Það er rétt hjá Lilju Mósesdóttur. Það er sanngirnishalli í Þjóðfélaginu. Réttlætinu er áfátt. Þeir sem sem áttu sitt í íbúðarhúsnæði sínu voru rændir í hruninu (eins og svo margir aðrir). Mikilvægt skref til réttlætis er að öll lán með veði í íbúðarhúsnæði verði skrúfuð niður um 15-20%. Rök þeirra sem þetta mæla eru sanngirnisrök. Þessi aðgerð þarf ekki síst að ná til þeirra sem fjárfestu af skynsemi í eigin íbúðarhúsnæði og hafa staðið í skilum. Og ræningjana þarf að elta uppi og gera þá að betri mönnum. Það á ekki að líða það að þeir flækist um á lúxsusbílum og búi í glæsivillum. Það er hins vegar gott í öllu fólki. Þeir gætu orðið góðir bakarar og slökkviliðsmenn (með fullri virðingu fyrir þeim stéttum) svo vísað sé í Kardimommubæinn.
Baldur Kristjánssonmannréttindi og siðfræði
Höfundur
Baldur KristjánssonHöfundur er með Th.M gráðu í guðfræði með aðaláherslu á siðfræði frá Harvard University. Er B.A. í Þjóðfélagsfræðum frá H.Í. og hefur leiðsögumannspróf frá EHÍ. Höfundur er sóknarprestur í Ölfusi, kirkjuþingsmaður og sérfræðingur í ECRI skipaður af íslenskum stjórnvöldum. Hefur haldið úti vefsíðu frá 2001.
Aðeins athugasemdir sem bæta einhverju gagnlegu við færsluna samþykktar.-
Kaupmáttur launa hefur lækkað um ca 9% frá hruni. Er 9% því ekki réttlátari tala en 15-20%?
Annars er þessi flata „leiðréttingarleið“(ekki leiðrétting heldur í raun tilfærsla) náskyld broðmolakenningunni. Stuðningsmenn þessarar leiðar vilja gefa auðmönnum skuldaleiðréttingu svo þeir geti drifið áfram hagkerfið og ráðið fleiri í vinnu. Þessi leið var reynd á árunum fyrir hrun og sjáðu hvar við erum stödd!
Einnig leiðir þessi leið til verðbólgu sem hækkar aftur húsnæðislán, lækkar laun, hækkar vexti og eykur útgjöld ríkisins. Þeir sem fá enga leiðréttingu eins og fólk sem þyggur greiðslur frá ríkissjóði þeir sitja eftir og borga brúsann.
Það á að nota það takmarkaða fjármagn sem er til staðar til að hjálpa þeim sem eru í vandræðum en ekki að reyna að gangsetja skipbrota hugmyndir um ókeypis fjármagns sem beið skipbrot í október 2008.
Það er eitthvað bogið við þetta. Almenn niðurfelling fasteignaskulda um t.d. 25% skilar mestum upphæðum til þeirra sem skulda mest. Og skilpir þá engu hvort menn standa í skilum eða ekki. Síðan er það réttlætið hennar Lilju; hópur manna skuldar ákv. upphæð og segjum 10 milljónir að meðaltali á mann. Og nú kemur réttlætið; það er miklu léttara ef allir skattgreiðendur sameinast um að greiða þessar skuldir. Það yrði greiðslan 1.3 milljónir á mann. Vegna þess að hagkerfið hrundi þá á meðalJón að borga skuldir fyrir aðra hvort sem hann sjálfur skuldar ekki neitt eða hefur borgað allar sínar fasteignaskuldir. Guð hjálpi okkur ef þetta er réttlætið! Hins vegar er aðveg ljóst að verðtryggingarkerfið er stórhættulegt og getur aðeins gengið ef vöxtur raunlauna er hærri en hækkun vísitölu neysluverð. Hrun krónunnar sá hins vegar til þess að raunlaun eru í lægstu læðum en auðvitað hjá öllum. Afkoma útgerðarfyrirtækja og laun sjómanna eru háð fiskverði í erlendum myntum.
Hver á að borga 200 milljarðana sem það kostar?
Sæll Baldur. Lilja veit alveg hvað hún syngur varðandi óréttlætið. Hingað til hafa leiðréttingar bankana að mestu farið í annars vegar, að afskrifa þegar glataðar kröfur einsaklinga sem áttu því sem næst ekkert í húsnæði sínu fyrir hrun, og hins vegar að bæta þeim einstaklingum sem áttu ( meira en nóg) og höfðu efni á að fjárfesta í áhættusjóðum. Þeim var bættur skaðinn. Ég sem tók erlent lán vegna nýsköpunarverkefnis verð að taka skellinn enda tryggt veð á bak við það lán.
Baldur, það sem stjórnvöld vrða að hundskast til að skilja; er að það hefur hrikalegt óréttlæti átt sér stað sem fólk sættir sig aldrei við… Verkefni ríkisstjórnarinnar er því að leiðrétta misréttið hvernig sem hún fer að því… þá er mér nákvæmlega hvort eitthvert svigrúm er fyrir hendi… kemur málinu bara ekkert við.
Svo mæli ég með því gert verði áhaup á íslands- og Aronbanka og felli þá. Fólk taki allt sitt þar út og fer í Landsbankann, hann er jú okkar banki en ekki hrægammarsjóða.
Þú gleimir því að þeir gætu líka orðið prestar. Reinsla þeirra af prettum ætti að gagnast vel í að selja mönnum Himnaríki og eilíft líf hjá norræni velferðastjórn eins og þú prétikar svo oft
Er það líka „mikilvægt skref til réttlætis“ að lækka lánin hjá mönnum eins og mér sem hafa alltaf gætt þess að kaupa húsnæði þegar það er ódýrt, selja það þegar það er dýrt og taka lán aðeins þegar það er hagstætt (eins og núna)?
Flatur niðurskurður getur aldrei orðið réttlátur. Ég held að neyðarlögin sem tryggðu allar bankabókarinnistæður íslenskra þegna hafi verið sett vegna þess að meirihluti þingmanna átti nokkra upphæð inni á bankabókum. Mig grunar að þingmenn sem leggja fram svona tillögur um flatan niðurskurð skulda í boði skattgreiðenda eigi nokkrar skuldir sjálfir.
Hins vegar er lyklatillaga Lilju ágæt og ætti að setja hana í lög til frambúðar en ekki aðeins til 4ra ára eins og BB vill. Bankarnir sem settu af stað 100% íbúðarlán 2004 eiga mikla sök í vandamálum heimilanna. Þessi lán leiddu til þess að íbúðarverð hækkaði 100% fram yfir byggingarkostnað. Þetta vissu bankarnir og höfðu þeir undirúið þessa árás í 2 ár í þessum tilgangi. Lyklatillagan gengur út á að íbúðareigandi getur skilað íbúðinni til viðkomandi lánastofnunar hækki veðlánin umfram íbúðarverðið og losnar þannig við allar skuldir. Hann getur þá byrjað upp á nýtt skuldlaus. Bankana vantar þetta aðhald.
Sanngirnin í þessari leið felst í því að við berum öll kostnað af hruninu, að þyngri byrðar verði ekki lagðar á þá sem eru með húsnæðislán. Þeir frömdu enga glæpi sem gera það að verkum að þeir eigi skilið að borga meira en aðrir. Þess vegna er réttlátt að þetta sé greitt úr sameiginlegum sjóðum. Ef við þurfum hærri skatta til að fjármagna dæmið þá verður svo að vera, þeir falla nokkuð jafnt á alla og eru því sanngjarnir. Þannig dreifum við kostnaðinum af hruninu á sanngjarnan hátt.
Og varðandi það að þeir sem skulda meira fái meira niðurfellt í þessari leið, það er líka sanngjarnt. Því þeir hafa tekið á sig meiri hækkun (í krónutölu) en aðrir og fá því meira leiðrétt.
Það er engir prestar í Kardimommibænum Gísli! (enda er allt í góðu þar). Kv. B
Takk Baldur fyrir að þora að ganga gegn boðorðum frú Jóhönnu.
Það þarf dug og það þarf þor til þess.
Í mínu hjarta gleðst ég innilega yfir því að nú sé það ljóst
að það finnist, þrátt fyrir allt, amk. einn sanngjarn maður
í Samfylkingunni. Lengi lifi Baldur, því einn er betri en enginn.
Með hryggð í hjarta segi ég hins vegar, sem gamall jafnaðarmaður
að Samfylkingunni er sama um mig
og líka þig
Baldur
og eiginlega alla nema þá sem fylgja boðorðum frú Jóhönnu
og hlaða þar undir sig í dansi með faríseum og tollheimtumönnum.
Hún mætti lesa sér til og kynna sér betur orð og boðun jafnaðarmannsins,
Jesú Krists.
Geturðu ekki Baldur gefið henni eitt stykki nýja testamenti?
Hún virðist aldrei hafa lesið það, eða þá ekki skilið.
Ísköld leiðindar staðreynd: Það er ekki við jafnrétti eða sanngirni að búast eftir hrun, þess vegna heitir það hrun!
Hrunið okkar er að stórum hluta sálrænt en margir voru ofurskuldsettir löngu fyrir hrun, margir græddu óvart á hruninu, seldu eignir á okurverði sem við hin sem bjuggum ekki svo vel greiðum í dag og næstu ár. Nenni ekki að tala um þá sem voru búnir að landa ógeðslegum gróða fyrir hrun og geymdu á innlánsreikningum í bönkum og ónýtum sparisjóðum.
Ef þessi blessaða norræna velferðarstjórn ætlaði að gera eitthvað af viti þá væri það til dæmis að senda þjóðinni Landsbankann heim, þ.e. hlutabréf í bankanum sem er örugglega nálægt 237ma virði – sem er álíka eins og krafan frá félaginu hans Marínós Njálssonar og málið dautt, en hvað veit ég.
Og svo legg ég til að Excel nördum með hagfræðipróf verið bannað að fjalla um hrunið, ástandið í þjóðfélaginu og skuldir heimilanna STRAX.
Guð hjálpi þér Pétur Páll og taktu nú postullegri kveðju um að örvilnast ekki.
Gjör nú héðan í frá rétt og þol ei órétt
og virtu það að allir vildu Lilju kveðið hafa … þá örvilnan af þeim bráði.
Bið ég svo séra Baldur um að færa Pétri Páli, sem frú Jóhönnu, Nýja Testamenti
sem leiðarljós til Nýja Íslands,
svo þau sem villuráfandi sauðir megi komast úr sinni holtaþoku og mýrarljósum.
Skoðið Uppgreiðsluleiðina:
http://thorsteinnhelgi.blog.is/blog/thorsteinnhelgi/entry/1220407/
Daginn!
Oftast er ég nú sammála þér Baldur, en ekki núna!
Vera má að meira tilefni sé nú en við fyrri verðbólguskot að fara í einhverskonar skuldaniðurfærslu,- eða öllu heldur skulatilfærslu. En „ræningjarnir“ sem þú nefnir, þ.e. þeir sem hafa tekið yfir hugsanlegan eignahlut fólks í íbúðarhúsnæði, eru ekki einhverjir útrásarvíkingar, allavega ekki í mínu tilfelli, heldur Lífeyrissjóðurinn minn og íbúðarlánasjóðurinn (minn!).
Ég tel mig hinsvegar ekki eiga neinn sérsstakan rétt á skuldaniðurfærslu gagnvart þessum sjóður, þeir lánuðu mér gegn því að ég myndi taka á mig verðbólguskot framtíðarinnar og það hef ég gert nú sem fyrr.
Meðan við kjósum yfir okkur þetta krónu-hagkerfi, og þá stjórnmálaflokka sem því halda til streytu, þá verðum við einfaldlega að taka á okkur gallana við kerfið líka, ekki bara kostina. Ég veit líka að á næstu árum mun íbúðaverð hækka talsvert einfaldlega vegna þess að byggingakostnaður er mun meiri en íbúðaverð gefur tilefni til, og þá munu margir fá talsverðan hluta að eignahlut sínum til baka.
Ps. svo vitum við báðir hver endanlega lausnin við gengisfellingum og verðbólguskotum framtíðarinnar er.
Menn sem þekkja til mannréttindabaráttu
og nálgast hlutina á siðrænan hátt
hljóta og geta ekki annað en tekið undir
með Lilju.
Það sjá allir sanngjarnir og réttlátir menn.