Það er boltaleikur í sjónvarpinu, mikið skelfing þykir mér það óáhugavert efni. Skipulagðar íþróttir ná fæstar að kveikja í mér, þótt sumar hafi auðvitað skemmtigildi fyrir óinnvígða, t.d. krulla og ganga (Ólympíugrein sem snýst um að rykkjast áfram á sérkennilega vanþokkafullan hátt).
Ég er ekki alltaf í boltanum. Í gær stofnaði ég fésbókarhóp um nærbuxur. Áðan borðaði ég skyr í sturtu. Hvorugt hafði ég áður prófað.
Ef þið ætlið að taka þátt í þessari könnun, munið þá að skrifa „Íslendingar“. Og passið ykkur á myrkrinu í rembunni.
Að lokum mæli ég með því að þið segið Hannes Valur þrisvar sinnum í röð.
Elísabet Arnardóttir
Ummæli (3)
Guðlaug Hestnes // 13.1 2010 kl. 22:43
Já hann er svalur þessi Hannes!
Kristín í París // 14.1 2010 kl. 08:31
Ég fór að tilmælum þínum og svaraði rétt. En… skyr í sturtu, var einhver að flýta sér eða var þetta tilraun til að einfalda líf sitt eða…?
baun // 14.1 2010 kl. 13:15
Ég fór hrikalega hungruð í sturtu og kallaði á skyr og þá bara fékk ég skyr. Merkilegt hvað óskir manns geta ræst.
Rita ummæli