Bjarni Karlsson

Ummæli (77)

•   Sigurður Viktor Úlfarsson // 21.8 2010 kl. 17:01

  Ég var farinn að halda að Reykholt væri búið að taka yfir þjóðkirkjuna. Orð í tíma töluð. Vonandi er það ekki orðið of seint.

  Sjá: http://datamarket.com/is/data/set/un5/mannfjoldi-eftir-trufelogum-og-skraningu-1994-2008#display=charts&ds=un5|85=9j1:86=9j9:6gq=3&axis2=&m=5q

•   Hólmfríður Pétursdóttir // 21.8 2010 kl. 17:08

  Vel mælt Bjarni. Orð í tíma töluð.

•   Jóhanna // 21.8 2010 kl. 17:19

  Loksins! Biskupsstofa er í ruglinu, Geir Waage veður uppi og aðrir fulltrúar þjóðkirkjunnar þegja þunnu hljóði. Það var kominn tími til að einhver tæki af skarið.

•   JÓ // 21.8 2010 kl. 17:26

  Kirkjan þarf að ganga fram af myndugleik ekki í meðvirkni með vinum og kollegum í prestastétt. Kærleikurinn umber ekki allt þó hann falli aldrei úr gildi.
  Geir Waage þarf að víkja og biskup þarf að girða í brók og bretta upp ermar og fá presta og almenna presta (leikmenn) til liðs við sig til að trúverðugleiki kirkjunnar bíði ekki meiri hnekki en orðið er. Ef ekki er hætta á að fólk skrái sig í umvörpum úr þjóðkirkjunni.

•   Höskuldur // 21.8 2010 kl. 17:44

  Það er engin lausn að kirkjan losi sig bara við Geir Waage úr starfi. Biskup þarf að fara líka. Það gengur ekki að hafa biskup í embætti sem lætur hjá líða að taka mynduglega á kynferðisafbrotamálum innan kirkjunnar.

  Þökk sé Geir Waage þá sitjum við líklega áfram uppi með þennan vonlausa biskup því nú er fókusinn bara á GW og vanræksla biskups gleymist. Látum það ekki gerast.

•   Ragnheiður Davíðsdóttir // 21.8 2010 kl. 17:54

  Takk fyrir þessi skrif, Bjarni. Tek heilshugar undir þau. Ég sagði mig úr Þjóðkirkjunni daginn eftir fermingardaginn minn. Ólafur Skúlason fermdi mig. Hér er linkur á eyðublað til að segja sig úr Þjóðkirkjunni. http://www.fmr.is/pages/1037

•   Hjördís Inga Arnarsdóttir // 21.8 2010 kl. 17:57

  Takk Bjarni

•   Einar Ben // 21.8 2010 kl. 18:12

  Góður pistill.

  Biskup á að reka Geir Waage og svo á hann að segja af sér sjálfur samdægurs, ásamt öðrum innan kirkjunnar sem haldið hafa hlífskildi yfir gamla perrabiskupnum, þetta á að gerast ekki seinna en strax ef þjóðkirkjan á að halda andlitinu.

•   Sigurður // 21.8 2010 kl. 18:19

  Séra Geir bar fram röksemdir í Morgunblaðsgrein sinni. Séra Bjarni kemst að niðurstöðu án þess að virða þær svars. Málefnalegt? Ekki mjög.

•   Karl Hákon Karlsson // 21.8 2010 kl. 18:20

  Góður pistill eins og þín er von og vísa. Mér var eiginlega orðið um og eftir skilaboðin frá kirkjunni, fyrst ummæli biskups sem ég hreinlega veit ekki hvernig ber að túlka, nema ef vera skildi aumlegt yfirklór og tilraun til þöggunar. Svo er pistill Geirs Waage sem er hálfu verri.

•   Nói Nóason // 21.8 2010 kl. 18:22

  1. Hvernig hyggst þú sem prestur bregðast við þeim ávirðingum sem Ólafur Skúlason hefur orðið fyrir (sem verða að teljast réttmætar)? (Hef hvergi séð þín viðbrögð)
  2. Hvernig hyggst þú sem prestur bregðast við/taka á móti þeim konum sem nú hafa tjáð sig um kynferðislegt ofbeldi Ólafs?
  3. Ætlar þú sem prestur að beita þér gegn Karli biskupi?
  4. Ætlar þú að bjóða þig fram sem biskup?
  5. Ætlar þú að bjóða Geir Waage til samkundu með Samfylkingunni?
  Þú verður að afsaka Bjarni að hvert orð úr þínum munni er fals eitt og lýðskrum.

•   Sigga // 21.8 2010 kl. 18:26

  Mér finnst kominn tími til að kristnir reki sjálfir sitt félag!

•   Margrétj // 21.8 2010 kl. 18:45

  Skrifta Lútherstrúarmenn?
  HVAR ERU KVENPRESTAR ÞESSA LANDS?
  ÞVÍ ÞEGJA ÞÆR ÞUNNU HLJÓÐI?

  Hvað skyldi þessum „séra“ Geir finnast ef einhver játaði nú fyrir honum að hafa misnotað barn hans eða barnabarn og ætli sér að halda því áfram?

  Kannski er honum bara alveg sama.

•   Hafþór // 21.8 2010 kl. 18:46

  Bjarni er alltaf fyrstur að stökkva á vinsældavagninn.

•   Jóhann Einarsson // 21.8 2010 kl. 18:53

  Ekki bara að þessi Geir þurfi að hætta heldur á að aðskilja ríki og kirkju og hætta að leggja stórfé frá skattgreiðendum í félagsskap sem hvetur til þess að þagað sé yfir kynferðisofbeldi gagnvart börnum. Slíkt getur hreinlega ekki gengið. Það ætti hvert upplýst og sjálfstætt hugsandi mannsbarn að sjá.

•   Arnold Björnsson // 21.8 2010 kl. 18:55

  Sæll Barni.

  Ef nú er ekki tími til að stöðva með öllu samkrull kirkju og skóla þá veit ég ekki hvenær það ætti að vera.

  Kirkjan er búin með alla sína sjénsa. Siðferði kirkjunnar er á svo miklu lægra plani en hjá almennum borgurum þessa lands. Þess vegna eru viðbrögð fólksins svona. 70% þjóðarinnar vildi aðskilnað áður en atburðir sumarsins hófust. Mig grunar að nú sé algjört hrun í þessum málum fyrir kirkjuna. Kirkjan á nú enga samleið með þjóðinni.

  Nú þarf að skilja hana frá ríkinu og stöðva með öllu heimsóknir presta og djákna í opinbera leik- og grunnskóla. Þetta er orðið gott.

  Kv
  Arnold

•   Jenný Anna Baldursdóttir // 21.8 2010 kl. 18:56

  Aðskilja ríki og kirkju og á meðan unnið er í því máli á biskup, Geir Waage og hinir talibanarnir að taka pokann sinn.
  Takk fyrir þín skrif Bjarni.

•   Arnold Björnsson // 21.8 2010 kl. 18:57

  „Sæll Bjarni“ á þetta auðvitað að vera. Ég bið þig afsökunar á þessari villu hjá mér.

  kv
  Arnold

•   Ívar Örn Reynisson // 21.8 2010 kl. 19:22

  Það þýðir ekkert að mala og mala. Íslendingar þurfa að segja sig úr þjóðkirkjunni, heiðvirðir prestar eins og sr. Bjarni Karlsson líka. Trúarbákn sem eru meira og minna farin að ganga út á að viðhalda sjálfu sér viðheldur um leið spillingu og viðbjóði sem nú hefur komið í ljós. Ég er búinn að fylla út eyðublaðið, sendi það á mánudaginn.

•   Iða Gísladóttir // 21.8 2010 kl. 19:34

  Takk fyrir að stíga fram og standa vörð um velferð barna sem þurfa svo sárlega að eiga málsvara sem lætur sér annt um réttindi þeirra, þar sem þau eiga bágt með að gera það sjálf.
  Það er sorgleg staðreynd að prestur í embætti telji sig hafinn yfir lög og þyki það þjóna réttlæti Guðs að hylma yfir með brotamanni sem brýtur á barni. Sá hinn sami maður ætti að fara að skoða Biblíuna sína betur ásamt fræðunum sem hann lærði.
  Enn og aftur, djúpt þakklæti til þín Bjarni.

•   Pétur Maack // 21.8 2010 kl. 19:54

  Það eru auðvitað engar líkur á því að nokkur valdafígúra innan kirkjunnar hafi bein í nefinu til að setja Geir Waage út af sakramentinu. Um það vitna fyrri saga kirkjunnar í málefnum Ólafs Skúlasonar (þar sem Karl Sigurbjörnsson lék stórt hlutverk) og ótrúlegur lappadráttur gagnvart því að gefa saman samkynhneigð pör.

  Hið öfugsnúna við orð Geirs Waage er þó að hann hefur fengið mig til að skipta um skoðun á aðskilnaði ríksi og kirkju. Áður var ég þeirrar skoðunar að veita bæri kirkjunni sjálfstæði hið fyrsta.

  Orð Reykholtsprestsins sýna að kirkjunni er ekki treystandi fyrir eigin málum og því nauðsynlegt að hafa hana áfram undir dómsmálaráðuneytinu.

•   VALA // 21.8 2010 kl. 19:56

  TAKK FYRIR AÐ TAKA AF SKARIÐ!!!!!!!!

•   Helgi // 21.8 2010 kl. 20:07

  Sæll.
  Hvað viltu að biskup geri í máli látins manns? Þú hefur kannski einhver ráð í pokahorninu sem breyta munu öllu? Á nú að reka mann sem er þér ekki sammála?

  Þú ert sjálfsagt einnig tilbúinn að gefa saman í krikju þinni samkynhneigt fólk, eða hvað? Hvar finnur þú því ritningarstað?

  Þessi málflutningur þinn er afskaplega holur.

•   Bryndís // 21.8 2010 kl. 20:12

  Takk fyrir þetta Bjarni.
  Karl Sigurbjörnsson hefur að öllu leyti brugðist bæði fyrr og síðar í „biskupsmálinu“ svokallaða, því hann hefur margoft komið að því máli og lagt sig fram um að þagga það niður. Enn heldur hann áfram og sýnir þessum konum hvorki kærleika né stuðning af nokkru tagi.
  Geirfuglinn er auðvitað kafli útaf fyrir sig. Hann og fleiri svartstakkar innan þjóðkirkjunnar hafa haldið henni í heljargreipum um langa hríð. Þetta og margt annað er ærið sem ástæða til að skilja þarna á milli, þ.e. kirkju og ríkis, ef ekki þá er alltaf hægt að segja sig úr henni. Mitt eyðublað er tilbúið og verður sent undirritað á mánudag.
  Með kveðju og þakklæti, ég veit að þú hefur stutt Pálu og reynst henni sem besti bróðir, Bryndís Símonardóttir

•   Ella // 21.8 2010 kl. 20:41

  kærar þakkir fyrir að segja það sem segja þarf Bjarni! Og þar með sýna hvernig kristilegur kærleikur virkar. Það er ekki kærleikur að láta barnaníð viðgangast! Maður sem ekki getur haft kærleik að leiðarljósi á ekki að vera prestur.

•   Sigríður Einarsdóttir // 21.8 2010 kl. 20:48

  Bjarni takk fyrir framlag þitt til málanna.sr Geir Waage er ekki stætt á að sitja lengur sem prestur.Það sér hver maður.

•   Kristín Atladóttir // 21.8 2010 kl. 20:54

  Geir Waage lýsir afstöðu sinni, eins sérkennileg og hún nú er, en eftir því sem best er vitað hefur hann ekki hylmt yfir með kynferðisafbrotamanni og barnaníðingi. En eins og mál standa lítur út fyrir að sá sem gegnir biskupsembætti nú um stundir hafi hins vegar gert einmitt það. Hann kemur nú í fjölmiðla og lýsir yfir upplýsingskyldu.

  Þér finnst að Geir eigi að taka pokann sinn.

  Þetta er meira en óinnvígð manneskja fær botnað í.

•   Ari // 21.8 2010 kl. 21:08

  Vandamálið er að þú virðist í minnihluta í þinni kirkju

•   Arnar Eggert Thoroddsen // 21.8 2010 kl. 21:14

  Frábært Bjarni. Mig grunaði að þú myndir stíga fram fyrir skjöldu í þessu. Virðingarvert. Ég var einmitt klár á því að svona mál væru hafinn yfir allt … en Geir er greinilega á öðru.

•   Hadda Padda // 21.8 2010 kl. 21:25

  @Kristín Atladóttir

  ………en eftir því sem best er vitað hefur hann ekki hylmt yfir með kynferðisafbrotamanni og barnaníðingi.

  Hvað vitum við um það? Hann gæti þess vegna hafa hylmt yfir með fjölda misþyrminga á sálum barna í gegnum tíðina. Það skyldi þó ekki vera þess vegna, sem hann ver þagnarskylduna svona heiftarlega?
  Hann er kannski sérlegur sálusorgari barnaníðinga?

•   Kristín Atladóttir // 21.8 2010 kl. 21:38

  @ Hadda Padda.

  Vangaveltur sem þessar eru algerlega óviðeigandi, sérstaklega á prenti og á opninberum vettvangi.

•   GSS // 21.8 2010 kl. 21:42

  Bjarni Karlsson sóknarprestur minnir í skrifum sínum og afstöðu til manna og málefna á trúarhetjur fyrri alda sem fóru með báli og brandi. Ef þú aðhyllist ekki skoðanir mínar þá ertu á móti mér og það er saknæmt og gefur mér rétt til að ofsækja þig. Tæplega byggir þessi afstaða hans á kærleiksboðorðinu og öðru því sem Kristur boðaði.
  Það vita allir að Geir Waage er fastheldinn á ýmsar kennisetningar og hefur ekki látið tíðarandann rugla sig í ríminu. Þess vegna hefur hann fengið á sig ýmis skammaryrði eins og afturhaldsseggur, forneskjulegur, gamaldags og einstaka orð þaðan af verri og svæsnari.
  Eitt af mikilvægustu orðunum í boðun kirkjunnar er umburðarlyndið og þess vegna má spyrja Laugarnesklerkinn: Hvers vegna má Geir Waage ekki hafa þá skoðun, að sóknarbarn sem til hans leitar með sín vandamál geti treyst þagmælsku hans. Þolir kirkjan ekki umræður um trúarleg efni og að prestar hafi mismunandi skoðanir? Er það sæmandi presti, að uppnefna kollega sína, mæla fyrir skoðanakúgun og setja fram kröfur um brottrekstur með þeim rökum að þeir sem ekki eru á hans heilögu línu skuli settir útaf sakramentinu og dæmdir til að brennast í vítislogum.
  Og víkingseðli og árásarhneigð Laugarnesklerksins nær svo hæðum þegar hann ræðir máttleysi og dugleysi biskups og kirkjuráðs varðandi mál Ólafs Skúlasonar. En eins og oft vill verða um orðháka gagnrýnir Bjarni og fordæmir en setur engin úrræði fram sjálfur. Hvað vill hann gera í máli Ólafs Skúlasonar?
  Enginn heilbrigður maður ver níðingsskap af hvaða tagi sem er og allra síst þann sem beinist að börnum. Það fordæma allir af lífsins sálar kröftum.
  En að prestar og guðfræðingar geti ekki rætt mál, jafnvel mál sem valda djúpstæðum ágreiningi af sæmilegri skynsemi, hógværð og skaplegu umburðarlyndi er ekki ásættanlegt. Laugarnesklerkurinn virðist því miður vera að fjarlægjast þá hófsemi sem eðli málsins samkvæmt er vænst frá kirkjunnar manni yfir í pólitíska umræðuhefð þar sem þau orð eru helst látin falla sem eru til vinsælda fallin í það og það skiptið.

•   Jóna Fanney // 21.8 2010 kl. 21:44

  Frábær grein, Bjarni. Það er ALDREI réttlætanlegt að hylma yfir barnaníðingum hvar svo í þjóðfélagsstiganum sem þeir standa. Ég veit ekki betur en að ÖLLUM borgurum þessa lands sé skylt að tilkynna barnaverndaryfirvöldum ef grunur leikur á að börn sé vanrækt eða hljóti illa meðferð. Af hverju ættu kirkjunnar menn að vera hafnir yfir lög? Blessuð þjóðkirkjan virðist stöðnuð aftur á viktoríutímum…halló það er árið 2010.

•   Halldór Lárusson // 21.8 2010 kl. 21:45

  Orð í tíma tölu. Takk Bjarni.

  Þegar Ólafur varð biskup gekk ég úr kirkjunni þar sem vinkona mín hafði lent í klóm hans og ég vissi hvern mann hann hafði að geyma. Síðan þá hef ég haft hreina óbeit á þessu fyrirbæri sem „þjóðkirkjan“ er. Þetta er ekki kirkja þjóðarinnar, meira svona stofnun sem bæði hnigin og spillt er orðin og á lítinn samhljóm með þjóðinni. Aldrei mun ég skíra né ferma börn mín í kirkjum ykkar, né láta jarðsetja mig af ykkur, einfaldlega vegna þess að í mínum huga hefur „þjóðkirkjan“ lítið sem ekkert með trú að gera og vil ég ekki gera börnum mínum það að alast upp við þá tvöfeldni sem kirkja ykkar stendur fyrir.

  Mér finnst þó að gefa ætti söfnuði ykkar tækifæri á að sanna ykkur og hljóta einhverja viðreisn, ég veit að meðal ykkar er prýðis fólk sem starfar af heilindum, eins og þú sjálfur. Það tækifæri á að gefa ykkur með því að aðskilja ríki og kirkju. Það er eina leiðin fyrir ykkur til að öðlast einhvern trúverðugleika og þá mun fyrst koma í ljós hvort einhverjir munu fylgja ykkur.

•   Jóna Ingibjörg Jónsdóttir // 21.8 2010 kl. 21:54

  Já, ég er ekki hissa á að skoðun Geirs hristi upp í þér. Flestu fólki er misboðið. Velferð barna okkar kemur fyrst. Punktur.

•   Ragnheiður Hilmarsdóttir // 21.8 2010 kl. 22:22

  Ég hef verið skelkuð yfir þessum orðum og sorgmædd. Kærar þakkir fyrir þennan pistil Bjarni.

•   Ólafur Reimar Gunnarsson // 21.8 2010 kl. 22:30

  Takk Bjarni. Orð í tíma töluð.

•   Stefán Þór Sigfinnsson // 21.8 2010 kl. 22:36

  Mikið ofboðslega er ég ánægður með þig núna Bjarni

•   Jóhann Björnsson // 21.8 2010 kl. 22:46

  Kærar þakkir fyrir þessi skrif.

•   Hannes // 21.8 2010 kl. 23:12

  Ég fæ ekki skilið ef guð sé til, að hann líði það að guðshús um allan heim séu uppfull af þessum sóðaskap og sálarmorðum.
  Mér finnst barnið mitt vera öruggara á netinu heldur en í kirkju. Svo einfalt er það

•   Balzac // 21.8 2010 kl. 23:15

  @Séra Bjarni Karlsson: ,,Trúðverðugleiki kirkjunnar sem varnarþings mennskunnar í veröldinni er í húfi …“

  Trúðverðugleiki kirkjunnar?

  Hvað er trúð verðugleiki?

•   Þorsteinn Úlfar Björnsson // 21.8 2010 kl. 23:15

  Ekki á ég nú beint von á því Séra Bjarni að þú verðir með vinsælli mönnum á næsta kirkjuþingi fyrir þessi skrif þín, eins hugrökk og þau eru.

  Og í tíma töluð. Þú ert greinilega hugrakkur maður.

•   Guðrún Ægisdóttir // 21.8 2010 kl. 23:35

  Bjarni, er eftirfarandi rétt eða rangt:
  „Þagnarskylda presta við sóknarbörn sín er algjör og þar er enginn millivegur til… .“
  Það ætti að vera auðvelt fyrir prest að svara því hvort sr. G.W. hefur rétt eða rangt fyrir sér í þessari fullyrðingu – þetta er kjarni málsins.

•   Hugz // 21.8 2010 kl. 23:40

  Er alls ekki sammála Geir Waage, barnaníð á ekki að þegja um og á að stöðva með öllum ráðum.

  Það breytir ekki því að þú ert sjálfur pópúlisti og pólitíkus og átt alls ekki að vera prestur.

•   hilmar // 22.8 2010 kl. 00:12

  Ekki það að ummæli Geirs séu nógu alvarleg, en málið er bara ekki alveg svona einfalt. Kirkjan er systematískt búin að einangra sig frá þjóðinni og raunveruleikanum.

  Það er komið að því og ekki lengur hjá komist:
  Kirkjan verður ekki lengur á framfæri ríkis og þar með hins almenna skattgreiðanda.
  Þessi aðskilnaður þarf að eiga sér stað hratt og örugglega..

•   hilmar // 22.8 2010 kl. 00:21

  Ekki það að ummæli Geirs séu ekki nógu alvarleg, átti það að vera.

•   Hugz // 22.8 2010 kl. 00:27

  Stjórnarskráin :
  62. grein
  Hin evangeliska lúterska kirkja skal vera þjóðkirkja á Íslandi, og skal ríkisvaldið að því leyti styðja hana og vernda.

  Breyta má þessu með lögum.

•   Solveig // 22.8 2010 kl. 00:50

  Langar að taka undir hvert orð hjá Halldóri Lárussyni, hef svipaða sögu að segja. Ekki það að ég hafi átt samleið með þjóðkirkjunni fram að því, var bara skráð þar án þess að vera spurð.
  Hvað varðar það sem Mattheus segir að Jesús hafi sagt, hugnast mér ekki. Skiptir sem sagt máli að smælinginn trúi á hann? Hvað með þá smælingja sem ekki trúa á hann, má tæla þá til falls? Hvað er annars að tæla til falls? Nauðgun? Sifjaspell? Túlkunaratriði hverju sinni? Og er ekki verið að hvetja til morðs þarna, að sökkva einhverjum í sjóinn með myllustein um hálsinn hlýtur að drepa hann. Stendur ekki einhvers staðar þú skalt ekki morð fremja? Kannski túlkunaratriði líka.

•   Balzac // 22.8 2010 kl. 00:53

  Jæja, þarna tókst séra Bjarna að leiðrétta ,,trúðverðugleikann“ svo lítið bar á.

  Það var nú gott.

  Næst eru það orðin: ,,Mig setur hljóðann.“

  Einkum það síðasta.

  Hinir skriftlærðu þurfa helst að kunna að skrifa.

•   Flóki // 22.8 2010 kl. 02:28

  Þvílíkt ofstæki. Dettur sr. Bjarna virkilega í hug að sr. Geir Waage styðji við barnaníðinga eða aðra ofbeldismenn? Ef þessi skrif eru ekki skrum og popúlismi veit ég ekki hvað. Skammastu þín sr. Bjarni!

•   Kristín harpa // 22.8 2010 kl. 02:34

  Er að sjálfsögðu sammála! Mig langar þó til að spyrja um eitt atriði í þessari grein þar sem þú segir e-ð á þessa leið: Presti ber að taka skírt fram við hvern þann sem vill trúa honum fyrir´unnu ódæði gagnvart börnum að trúnaður sé ekki virtur.. Er þá ekki þar með verið að gefa viðkomandi tækifæri á að sleppa fyrir horn?!? Í mínum huga er það jafnmikil þöggun eins og að virða trúnað við viðkomandi.!!! Barnið er jafn illa statt eftir sem áður. Hvers vegna þarf að taka þetta fram ef það er yfirlíst stefna kirkjunnar að slíkur trúnaður sé ekki virkur?

•   Ingólfur Harri // 22.8 2010 kl. 04:07

  Bjarni, ert þú ekki búinn að vita lengi um þessa afstöðu Geirs Waage?
  Það kom bersýnilega í ljós á aðalfundi prestafélagsins árið 2007, þegar heiðvirtir prestar vildu skerpa á tilkynningaskyldu í siðareglunum sínum, að hópur presta telur þagnarskyldu sína jafnvel mikilvægari en skyldu sína til þess að stöðva ólýsanlegar þjáningar barna.

  Þá skilst mér að meirihlutinn hafi dregið sína tillögu til baka, með þeim rökum að sjálfgefið væri að prestar þyrftu að fara eftir barnaverndarlögum.
  Þó var þeim öllum ljóst að þessi hópur telur sig ekki bundinn af landslögum.

  Eftir stendur að hópur presta þyggur laun sín frá Ríkinu, en telur sig um leið hafinn yfir lög ríkisins.
  Ef þeir tilheyrðu einhverju öðru trúfélagi að þá væru þeir kallaðir hættulegir trúarofstækismenn, en í Þjóðkirkjunni er co’að með þeim.

  „Evil will prevail when good men do nothing“

•   Hermundur Sigurðsson // 22.8 2010 kl. 08:09

  Ég sagði mig úr Þjóðkirkjunni fyrir ca 12 árum, þegar að upp komst um níðingsverk Ólafs og Kirkjan þaggaði það niður.
  Fyrir utan það finnst mér að ekki eigi að blanda saman stjórnmálum og trúarbrögðum.
  Hér er linkur fyrir þá sem vilja segja sig úr Þjóðkirkjunni.
  Úrsögn: http://www.fmr.is/pages/1017

•   Bjarni Karlsson // 22.8 2010 kl. 09:22

  Jæja, gott fólk. Ég þakka viðbrögðin jafnt ljúf sem leið. Gott að fá smá stafsetningarkennslu. Hugtakið „trúð-verðugleiki“ er samt e.t.v. ekki svo slæmt og gæti átt vel við umræðuna og ljóst er að sumum sem hér svara finnst að ég sé hlaðinn slíkum verðleikum. Það er óhjákvæmilegt og sjálfsagt að taka við því. Ég reyni að hlusta með innri eyrunum jafnt á lof og last einmitt með þetta í huganum með trúð-verðugleikann. Ég kemst hreint ekki til þess að svara öllu því sem hér er sett fram, og sjálfur hef ég svo sem ekki svör við öllu þótt ég ibbi gogg. En hér hefur s.s. komið fram sú grundvallar afstaða mín sem ég stend á vegna samvisku minnar að það sé ólíðandi að prestur í kirkjunni sé ekki fyrst og síðast bundinn trúnaðinum við barnið. Kristin trú er í innsta eðli sínu það að lúta barninu. Þess vegna höldum við jól og skírum óvita. Sannleikurinn er svo vitanlega sá að í öllu starfi Kirkjunnar er þetta algerlega á hreinu og ef einhversstaðar er vakað yfir þessum málum af umhyggju og grimmd þá veit ég að það er innan Kirkjunnar. Það sem Geir Waage gerir með framgöngu sinni er að ögra þeim grundvallartrúnaði sem Kirkjan á við samfélagið og mér er slétt sama þótt einhverjum þyki það ofstæki og skoðanakúgun að vilja stilla honum upp við vegg með þeim hætti sem ég geri. Ég þekki allt of vel aðferðir barnaníðinga við að nálgast fórnarlömb sín og afleiðingar gjörða þeirra til þess að ég geti þolað staðhæfingar Geirs og sett þær við hlið almennra skoðana. Ég vil að hann verði áminntur í starfi og krafinn um breytta afstöðu opinberlega. Verði hann ekki við því á hann ekki heima í prestastétt. Þetta er ekki harkaleg afstaða heldur afdráttarlaus samstaða með börnum og öryggi þeirra.

•   Kolbrún Baldursdóttir // 22.8 2010 kl. 09:44

  Sæll Bjarni. Ég tel að Geir Waage skaði stétt ykkar með þessari afstöðu sinni. Hvað vitum við um nema fleiri af hans kynslóð séu sama sinnis? Geir hótar í raun að brjóta lög með því að taka þagnarskyldu fram yfir tilkynningarskyldu og er það háalvarlegt mál. Biskup þyrfti að taka hann á teppið og veit honum áminningu í það minnsta. En það mun biskup ekki gera. Hans þáttur í máli Ólafs Skúlasonar er rannsóknarefni. Ekki er betur séð en hann og e.t.v. einhverjir fleiri hafi leynt upplýsingum um meint glæpsamlegt athæfi á hendur a.m.k. tveimur konum.

  Eins ágætur og biskup er, góður og hlýlegur maður, þá er það mitt mat að hann ætti að íhuga afsögn vegna þessa máls. Hvort heldur það er biskup eða sálfræðingar ef því er að skipta þá stöndum við endrum og sinnum fram fyrir málum sem við vitum ekki hvernig við eigum að bregðast við. Hvað gerum við þá? Jú við leitum leiðsagnar hjá öðrum sem vita og kunna betur á því sviði sem um ræðir.

  Þegar þessi bréf bárust biskupi bar honum að leita leiðsagna. Hann hefði getað hitt að máli fulltrúa frá Barnahúsi, Barnaverndarnefnd eða Stígamótum og sagt einfaldlega. „Við hér innan kirkjunnar stöndum nú frammi fyrir máli sem kirkjan hefur ekki enn mótað farveg til að taka á. Hvernig snúum við okkur í þessu?“

  Með því að gera þetta hefði hann fengið leiðbeiningu um hvert hann gæti vísað þessu máli. Í stað þess var hugsað „kirkjan hefur ekki mótað sér stefnu eða tekið ákvörðun um hvernig svona mál skulu afgreidd, best að setja þetta bara ofan í skúffu“.

  Í ljósi þess hversu alvarlegt mál Ólafs Skúlasonar er og hversu miklar þjáningar þöggun hefur leitt yfir konurnar og þeirra fjölskyldur ber biskupi að axla ábyrg sem yfirmaður kirkjunnar. Hann brást þessu fólki og ekkert sem er gert nú getur bætt fyrir það. Þess vegna hefði ég haldið að hann, til að geta lifað með þetta, myndi vilja segja af sér embætti.

•   Villa Ölvers // 22.8 2010 kl. 11:56

  Heill og sæll.
  Takk fyrir að vera til Bjarni….við þurfum fleira Bjarna inn í prestastéttina með góða skrúbba og skúringarskjólur ….þá færi fólk að trúa á hið góða.
  Takk takk takk.
  Kærleikskveðjur

•   Sveinn Guðmundsson // 22.8 2010 kl. 11:58

  Heilbrigði barna og velferð er frumafl þess að við öll komust til manns. Ekkert fær því breytt. Það ætti að vera hafið yfir alla vafa. Ummæli sr. Geirs Waage er hans sannfæring um stöðu sína sem sálusorgara. Hversu sorgleg sem hún er þá er þetta hans sannfæring. Þó ég sé sammála sr. Bjarna í öllum atriðum er varðar heilbrigði barnssálarinnar og líkama, þá finnst mér framsetning hans sem kirkjunnar manns, ætti vera sett fram af meiri yfirvegun varðandi „Geirfuglinn“.

•   Olga Sveinbjörnsdóttir // 22.8 2010 kl. 12:11

  Sæll Bjarni og kærar þakkir fyrir þitt framlag í þessa umræðu.
  Ég hef lengi verið hlynnt hugmyndinni um aðskilnað ríkis og kirkju en nú er svo komið að maður hefur endanlega misst trúna á yfirstjórn kirkjunnar á Íslandi og að henni sé treystandi fyrir málefnum kirkjunnar. Þetta mál hefur orðið til þess að maður verður að vona að dómsmálaráðherra taki af skarið og veiti þessum þjónum kirkjunnar ráðningu sem telji að kirkjan þurfi ekki að fara að landslögum.
  Hvert er kirkjan eiginlega komin? Maður hefur á tilfinningunni að ríkjandi hugsunarháttur innan hennar sé kominn aftur fyrir siðaskipti 1550. ´
  Eg veit ekki betur en að ein af meiginástæðum siðaskipta hafi einmitt verið aflögn á skriftum milli prests og sóknarbarna! Hver maður á að gera upp sína samvisku við sinn Guð en ekki við prestinn. Ég sé ekki betur en að Séra Geir eigi heima í kaþólsku kirkjunni.
  Kirkjan á Íslandi þarf svo sannarlega að gangast undir mikla hreinsun.

•   Hrefna // 22.8 2010 kl. 12:47

  Mér brá að heyra það sem Waage hafði fram að færa í útvarpsfréttum í vikunni. Ég var líka hissa að þetta var fyrsta fréttin, kom út eins og skilaboð frá kirkjunni. Skelfilegt að Waage hilmi yfir með ódæðisfólki. Ég er mjög ánægð með þig Bjarni, hlusta á það sem þú hefur fram að færa og finnst þú ná kjarnanum í því sem mestu skiptir í trúnni. Þetta snýst um kærleika og samfélag mannanna. Þú ert hugrakkur og réttsýnn og ég vildi að þú værir minn prestur, en ég tilheyri annarri sókn. Ég er gamaldags að því leiti að ég vil hafa þjóðkirkju, kannski af vana. Því finnst mér einmitt að það þurfi að taka á Waage. Þjóðkirkja má ekki láta þetta vera skilaboð sem eru boðleg þjóðinni. Óska þér velfarnaðar innan kirkjunnar og í pólitíkinni.

•   Sturla // 22.8 2010 kl. 12:49

  Mér finnst fólk vera fljótt að dæma Geir og hampa Bjarna.
  Trúnaður við skjólstæðinga er, eins og Geir sagði, allur eða enginn. Hvar á að setja mörkin? Eru það bara barnaníð sem á að segja frá? Hvað með aðra sem ekki geta borið hönd yfir höfuð sér – er í lagi að níðast á þeim? Það er semsagt í lagi að þegja yfir morði, nauðgun fullorðinna, níði á dýrum og öðrum ásættanlegum verkum vondra manna og kvenna.
  Kirkjan þarf að hugsa þetta mál lengra og taka ákvörðun um það hvort trúnaður eigi að vera milli presta og sóknarbarna yfirleitt. Lausnin er ekki að reka einn prest af því hann segir sína skoðun á mjög svo viðkvæmu máli. Ef það verður gert þá mun það loka fyrir umræður og kirkjan getur farið sínu fram í friði. Amen

•   Ingólfur Harri // 22.8 2010 kl. 12:52

  Þeir hérna sem reyna að verja afstöðu Geirs Waage vil ég spyrja hvað þeir telji að gera ætti við kennara, lækni eða jafnvel lögreglumann, sem lýsir því yfir að hann sé í starfi sínu hafinn yfir landslög, og muni brjóta þau við ákveðnar aðstæður?
  Er í lagi að kennari berji óþekka nemendur af því hann trúi enn á þau gömlu kennslufræði? Auðvitað ekki.

  Það eru margar starfsstéttir sem eru bundnar þagnarskyldu. En hjá öllum fagstéttum er sú undantekning að ef lífi eða heilsu einhvers er hætta búin að því sem skjólstæðingurinn ætlar eða er að gera, að þá ber þeim að tilkynna það.

  Ef prestar ætla ekki að virða þessa undantekningu og eru tilbúnir að þeygja um þjáningu saklausra manneskja, að þá er endanlega komin ástæðan til þess að skera þessa Þjóðkirkju frá ríkisspenanaum.

•   ubs // 22.8 2010 kl. 13:29

  Ef mor’ðinginn úr Hafnarfirði um daginn kæmi til prests og játaði fyrir honum gjörninginn. Hvað á prestur þá að gera? Steinþegja? Samkvæmt Geir á hann að gera það. En enginn siðaður maður getur að mínu áliti hylmt yfir alvarlegum glæpum.

•   Ingólfur Harri // 22.8 2010 kl. 14:14

  usb,
  Látum það vera þó prestur segi ekki til morðingja. Þar allavega er það of seint að koma í veg fyrir morðið.
  En að standa aðgerðalaus hjá t.d. á meðan faðir eyðileggur kerfisbundið æsku dóttir sinnar, það er hreinlega ófyrirgefanlegt.

•   Húsari. // 22.8 2010 kl. 17:44

  Þér, sr. Bjarni Karlsson, hafið misskilið
  grundvallarþátt þagnarskyldunnar sem er
  að ná til allra, morðingja, níðinga; allra.

  Vitandi vits eða fyrir fákænsku sakir látið þér
  svo að innan þagnarskyldunnar fái þjónar
  Krists í engu aðhafst.

  Hvernig verjið þér það fyrir samvisku yðar gagnvart
  Guði og mönnum að skrif yðar verði til þess að menn leiti
  ekki til kirkjunnar um sálusorgun og skriftir, að hið illa nái
  óheft framgangi sínum?

•   Sigmundur Guðmundsson stærðfræðingur // 22.8 2010 kl. 18:41

  Konur kirkjunnar ættu að sameinast og berjast gegn þeim öflum
  sem reyna að þagga niður þessa alvarlegu hluti.

  Það er ljóst að núverandi biskup er hluti vandans

  http://www.vantru.is/2010/08/20/12.00/#comments

  Annað hvort getur hann ekki eða vill ekki takast á við þetta mál.

•   Kolbrún Baldursdóttir // 22.8 2010 kl. 18:56

  Bjarni, þú tipplar helst til of mikið í kringum biskup ef marka má það sem haft er eftir þér í fréttum. Hann, Karl, var í lykilstöðu til að taka á málum er viðkom Ó.S. sem yfirmaður kirkjunnar þegar bréf G.E. og bréf organistans bárust, en kaus að gera ekki.

•   Sigmundur Guðmundsson stærðfræðingur // 22.8 2010 kl. 20:17

  Kolbrún við skulum ekki gleyma þeim þætti Karls sem hér er lýst

  http://www.vantru.is/2010/08/20/12.00/#comments

  Það er augljóst að biskupinn er hluti vandans. Það skýrir kannski hegðun
  hans. Annað hvort getur hann ekki eða vill ekki taka á málinu.

  Því er það hlutverk Bjarna og annarra velþenkjandi innan ríkiskirkjunnar að sameinast og taka í taumana í því uppgjöri sem augljóslega er framundan.

  Konur í prestastétt hafa hér sérstöku hlutverki að gegna. Alltof lítið hefur heyrst í þeim hingað til. Varla er það heilbrigðismerki.

  Gagnrýnin hugsun er það sem spilltar stofnanir óttast allra mest.
  *********************************************************

•   Heiða // 22.8 2010 kl. 20:57

  Séra Bjarni Karlsson er presturinn sem opinberlega lýsti því yfir að hann langaði að beita mann líkamlegu ofbeldi. Séra Bjarni Karlsson hljóp í fjölmiðla til að segja frá því, að hann presturinn, hefði löngun til að berja Brynjar Níelsson formann Lögmannafélagsins fyrir skoðanir sínar. Séra Bjarni Karlsson er ekki umburðarlyndur maður hann virðist ofbeldishneigður í meira lagi og ofstækisfullur að auki. Nú heldur hann uppi kröfu um að kollegi hans sé rekinn fyrir skoðanir sínar. Séra Bjarni Karlsson mun víst ekki oft predika þá blessun sem því fylgir að fólk sýni öðru fólki umburðarlyndi, nema hræsnin ríði ekki við einteiming hjá séra Bjarna. Það væri fróðlegt að fara í laugarneskirkju og heyra hvaða æsing og ofstæki presturinn þar fóðrar sókn sína á.

•   Hallgerður langbrók // 22.8 2010 kl. 21:37

  Takk fyrir karlmennskuna.

  Biskupinn fer mikin þessa dagana. Tekur ekki ábyrgð. Dæmir sig sig sjálfur. Ekki þurfum við að kalla til þess guð eða menn.

•   Ingólfur Harri // 22.8 2010 kl. 22:06

  Heiða, það er enginn að tala um að reka Séra Waage fyrir skoðanir hans.

  Séra Geir Waage, sem þyggur laun sín frá ríkinu, lýsti því yfir að hann mundi ekki fara eftir landslögum í starfi sínu sem prestur Þjóðkirkjunnar.
  Ekki nóg með það, hann lýsti því yfir að hann mundi frekar láta saklaus börn líða níðingsverk, en að hlýta þeim lögum sem allir aðrir þegnar þjóðfélagsins þurfa að fylgja.

  Þetta er ekki skoðun, þetta er ómennska og einbeittur brotavilji.

  En þú velur að verja það, ráðast á Séra Bjarna og saka hann um ofstæki.

•   Sigurjón Guðmundsson // 22.8 2010 kl. 23:53

  Þetta er náttúrulega út í hött hjá séra Geir Waage og vitaskuld eru menn reiðir. Menn hafa talað hér að ofan um þá staðreynd að hugsanlega segi menn sig úr þjóðkirkjunni sem virðist loga vegna skoðanaágreinings. Ég tel afstaða Geirs Waage sýna enn frekar að hann er íhaldssamur klerkur og fer fyrir þeim armi innan þjóðkirkjunnar.

  Hinum megin á línunni eru þið hjónin svífandi á einhverju undarlegu skýi. Hvert eruð þið að reyna að fara með kirkjuna okkar? Ég tek fast til orða og segi að þjóðkirkjan logi vegna skoðanaágreinings og þá á ég við þetta mál og einnig afstöðu ykkar klerkanna vegna nýju hjúskaparlaganna. Þið hjónin farið fyrir armi innan kirkjunnar sem ætlar að breyta orði lifanda Guðs eftir því hvað hentar hverju sinni. Það er engu líkara en að þið séuð að horfa á tískustrauma nútímasamfélags veðurberja sjálfa Biblíuna. Hún er skýr og því spyr ég hvar sérð þú stuðning í henni við skoðun þinni á hjúskaparlögunum nýju? Hvar sér hið íslenska Biblíufélag standa í henni að þeir hafi umbun til að breyta orðinu? Þeir hafa afmáð stóra og sterka texta úr henni í nýju þýðnigunni og ættu að skammast sín.

  Því tel ég að þú ættir að skammast þín fyrir að ýta undir undanrennuboðskap í stað þess að fara eftir orði almáttugs Guðs. Þú ert að fá fjölda fylgismanna með þér og án efa mun fólk taka sér bessaleyfi og kalla mig fordómafullan, íhaldssaman og jafnvel líkja mér við Geir Waage. Allt kemur fyrir ekki. Þú ert kirkjunni til skammar og ættir að taka af þér hempuna ef þú ætlar að halda áfram að boða einhvern boðskap sem á ekkert skylt við Kristnina sem er að finna í orði Guðs.

•   Heiða // 23.8 2010 kl. 20:52

  Ingólfur Harri ég veit ekki hvaða skilning þú leggur í orðið „ofstæki“ en hvaða orð viltu þá nota yfir séra Bjarna Karlsson sem lýsir því yfir að hann langi að berja saklaust og heiðarlegt fólk ? Eigum við heldur að nota orðið „ofstopamaður“ um séra Bjarna ?

•   Ingólfur Harri // 24.8 2010 kl. 01:01

  Ég veit það ekki Heiða. Hefur þig aldrei langað til þess að lemja neinn?

  Ég man ekki eftir þessari færslu hjá Bjarna ef ég hef þá séð hana, en það er langur vegur frá því að langa til að gera eitthvað og svo að láta undan lönguninni.

  Geir Waage sagði ekki að hann langi til þess að hylma yfir barnaníðingum og brjóta landslög. Hann sagði að hann myndi gera það undantekningalaust.

•   Eiður Alfreðsson // 25.8 2010 kl. 13:13

  Sæll séra Bjarni.

  Það er hressandi að sjá presta tala skýrt. Hafðu þakkir fyrir það.

  Þú ert samt undarlega þögull um biskupinn þinn (núverandi) og hefur hann þó orðið uppvís um að gera það sem þú skammar sjera Waage fyrir að ætla sér, þ.e. að hylma yfir alvarlegum glæp.

  Þú getur áreiðanlega hártogað þetta – það er nú einu sinni sérgrein presta – en ef þú ert samkvæmur sjálfum þér, þá hlýtur þú að lýsa því yfir opinberlega að biskupinn og aðrir sem komu að Ólafsmáli á sínum tíma verði að segja af sér.

  Bestu kveðjur.

  Eiður

•   Harpa Hreinsdóttir // 25.8 2010 kl. 14:09

  Ég tek undir orð Eiðs hér að ofan.

•   Kári H. Sveinbjörnsson // 26.8 2010 kl. 05:10

  Er þetta kristinn söfnuður sem hér er að tjá sig, eða bloggdruslur sem allt út sóða sem þú ert að draga að þér. Þekki hér eina verstu bloggdrusluna er kallar sig Jenný Baldursdóttur. Þessi síða þin er uppfull af bloggsóðum en fátt um gott fólk að ræða málin. Þú safnar að þér slíkum druslum.

•   Harpa Hreinsdóttir // 27.8 2010 kl. 11:28

  Það þyrfti kannski að taka sérstaklega fram á blogginu ef það er einungis ætlað „kristnum söfnuði“. Eða loka því fyrir öðrum en fólki af tæi Kára.

Rita ummæli