjálfstætt ríki
Hún: já, sammála eins og Danmörk, Svíþjóð og Finnland
Hann: Ha! og snýr sér snögglega við.
Hún: þau eru sjálfstæð ríki er það ekki?
Hann undrandi: ha.. jú jú þannig
Hann: Við þurfum ekkert á þessu Evrópusambandið að halda, bara ekki neitt, við getum bara séð um okkur sjálf.
Hún: Já, en við erum auðvitað að hluta í Evrópusambandinu í gegnum EES og hvort sem er, en hvort erum við ,,sjálfstæðari“ við að sitja við borðið þar sem ákvarðanirnar eru teknar eða sitja út á gangi eins og nú er í gegnum EES?
Hann: Evrópusambandið er ekkert nema reglur og ef við göngum inn þá verðum við að breyta öllum reglum um vinnulag hér fyrir vinnandi stéttir, ég vil það ekki
Hún: Já en við höfum innleitt í íslensk lög megnið að vinnulöggjöf ESB ef ekki alla.
Hann: Við eigum bara ekkert að vera í sambandi við þetta Evrópusamband, punktur.
Hún: ha! meinarðu að fara úr EES?
Þögn.
Hún: En ok, hvernig á sjá til þess að atvinnulífið blómstri hér undir höftum og tryggja ungu fólki vinnu?
Hann: við eigum bara að fjölga störfum í sjávarútvegi og landbúnaði..
Hún: en ungt fólk ætlar sér ekki framtíð í þeim greinum .. og meira segja hafa ungir Íslendingar sagt í könnunum að þau ætli sér að búa í ESB, bara spurning hvort Ísland verði í ESB svo þau mögulega kjósi að búa hér áfram.
Hann hastur: heyrðu góða mín, er þetta ekki húsið?
Ég held að ég hafi fengið far með þessum bílstjóra
Er þetta virkilega rétt að við höfum inleitt megnið af reglugerðum ESB? Skýrsla frá 2003 ef ég man rétt vildi meina að það væri rúmlega 6%! Síðan hafa án efa bæst við fjöldinn allur af nýjum reglugerðum. Er efins um þessa fullyrðingu.
Einnig yrðu áhrif okkar í ESB hverfandi. Það er augljóst út frá fjölda og einnig sögu ESB um ákvarðanatöku. Sbr hverji eru að taka ákvarðanir um fjármálin í augnablikinu.
ESB þurfa að breytast í Bandaríki ESB til að eiga möguleika á því að fúnkera. Það er stefnir allt í þá átt. Einnig ber að hafa í huga að ESB er lítið brot af mannkyninu í heild. Einnig að vöxtur verður lítill þar næstu árin.
Þetta samtalsspil er nú eiginlega stolið úr upphafssíðum bókarinnar „Draum(ór)alandinu hans Andra Snæs og er mjög svo í anda samtals sem þar fór fram.
Baldur Bjarnason ritar á ensku og rifjar upp hvað við höfum grætt á því að tilheyra EES. Vissi t.d. ekki að það væri þeim að þakka að við fengum val varðandi hvort okkar gögn færu í gagnagrunn Erfðagreiningar.
https://plus.google.com/u/0/115992243655450055250/posts/6k9FDEuPJFf
Frábært hjá þér hvernig þú tókst hann! Enda átti hann ekki til orð, engin rök. Og varð dauðfeginn að sleppa þarna í restina, frábært.
Veistu, ég held að það sé lang best að upplýsta ESB umræðan fari fram svona, að þið ákveðið líka hvað þeir segja sem eru (ennþá) á móti ESB, þið eruð svo mikið upplýstari og umræðan verður öll svo mikið upplýstari þannig.
En aftur: frábært!
Samtalið er ekta – þó líklega sé það algengt
„The effect of the divergent cultures in the eurozone has been grossly underestimated,“ he added. „The only way to have several currencies from divergent nations lumped together is if they are culturally close, such as Germany, the Netherlands and Austria. If they aren’t, it simply can’t continue to work.“
Alan Greenspan,
f. nokkrum dögum.
Orðlaus: Hversu mikið af ES-löggjöf hefur verið fellt inn í íslenzk lög? Svarið er „lítið“ ef miðað er við fjölda lagagerða („tilskipana“, „reglugerða“, „ákvarðana“ o.s.frv.), eins og gert var í skýrslunni frá 2003. Svarið er „mikið“ ef miðað er við málaflokka, því að af 20 slíkum (sjá hér: http://eur-lex.europa.eu/en/legis/20111001/index.htm) er rúmlega helmingur þegar hluti af landslögum hér í krafti EES-samningsins. Misræmið kemur til af því að í sumum málaflokkanna, sem falla ekki undir EES-samninginn, eru geysilega margar lagagerðir. Þannig fjallar rúmur fimmtungur allra lagagerða ES um landbúnaðar- eða fiskveiðimál, og tæpur fimmtungur um tengsl Evrópusambandsins við ríki utan þess.
http://tilveran-i-esb.blog.is/blog/tilveran-i-esb/entry/1200510/
Það væri gaman ef þú vissir um bloggið hjá þessum leigubílstjóra og sjá hvernig hann setur þetta samtal fram.
Það væri líka gaman að sjá fyrir sér hvernig samningar um makrílveiðar yrðu, ESB vs NonEsb Ísland. En markaðsvirði makrílveiða íslendinga 2011 er um 30 milljarðar króna og skipta því íslendinga stórmáli.
Ef við værum í ESB yrði samtalið líklegast einhvernvegin svona:
Ísl: Heyrðu, okkur langar að veiða eitthvað af þessum makríl sem er á beit í lögsögu okkar.
ESB: Nei, skotar og írar eiga þennan makríl.
Ísl: En hann er hér á beit og jafnvel hrygnir hérna?
ESB: hann kom upphaflega frá skotum og írum og verður því alltaf þeirra. Þið fáið aldrei að veiða makríl.
Ísl:En …
ESB: Það eru bara hagsmunir heildarinnar sem gilda. Þið eruð bara svo lítill … sorry. Bæ bæ.
Ísl:…fáum við ekki að semja um þetta?…..halló? halló, skellti hann á mig …?
_____________________________
Svona er þetta í dag (nonEsb):
Ísl: Sælir, við erum tilbúnir að semja við ykkur um uppskiptingu á makrílveiðar skv. ráðgjöf.
ESB: Þið fáið ekki sæti við samningaborðið! Sorry
Ísl: Nú já, jæja – það var leitt. Þá ákveðum við bara okkar réttmæta hlut … „Strákar …gerið klárt!“
ESB: Ha… á hverja ertu að kalla? Heyrðu kallinn, við beygjum ykkur í duftið ef þið ætlið að derra ykkur!
Ísl: Strákarnir eru að gera skipin klár á veiðar. Þið ákveðið þetta ekkert einhliða, fiskurinn er hér í okkar landhelgi og við höfum allan rétt á að semja um hluta í þeim deilistofnum sem hér eru við land. Sorry bara sjálfur! Bæjó!
ESB: Heyrðu kallinn… halló halló, heyrðu – þessi sími er eitthvað bilaður, kannski heftaði ég óvart í snúruna eða eitthvað.
Alan Greenspan já.. bíddu nú við, eitthvað hringir nafnið bjöllum, við hvað vann hann aftur? Og hvernig gekk hjá honum?
Þegar kallað er eftir upplýstri umræðu um ESB ber að ræða bæði kostina og gallana. Augljóst er að ESB á við gríðarlegan vanda að etja og það þarf að meta hvað veldur og hvernig það mál verður leyst áður en við getum íhugað inngöngu.
Einnig ber að hafa í huga að 30 ára veiðireglan tryggir okkur nákvæmlega ekki neitt þegar erlendir aðilar kaupa hér kvóta bakdyramegin í gegnum fyrirtæki. Sá kvóti færi etv allur úr landi.
ESB þarf ný fiskimið. Þeirra eru ofveidd að mestu. Þeir leita víða og munu koma hingað í einni eða annari mynd. Hafa ber í huga að ofveiði og kvótasvindl er allmikið í þessum „vina“ klúbbi.